هلا ومرحبا بالغالين
بصرحة اخذتوا جزء مهم من حياتي
احس انكم جزء من عائلتي الكبيييرة
اشتقنالكم كثييييير
وحياكم يالغالين





اليوم وأنا أشوف أيميلي اللي من زمان هاجرته:p
لأنه ما يراسلني الا ناس محدودين ينعدون على أصابع اليد الوحدة
وصلتني رسالة من شخص غريب أسمه أبو ريوف
عاد وأنا أنصدم
يا إلهي بل ياللهول
أيعقل ذلك.....<<<لقطة من مسلسل تاريخي

المهم

بجد أستغربت أنه شخص غريب لا وبعد رجال يراسلني
بنات ويخب علي أنا ويا وجهي
وبدأت التسائلات تدور في رأسي
ما أذكر أني عطيت إيميلي أحد
أخاف وحدة من البنات تستهبل
والا أكيييييييييييد غلطان




المهم بعد طول تفكيييييير وقرأة مجموعة من الرسائل
لأني لقيت مايفوق الخمسة وعشرين من نفس الأشخاص
البنك أو نفساني أو تويوتا عشان أنقهر أني ما أسوق
أوأحد معطيته إيميلي وهذولا نادراً مايراسلون<<الطيور على أشكالها

هذولا المساكين اللي ما تعودوا احد يرسل لهم:p
مثل المصارية إذا جتهم مكالمة ينصدمون
ياحبي لهم المصارية ناس عسل



عاد بعد الرسالة والله مجموعة لابأس بها يمكن ال15 أوال16 دفعني الفضول
أشوف من هذا لأنه مرسل أربع رسايل رغم أني كنت طفشانة وفكرت أرجع وقت ثاني
لكن قلت يالله أشوف يمكن واحد من عماني أو عيالهم أو أخواني مسوي لي مفاجأة..



"وأجلس أحلم ممكن تكون قصيدة
أو عزيمة
أو سلام عادي
أو بحث عن إنسانة مفقودة منذ مبطي وفكروا يلقوني بهذي الوسيلة




وبعد ما تحرك الفضول بداخلي

"الحقيقة ماكان فضول كبير بس شوي:p
وقلت ممكن تكون شي مهم;)




فتحت الرساله







يتبع الجزء الثاني"











^




^






^





^




أترككم الآن في رعاية الله





بالحب والإشراق















أمزح

عاد أنا أنقهر لو أحد سوى فيني هالحركة
ومستحيل أرجع مرة ثانية



كانت الرسالة مثل ماقلت من ابو ريوف:..



وكانت عبارة عن إيميلاااااااااااااااااات كثييييييييييييييييرة لدرجة أني كنت بأغلق الصفحة من طولها
لكن قلت بأصبر أشوف وش سالفته ومن هو وليه مرسل لكل هالعالم

وبعد مليون إيميل كان مكتوب هذه الكلمات



<<حقيقة . شي خطير ومؤشر على تخبط البنك الفرنسي .



اليوم تنشر إيميلات العملاء . وغداً سيتم نشر أرقام هواتفهم . وفي نهاية الأسبوع أرقام حساباتهم وارصدتهم وأرقامهم السرية .



هل لا زلت تثق في البنك الفرنسي ؟؟؟؟ عني شخصياً لا لا



ماذا سيحدث لو يستغل أحدهم إيميلك في مراسلات مشبوهة بصفته البنك الفرنسي ؟؟ . كيف لا . وهو يرسل لك بأستخدام عنوانك المسجل لديهم .



أين حماية الخصوصية ؟؟؟



يجب عمل تكتل من المتضررين ومقاضاة البنك الفرنسي بصفته الأعتبارية ( بعيداً عن مرتكب الخطأ ) .



فلنبدأ في مواجهة جشع وفوقية ولا مبالاة المؤسسات البنكية>>


بعدين فيه إيميلاااااااااااات كثيييييييييييييير وكنت بأقفل الصفحة لأني مليت

ولقيت هذا الكلام

<<لماذا يتم ارسال الى جميع عملاء بنك الفرنسي !! بحيث استطيع وغيري يستطيع

مشاهدة بريد الالكتروني الذي لايعرفه الا البنك والجهات ذات الثقه !

الى كل منزعج او منقهر !! ؟ امل االاتصال بي على

الجوال .............................)

