أخوي الصوت الهلالي بصراحه أنت تدافع عن سامي بشكل مبالغ فيه ولاتزعل مني والاختلاف في الرأي لا يفسد فالود قضيه ..

إقتباس سامي كانت لديه الرغبة القوية لتقديم شيء الموسم الفائت ولكن ؟؟؟

وين الرغبه القويه ؟ أبي أفهم .. لياقه صفر وعدم انتظام فالتدريبات .. شوي يروح وشوي يرجع ..

سامي الموسم الفائت كان شاطر بس يحظر احتفالات واعتزالات لاعبين ..

إذا كان في شي مو باين للجمهـور بقولك (( ولكن ؟؟ )) ياليت توضحه لنـا عشان نعرف إيش السبب اللي يخلي سامي ينهي حياته الرياضيه بهالشكل اللي مايرضيه ولا يرضينا ..

إقتباس انا اجزم يا بدر الهلال بأن الشلهوب وياسر ينظرون لسامي نظرة خوف على مستقبلهم المظلم اذا كان سامي صانع الامجاد وصانع الفرح وجابر العثرات يحصل له ما حصل دون اي رد فعل ؟ فما بالك بمستقبل باقي اللاعبين من نجوم الهلال انظر لتعامل الاتحاد مع حمزة ادريس وتعامل ادارة الهلال مع سامي ( مع فارق التشبيه بين سامي وحمزة )

طيب ليش ماقلت أن الشلهوب وياسر ينظرون نظرة تفاؤل على مستقبلهم الرياضي بسبب ماحصل ليوسف الثنـيان من تكريم واحتفال من أروع مايكون ؟؟

الصوت الهـلالي .. كلنـا نحب سامي ونعرف وش سوى سامي للهـلال .. بس ياليت نكون منصفين لنادي الهـلال فقطـ

ماعلينا لا من الرئيس ولا الاعبين .. المحسن أحسنت والمخطئ أخطئت .. ولك مني جزيل فائق احترامي ..

خانك التعبير في التشبيه بين سامي وغيره ...( القرمله والحماد )"

ما بقى الاشويش والعشيوي ... مع احترامي لهم......

بالنسبه لسامي اعتقد انه قرار الاعتزال هو الحل المناسب... (لشخص لا يتدرب )

..
وريئس النادي مستحيل يبتعد في الوقت الحالي... مرحله تاريخيه في الهلال ...قاب قوسين او ادنى من العالميه !!

انا معك ان في الجو غيم ... بس يجيب الله مطر !!

عوااافي اخوي..


الصوت ( من الحب ما قتل )

الله . الله من أجمل ماقرأت من المواضيع بهذه الفتره
أخوي العزيز أنا أوافقك في الكثير من الآراء التي قد طرحتها
الله لايحرمنا منك و لا من إبداعاتك يامبدع ,,


و الله لايحرمنا من هلالنا الغالي هلال البطولات ,,,

لي تعليق الغالي على صفقة فاندينيو او كما اسميته لاعب بدون سمعة دولية

انا شفت مباراة للاعب قبل ايام قليلة

يومين او ثلاثة مع مارسيليا وهي مباراة استعدادية وشفتها لايف

اللاعب امكانياته كبيرة ومميز جدا جدا

لاعب اكبر من امكانيات الكرة السعودية ومن الاجانب الذين يحضرونها

لاعب بالمختصر سعره فيه

قد نكون لا نعرفه وقد يكون نسبة تهديفه ليست كما توقعنا لكنه لاعب وسط وليس مهاجم دوره في صناعة الفرص لزملائه يعن ي الثنيان لو اخذته في بعض المواسم يكون مسجل عددمحدود من الاهداف وصانع ايضا ستة او سبعة اهداف بالكثير لكن امكانياته ودوره في الفريق ما تحكم عليه الا اذا شفت اللاعب يلعب


بالمختصر الادارة اجتهدت وكانت قاب قوسين او ادنى من خطف اللاعب ولكن حصل ما حصل


وللعلم ايضا فاللاعب عنده العديد والعديد من العروض الاوروبية لكن كلها توقفت عند حاجز المبلغ الذي وضعه سانت اتيان والهلال هو النادي الوحيد الذي ابدى استعداده لدفع المبلغ


باقي الامور اوافقك فيها جملة وتفصيل ومرحبا بعودتك الغالي ولا تقاطعنا من مواضيعك












برايفت للصوت الهلالي: سامي للموسم الثالث على التوالي موسمه يبدأ في نصف الموسم علل!!!!!

وفي طريقك جب لي لاعب محترف يسوي الي يسويه سامي وفي ثلاثة مواسم متتالية


الكرة تعطي من يعطيها فهل اعطاها سامي حقها ا في الثلاث سنوات الاخيرة وبخلت عليه؟؟؟

وعندما نقارن بين سامي وحمزة وما اسميته بالاحترام الاتحادي فهل انضباط حمزة بانضباط سامي في الثلاث مواسم الاخيرة؟؟؟؟؟؟

كلام رائع اخوي , وبصراحه الوضع مايبشر بخير ابد .

الله يعين

الهلال في مرحلة الموت السريري مع ادارة مفاوضات الـ48 و72 ساعه وننتظر دفنه

الله يعطيك العافيه على الكلام الرائع

من هنا الى نهاية الشهر اذا ماتمت صفقات اتهى موضوع الاجنبي الثالث والصفقات المحليه
قابلوني ان سوينا شيء في الموسم وابشروا بالخمسات .

