محمد بن فيصل تعال ادخل موضوعي لاهنت - نادي الهلال السعودي - شبكة الزعيم

هلالي مافيه حيلة2007 · #1 02/08/2007, 04:32 AM

بسم الله الرحمن الرحيم
كلامي موجه للأمير محمد بن فيصل حفظه الله
ماراح انسى انجازاتك مع الهلال
ما انسى كيف انتشلت الفريق بعد موسم الخمسات
ما انسى كيف قدرت ترجع الجمهور للمدرجات
ما انسى جلبك للاعب ياسر القحطاني
جددت مع الدعيع والغامدي والتايب وتفاريس
وكثير سويته للهلال
وكل اللي سويته ما انكره ولا اجحده
حبك الجمهور وقدرك وعشقك
لكن
اللي نشوفه اليوم مايرضينا كجمهور
انت يا ابو سلطان لك حق تاخذ اجازة بس مو على حساب الهلال
خلك قريب من الهلال ابي حماسك اول ما رأست الهلال
الفترة اللي يمر فيها الهلال صعبة
ونت بعيد
معسكر العين الفاشل
قلت بعد المباراة النهائية في مكالمة مع سليمان المطيويع انك كنت تشوف اخطاء على باكيتا وكنت بتقيله بس تعذرت بالأعلام والجماهير وخفت من ردت الفعل !!!!
شفت عليه غلط يا طويل العمر اما انه يصلح الغلط (اللي هو باكيتا) او تقيله
ولا يهمك اي مخلوق انت قاعد تشوف غلط
وحنا يا طويل العمر احترقت اعصابنا
صفقة الطريدي قلت بعد اسبوع ولا شفنا شي
مهاجم المكسيك كاستيلو ولا شفنا شي
باسكال ولا شفنا شي
حتى طلال خيبري ما شفناه

بعد نهاية الموسم اللي راح تقول معسكر تونس فاشل وهو السبب
والحين يعسكر الهلال في تونس !!!!!!
طيب انت المفروض تكون مع الفريق في المعسكر لكي لا تتكرر الاخطاء الماضية
وكل هذا كوم و البطولة اللي دخلها الهلال كوم
نلعب مع الحزم !!!!!!!
معقوله هذا اعداد للأسيوية!!!!!!!!!!!!!!

جمهور الهلال ما يرضى غير بــ البطولات

غيره مانبي شي

والآسيوية ما تجي بالكلام
ابو سلطان ما ننسى كل اللي سويته للهلال ولجمهوره

زعيلالي · #2 02/08/2007, 04:36 AM

يرجال ابو سلطان لو ينزلنا الدرجة الاولى مناب قايلين شي اهم شي يكم على الرئاسة والله انه في القلب

الساهر1984 · #3 02/08/2007, 04:38 AM

ابو سلطان اكثر حرصا على سمعة النادي مني ومنك

هلالي مافيه حيلة2007 · #4 02/08/2007, 04:40 AM

إقتباس

الرسالة الأصلية كتبت بواسطة الساهر1984


	ابو سلطان اكثر حرصا على سمعة النادي مني ومنك

وشرايك باللي صاير الفترة هذي؟

عاشقة للهلال لاغير · #5 02/08/2007, 04:42 AM

الصبر مفتاح الفرج

وعلينا بالصبر

وان شاء الله القادم اجمل وافضل

هلالي مافيه حيلة2007 · #6 02/08/2007, 04:42 AM

إقتباس

الرسالة الأصلية كتبت بواسطة زعيلالي


	يرجال ابو سلطان لو ينزلنا الدرجة الاولى مناب قايلين شي اهم شي يكم على الرئاسة والله انه في القلب

كلنا نحب ابو سلطان
وما اعتقد في مشجع هلالي يحب الهلال يرضى بغير البطولات
وانت يا عزيزي تقول درجة اولى !!!!!!

هلالي مافيه حيلة2007 · #7 02/08/2007, 04:43 AM

إقتباس

الرسالة الأصلية كتبت بواسطة عاشقة للهلال لاغير


	الصبر مفتاح الفرج وعلينا بالصبر وان شاء الله القادم اجمل وافضل

ان شاء الله اجمل وافضل

(نادر حائل) · #8 02/08/2007, 04:43 AM

ابو سلطاااااااااان نبي حضورك للنادي باقي للآسيويه وقت قصير........

sss3 · #9 02/08/2007, 04:46 AM

كيف الحال يابوسلطان الرجال في مرحلت جني الأرباح فلازم نصبر تعرف سنتين نسب مايصير لازم يجني الأرباح سنتين

M3anah · #10 02/08/2007, 04:52 AM

أبو سلطان كفى ووفى وياليت يترك الرئاسة لمن هو أجدر منه
وأنا اقول الكلام هذا من واقع نشوفه الآن

هلالهم كلهم · #11 02/08/2007, 04:53 AM

إقتباس

الرسالة الأصلية كتبت بواسطة هلالي مافيه حيلة2007


	مهاجم المكسيك كاستيلو ولا شفنا شي

محد تكلم على هاذي الصفقة ،،

مجرد كلام تناولته الجرائد . . !

والصفقات الأخرى تسببت في فشلها أندية أخرى مثل ما قلت ..!

يعني أغلبها أشياء مو بيده ، و حنا ما ندري عن الي قاعد يصير ،،

ما نقول الا الله يوفق الهلال و يكتب الي فيه الخير ،،

و ممكن نقترح عليهم بدل ما ننتقد ننتقد طول الوقت .

تقبل مروري و يعطيك العافية ..

محب عبادي الهذلول · #12 02/08/2007, 04:53 AM

إقتباس

الرسالة الأصلية كتبت بواسطة زعيلالي


	يرجال ابو سلطان لو ينزلنا الدرجة الاولى مناب قايلين شي اهم شي يكم على الرئاسة والله انه في القلب

يبقى الهلال أغلى وأهم من كل الرموز والمركز الثاني عندنا مصيبه وانت تقول الاولى !!!

قـنـ الزعيم ـاص20 · #13 02/08/2007, 04:56 AM

خخخخخخخخخخخخ ياحلييله الله يحفظه لكم

غرشوب الرياض · #14 02/08/2007, 05:04 AM

السلام عليكم اهنيك اخوي الغالي على نقدك الهادف ((( الغير جارح )))

ثانيـاً / ابو سلطان والله ماقصر بشي هو طالع برا وهو في اجازته يتفاوض مع لاعبين وش تبون اكثر ..

كاستيو :/ رااح بسبب مغالاته ودخول انديه اوربيه مع الهلال ..

الطريدي والخيبري :/ مانبيهم لان الطريدي راح الياقوت يزاود عليه ويحسبه هنري ..

الخيبري شاف راحته بغير الهلال واختار طريقه والله يوفقه ..

باسكال :/ وش قصر الرئيس فيه فاوضه وحاول و حاول والى الان ماندري وش يصير لـ نفرض اخوي انه جدد مع سانت اتيان وش ذنب الرئيس .. .. ؟؟؟؟؟؟؟؟؟

واتمنى جلب لاعب بـ اسرع وقت ممكن يكون وسط ايمن او ظهير وربي يوفقنا يارب ويعطينا على قد نيتنا ..

هلالي بيعها · #15 02/08/2007, 05:14 AM

تعبنا واحنا نشوف الانديه تجيب لاعبين واحنا قاعدين نتفرج

تكفى باابو سلطان شوف لنا حل تكفى تكفى