|
المشاغب .. انا متابع .. ابو ريمان .. تابعت لمذكرتين وقرأتها بتمعن وتدقيق .. بعد ماجتاحني سيل من الرسائل تفرغت للرد عليها .. وفي كل لحضة رغم غموض الاثنين .. الا اني اشعر بان كل شخص يفهم الآخر .. ويقدره ويحبه حباً صادقاً .. وكل هدفهم ان لا يتفرقوا .. لكن هناك سؤال لا زال يتبادر في ذهني .. منذ قرائتي للثانيه .. وهو كيف شخصين يمونون على بعض .. ومع هذا نجد ان هناك بعض الغموض .. واخفاء بعض الكلام .. حتى وانكان باين في اعينهم هذ الكلام .. لكن ليه الكبت والكتمان .. مع انه يعرف ان امره مفضوح .. ورحم الله والد تركي .. ننتظر الجديد .. |
إقتباس:
** أعتذر على (( التطفل )) عزيزي أبا ريمان .. وثق أنني في الجوار .. أتابع عن (( كثب )) ..! دمت شعلةً .. و (( قدوه )) .. :) أخوك .. |
طرح رائع كروعة ناقله يسلموووووووو |
غيمة عطش أهلاً و سهلاً .. أشكرك عندما ارتويت من حروفك .. @@@@@@@@@ المشرف الغالي القدير المحترم جداً الكلاسيكي -----> يضبط العلاقة :d نعم أتفق معك تماماً ، و لكن تعلمت أنه عندما تكون هناك علاقة مميزة بين شخصين فإنه بمجرد أن يتحدث كل شخص فيهما عن كل صغيرة و كبيرة للآخر تبدأ العلاقة تفقد بريقها و قوتها ، و أنه بقدر ما يفهم كل منهما الآخر دون حديث تبقى العلاقة قوية . عائد لكم الليلة إن شاء المولى .. |
إقتباس:
:d |
ابو ريمان لا تفهمني غلط اسلوبك رائع ولست بمؤهل لأقيمه ولكن شرحت لك انطباعي عن كيف سيكون الموضوع وكيف وجدته برايفت للأخ القاضي ظللت الكتابة ليشاهده اكبر قدر >>يحسب العالم كلهم ملاقيف زيه اخي انا أعتذر منك امام الجميع ان حصل مني ما يجعلك تحمل شيء علي ودمت شخص اكن له كل الحب والتقدير |
لميس أعتذر لك عن حزن حروفي .. و لكن مثلك لا يقبل أن أبكي لوحدي ! هذه المقدمة اعتذار عن الحزن الماضي و حزن هذا الجزء الذي ( أعترف ) بأنني ( تفننت ) فيه لا لشيء و لكن هكذا هي حياة صاحبه كما كتبها و كما سمعتها منه . @@@@@@@@@@@@ تغريد أنا سعيد بمتابعتك .. المذكرة الثانية : سنة أولى لتركي بعد التخرج ( الجزء السادس ) خلال الرحلة أفكر في وضعنا بعد وفاة أبوي كيف بيكون وضعنا ؟ أخواني و خواتي الكبار من أبوي كلهم متزوجين ، باقي لي أخت وحدة شقيقة أصغر مني بثلاث سنوات ، أخواني و خواتي طيبين مع أمي و أختي . بعض أخواني ما هي معجبته طريقتي مع خالد !! أختي في عمر أخت خالد الصغيرة و كلهم يدرسون في جامعة الملك سعود في نفس الكلية و كلهم شاطرين بس أختي معتمدة على نفسها في كل شيء و أخت خالد معتمدة على نفسها و على غيرها ، كنت أشوف خالد لما يجيب لها معيدات بالجامعة !! الوالد الله يرحمه كان يحب الوالدة و يحب أختي كثير ، عمري ما شلت هم أمي أو أختي في حياة الوالد ، غير إني بعيد عن أهلي و حياتي كلها مع خالد ! إلا أبوي ! كان وضعي معه استثنائي ، كنت قريب منه و كان يحكي لي عن أي شيء يتعبه سواءً من أهلي أو من أعمامي أو حتى غير كذا ، يمكن بعدي عن العائلة و لأن أبوي يعرف إن كلامه مستحيل يطلع مني مو لأني كتوم لكن لأن في حواجز بيني و بين أهلي . صار لازم أتغير مع أختي و أمي بالذات ، أعوضهم عن أبوي ! التفت على خالد لقيته مركب السماعات و يسمع ! أخذت السماعة اللي في أذنه القريبة مني و لقيته يسمع أغنية محمد عبده حياتي كلها صبر و جلادة @@ و غيري عايش عيشة سعادة خالد !! هذا وقته ؟ خالد : وش أسوي ؟ قرآن ما معي ! قنوات شركة الطيران ما فيها إلا أغاني ! و لو ما سمعت شيء ممكن أنجن !! رميت السماعة و رجعت أناظر جهة الشباك و لاحظت إن النور بدأ يشق الظلام و سألت نفسي ؟ ممكن يجي نور يشق الظلام اللي خلاني فيه أبوي ؟! التفت على خالد لقيته شايل السماعات و مسترخي و مغمض عيونه ! أحياناً أتمنى إن خالد يستقصد يضايقني ! ما يعجبني فيه إنه دايم كل همه يرضيني ! هذا يخليني ما أدري أنا صح أو مو صح ؟؟ ما أدري إذا خالد غفى شوي أو لا لكن أنا أكيد إن عيني ما غمضت ! وصلنا لمطار الملك خالد و نزلنا من الطيارة و طلعنا من الصالة و ركبنا السيارة مع سواق خالد و لاحظت إنه تجاوز البيت و ناظرت خالد نظرة استفهام ! خالد : يبونا نجي للمسجد مباشرة يمكن يمدينا نشوف عمي و هم يغسلونه !! خالد صاير يسوي أشياء كثيرة من وراي !! سكت و لما وصلنا للمسجد وقفنا عند مغسلة الأموات نزلت و رجعت أسأل نفسي أول سؤال بعد ما سمعت الخبر !! أنا بحلم و لا بعلم ؟! قابلونا أخواني و أنسابي ما عزيناهم و لا عزونا ! يمكن نسينا إن أبوي مات ! طبعاً أكيد حتى ما سلمنا عليهم و لا سملوا علينا سلام السفر ! ما أدري من اللي منهم قال الحمدلله لحقتوا عليه قبل ما نغطي وجهه إذا بتسلمون عليه ! دخلنا لقينا أبوي كأنه نايم ! أكتب الكلام هذا و صورة وجه أبوي خلفية للورقة !! و أناظر باب غرفتي يمكن يدخل علي ؟ شفنا وجهه ما شاء الله عليه ! أنا فاقد الإحساس ، فاقد التعبير ، متجمد المشاعر ، و على حد النعش وقفت و كأني جذع شجرة عاشت خمسين سنة قبل ما تموت من خمسين سنة !! ما أدري دخلت عالم ثاني يمكن أرض تحت أرضنا !! و رجعتني صرخة للحياة ! كانت صرخة خالد و هو رامي رأسه على صدر أبوي و يترجى و يتوسل الله يخليك لا ! الله يخليك لا ! خالد بدأ يرتفع صوته و يصارخ لحد ما مسكوه أخواني و كانوا يبعدونه بالقوة عن أبوي و هو بكل قوة يمتلكها يحاول الفكاك و العودة لأبوي و أسمعهم يقولون نبيك تهدي تركي و تزيده !! مسكين خالد ! يبونه يتعامل و كأنه ما يعرف أبوي و دوره بس يهديني ! ما يدرون عن علاقة أمي أبوي بخالد . تابعتهم بنظراتي و بعد دقيقة كانت الغرفة تضم واحد حي و واحد ميت ! تقدرون تقولون اثنين ميتين !! يبه تكفى خذني معك !! حبيت رأس أبوي نفس دهن العود و دمعتين في آخر لحظة مسحتها قبل لا يلمسون وجه أبوي دموعي ما تستاهل وجه أبوي . طلعت لقيت خالد جالس على الرصيف و مسند رأسه للجدار و مغطي وجهه بيدينه ! مثل طفل صغير خايف وقفت جنب خالد و كأنه أبوي !! دقايق و صاروا أخواني حولنا يقولون لازم تغيرون ملابسكم عشان الصلاة و شفت نسيبي شايل ثوبي في يده ، التفت على خالد و كأنه يقول هذا وقت عادات و تقاليد ؟؟ خالد فجأة قام و قال لاخوي بادخل أسلم على عمي و ما راح أسوي شيء ، وافق له أخوي بشرط يمسك نفسه . دخل خالد و وقف أخوي عند الباب يرافقه ، من التعب و الإرهاق و الحر كنت تقريباً بيغمى علي ! بس خالد خذ الدور عني و أغمي عليه ! صجة و أصوات و رجال بسرعة يدخلون على أبوي و كأني سمعت اسم خالد يتردد !! نسيت كل شيء و دخلت و لقيت خالد طايح على الأرض و حوله الرجال يرشون عليه مويه و يصحونه و ينادونه لكن خالد ما رد عليهم ! يمكن يبي يسوي مثل أبوي معه لما ما رد عليه !! شالوا خالد للمستشفى و صرت بين نارين و صرت كل شوي أتصل بنسيبي اللي مع خالد أتطمن و صفينا للصلاة و استقبال اللي يعزون ، وقتها ما عرفت أحد إلا شخص واحد ! أبو خالد لما ضمني و قال أبشرك توني جاي من خالد و هو بخير و مصر يصلي على عمه الله يرحمه . صلينا على أبوي الله يرحمه و ركبنا السيارة مع جثمان الوالد كنت انا أول من ركب أبي الفكة من السلام و ركبوا أبوي بعدي و صرت مركز نظري في كفن أعز الناس ! صح بيروح