سلمت يمينك

اتيت بالسهل الممتنع

بدون مجاملات وباختصار وعلى بلاطه

والله كلامـــــــــكـ سليم 100% نفس الشعور الذي يواردوني
والله يستر من التالي والله يجيب العواقب سليمه
واه اه اه اه اه من الهلاللللللللللللللللللللللللللللللللللللللللللل

كلام من ذهب

حياك الله اخوي محامي الفيلسوف

إقتباس أخوي الصوت الهلالي بصراحه أنت تدافع عن سامي بشكل مبالغ فيه ولاتزعل مني والاختلاف في الرأي لا يفسد فالود قضيه ..

على قولك هي وجهات نظر .. انت تشوف اني ادافع عن سامي بدون وجهه حق وانا اشوف انه مهضوم حقه نظير ما قدمه للهلال والهلاليين

إقتباس وين الرغبه القويه ؟ أبي أفهم .. لياقه صفر وعدم انتظام فالتدريبات .. شوي يروح وشوي يرجع ..

اكيد اللياقة صفر وانا خوك

انا ابي أسألك هل اللياقة ترجع مع التمارين فقط ولا تحتاج جو المباريات الرسمية ؟

سامي عقب المؤتمر الصحفي اللي سواه واعلن من خلاله الإستمرار إلتزم في تمارين الفريق

وابي أسألك وين سامي عن المشاركة بعد مباراة الحزم اللي حسمها

وكم مباراة سامي جلس فيها إحتياط وما لعب ولا خمس دقايق رغم وجوده مع الفريق وإلتزامه بالتمارين

سامي جلس أكثر من نص الموسم على دكة الإحتياط ولو كانت مشاركته تدريجية لشاهدة سامي الذي نعرفه

لكن تجاهل من الإدارة وتحدي من الرئيس بأنه سيحقق الدوري بدون سامي ؟؟

هل لو كان سامي ما هو جاهز في النهائي ما تشوف إن من المفروض مشاركته في النهائي بعد إصابة ياسر

حتى لو ما قدم شيء لكن ما راح تشوف منتشري والمولد قدام يجيبون اهداف في مرماك

وعندي إستفسار بسيط :

سامي موقع من الصيف الماضي يعني سنة كاملة وهو اللاعب الوحيد اللي ما اخذ باقي حقوقه

مع العلم بأن من وقع بعده بفترة زمينة طويلة اخذوا مبالغهم كاملة

اي نفسية واي لياقة اللي تتكلمون عنها وسط هالتجاهل من الإدارة تجاه سامي بالتحديد ؟

إقتباس سامي الموسم الفائت كان شاطر بس يحظر احتفالات واعتزالات لاعبين ..

كثير من النجوم الكبار مثل سامي لديهم إحتفالات ومناسبات ولكن الإدارة الواعيه هي من تعرف كيف تتعامل مع نجم بحجم سامي وتعرف كيف تضع له البرنامج الملائم ولكن للأسف أن نجومية سامي أكبر من تفكير الإدارة ؟

إقتباس إذا كان في شي مو باين للجمهـور بقولك (( ولكن ؟؟ )) ياليت توضحه لنـا عشان نعرف إيش السبب اللي يخلي سامي ينهي حياته الرياضيه بهالشكل اللي مايرضيه ولا يرضينا ..

وضحتلك بعض الأشياء البسيطة جدا .. وارجع واقولك لو تم إشراك سامي بشكل تدريجي لشاهدته بشكل افضل بكثير مما هو عليه الان .. لكن للأسف انا اتجاهل لاعب طوال الموسم واجي في نهايته واقوله انت منت جاهز ؟؟

اكيد ما راح يكون جاهز وهو كل ما يلعب ويقدم مستوى ما نشوفه المباراة اللي عقبها بشكل متعمد ;)

إقتباس طيب ليش ماقلت أن الشلهوب وياسر ينظرون نظرة تفاؤل على مستقبلهم الرياضي بسبب ماحصل ليوسف الثنـيان من تكريم واحتفال من أروع مايكون ؟؟

تكريم ابويعقوب كان من عضو شرف وهو عبدالله بن مساعد ولم يكن من الإدارة الهلالية

وهنا الفرق .. وإذا اعلن سامي إعتزاله رسميا فلن يقصر أعضاء الشرف معه لأنه جابر عثرات الهلال

وبالتأكيد ابويعقوب يستاهل التكريم وبالتأكيد سامي أيضا كونهم علامة فارقه في تاريخ الهلال

إقتباس الصوت الهـلالي .. كلنـا نحب سامي ونعرف وش سوى سامي للهـلال .. بس ياليت نكون منصفين لنادي الهـلال فقطـ

انا من وجهة نظري أن انصافي لسامي هو إنصافي لتاريخ الهلال بأكلمه

إقتباس ماعلينا لا من الرئيس ولا الاعبين .. المحسن أحسنت والمخطئ أخطئت .. ولك مني جزيل فائق احترامي ..

سامي ليس مجرد لاعب مر على الهلال فتره وانتهت .. سامي تاريخ وصانع الفرح وجابر العثرات


تحياتي لك

إقتباس من اهم الأوقات التي يجب ان يتواجد فيها رئيس اي نادي هي فترة الصيف من اجل التعاقدات ومتابعة الإستعداد للموسم الجديد شوفوا رئيسنا وين من بداية الصيف على شان تعرفون حبه لناديه وحرصه على متابعة استعداده جيدا !!!

يُـقال انه يتابع كل صغيرة وكبيرة .. انا احس ان الموسم الجاي بيصير نفس الموسم اللي راح بالضبط ..



وشكرا لك يا مخاوي البطولات .. الموضوع اكثر من رائع .. وعلى قولتهم (( جبتها على الجرح وكنك ما دريت ))