او البريدي: [email protected]



You shouldn't send to all you costumer privacy emails!! WHY?

That's mean, you been published France customer personal contact!!! Which's

not found in K.S.A law LIST of advising till our permeation?



I will guide your Bank ,every one carry



Contact me at

Mobile : 0500000978>>


بعدين إيميلاااااااااااااات كثيييييييييييييييير

وهذا الكلام من البنك مثل ماقرأتة سابقاً في رسالة مستقلة



"عزيزنا العميل،



اكتتب في شركة المملكة القابضة عن طريق البنك السعودي الفرنسي

عبر الإنترنت أو الهاتف المصرفي أو جهاز الصرف الآلي





يسرنا في البنك السعودي الفرنسي أن نستقبل طلبك/طلباتك للاكتتاب في شركة

المملكة القابضة، والذي سوف يبدأ يوم الثلاثاء 25 جمادى الثاني 1428هـ ولغاية

يوم الأربعاء 3 رجب 1428هـ الموافق من 10 يوليو 2007م وحتى 18 يوليو 2007م.



يمكنك الاكتتاب عبر الإنترنت بواسطة خدمة فرنسي اكتتاب، وهي خدمة إلكترونية

آمنة ومتطورة تقوم بتنفيذ اكتتابك على الموقع الإلكتروني www.FransiPlus.com ،

وذلك في أي وقت ومن أي مكان أنت فيه. فقط حدد عدد الأسهم التي تريدها، وبهذا

يتم اكتتابك إلكترونياً ودون الحاجة لزيارة الفرع.



كما يمكنك أيضاً الاكتتاب عن طريق الهاتف المصرفي – فرنسي فون - وذلك بالاتصال

على الرقم المجاني

920014777 في أي وقت تشاء.



وكخدمة جديدة يمكنك الآن الاكتتاب عن طريق أجهزة الصرف الآلي المتواجدة في

جميع أرجاء المملكة.



لمزيد من المعلومات،

نرجو منك الاتصال بنا على هاتفنا المجاني 0006 124 800 أو زيارة أقرب فرع

للبنك إليك."



اللي قهرني اني ماقريت الا اليوم
يعني الأكتتاب خلص
بس الحمدلله أنه حرام يعني مافاتني


وأنا أصلاً من زماااااااااااااان أعلنت التوبة عن سوق الأسهم
لأني خسرت بإرادتي :p والحمدلله على كل حال
بالمال ولا بالصحة:..



نرجع للرسالة بصراحة ليتني ماقريتها
لأن ابليس جلس يوسوس لي
طيب لو أحد سرقنا
عاد أنقهرت مايكفي السوق والمشاريع الخسرانة
عشان يطلع هكرز ماغسل وجهه وياخذ ماتبقى

عاد رجع ابليس يمارس الاعيبة بعقلي ويستهزء بمستوى تفكيري
مالقيتي الا أنتي ويا وجهتس عشان يسرق منتس
هذولا يمكن يحطون بالحساب ماياخذون منه


المصيبة ليست هنا

المشكلة دائماً أسوي دعايات مجانية للبنك
وأمدح خدمته اللي كانت ولازالت حلوة
كل البنوك لها عيوبها ليه ندقق كثيييييير

قهر مافية عزيمة
ولا سالفة مهمه
الشرهه موب عليه علي أنا اللي تحمست على الا شيء .



ملحوظة...

المفروض نستخدم عقلنا
وإذا أحد طلب منا نحتج نفكر أكثر من مرة
لأنه ممكن يكون للحقيقة وجه آخر

وما نصير ماديين بس نفكر في العزايم تراها موب حلا
ونحسن الظن بالآخرين وما نتبع سقطاتهم
والأفضل أني أخلص بسرعة بدل الفلسفة الفاضية
عطيتوني وجه .



بالحب والإشراق

موضوعك شدني كثير ..

وصدقيني انا الى الان راسي يدور مثلك .. وحطيت نفسي مكانك .. يوووووووه قلقققق


اتمنى ماتكون الرسالة عباره عن ملف تجسس او خلافه..



لك ودي واحترامي..

سفير الشوق.

إقتباس الرسالة الأصلية كتبت بواسطة رائدة الزعيم يجب عمل تكتل من المتضررين ومقاضاة البنك الفرنسي بصفته الأعتبارية ( بعيداً عن مرتكب الخطأ ) .

