 | إقتباس |  | | |  |
الرسالة الأصلية كتبت بواسطة توت عنب |  | | | | | | | | |
بالنسبة لمعهد دايركت انقلش فهو من اسوأ المعاهد حسب وجهة نظري
والله اني رايح لهم وسائلهم عن برامجهم قالي المصري بالحرف الواحد حنا الي علينا اننا نعطيك شهادة في نهاية كل برنامج بغض النظر عن مستواك اللغوي
وانا من رايي انا المعهد البريطاني في حي السفارات هو افضل معهد لتدريس اللغة الانقليزية | |  | |  | |
أخوي سمع نفس الشيء من معهد ثاني و للمعلومية الشهادة اللي يعطونك اياها لا تقدم و لا تأخر بس ( تجارية ) عشان تسجل عندهم ..
بس حتى البريطاني في مشاكل في تقوية القدرة على الاستماع و الفهم و ما فيه شيء كامل .. لازم تخبي المعهد لممارسة المحادثة و استفد من خدمة النت أيضا
و بأقولك شيء اللي يقول لازم تطلع برا .. بصراحة انسان ( قديم ) شوي ..
كل شيء تقدر توصله عن طريق النت حتى الأجانب و فيه برامج جدا ممتازة و مفيدة للتعرف على ناس ثانين يبون يتعلمون الانجليزي
تلقى ناس عن طريق سكايب.. غرف في البالتوك .. مواقع تطوير الاستماع زي هذا
http://www.esl-lab.com/
ثلاث مستويات .. اختر المستوى السهل اذا كنت مره ميح و تدرج و اذا ما فهمت عده كذا مره بس بتلفاهم عارضينه بطريقة ممتازة جدا
و تلقى قطع للقراءة مره ممتازة و مفيدة مثل هذا
http://www.englishlearner.com/online/readadv2.html
أقرأ و جاوب
و إذا بغيت تبحث أكتب في قوقل reading comprehension test و تطلع لك مواقع كثيرة
و فيه كتابي أعتبره أعظم كتاب في تعليم القراءة ما أدري إذا موجود عندكم و لا لا
اسمه Reading smart يدرب فيه على كيفية القراءة في أي لغة مو بس الانجليزي و يعلمك وشلون تفهم الكلمة بدون ما تعرف معناها و يسرع القراءة حقت و يثقفك باراء حلوة .. و حتى اللي الانجليزي لغتهم الأصلية يستخدمونه .. و مستوى الكتاب مش مره عالي .. بس يبي لك تتمرن شوي على المواقع اللي قلت لك أول
و باقي مهارة وحده اللي هي الكتابة و قلت لك قبل كذا راح يكون قيه قرصة تكتب مقال أو أي شيء و يقيمه لك ناس دارسين برا أو تقرأ اللي يكتبونه و تتعلم و هذا راح يكون في منتدى الهلاليين المغتربين اذا شفنا تفاعل
ودي اتكلم اكثر بس احس اني طولتها يالله يالله وداعة الله
الوضع العادي
