السلام عليكم ورحمه الله وبركاته



كالعاده لازم يكون العنوان مشوق عشان تدخلون
وطبعا مو متوقعين ان الموضوع يتكلم عن








امـــــــــــــــــــــي


انا باقولكم سالفتها وانتو ردو
قد شفتو ام زي كذا والا لا؟؟؟؟

بس ياويله اللي يدخل ولا يرد


امي يا طويلين العمر ومحفوضين السلامه

والا اقولكم لازم اعرف عن نفسي اول
انا وحده متخرجه من الثانويه هالسنه
وبنسبه96.87%>>>>>احم احم

نرجع لامي
امي من اول ابتدائي وهي تشجعني على الدراسه
وتذاكرلي و و و
الين جت الثانويه

وهي باقي تشجعني و تساعدني

ويوم جا ثالث
تمت على حالها تشجعني و تساعدني بس زاد تشجيعها شوي <<<<<<<<لعنبو صارت مباراه

المهم
ويوم نجحت بغت تصيح من الفرحه
ويوم جيت اسجل بالكليات
معاي والمشكله ساعدتني يوم جيت اختار التخصص
وكل الكليات اللي سجلت فيها قبلتني>>>>>كلهم ثنتين

الين امس يوم جا وقت تسليم الاوراق
صحيت الصبح مستانسه
و تجهزت خلاص بروح الكليه ما بقى الا العباه
قلت لها يمه بتروحين معاي


قامت تصيح وتقول اذا رحتي لا انتي بنتي ولا اعرفك ولا تعرفيني
لا لا طيب ليه؟؟؟
الكليه فساد وقله ادب وبنات داشرات

قولي كلام غير ذا
لا


وقعدت والتطعت بالبيت حالي حال اللي جايبين 60 و 50%
وانتهت حكايه معاناتي
انا مو حار قلبي وفاقع مرارتي الا التشجيع
ليه طيب؟؟؟؟؟

بذمتكم قد شفتو ام زي كذا؟؟؟؟؟

هلا فيك اختي سارونه
أمك يا ساره ما رفضت إنك تدخلين الجامعه إلا بعد ما سمعت ما يشيب له الراس من طالبات الكليات ، وهي كأم من حقها إنها تخاف عليك.
إنتي وضحي لها الموضوع وأن الثانويه والمتوسطه مثل الجامعه ، وبكل مكان فيه الصديقه الصالحه والصديقه السيئه ، لكن من اللي يختار الصديق الصالح؟
ناقشيها بالموضوع وإن شاء الله راح توافق
بالتوفيق ان شاء الله

محجوز

---------------------------

عدنا

وعليكم السلام ورحمة الله وبركاته

أول شيء الله يخليها لك

وتأكدي أنها ما تصرفت كذا إلا من زود الحرص وهذا كلام ما فيه جدل ولا يختلف عليه اثنين

أكيد إنها سامعة عن بنات الكليات شيء

وهي والله ما تنلام بحكم إني طالبة في الكلية وأشوف أشياء وربي تخليك تكرهين العلم وسنينه

فرفضها ما جا من فراغ ..

الحين جا دورك وما يخالف لو فاتتك سنة واحتسبيها لله وربي أكيد بـ يعوضك

المهم إنك تجلسين مع أمك وتسألينها ليش وش هي سامعة

وبعدين حاولي تقنعينها إن تربيتها لك ما راح تضيع وانك راح تحافظين عليها

وما راح يغيرك شيء لا كلية ولا بنات ولا هم يحزنون

ولو ما قدرتي كلمي الوالد أو آي أحد يمون عليها وتقتنع بوجهة نظره ..

ولا أوصيك باللطف واللين لا تحاولين تشدين معها لآن كل أمورك بعد كذا راح تشين << من زين الاسلوب ..!


والله يوفقك حبيبتي

وتأكيدي إن نصيبك واللي الله كاتبه لك هو اللي راح تاخذينه .

وعليكم السلام ورحمة الله وبركاته,,

مبرووك التخرج والنسبة الحلوه


صحيح فيه أمــهــات ماخذيــن فكرة سيــئــه عن الكــلــيــات..بس ممكن انك تغيرين نظــرتــهــا أو تسـتــعينيــن بمن له تأثــيــر عليها مثل أبــوكـ أو خالك

وأنــا ما أبي أزيد النار حطب..بس بمثل نسـبــتكـ العاليه حرام تقعد بالبيت

وتبيني أريــحك؟؟ ولا أبــي أحد يزعــل مني لأن هذا الــواقع

أولك وآخــرك بتجــلســين بالــبـيت..أمك أختصرت لك المــسافــه

أنا أعــرف كثــير تخرجوا ودرسوا وتعبوا ولافيه من يستقبلهم وأكيد بتقولين تخصصاتهم تعبانه

الا والله مرغوبه

على العموم لاتــزعــلين من أمـك والله رضــاها يسوى كل شي

وأدعي ربك تغير رأيها

تقبلي مروري وتحياتي,,

شوفي انا ما رح اتكلـــم واتفلســف لأنك اكبر منـي:P

عشان كذا بس بقول كلمتين انتي حاولي فيها وعلميها مثل ما قال مواصل من عام 1413هـ انه بأي مكان في صديقات كويسات ومو كويسات
كويسات وفيه داشرات على قولة امك وبس ياسااره

