بإذن اللى عينه ماتنام .. انا وطلال سنكون اول المستقبلين لصقورنا الخضر بالمطار - نادي الهلال السعودي - شبكة الزعيم

ابو طـــــلال · #1 30/07/2007, 12:46 AM

بسم الله الرحمن الرحيم ...

اعضاء منتدى الزعيم الكرام .. السلام عليكم ورحمة الله وبركاته

بعد التحيه .. وقبل اسدال ستار هذه القسم اللى استقبل مواضيعنا .. وردودنا .. وتعليقاتنا .. وامنياتنا .. وحتى النقد بعد كل مباراة

ها نحن نقف للنتظر ايضاء اربع سنوات اخرى نحلم بكاس اسياء وهو الحلم الغير مستحيل .. فقد اخذناها ثلاث مرات وكانت الرابعه بين ايدينا ... ولكن قدر الله وماشاء فعل .. والحمد الله على كل شي

الشباب .. اقصد صقورنا الخضر مااقصروا ... المدرب ماقصر .. ادارة وطاقم فني واداري ماقصر ... نواف بن فيصل ( اسير القلوب الرياضيه ) في المملكه .. ماقصرت والله

حتى هذه اللحظه انا استغرب المستوى اللذي قدمه المنتخب امام العراق ؟؟ والله شي عجيب !!

لكن ضياع بطوله لاتمحي من ذاكرتنا المستوى اللذي قدمه الصقور في كل هذه البطوله واللذي ابهر جميع الرياضيين خصوصا انهم صغار في السن

واعلنها صريحه .. ومن اعماق اعماق قلبي .. اني راضي عن مستوى المنتخب .. وعن كل لاعبين المنتخب .. وان حصل تقصير في المباراة الاخيره فهذا شي طبيعي .. والكمال لله سبحانه
وسأكون اول المستقبلين إن شالله وبالورود .. استقبال الابطال .. الرجال اللذين اعادوا الهيبه لمنتخبنا السعودي

والوعد المطار ............ ويستاهلون ................. وتكفون لاتخذلونهم .. هذا المنتخب الحلم

كل الفن هلالي · #2 30/07/2007, 12:50 AM

مشكور على الموضوع هذا الشي اللي نبغاه
ويخلي لك طلال يارب ويخليك للزعيم

تحياااتي

khalid0989 · #3 30/07/2007, 12:50 AM

اخوي انا من سكان جدة

واللي سمعته انهم بيوصلون على جدة مباشرة

لكن موعد الوصول متى

لانهم ابطاااااااااااااال ويستاهلون

شف المانيا يوم اخذوا وصيف 2002

استقبال غير طبيعي في برلين

شف فرنسا يوم اخذوا وصيف 2006

شيراك براسه استقبلهم

والله انا ودي اروح استقبلهم بس ابي اعرف موعد وصولهم

اذا عندك خبر قل لي تكفى

ولدكم يالهلال · #4 30/07/2007, 12:53 AM

الله يعافيكم
ويعطيكم أحسن من ذي البطوله..يارب

T@L@L · #5 30/07/2007, 12:54 AM

اخوان فقط للتوضيح هذا ابو طلال ماهو ابوي

المهم ابو طــلال

انا واالشباب اول الحاضرين وياريت انهم يتوجهون الى الرياض مباشرة أفضل

برب

NA777 · #6 30/07/2007, 12:58 AM

اعتقد الوصول الى جده

LoNley · #7 30/07/2007, 01:00 AM

مايستاهلوووون

WOLF SAMI · #8 30/07/2007, 01:06 AM

إقتباس

الرسالة الأصلية كتبت بواسطة LoNley


	مايستاهلوووون

????????????????????????
الوعد المطار انشاء الله

مقدر الهلال · #9 30/07/2007, 01:07 AM

ابـــو طلال عاداتك يابعدي وانا اشهد انك رجال حق واجب

واهم شي لاتنسى تخلي طلال يصور مع اللعيبه

وعساك على القوه

عاشقة للهلال لاغير · #10 30/07/2007, 01:08 AM

كفووو ياذيابه

T@L@L · #11 30/07/2007, 01:13 AM

إقتباس

الرسالة الأصلية كتبت بواسطة LoNley


	مايستاهلوووون

اجل رح استقبلك المنتخب الصومالي ازيلك

هالحين وش معنى مايستأهلون ؟!!

ياشيخ والله ماتتستأهل يعطونك عضوية في شبكة الزعيم

رح بس تابع توم وجيري ينفعلك

الــhilalــوادي · #12 30/07/2007, 01:15 AM

من جد مايستاهلون

المباراه النهائيه وهي اخر شي بالبطوله ويلعبون بهاذا البرود !!!!!!!!!!! وين الروح الخ ...

الله يوفقهم في الجاي ...

أصيلة · #13 30/07/2007, 01:22 AM

كفو والله ياعيال ديرتي ...ونجومنا يستاهلون كل خير ..

شـــذى · #14 30/07/2007, 01:25 AM

اهلين ابوطلال مدهر هاليومين هنا.

والله اللي صاراليوم شي ما يسر الخاطر.

بس تدري ليه صار لهم كذا ابيك تجاوبني على هذا السؤال.

لكن المنتخب مثل المملكه خير تمثيل بغض النظر انه ما حقق البطوله

مستوياتهم اللي قدموها طوال الدوره اكبر بطوله لنا في ظل وجود وجوه شابه

لا تمتلك الخبره الكافيه.

ابوطلال طالبتك اذا رحت تستقبل افراد المنتخب صورلي طلال.

فهد عاشق البرسا · #15 30/07/2007, 01:36 AM

كفوا والله يا بو طلال
وان شاء الله الكل يسير على نهجك

سلام