ويخليني بس والله أعز الناس . انصك الباب الخلفي و تهيأت السيارة للتحرك و كلها ثواني إلا وأسمعهم ينادون أخوي اللي يسوق وقف وقف و ينفتح الباب الخلفي و يركب مين ؟! خالد ركب ! خالد صلى على أبوي الحمدلله . وصلنا للمقبرة و نزلنا أبوي بالقبر و كان ثلاثة من أخواني في القبر و أنا واقف على القبر و خالد جنبي مباشرة قبل ما يناديني أخوي الكبير بعد ما كشف وجه أبوي و يطلب مني أنزل مكان أخواني أودعه الوداع الأخير . ناظرت خالد و لقيت نظرة تشجيع من شخص ميت لشخص ميت ! نزلت وشفت وجه أبوي ! يبه لا تخاف بارجع لما يروحون كلهم و أطلعك !! خلاص يكفي اطلع يقول لي أخوي الكبير .. يد خالد ممتدة مسكتها بيدي و طلعت من القبر و غبت في أحضان خالد و أنا ماسكه بكل قوتي و هو ضامني بيديه بكل قوته و كأننا كل واحد فينا يقول للثاني : ما بقى لي غيرك ! لا تروح و تخليني ! |
الحزن لا يضر بقدر ما يشعرنا بأننا بشر ويحيي قلوباً قد يُميتها الضحك :) تركي في هذا الجزء وضعه القدر في موقف لا يُحسد عليه و إن كان من شئ يُحسد عليه فهو وجود صديق مثل خالد ...خالد قريب من تركي لدرجة أن يتكفل بحمل شيئاً من أحزانه .... بالفعل رائع ابو ريمان تستحق أكثر من ثناء و شكر على هكذا صياغة و جمال حرف :) بإنتظار البقية |
يالله على هالجزء يحزن دخلت جو معاه يعطيك العافية أبو ريمان ننتظر الجزء الجديد بشغف |
ما بقى لي غيرك ! لا تروح و تخليني ! لا تعليق...!! احمد ربي بان الاسلام منعني من دخول المقابر ... ورائع تفكير تركي باخته وهو في اصعب الضروف ... ورائعة هذه العلاقة بين تركي وخالد ...ولكن اخشى ان يحدث شيء لخالد او لأحد منهما يفرق بينهم اتمنى ان يكون توقعي خاطىء ..!! :::: اعذرني اباريمان لم استطع ترتيب الكلمات بعد هذا الجزء المحزن ..!! :::::::::: تركي & abu_riman بارك الله فيكم ::::::::::::::::::::::: |
إقتباس:
الدكتورة سارا ،،، أشكر متابعتك .. و أعتذر لك عن ما سببته من ألم ، و أعتذر لك نيابة عن تركي .. بانتظار ملاحظاتك و تعليقاتك .. |
يجب ان يُصبح اسم هذا الجزء من المذكرات .. "الموت والوداع " !! :cry: كنتُ اقرأ وكأنني أشاهد مسرحية طاغية الألم ..! تُنبش بالحزن المطبوع على ناصية القلب .. وتُحيي ذكرى مؤلمة ..,, إقتباس:
لي تعليق .. بأن هذا أكثر ما آلمني .. هل من المعقول تكون علاقة تركي وخالد كالروح الواحدة .. الى هذه الدرجة ..,,! و جاءت في وقت صعب .. وكان خالد قبل هذا الوقت ايضاً يخشى الفراق والنهاية ..! لو كان لدي شخص مثل خالد سيكفيني عن العالم بأسره ..! |
s16s |
إقتباس:
غريب هالمقطع الانسان بطبعه في حالاات الحزن سبحان الله لو كان عاصي ومذنب تلاقي حاله يتغير :sad: بس غريب فكر يسمع اغاني بهالوضعيه:confused: إقتباس:
:) إقتباس:
:cry: خالد وتركي روح في جسدين إقتباس:
الله يخليهم لبعــض يارب ولايفرقهم نموذج للصداقه الحمد لله على سلامه خالد :no: والله خفت ان يجيه شي :no: كان بتتعقد الامور لتركي المذكرات احس بدت تخوف شوي صرت اخاف اقرا ويطلع خبر حزين :confused: دائم اسمع بالصداقه بس توني عرفت وش معنى الصداقه :) s13s ابوريمان بالانتظار لاتتاخر الهنوووف كانت هنا ورحلت |
:crybaby: :crybaby: :crybaby: :crybaby: :crybaby: :crybaby: :crybaby: :crybaby: :crybaby: :crybaby: دمت مبدعا أبو ريمان خالد جسد مقولة"الصديق وقت الضيق" بحذافيرها رجاء لا تتأخر علينا |
| الوقت المعتمد في المنتدى بتوقيت جرينتش +3.
الوقت الان » 11:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd