السلام عليكم
مبروك الفوز .. اليوم وان شاء الله التأهل للأدوار المتقدمه .. ثم النهائي والكأس بحول الكريم
وبالتوفيق لجميع الفرق العربيه الخليجيه المشاركه بالبطوله
........................................
حول الاخراج التلفزيوني للبطوله .. أحبتي
ماهو رأيكم ؟ وبصراحه ؟
مدري هو بس أنا الي أعاني أو فيه ناس واجد مثلي يعانون من هالاخراج !
يعني مباراة حلوه وحماسيه ورتمها سريع
أبدا .. أبدا .. ماراح تستمتع بها
لاعب يسدد كوره ( خطيره ولا ماهي خطيره )
المخرج يحط اللقطه على اللاعب الي سددها .. ثم يرجع يعيد اللعبه مره ومرتين .. ثم يرجع يحط اللقطه على نفس اللاعب الي سدده .. ثم يغير الكاميرا ويجيب لقطة المدرب وش قاعد يسوي
ثم بعد ذلك يرجع للمباراة
إلا يمدي الفريق الثاني بادي بالهجمه المرتده ومسجل قول ومتهاوشين بالملعب ولا درى عنهم
المشكله اذا جت هجمه خطره .. وفيه لاعب يبي ينزل
المخرج ماعنده تفاهم .. على طول يجيب اللقطه على اللعب الي يبي ينزل .. ان شاء الله بلنتي ولا يبون يسجلون قول
يعني لو نجي نحسبها ياجماعه
المباراة 90 دقيقه .. يمكن 30 دقيقه هذي ضيعها المخرج علينا
مابين اعادات وحركات فلسفه .. وشغل مخرجين أفلام مو مباريات
لاتوجد احترافيه في الاخراج التلفزيوني
والضحيه المشاهد .. والمتابع بشغف لمنتخب بلاده
لآحول ولا قوة إلا بالله