تدعس قطوه عادي تصير كثير !... بس لو تصدم .....؟؟ هذي غريبه ...!! - نادي الهلال السعودي - شبكة الزعيم

zooom · #1 13/07/2007, 05:29 AM

[هذي قصه حقيقيه حصلت لواحد اعرفه شخصيا حصلت في وسط الرياض وفي اشهر احيائها.... في حي السويدي

الرجال يمشي بسيارته في في شارع عام والحمدالله ما كان مسرع يمشيي 60 تقريبا ....

وفجأه يطلع في قدامه حصان....!

[ اكرر: حصان.....! الحصان هرب من احد المنتزهات القريبه من الموقع وخرج للشارع العام وصدمه اخونا بالله ....!

والحمد الله .. .. الرجال ما اصيب الا بكدمات بسيطه... والحصان قام يعرج.....! وطبعا السياره تضررت...

بالله عليكم في وسط الرياض وتصدم حصان وش شعورك....!

ما اقول الا الله يستر على المسلمين ويحفظهم من كل مكروه....
ما خلصنا من حوادث الجمال السابئه على الطرق السريعه..... وتطلع لنا الخيول في وسط المدينه....!

الله يكفينا شر الحوادث....

انت في الرياض توقع اي شي .... يبلعك الشارع..... تصدم حصان.... تطيح عليك لوحه اعلانيه.....!

الله يحفظكم من الحوادث......

جرح يشكي · #2 13/07/2007, 05:37 AM

والله العظيم اني كنت طالع لشركة الكهرباء اللي في الملز وانا امشي 80 الا والـ (( حمار )) الله يكرمك في وسط الشارع والعمال يلاحقووونه شوي الا والبرييك يحكي .

عاد يقول لي العامل ان هاللي ما يتمسى هارب من السجن قصدي من حديقة الحيوان .

انا لو اني مكان راعي السياره اللي صدم الحصان كان طردته الين يوصل لطريق الملك فهد واخليه يشوف الزحمة ويبلع ام العافيه ويرجع للاستراحه وهو يجر اذيال الخيبه والندم على ترك حظيرته <<<<<<< بالعربي نعسااااااااااان

zooom · #3 13/07/2007, 05:57 AM

8
8
8
ههههههههه
يا خي مشكله اليوم ينحاش حمار بكره ينحاش فيل....!

الحمد الله على السلامه... والله يستر على المسلمين...

هلاليه الرس,, · #4 13/07/2007, 06:39 AM

خخخخخ

حصان مره وحده لا وبشارع عام خخخخخخ

إقتباس


	الله يحفظكم من الحوادث......

اميييييين

الضلع الهلالي · #5 13/07/2007, 06:44 AM

الله يكفينا الشر

بلد الوليد · #6 13/07/2007, 06:53 AM

شرايك بالي صادم تيس في الشارع

عاشقة الزعيم15 · #7 13/07/2007, 06:55 AM

هههههههههههههههههه
واحد يقول حصان والثاني يقول حمار>>> وبكرا تسمع اسد

:p
نعيش ونسمع

إقتباس


	الله يحفظكم من الحوادث......

ااااامين
الحمد لله ع السلامه
مشكور اخوي

zooom · #8 13/07/2007, 07:24 AM

إقتباس

الرسالة الأصلية كتبت بواسطة هلاليه الرس,,


	خخخخخ حصان مره وحده لا وبشارع عام خخخخخخ اميييييين

شكرا لمرورك...

البالون · #9 13/07/2007, 07:46 AM

واللـه غـريبـة ..
ميـن المسئـول عن اللـي يصيـر ؟

بـس تصـدق أشـوى انها جت في حصـان
ما كـان أسـد ولا نمـر

@ ابو عبدالعزيز @ · #10 13/07/2007, 08:21 AM

على قولتك كل شي جايز بالرياض

توقع غير المتوقع(ما ادري وشلون تجي)

يعطيك العافيه

F I N A L · #11 13/07/2007, 10:27 AM

الله يحمينا شر الحوادث

G o L d E s T · #12 13/07/2007, 10:55 AM

يا والله البلشه

الحين انا اذا شفت بسه انهبل واكع والدين الفرامل

شلون لو شفت حصان

Hictar · #13 13/07/2007, 01:04 PM

حصان

انا ما كنت اشوف الخيول الا عند ملعب الملز دايما يطلعونهم اخر الليل يمشونهم حفظهم الله ورعاهم

بس بالسويدي غريبه من اللي عنده خيول بالسويدي
صفقني اذا عوضوا خويك

يعطيك العافيه اخوي زوم زوم زوم

zooom · #14 13/07/2007, 01:11 PM

إقتباس

الرسالة الأصلية كتبت بواسطة بلد الوليد


	شرايك بالي صادم تيس في الشارع

الحمد الله على السلامه.....

f*y*d · #15 13/07/2007, 01:11 PM

إقتباس

الرسالة الأصلية كتبت بواسطة جرح يشكي


	والله العظيم اني كنت طالع لشركة الكهرباء اللي في الملز وانا امشي 80 الا والـ (( حمار )) الله يكرمك في وسط الشارع والعمال يلاحقووونه شوي الا والبرييك يحكي . عاد يقول لي العامل ان هاللي ما يتمسى هارب من السجن قصدي من حديقة الحيوان . انا لو اني مكان راعي السياره اللي صدم الحصان كان طردته الين يوصل لطريق الملك فهد واخليه يشوف الزحمة ويبلع ام العافيه ويرجع للاستراحه وهو يجر اذيال الخيبه والندم على ترك حظيرته <<<<<<< بالعربي نعسااااااااااان

خخخخخخخخخخخخخخخخخخخخخخخخخخــ والله ان شكله المشاكل لاحقتك
وش مسوي للعالم انت.. اعترف

والله ياخوي زوووم الصراحة ماعندي رد اقدراقولهعشان كذا قلت أمر عليك
بأحلى اقتباس

وأقولك والله والبلشششششششششة اجل حصان مرة وحدة
لو قلت كلب تنبلع
بس الرياض يصير فيها اي شي

فيها الردي وفيها الزين

وتسلم