![]() |
اجتاحتني موجة عارمه من الحزن والشجن ثم تبعتها قطرات من الدموع... حقا مذكرات مشبعة بالالم والامل وممزوجه بنقاء الحب.. فعلا اكتشفت ان الصداقه الحقيقيه هي عمله نادره يصعب تداولها بين الناس في زمننا الحالي .. ادام الله الصداقه بين تركي وخالد بالود والحنين والمحبه.. لك مني كل الشكر والتقديروالثناء على الاسلوب المتناغم مع بعضه.. لازلت متربصه يغمرني الخوف من القادم المريب.. ننتظرك بكل شوق وحنين.. دمت بود مع كل من تحب.. @@@@@@@@@@@ والله ماعاد فيني صبر اول ماأدخل أرز وجهي عند موضوعك اشوف نزل شئ او لا وان مادخلت وصيت اختي مسنترين عند هالمذكرات<<الله يعينك ويصبرك على قرقرتي:D :D :D تحياتي لك |
أسعد لحظات حياتي & عاشقة الزعيم & النجمة & ماجد & عبث طفلة متابعتكم و حضوركم يجعلني مديناً لكم بآيات الشكر و العرفان ، كلي امتنان .. ماجد توك تقرأ الموضوع ؟! يقوم عليك حق !! |
وبعدين كمل ...؟؟:D |
المذكرة الثانية : سنة أولى لتركي بعد التخرج ( الجزء الثامن ) خالد : تركي أنت وش قاعد تقول ؟! تركي : ولا شيء ! أنت وش كنت تقول للسيارة ؟! خالد : كنت أقول بنفقد قهوة أختك اليوم ، أدمناها أسبوع كامل يومياً نشربها . المهم ! كيف الطلعة اليوم إن شاء الله انبسطت . تركي : أكيد الحمدلله بس ضايقها إنك حاسبت ، الله يهديك خالد لو خليتيني أحاسب و بعدين أجيب لك الفاتورة ؟! خالد : لو عليك أنت ما حاسبت ! لو بكيفي قلت للمطعم قطة بيني و بين تركي و الغداء بين تركي و أخته !! تركي : أفاااااااااااا ! وينالكرم خالد ؟! خالد : ما في كرم خلاص ! اقطع المعرفة !! أبوي يقول لازم تعتمد على نفسك من اليوم و طالع ما في مصروف مثل أول !! يعني لازم يا خالد تذكرني في أبوي ! في البيت أختي و هنا أنت ! الله يسامحكم بس . خالد : وين سرحت ؟! وش فيك سكت ؟! هيه أمزح ! تركي : خالد تتوقع أقدر أعيش أختي حياتها بشكل طبيعي بعد وفاة أبوي ؟! خالد : تركي لا تعقد الأمور ! عمي ترك وراه خير . المهم اختر مقهى نروح له !! كلام أمي كلام أختي كلام خالد !! أحس رأسي بينفجر !! مديت يدي و شغلت المسجل و رفعت على الصوت لحد الإزعاج ! خالد بصوت عالي عشان أقدر أسمعه : فيك رقصة ؟! اشتقنا لرقصك من زمان عنه . تركي : سق و أنت ساكت . مشت ليلتنا غيرنا جو طلعنا من الحزن ، و رجعت للبيت لقيت أمي و أختي في غرفهم و لوهلة خطر على بالي سؤال ! هل المفروض أصير أرجع بدري ؟! جوالي يدق خالد : تركي وش رأيك نعوض سفرتنا بسفرة ثانية ؟! أهلي بيسافرون خلنا نسافر لنا كم يوم و نمر أهلي يوم عشان الوالد يتكفل بمصاريف السفر . تركي : والله ما هي شينة بس خلني بكره أفاتح أهلي في الموضوع و يصير خير ، طيب بيوافق عمي ؟! خالد : بنقول إن موتة عمي نكدت علينا ! ما عليك أدبرها . أووووف يا خالد ! يعني موتة أبوي بتدخل حتى في سفرتنا !! خالد : وش فيك سكت ؟! تركي : خلاص بكره يصير خير ، تصبح على خير . جيت لغرفتي و هذا أنا أكتب بعد فترة من دون كتابة ! |
تبيني اعاونك بالكتابة ..؟:d |