مستحيل
ياليت يفتحون باب مقاضات المؤسسات الحكوميه والشركات كان الحين انا كاااااااااش من زمان من كثر الاخطاء اللي صارت لي معهم

الله يستر علينا


اما الرساله فهي طريقه بدائيه من البنك الفرنسي انه يرسل وتظهر ايميلات المرسل اليهم

بس عندي سوعال وش دخل صور هالامورات بالموضوع حاولت ادور الرابط بينهن ما لقيت

هلا وغلا رائدة الزعيم وحياك الله بين عائلتك اللي وش كثرهم

إقتباس ^ أترككم الآن في رعاية الله

هههههههههههههههههههههههههههههههه
والله اني تحطمت قلت القصه انتهت قبل لااعرف وش السالفة


وزي ماقال سفير الشوق ان شاء الله متكون رساله تجسس بس


عواااااافي يا رائدة الزعيم على الموضوووووووع


leo messi

عودة حميدة ريوودوه بعدي انتي ..

موضوعك حلوو .. عجبتني الصور مرة ;) :p

بعدين الحمدالله انتي تفتحين رسايلك أما أنا متكدسه من سنة جدي , من أول ما سويت الايميل قبل سنه و انا ما اشوف الرسايل

موضوع حلوو ...فكرته حلو صراحة يسلمو هالإبداع , وبإنتظار الأروع ولاأنسى مواضيع الأدب العربي الحلوة يؤ





Dr.Sara

حبيت اسلم بس لاني بصراحه قريت الموضوع وانا اشوف المباره وياسر ضيع انفراده

المهم الي فهمته ان البنك الفرنسي ماله داعي قام يرسل ايميلات خلق لله لكل العالم



ارسلي لي نسخه من الايميل ......



الشي الثاني المملكه القابضه ما تكتتبتي فها

بصراحه انا الحمد لله ما اكتتبت مع اني اذكركم ان سعرالسهم بيتضاعف 3 مرات على الاقل

وهذي حركه من الشركه


تشـــــــــاو

رائدة مدري البلى مني او من مووضوعك عجزت استوعب

بس قلت لازم اجي ارحب في الدبه القاطعه وينتس ماتنشافين تتغلين يعني

وشخبارتس عساك رسبتي بشري

مدري وش اقول بس لاتفتحين رسايل من ناس غريبين
الصور ابداع


برايفت رائده والجميع >>>عارفه لو تقول رائده بيجون كلهم
اقول وش عدل حبي تيماوي افا ماهقيتها منك خربتي من تالي منتي صديزتي
اعترفي

ود يليق بكـ

مشكوره على الموضوع

وبالنسبه للرسايل والله عندي اكثر من الف رساله ما فتحت ولا وحده

لاني اول ما سويت ايميل ما خليت ولا قروب الا واشتركت فيه وكل يوم اقل شيء

عشرين رساله ولا اعرف كيف الغي الاشتراك<<<< واحد قاعد يتشكى

سفير الشوق

هلابك أخوي الغالي
هي الرسالة غريبة شوي لكن مابتوصل للتجسس
لأني مارديت علية ومرسلها لكل العملاء
حتى البنك ماسوى شي يستوجب مثل هلكلام غلطة وتعدي

جميل هو حضورك ورائع تفاعلك
لك شكري وإحترامي

\\
//
\\

مواصل من عام 1413هـ

هلابك أخوي الغالي
بصراحة أنت تخوف
بعدين الخساير أكبر لما تدخل المحاكم
وإذا تضررت تعوض الله وريح راسك

تسلم على تواجدك الجميل
كل الشكر لك

\\
//
\\

الكــلاسيكي

هلا بوليدي الغالي
نورت والحمدلله على سلامتك

إقتباس اجل تنبسطين من الرياسل . اقول .. اجل اشتركي في قروب صور خليه كل يوم يرسل لك 15 صوره ....

مشكلتي تزعجني الدعايات وكثرة الرسايل
وأثقل شي أني أقراها
تعودت أحذف الرسايل من دون ما أقراها
لأن إيميلي ماعطيته أحد واللي أعرفهم محدودين

إقتباس اما من ناحية اسرار البنوك .. شي طبيعي لو طلعت .. الصراحه في هالوقت كل شي جايز .. لا تستغرب تروح وتدخل البطاقه وتحصل رصيدك صفر .. ويمكن لو راجعتهم يقولون مسحوب او محول !!