مشكوووووووووووووووورين على ردودكم
خففتو عني شوي
والله ما توقعت احد يرد
بس خلااااااااااااااااص انتهى اليوم اللي اقدم فيه الاوراق عشان النسبه
يعني ما فيه فايده مستقبلي ضااع

إقتباس كلمي الوالد

ابوي مات من زمااااان الله يرحمه ويسكنه الجنه قولو امين
اصلا لو كان موجود كان ما صار فيني كذا

إقتباس الرسالة الأصلية كتبت بواسطة 106sarona106 مشكوووووووووووووووورين على ردودكم خففتو عني شوي والله ما توقعت احد يرد بس خلااااااااااااااااص انتهى اليوم اللي اقدم فيه الاوراق عشان النسبه يعني ما فيه فايده مستقبلي ضااع

بالعكــس مستقبلك لا ضـاع ولا شـي

قــدامــك سنة مـثــل ماقالت شذى تــقــدريــن تقنعين فيها أمك وان شاء الله كل شي يتعدل



وعلـيــك بالــكلــمة الطـيـبه اللي لـهـا أثـر في النـفــس

إقتباس الرسالة الأصلية كتبت بواسطة 106sarona106 مشكوووووووووووووووورين على ردودكم خففتو عني شوي والله ما توقعت احد يرد بس خلااااااااااااااااص انتهى اليوم اللي اقدم فيه الاوراق عشان النسبه يعني ما فيه فايده مستقبلي ضااع

لا تكبرين السالفة

اقنعيها وأكيد بتقتنع وأفضل طريقة إنك تقولين لوحدة من جداتك _إن كانوا أحياء يرزقون_


وبعدين ما ضاع مستقبلك ولا شي
وش فيها لو ريحتي سنة أو ترم(فصل)

ولو كان يمديك تدبرين واسطة يمديك تدخليين من أول هالسنة ;)

إقتباس ابوي مات من زمااااان الله يرحمه ويسكنه الجنه قولو امين

الله يرحمه ويغفر له ويجمعكم فيه في جنات النعيم

إقتباس اصلا لو كان موجود كان ما صار فيني كذا

والله انه مكتوبك ونصيبك اللي الله كاتبه عليك

عشان كذا طولي بالك واذكري ربك ترى والله مابه شيء يستاهل

وعسى الله يرزقني واياك رضا والدينا

وأنتِ حاولي مافي شيء مستحيل وإذا عدت هذي السنة عادي اعتبريها فترة نقاهة من غثا 12 سنة دراسية

وزي ما ذكر أحد الأخوان عليك بالدعاء فلا يرد القضاء إلا الدعاء .

إقتباس الرسالة الأصلية كتبت بواسطة مواصل من عام 1413هـ هلا فيك اختي سارونه أمك يا ساره ما رفضت إنك تدخلين الجامعه إلا بعد ما سمعت ما يشيب له الراس من طالبات الكليات ، وهي كأم من حقها إنها تخاف عليك. إنتي وضحي لها الموضوع وأن الثانويه والمتوسطه مثل الجامعه ، وبكل مكان فيه الصديقه الصالحه والصديقه السيئه ، لكن من اللي يختار الصديق الصالح؟ ناقشيها بالموضوع وإن شاء الله راح توافق بالتوفيق ان شاء الله

احتسبي الأجر وحاولي تقنعين أمك وأن كلامها مو صحيح
وبالنسبة للتقديم عادي ما ضاع شي تقدرين تستغلين السنة بشي ينفعك
مثل دراسة لغة أو حاسب بأحد المعاهد
ولا تنسين الدعاء

إقتباس الرسالة الأصلية كتبت بواسطة 106sarona106 مشكوووووووووووووووورين على ردودكم خففتو عني شوي والله ما توقعت احد يرد بس خلااااااااااااااااص انتهى اليوم اللي اقدم فيه الاوراق عشان النسبه يعني ما فيه فايده مستقبلي ضااع

أبدا ما ضاع

معظم أخوياي اللي اعرفهم حاذفين أترام عشان يدرسون انجليزي او غيروا تخصصاتهم بعد سنوات من الدراسة .. و اعرف واحد درس الهندسة اربع سنوات ثم غير التخصص و معدله عالي

و أحد أعز أخوياي دخل البرنامج الصحي الموحد و بعد سنه قبل في التخصص اللي يبيه ( الطب البشري) ثم قدم على البعثة لنيوزلندا و بيعيد السنة الأولى من جديد لانهم ما عادلوا عدد الساعات حقته

و فيه ناس يحذفون اترام و يواصلون حذفهم لاكثر من سنه و يكون عندهم ظروف و لا شيء فالمسأله ( عاااااااااااااادي ) تحصل في كل مكان و بالعكس تعتبر فرصة لك عشان ترتاحين

انتي تدرين ان في كندا إذا تخرج الطلاب كثير منهم يقعد سنه راحة بعدها .. كذا بدون شيء ..

إقتباس الرسالة الأصلية كتبت بواسطة 106sarona106 ابوي مات من زمااااان الله يرحمه ويسكنه الجنه قولو امين اصلا لو كان موجود كان ما صار فيني كذا

الله يرحمه و يغفر له .. و هذا السبب اللي خلاني ارد و اتحمس

كلنا معك زي ما انتي شايفه

الله يوفقك