:) :) لم اجد تعليقا على هذا الجزء من المذكرة ،، ولكن ربما ان تركي اصبح حساسا عند تذكر والده ،، @@@ abu_riman بانتظار البقية ،، فلا تتاخر علينا ، @@@@ |
ابوريمان الله يهديك احس انك تنزل بالقطاره :d ترى مافينا صبرر مثل ماذكرت اختي نور الشمس مافي تعليق الا ان تركي بدا يحس بالمسؤليه تجاه اهله وفاة والده اصبحت ذكرى حزينة تلازمـة وايضا يتضح اهتمام من خالد لاخت تركي:yes: :rolleyes: وبس بالانتظــاررر لاتطووول ترى بنجي ونسرق المذكرات :yes: الهنووف كانت هنا ورحلت |
إقتباس:
وكأن تركي متضااايق بس هالمره مايقدر يشتكي لخالد لان خالد هوالي يحسسه ويذكره بابوه بدون مايقصد بس استغربت موقف تركي حسيناه ببدايه موت ابوه شايل هم امه واخته والحين يوم قال له على السفره مافكر فيهم!! غريبهـ.. متاااابعهـ,, برايفت ابوريمان إقتباس:
خخخخخخخخ لاتكون بعد بديت تكتب اشياء على الريالات؟؟ على القديمه اكتب عادي بس انتبه للجديده والله يصلحه تركي الا يشووقنا يعني؟؟ |
السلام عليكم ابو ريمان وكل الأعضاء صراحه مدري وش اقول ؟ بس انا كنت معكم بس ما قدر الله اني اشارك وكل ما تنزل جزء احفظه يمكن لأني احب اقرا الشي كامل؟ وما احب الإنتظار (ابن آدم عجل) ومن كثر مالمذكرات مشوقه اخرجتني عن صمتي بعد هذا الجزء وشعرت بما يشعر به الأخ تركي من مسؤليه كبيره كان الله في عونه وكان الله في عونك انت ايضاً على قلة صبرنا كلمه صغيره ولكن كبيره { شكراً} |
ماأقول إلا الله يعافيك ياأبو ريمان وعجل علينا ترا مافينا صبر>>> متحمسة |
السلام عليكمـ ,, أبو ريمانـ .. أنظر لحظةًً لحظةً وبصمتـِ مجبرُ .. وبداخلي بوح يتمنى أن يخـرج .. ولكن ..!!!! :rolleyes: ابوريمانـ .. دمت .. |
مهووسة الزعيم ،،، يا ليت ينفع ! متأكد ما راح تقصرين . @@@@@@@@@@@@@ نور الشمس ،،، أحرجتني متابعتك و تعليقك بعد كل جزء ! لك كل الشكر . @@@@@@@@@@@@@ الهنوووف ،،، فكري قبل ما تتخذين قرار ! ترى السرقة حرام ! و إذا ما في فايدة سارقة سارقة تراها في بيت تركي اسرقيها من هناك :D @@@@@@@@@@@@ عازفة ،،،، خلينا نشوف المذكرات القادمة ! يمكن تفسر التناقض . إلا الريالات ! أخاف أدخل البقالة و أدفع ريال و يضيع الجزء !! @@@@@@@@@@@@ فراشة ،،، حياك الله و بالتوفيق . @@@@@@@@@@@@ Je t'aime Hilal و ياك ، والله يساعدنا نعرف ننطق اسمك :D @@@@@@@@@@@@ سليمان ،،، بحق أنا شاكر هذا الاهتمام و هذه المتابعة . |
الأجزاء القادمة سيكون لأخت تركي و أخت خالد فيها حضور ، تركي رافض نهائياً - و من حقه طبعاً - أن يتم ذكر اسم أخته أو أخت خالد . الأجزاء بدون أسماء ستكون ( مشوشة ) فاقترحت اسم ريم لأخت تركي و اسم نورة لأخت خالد . المذكرة الثانية : سنة أولى لتركي بعد التخرج ( الجزء التاسع ) من بكره ... تركي : يمه يمكن نسافر أنا و خالد نروح لأهله و أبي ريم تروح معنا هناك أهل خالد يومين تغير جو و ترجع . أم تركي : لا ما يصير ! تركي : ليه يمه ؟! أم تركي : تركي وأنا أمك ، خط خطين و امح الثالث ! ريم ما تتعدى البيت إلا مع وحدة من خواتها أو حريم أخوانها . ريم ما تعودت تكون لحالها .