عندما كاد مكدونالدز ان يسلبني 100 ريال (قصة واقعية) - نادي الهلال السعودي - شبكة الزعيم

أبو راس · #1 09/07/2007, 05:55 PM

السلااااااااااااام عليكم

كيف حالكم شخباركم...

في مساء يوم جميل حسيت بالجوع واضطريت امر مكدونالدز لانه اول شي طلع لي والجوع كافر، ولا اصلا ما امرهم دايم

رحت للدرايف ثروو وطلبت من الشباك الاول
وكان فيه واحد هو هندي او بنغالي او سريلانكي ,, شك الراوي

قال لي حسابك 19 ريال (اللي يخمن وش كان طلبي ماله جائزة

)

بما اني ما اتعامل الا بالكبير .. طلعتله ورقة الميتين وقلتله دوك

رجعلي الباقي ومعها الفاتورة
الفاتورة تقول اني عطيته 200 وهو رجع لي 181
بس اللي بيدي 81 بدون الميه

قلتله رفيق باقي ميه ..
ابتسم ابتسامة صفراء وطالع فيني بطريقة غريبة وقال:
ايه خلاص انا قفلت الصندوق روح الشباك الثاني وانا اجيبلك الباقي...

وبعدين رمى بتصريحه النووي اللي يعني اني حريص عليك:
يقول انتبه تمشي وتنسى ترى في ناس تنسى وتروح

قلت في نفسي شكله هذا اللي تبغاه يابن اللذين..

الحين الفاتورة تقول ميتين يعني انه عارف انا وش عطيته مو انك ملخبط بينها وبين ال 100

والباقي يطلعله ع الشاشة قدامه 181 بالخط العريض

ويقول انتبه تنسى مثل غيرك
وشكله يقول لنفسه وش ذا العله ..ما مشت عليه الحركة زي غيره

بعد كل هالتفكير وصل دوري للشباك الثاني..
وحصلت واحد سعوووودي ..
طلع الهندي سبقني وعطاه الباقي يوصله لي

قال هذا الباقي حقك

قلتله هالهندي وش بلاه ..شكله قاصد هالحركة

قال والله ذا متعبنا ... هو اصلا سواق توصيل مو راعي كاشير.

عاد انا

حتى اصحابه يتشكون منه

حسن النيه الباقيه عندي خلاص طارت

قلت للسعودي انده لي ع المدييييييييييييير

<< يعني قوي

جاني واحد فلبيني.. قالي يس سير

قلت هذا رفيق حقكم حرامي
شف الفاتوره ..معطيه 200 وهو مسجلها وجا بيلعب علي كأنها 100 يعني اني بحط الباقي بالبوك ولا انتبه

قال لا لا ..هذا مستيك (يعني بالغلط

) .. اصلا هو سواق واحنا عندنا نقص عمال اضطرينا نحطه كاشير

قلتله هذا لانك مدير خربان
ما عندك موظفين اجل انت وش شغلك
تبيني انا اجمع لك عمال
المفروض يكون عندك موظفين ومدربين بعد

المهممممممممم

اخذت طلبي ..
العادة احطه جنبي وامشي

هالمرة قلت ذولا ما منهم امان

فتحت الكيس ولا فطيرة التفاااااااح مو موجودة

يا حوووووووول

ناديت السعودي.. قلتله ناقص فطيرة

انكسف الرجال .. قبل شوي يقول الهندي متعبنا والحين هو طلع كانه بيسلبني فطيرتي التفاحية اللذيذة :p

بس عادي الفطيرة ولا المية ريال

انا ما دقيت فيه ..
ابن بلد وباين انها غلطة
انتظرت جابلي اياها وقلت شكرا ومشييييييييييت ;)

ما يستفااااااااد:

الاكل السريع ضار بالصحة ومضيعة للفلوس
انتبهو من حركات العمال .. مو بس المطاعم حتى محطات البنزين يعملونها دايما .. اما يلطشلك الباقي او يعبي لك بدون ما يصفر العداد

اذا صار معك شي لا تسكت .. نادي المدير وسوي زحمة.. بهالطريقة المدير ينجبر انه يعدل الوضع منعا للأحراجات

اللي صار معه حركة نصب في حاجات ثانية ياليت يعلمنا من شان ننتبه وناخذ بالنا

الدنيا مالها أمان

فتكم بخييييييييييييييييييير