اهدىحارس نادي الهلال زعيم فرق اسيا هديه جميله لشباب الانتفاضه والحقيقه انا
ما ادري هل هي بقصد العتيبي كهديه منه لنادي الاقصى ام انها تدليخه منه.
لو صارت هالهديه او التدليخه امام نادي مثل النصر وش راح يكون رد الجماهير
يا ابو عتب

اكيد بيقولون وحده من ثنتين....اما انك متواطيء معهم او انك غير كفؤ لحراسة مرمى
الزعيم كبديل لافضل حارس في آسيا محمد الدعيع.

الحقيقه انا ما قلت هالكلام الى لان الكوره الي جا منها القول كره سهله جدا
ويمكن لاي حارس قرائتها بشكل سريع واخذ التصرف المناسب



والا انتم وش رايكم

على قدر اهل العزم تأتي العزائم

انما ما ادري ليش الى هالحين مخلين احمد ضاري احتياط .. طيب عطوه فرصة وشوفوا .. بدل ابو الشباب اللي مايعرف يمسك كورة ؟؟؟!!!!

ياحليلكم توه ابو عتب ريض فيكم....



سمعت انه حالف يخلي كل مشجعين الهلال يلعنون الساعه اللي سجل فيها للهلال.....

ياناس هذي عوايد العتيبي

وأنا قايل من أول لو يربطونة في العارظة
بسلسلة والله أحسن....

الله يستر من الجايات بصراحة ماينسكت عن ها
الموضوع...

يقول المثل

من غيّر عادته قلّت سعادته

اللي يقهر

اسوأ حارس سعودي
احتياط
لأحسن حارس آسيوي

طيب يا شباب والله حرام عليكم .

قبل ما يجي الدعيع لم الهلال وش كتنوا تقولون عن العتيبي . كل مشجع هلالي يقول ان العتيبي من افضل الحراس بس ما صار مستواه كذا الا بعد ما جاء الدعيع وصار في الاحتياط . وبداء الكلام على حسن بعد ما صار في الاحتياط .

واراهن ان اي حارس يجلس بالاحتيط مثل مدة العتيبي يكون اسواء من حسن في الحراسة .

بس تذكروا ان حسن عمرة صغير وقدامه مستقبل ان شاء الله .

والله يا شباب وخصوصا عزيزي المرجوج انا مو قصدي اجرح بابو عتب
لاكن مو معقول حارس كبير زي ما قلنا وخليفة ابو دعيع يصير فيه هالي صار والله مشكله...

على هذا الطرح
لكن حارس مايختبر بمباراة كامله الا مرة وحده وبكره سهلة ويدخل فيه ذا القول عز الله لو يلقط كور بدال هالبزر اللي وراه كان اصرف له

والله انه مايجي نصف ضاري لكن بعد هالمباراة وش بيقول السيد آرثر عنه وعن الاخ المجرشي الي ماتعودنامن الهلال يجيب والا يسجل مثل هذي الاسماء,من دخل وهو قاش هالفلسطيني المسيكين والظاهر انه مهوب طاقها عقب دعسة المفصل اللي ذكرتنا بمصطفايا والحارثي حقين النثر

والله مااحد يدافع عن شخص يسوي هالغلطات الشنيعه اللا واحد !!!!!!
لكن العتبان واجد.....؟؟؟؟؟

وازيدك من الشعر بيت

خله بحاااله ولااااا ولااااا ولااا تعكر مزاجه


ههههههههههههههههههه ;)

يااااااااااااريته
انتقل
لنادي جار الزعيم
كان فكنا من شره!!!!

و الله حرام يلعب العتيبي بالهلال و الله أي حارس مكانه افضل منه
كم له يلعب و اخطائه زي ماهي من يوم ابتدا الى الآن يعني لاعب لايمكن يتطور ابدا

نسيتو السنه الماضية يوم يخسر الهلال بأخطائه 9نقاط لحاله و ماتأهل الهلال لدور الاربعة بكأس الاتحاد و الله اتوقع ان حارس مرمى الناشئين بالهلال اصرف منه.

انا مادري ليه مصرين على العتيبي !!!!!!!!!!!!!

اقترح الادارة تفاوض الواكد من الشباب و يعطون الشباب العتيبي رجاحة فوق البيعة لأن الشباب يدور حراس .

اخوي الفارس الازرق . والله انا منب عتيبي والله العظيم .

اخوي والله انا اصلي اسبيعي .


انا اذا سمعت او شفت ابدوي ضاق صدري .


وشكرا

ارجوا انك ما تزعل من وجهات نضر بعض الاعضاء والتي لا تخلو غالبا من الذبات
على خفيف والضرافات
كلنا انشالله اخوان في الاسلام اولا واخوان في هذا البيت الهلالي
وبعدين انت من اي السبعان