هذي صارت لأختي لكن بالبنك الأهلي
هناك خدمتهم غبية
لكن كان موقف مضحك لما جت تحاسب ومالقت رصيد

مشكور ياوليدي على تواجدك الجميل
والحمدلله على سلامتك مرة ثانية

\\
//
\\


kaka-22

هلابك أخوي الغالي
الصور مالها علاقة عجبتني وحطيتها
وكل الشكر لحضورك الجميل
وتواجدك الراقي


\\
//
\\


leo messi

أهلا بتواجدك الجميل
عذوبة حضورك أسعدتني
لك شكري


\\
//
\\



Dr.Sara

هلا حبيبتي سارونة
مبسوووووووووطة بطلتك الحلوه ياحلوه
لو لاحظتي الرسالة قديمة وهذا يدل أني نادراً ما أفتح الرسايل
لكن أخاف يكون فيه شي مهم فأتفتح بعضها والباقي أحذفة

كل الشكر لجمال تواجدك
لك تحياتي



\\
//
\\

نـــــــ15ــــــمر

هلا أخوي متعب
مبسوطة بحضورك الجميل
وأشوى أنهم فازوا بعد ماطلعت روحهم
بصراحة أنا ما تابعتهم لأن الشلهوب مو معهم
وإذا مالعب الشلهوب المباراة تصير بايخة
وطبعاً ما أكتتبنا فيها لأنها حرااااام

تواجدك الجميل زاد سعادتي
لك ودي


\\
//
\\


الهنوووف

هلا والغلا بشيخة الزين والحلا
فراشتنا الحلوه
تدرين وش صار حاطة ملابسي بالغسالة
وأنا أعبيها موية نسيتها مفتواحة
وجيت لقيت الدنيا غرقانة
لكن بحنكتي تداركت الموقف قبل مايشوفني أحد
وأصير مسخرة عند الناس
أنقذت الموقف وجيت أكمل ردي عليك يالغالية
تدرين وش مشكلتي بالدراسة
مستحيل اروح رابع وعندي مواد من أولى وثاني
بأمتحنها الشهر الجاي وإن شاء الله مايفوتني
لأني كل ماجيت أبختبر مادة صارت اليوم اللي قبلة
أو لما يجي وقت الإمتحان مايكون لي نفس أروح
وطبعاً العالم مالهم بمزاجي المتقلب ففي الأخير تحسب رسوب
عاد بأحاول أضغط على نفسي عشان أتخرج وأنوم براحتي

إقتباس اقول وش عدل حبي تيماوي افا ماهقيتها منك خربتي من تالي منتي صديزتي اعترفي

شفتي عاد الناس تكبر وتعقل وأنا أكبر وأخرب
وإذا الفضول ذابحك رساليني على الخاص
وإذا مزاجي يسمح جاوبتك

مشكورة ياعسل على تواجدك الأجمل
لك ودي


بالحب والإشراق

حياك الله من جديد ..

طريقة خبيثة يرسلون لك ايميلات العالم .. يحسبوونك بتضيفينهم..

يعطيك العافية..

الحمد لله أخيراً قدرت أستوعب

أنا اشهد أنك راعية طويلة خخخخ

ليه ما اختصرتي السالفة ولخصتي الهدف من الموضوع عشان نفهم؟

على العموم .. ما حصل إلا الخير..

ما بيجيك هاكرز ويخترق ايميلك وهو ما يعرفك.. إلا إذا كان إيميلك مميز عاد..!!

أما بالنسبة للاضافات.. فما أشوف هناك مشكلة.. هناك اختراع اسمه حظر وحذف ;)

وبعدين كل الدعوة ايميل ما فيها جوال ولا غيره .. بس يا حبكن يالبنات لتكبير الموضوع



بالحب والإشراق

هـــلا والله رائده ..
وينك يااختي واصلينا وراك قاطعه تجين بعدين تروحيين
ترانا نفقدك:p
وعن الرسايل ياكثر الرسايل من الناس اللي ماعرفهم بس على طوول حذف لأني مااحب أقرأ الرسايل
اللي بالإميـــل :p بس احب اشوف الصور الحلوة الرمنانسيه مثل اللي بموضوعك:p
والحين اكثر البنوك تعتمد على الربا بس ان شالله الراجحي مافيه شي

يســلموو خيتوا..
وخلك معانا على طول <<تقدم برنامج بالتلفزيون

عوافي قلبووو..