و ما راح أرتاح وهي لحالها . طلعت لغرفة ريم . تركي : هلا ريوم . ريم : هلا تركي : عندي لك مفاجأة ! بنسافر أوروبا كم يوم و نجي ! ريم ماهي متفاعلة ! ليه ؟! توقعت تقول مين بيروح ! ريم : تركي أنا مستحيل أروح وأخلي أمي ، تبي تروح أنت رح ! رح الأخيرة فيها عبرة ! والتفاتة ريم عني معناتها المسألة فيها دمعة ! تركي : ريم ! ريم ما ترد ! تركي : ريم ردي علي ! أكلمك . ريم : نعم ! كلمة نعم اللي قالتها ريم مو حروفها نون عين ميم ! كلمة نعم حروفها دمعة و دمعة و عبرة ! تركي : ريم حبيبتي أنا أدور اللي فيه سعادتك ، ما في أي سبب يخليك تبكين ، ما تبين تسافرين خلاص ما له داعي ! التفت ريم و دموعها تنزل قالت : و أنت ؟! بتسافر ؟! تركي : يمكن ! لا ! إذا ما راح تسافرين ما راح أسافر ! تركت الغرفة و مشيت ! أول مرة تسألني باسافر أو لا ؟! إلا من جد لو ما سافرت ريم أسافر مع خالد أو لا ؟! بعدين الأهم من كذا ؟! ليه ضاقت بي الدنيا يوم عرفت إن ريم تبكي ؟! لا شعورياً رجعت لغرفة ري و ناديت ريم ! ريم : نعم ! تركي : ما أبي أشوفك تبكين ثانية ! فاهمة ؟! كنت من جد أتكلم و بنبرة يمكن ما عمر ريم سمعتها مني ! مثل السهم في سرعته و الصخر في قوته و ريم على صدري تبكي ! وقتها حسيت إني لازم أتحى بكل قوة ممكنة ! وقتها عرفت إن ريم فعلاً خايفة ! و محتاجة ! و قلقانة ! ريم ما هي مرتاحة . جلست ريم على سريرها و جلست على ركبتيني قدامها و حطيت يديها بيديني و قلت لها .. ريم دام الله محييني ما أبيك تخافين من شيء ! أنت بعيوني ! و أفديك بروحي و عمري . و نظرة الخوف اللي بعيونك ما أبيها .. نزلت دمعتين بهدوء و بصوت ضعيف نطقت ريم قالت : الله لا يحرمني منك . مسحت دموعها و قبلت جبينها و طلعت مع خالد آخر العصر في السيارة متفقين نروح نشرب قهوة بعدين نروح نسهر عند العيال ! شربنا قهوتنا و طلعنا . خالد : نروح للعيال الحين و لا ناخذ لفة ؟! تركي : خالد أنا ما ظنتي أروح معك ! رح أنت و سلمني عليهم . خالد : ليه ؟! مو هذا اتفاقنا ؟! تركي : خالد ! أمور كثيرة لازم تتغير ، أهلي صاروا محتاجيني و لازم أصير حولهم و معهم ، أنت عارف ما لهم غيري . حتى الأخوان و الأخوات اللي مو أشقاء يظلون بعيدين . تصدق خالد ! بعد وفاة الوالد قلت لنفسي لازم أتغير ! أحسب الدعوة كلام ! و اليوم صار موقف خلاني أعرف إن الدعوة ما هي سهلة ! المسئولية صعبة ! خالد : ليه وش صار ؟! حكيت لخالد اللي صار ! خالد : يعني فتحت معهم موضوع السفر ! طيب ساكت ليه ؟! ليه ما علمتني ! واله إنك ترفع الضغط أحياناً ! تركي : خالد ! ترى الكلام صار اليوم صبرك علي ! خالد : المهم رجلي على رجلك ! بتسافر سافرت بتجلس جلست ! تركي : لا خالد ! رح مع أهلك ضروري تروح معهم لو كم يوم . خالد : لا تشغلني بعدين بدري على الموضوع زواج ولد عمي بعد أسبوعين و أهلي بيسافرون بعد الزواج . تركي : خالد بالله وقف عند محل الألعاب . خالد : عسى ما شر ! انهبلت ؟! تركي : لا يا شيخ ! باخذ ألعاب أقطع بها الوقت لما أجلس مع ريم . خالد : أشوف ريم مشغلتك ! تركي : تبي الصدق ؟ إي والله مشغلتني ! الله يعين لين يجيها اللي يستاهلها ! خالد : طيب انزل قبل ما يقفلون لصلاة العشاء . شريت ألعاب أذكر منها " منبولي " " أونو " " شطرنج " " كيرم " و غيرها بعد . خالد : يبي لك تعلم ريم بلياردو ! و خلها تدمنها مثلك عشان ما تطلعون من البيت ! و لا ترتبون دوري في بيتكم بعدين ترى والله فشيلة تركي و ريم يرتبون دوري و آخذه أنا . تركي : خالد أقترح تركب و أنت ساكت . خالد : ترى عندهم توصيل ! يعني إذا ودك ولا ترى مو قصدي السيارة ! تركي : أجل أنا ناوي نمر محل الرياضة ناخذ بلياردو يعني ما يمديني أركبها في سيارتك ؟! خالد : تركي والله ريم مستانسة بدونك ! ضحكنا ! من زمان ما ضحكنا من قلب . رجعنا للبيت و قلت لخالد ينزل رفض . خالد : باروح للعيال و أنت خلك مع دلوعتك و ألعابها . جلست بالبيت و بدينا نلعب بأول لعبة و خالد مو بعيد ! إذا ما هو على الخط يكلمني فهو على البال . الساعة 12 اتصال من خالد ! خالد : سريت من العيال . تركي : بدري ! مو العادة ! خالد : مليت ! بدونك الجلسة ما بتصير ! تركي : يا عمري أنت ! خالد : طيب لا تصدق و خل ريم تجهز لي كوب قهوة فرنسية بامر آخذه على الطاير . تركي : والله ما تستحي ! تهزئ و تطلب بعد ! خالد : الموضوع مو عندك عند ريم ! إسألها و هي تجاوب بس لحظة ! إسألها و أنا أسمع يا أستاذ ملكع ! تركي : ما يحتاج ! تعال ريم ما ترد أحد حتى لو تعطيه ريال ! فأنت بأسوأ الأحوال بتلقى ريال . خالد : كويس ضمنا ريال ! يبي لي خمس دقايق ! أذن الفجر و أنا و خالد نسولف عند الباب ! هذا و هو على الطاير ! مشت الأيام و هذا الحال ! نوم إلى الظهر و باقي اليوم مع أمي و ريم و بالليل مع خالد غالباً في بيتنا . و في يوم من الأيام بعد ما سافروا أهل خالد . ريم : تركي ودي نروح ناخذ عمرة يوم واحد بس ، نروح و نرجع في نفس اليوم عشان ما نخلي أمي لحالها . تركي : أبشري ريم ، أنت تأمرين أمر . ريم : الله يخليك لي . رتبت الحجز على آخر طيارة لجدة و رجعة من بكره العشاء . في نفس يوم السفر و أنا مع خالد على التلفون . تركي : ناوين نخلي عمرتي و عمرة ريم لأبوي . خالد : الله يتقبل ، بامر آخذكم للمطار . تركي : ما له داعي ، السواق جالس . خالد : أدري إن عندكم سواق ! بس أنا فاضي . تركي : الله يقويك . طلعنا للمطار مع خالد و أخذنا عمرة و رجعنا و استقبلنا خالد و رجعنا للبيت ! أكثر ما دعيت في العمرة لأبوي ، و أكثر ما تحمدت الله عليه نعمة خالد ! و قررت أكلم خالد و أقنعه ياخذ راحته و لا يرتبط فيني بعد ظروفي الأخيرة ؟! بس كيف باكلم خالد ؟! |
خالد : أعتقد أنك تقرأ سطوري ... لا أجاملك و لا أحابيك .. إن قلت لك إنك أفضل صديق بالدنيا يعطيك العاقية أبو ريمان .. ننتظر باقي المذكرات |
::::::::::::::::: جزء رائع جدا واروع مافيه علاقة تركي باخته ولو انها اتت متأخرة للاسف .. وتبقى علاقة الصديقين خالد وتركي هي الاروع .. :::::::::::::::::: abu_riman بارك الله فيك وبصديقك بانتظار البقية .. ::::::::::::::::::::: |
الوقت المعتمد في المنتدى بتوقيت جرينتش +3.
الوقت الان » 11:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd