جوالي انسرق وخااااايف !!!! تكفون - نادي الهلال السعودي - شبكة الزعيم

الرحال الصغير · #1 09/07/2007, 07:48 PM

اخواني الزعماء :
أولا عزائي للأخ وليد القحطاني
بس أن واقع في ورطة وابي الحل جوالي معاي من سنين ( نوعة الفارس )
وأخير جوالي انسرق ( طبعا بعض الزملاء انبسطو عشان أغير الجهاز)
الكارثة إن في أمور بجوالي خاصة حذفتها وأخاف يسترجعها الملعون بالبرامج المنتشره ها اليومين فهل يمكن استرجاعها وخاصة إسترجاع ملفات الفيدو يعني أحجام اكبر من 1 ميقا بايت .
مع العلم أن ذاكرة البطاقة 64 ميقا

تكفون افيدوني يالزعماء .

مجنون الزعيم(9) · #2 09/07/2007, 08:34 PM

ماعتقد اللي يسرقه بيرجعها.. هو ماسرقه الا لحاجه الفلوِس بيبيعها على طول
عشان يفتك ...

الزعيم سام6 · #3 09/07/2007, 08:38 PM

معليش تعيش وتاخذ غيرها

الزعيم سام6 · #4 09/07/2007, 08:39 PM

رح للاتصلات الي في الحاره شف في احد بايعه

الرحال الصغير · #5 09/07/2007, 09:30 PM

إقتباس

الرسالة الأصلية كتبت بواسطة الزعيم سام6


	رح للاتصلات الي في الحاره شف في احد بايعه

للأسف أخذو الجوال من مكتبي في العمل والي أخذوه المراجعين الي اخدمهم

شكرا على اهتمامك ....

§الـ§ـزعـ§ـيـم§ · #6 09/07/2007, 09:39 PM

هاردلك

عشان ماعاد تخلي جوالك الا في الدرج والا جيبك

زين أنه الفارس بعد

ومثل ماقال مجنون الزعيم هالحرامي الله لايوفقه ماخذه عشان يبيعه بس

عندي جوال نوكيا صغير حاط فيه السوا تامر عليه

حمـ(الهلالي)ــد · #7 09/07/2007, 09:03 PM

ماأعتقد ان في برنامج يرجع الملفات المحذوفة ابدا

واكثر الكلام مو صحيح

ادع الله انه يجيبها سليمة

الرحال الصغير · #8 09/07/2007, 09:26 PM

إقتباس

الرسالة الأصلية كتبت بواسطة حمـ(الهلالي)ــد


	ماأعتقد ان في برنامج يرجع الملفات المحذوفة ابدا واكثر الكلام مو صحيح ادع الله انه يجيبها سليمة

مشكور على كلامك اخوي حمد طمنتني شوي

هلالي ودمي سامي · #9 10/07/2007, 12:24 AM

اذا شريحتك من الجوال في خدمه تخلي اللي سارق الجوال مايقدر يركب اي شريحه ويطفى

محمد 22 · #10 10/07/2007, 03:43 AM

هو يبي فلوس وش يبغى باأشيائك

Talal Alqwaie · #11 10/07/2007, 05:12 PM

الله يعينك

الفيروسه الزرقاء · #12 11/07/2007, 02:05 AM

هلا بـ الرحال الصغير .

الله يكون بـ عونك

، إذا عندك السيريال نمبر لـ جهازك أتصل ع 902 وقف شريحتك وبلغهم عن سرقة جهازك .. بيطلبون منك السيريال نمبر ونوعية الجهاز وراح يوقفونه لك بـ حيث أن اللي سارق الجهاز مايقدر يدخل عليه أي شريحه ويستخدمه

.. شي أحسن من لأ شي

.

الحمدلله ماقد أنسرق مني جهاز إلا يوم كنت بـ ثالث ثانوي وانا بـ الأختبار فتشت بنت شنطتي وأخذته

ومن عقبها ولله الحمد مـ أنسرق مني جهاز ، وفيه دعاء أحب أقوله إذا طلعت لـ لأي مكان من عقب الحادثه اللي صارت لأختي وقدام عيني ، فـ شارع الثلاثين تونا طالعين من مطعم مروا عائلة هنديه من قدامنا واختي كانت حاطه جوالها بـ يدها ونوعيته جاس جام عقب مامشت العائله التفت ع اختي وشفتها مستغربه ماحصلت الجهاز بيدها اليسار ...!
فجأة أنسرق وهي ماتدري ومن دون لاتحس فيهم !! وافكورس استعملوا سحر لـ السرقه

علشان كذا من عقبها وأنا كل مـ ركبت السياره دعيت " اللهم أستودعك نفسي ومالي وعرضي وكل مـ املك " ..

فـ هالزمن مافيه أمان لأزم ندعي ونحصن أنفسنا

.

الفيروسه الزرقاء

سفير الشوق · #13 11/07/2007, 02:35 AM

السلام عليكم

مابي ازيد على كلام الاخوان والاخوات ووفوا وكفوا

فعلا السيريل نمبر .. دق على 902 وعطهم السيريل وان شاء الله ماراح تتضرر

وعليك بالدعاء هذا ابتلاء من رب العالمين تصبر ام تكفر

قال تعالى : (( أحسب الناس أن يقولوا آمنا وهم لا يفتنون )) والفتنة ابتلاء

الله يعوضك خير منه ........

لك ودي واحترامي..

سفير الشوق.