السلام عليكم ورحمة الله وبركاته..

هذي قصة عشق صادق
من قلب حريص كل الحرص على مشاعر من يحب ...


لذلك يطلب ذلك المحب من صديقة ان يجعل محبوبته تعشق هذا الصديق بجنون !!!

كيف ذلك ؟؟


تحكي القصة عن شاب أسمه خالد كان يعشق زوجته بجنون ولكن القدر لم يمهله
فتعرض لحادث مروري أصبح خلالها يصارع الموت وعند احتضارهـ كان صديقه بجانبه
مد يدهـ لصديقة وأخذ يوصيه بزوجته كل خير من بعده ...

وأبدع هذه الابيات الحزينة التي تبقى شاهدة على عشق هذا المحب وحرصة على محبوبته..
حتى بعد وفاته فهو أراد لها السعادة سواء كان بقربها او منتقل الى رحمة الله
فكل طموحه في حياته هو سعادة هذه المحبوبة..

لن أطيل عليكم وأترككم مع الابياات ..



وصاتي لك من بعـدي تمـوت فيهـا علشانـي
ابيها تعيش و تحيا بك واظل بالذاكـره مفقـود


وصاتي لك تنسيها ملامـح وجهـي و تنسانـي
وتعزفها قصيدة حب على عكس اللي عزفته بعود


وصاتي لك تبعدهـا عـن اشعـاري وقيفانـي
تراها مغرمة بالحيل ويشهد لـي عـدد الـردود


وصاتي لك تسايرها ترى فيهـا مـن احزانـي
طلبتك لايضيق بالك طلبتك والطلـب مـردود


وصاتي لـك تناديهـا حياتي..عمري..ازمانـي
انـا عودتهـا دايـم ادلعهـا وانـا مـوجـود


وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود


وصاتي لك تحفظهـا سـور وآيـات قرآنـي
وتخبرها عن الميـت رحـل لايمكنـه بيعـود


وصاتي لك ترسمهـا علـى قبـري وأكفانـي
ابيها لوحة تبقى علـى طـول الزمـن محـدود


وصاتي لك تمازحها وتشوف الضحكة بأسنانـي
سعيتك ياضحك هالكون طلبتك لاتصير جلمـود


وصاتي لك تقهويهـا مـن دلالـي و فنجالـي
تراها تعشق السمـرا ويكفيهـا دخـون العـود


وصاتي لك تركبها على خيلي و على حصانـي
وربي فارسة من قلب شهـادة ماهـي لشهـود


وصاتي لك تسفرهـا بـلاد الشـام و لبنانـي
ترى يحلالها تقطف ورده وردة من بلد الـورود


وصاتي لك تراقصهـا علـى الحـان رحبانـي
ترى فيها عرق خالة وفيها من جنـون السـود


وصاتي لـك تحببهـا فأبونـورة بعـد هانـي
وتنسيها ندم غلطة انـا فيهـا تـرى المقصـود


وصاتي لك تكرهها فـي تاريخـي و عنوانـي
أبيها تلعن اللحظة وتلعـن كـل فـرح موعـود


وصاتي لك تكلمها عن المجني وعـن الجانـي
وتخليني انا الظالم وانـا مـن حـرق الاخـدود


وصاتـي لـك تشبهنـي بـدم أحمـر قـانـي
وانا هالقاتل السفاح مجرم من عصـر نمـرود


وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود


وصاتـي لـك تنسيهاوصيـة قالهـا لسـانـي
أنا اخبرك رجل موقـف وانـت قدهـا وقـدود


صديقي مالقيت غيرك يعرف وشلـون تنسانـي
أمانه ضمها بقلبك ترى خالـد رحـل مايعـود


كل الإحتـــرام والتقديــــر لكمـ .. منقول بتصرف

يعطيك العافيه

مع ان الابيات ما هي موزونه

ابيات جميله جداً
مشكووووووره..

زعيم قحطاني
هلا فيك اخوي انا مجرد ناقله للابيات يعني مو كاتبتها ..
الله يعافيك ويحفظك .. دمت بخير وسعاده ..
....
هلالي شقراوي
هلا فيك اخوي الاجمل مرورك .. دمت بخير وسعاده

عندي سؤال بثر

خذيني على قد عقلي

الحين وشلون يحتضر و يقول قصيدة و تنحفظ

وينا فيه؟ في الجاهلية الواحد يقولها مره واحده و تنحفظ؟

و لا يدونونها عنه و هو بيموت

و بعدين على قولت ابو الشباب الابيات مش موزونه <<<<< يقلد و لا يدري وش السالفة :p

انا ما اقول البتاعه مش حلوه بس كان عندي تساؤلات و طرحتها

تحتي

إقتباس وصاتي لك تراقصهـا علـى الحـان رحبانـي ترى فيها عرق خالة وفيها من جنـون السـود

قصة غريبة جداً وأبيات محزنة
وترا الأبيات موزونة بشكل حلو

مشكورة

روعه

ابيات رائعة

:sad: :sad: :sad: :sad: الله يرحمه...



يعطيك العافيه على الموضوع الغريب

Canada's gallant
هلا بك اخوي يعني انا ما كنت معهم عشان اعلمك
بس ممكن عطاه اورقه كاتب فيها القصيده ..
اما اذا قالها فنسأل الله العافيه والسلامه الواحد عند
الموت يتمنى ينطق الشهاده مو يعد قصيده ..
عاد انت لا تدقق واجد الله يهداك ..

إقتباس و بعدين على قولت ابو الشباب الابيات مش موزونه

والله موب انا اللي كاتبتها وان شاء الله اذا لقيت راعي القصيده
اقوله على نقدكم الله يرحمه بس وبعدين اهم شي بالقصيده الاحساس ..

ردي صار موضوع لحاله ..
مشكور على الحظور .. دمت بخير وسعاده ..

....

Hilali88
هلا بك اخوي هو فيها نوع من المبالغه اشوي بذات بالقصيده ..
الف شكر اخوي لتواجدك .. دمت بخير وسعاده ..

....

الرحال الازرق
هلا بك اخوي الروعه اكتملت بحظورك .. دمت بخير وسعاده ..

....

hilali1410
هلا بك اخوي رائعه بتواجدكم .. دمت بخير وسعاده ..

....

يـ إني هلاليه ـلوموني
هلا بك اختي الله يعافيك ويخليك ..
رائعه بحظورك .. دمت بخير وسعاده ..

zoom
هلا بك اخوي الله يرحمنا جميع ..
الله يعافيك ويحفظك .. دمت بخير وسعاده ..

....

شذى (ع)
هلا بك اختي العفو يالغاليه ..
ولا منك .. الف شكر على الحظور ..دمت بخير وسعاده ..