|
يجب أغلاق قناة الغزل عاجلآ غير أجل ............... بسم الله الرحمن الرحيم السلام عليكم ورحمة الله وبركاته : أستبشرنا خيرآ أن نادي الهلال هو النادي الأول الذي أطلق قناة رياضية تهتم بشؤون النادي و لكن للأسف خيبت القناة أمال الجماهير فيها فأهم ما لدى القناة هو الشات و الربح المادي فيا ليت الأمر توقف عن هذا الحد فوصل الشات الى الغزل و الكلام الغير لائق فالكنترول يقول أهلين سارونه و هي ترد هلا حبيبي و لا ننسى أن بعض اليوزرات أستغرب أن القناة توافق عليها مثل : متلثمة بشماغ ياسر , عاشقة نواف و غيرها من الأسماء , ياسر و نواف لديهم أهل و أخوان فعيب عليكم يا قناة الزعيم الموافقة على هذه الأسماء بالقناة . صوت سيء و صورة أسواء لذلك لا نستغرب فشلها الذريع الى الأن . نطالب من أدارة النادي تطوير القناة أو أغلاقها و لا عليها حسوفة لأنها أساءت للزعيم و رجالاته حتى لو كانت القناة داعمة للنادي فلا خير في دعمها للنادي أذا كان بهذه الطريقة البشعة . أتمنى أن لا ينقل الموضوع لأقسام أخرى لأن ما أقوله نابع عن محبة لهذا الكيان الشامخ . |
القناه كلها غلط في غلط |
الخوف كل الخوف ان تجينا عقوبه من الله بسبب هذه القناة وربما نبتعد عن البطولات ونخسر لاعبيننا بالاصابات كل هذا بسبب قناة تعتمد على الغزل |
القناه فاشله وهي قناه مخصصه للعزل فقط وش الفايده منها؟ الزعيم مايستفيد منها فأتمنى اغلاقها |
والله ماعليها حسوفه لكن قهر انها تشيل اسم الزعيم :upset: :upset: :upset: والحين ابشرك غزل وطبخ وكل شي |
والله معـــــــــك حق أخووووووووووي واللي ينقل الموضووعـ مايبي الفــآآآئدهـ للهـلآآآآآآآآآآآل أنا إذ111 بغيت أغــآآآزل أرسل بس لقنــآآة الزعيم ما يحتـآآج أرووح أرقم اااااااااااااااااااااااااااااااااااااااااااااه يا القهــــر بس والله في يووم شفت قنـآآآآة الزعيــــم غزل ومدري أيش يا بعد قلبي يا حبيب والله بغيت أكسر التلفزيوووووووون بس قلت ليييش عشــآآن نآآس ما تســآآآهل والخبــر يتدآآول اليوووم مثلآ تلقــآآآ بكرهـ قنــآآة الزعيم تقوووله بدري بدري بدري يا قنــىة الزعيم المفروووض هي المتحدث الرسمي لنــآآدي الهلآآل والله أنا عندي أمنــــــــه أني اكوووووووووون في كنترووول القنــآآآة وأنتم تدروووووووووول لييش أبي أصير مع الكنتروووول كلكم فااهمينهــآآآآ وشكرااااااااااااا أتمنى ردي ما يفهم غلط |
معليش على كلامي بس هذا الواقع بصراحه القناة حقت ( مبزرة شااااات ) تذكريني بقنوات الاغاني والشات والغزل والاسامي ( الخرطي ) تصدقون كانت القناة عندي والغيتها اولا مهيب صافيه مثل الناس تقطع كثير ثانيا الصوره صغيره مهما كبروا فيها لازم الشاشه كامله والا ماله داعي ثالثا الى متى واحنا نصبر وغيرنا ماشاء الله على الاقل يجيبون اهداف بالكوم وسلمني على القائمين على القناااااااااااااااااااااااااااة ( فالصو ) نبي قناة بحق وحقيقي مو بس شات ندري انكم تبون تربحون بس فعلوووا امور اخرى غير الشات وتشوفون الكبار مشتركين مو بزران شاااااااااااااااااااااااات |
صحيح والله .. |
كلامك صحيح اخوى نقوشى وعن قريب سوف نجدها غزل وطرب بدلا من ان تكون رياضيه متخصصه بامور النادى واحواله ونقل مباريات الفريق وتدريباته حصريا عليها القناةفاشلة لم نستفيد من مشاهدتها سوى رؤية الكلام البايخ اطالب من المسؤولين اغلاقها باسرع وقت او تطويرها للافضل والاميز لكى تكون مميزة عن باقى القنوات اتمنى ان يثبت الموضوع لاهميته وان لايحذف لانه موضوع مهم وهام يخص النادى وجمهوره شكرا نقوووشى على طرحك موضوعك المهم |
استغفر الله العظيم من كل ذنب عظيم |
منذ مبطي وأنا ادور الفرصة علشان أتكلم عن قناة الزعيم هل الهلال بحاجة للمال حتى يفتح شات لمن هب ودب يقول ما يشاء بدون حياء أو خجل قناة ريال مدريد على الهوت بيرد ما فيها شات إذا الهلال محتاج فلوس يفتح حساب بأي بنك وبدال ما تستفيد شركة الإتصالات من نسبة يأخذ الهلال كل المبلغ ، إذا شفت الشات غيرت القناة على طول المباريات مملة . أنقلوا مباريات تهز الجمهور هز ، خلوا الجمهور يتغنى بأمجاد الهلال ، لكن مباراة الخليج تنقل عاد والا الإتفاق والإ القادسية هذي مباريات تنقل . أنقلوا مباريات تفتح النفس منورة ، وينك يا فلان ما شفناك ، أشتقلتك ، تناهيد ،كله ورد وبوسات صار شات بنات وغزل مثل ما قالوا الشباب |
بالفعل قناة الزعيم قناة فاشلة وأصبحت شتيمة من جميع الاندية على الهلال بسبب ما يتداول فيها من امور ممحرمة وسيئة |
قناة تفشل مع الاسف |
إقتباس:
|
عين الصوااااااااااااااااااااااااااااااااااااب |
اي والله انكم صـادقين .. ممكن الله سبحـانه ما يوفق الهلال في مباريـاته وبطولاته بسبب هذي القنـاة .. والله حرام اللي قـاعدين يسوونه .. يستفيدون من الصور والثيمـات والفيديوات .. وبس مب لازم شــات .. !! احبك ، وينك من زمان عنك ، اشتقنـالك ، .. .............. لو اقعد اعددهـا ما خلصت .. المفروض يحطون مباريـات الزعييم من أول ايـام يوسف .. ولا يحطون مباريـات الهلال الحلـوهـ " مثل مبارات الشباب " .. ولا يحطون اهداف لاعب واحد الموسم كـامل .. " مثل يحطون اهداف يـاسر هالموسم " __ |
إقتباس:
|
ملييييييينا وانا نتكلم لكن لاحياة لمن تنادي |
والله معك حق والقناة تافهه زي القائمين عليها |
القناة فاشلة |
كلامك للاسف صحيح |
ياروحي ياكوكو منورة يا........... فديتك با............................ بالله هذي قناة نادي القرن:upset: :upset: :upset: |
ولله قناه للاسف مفروض نغير اسمها لانها اساءت للنادي كلها غزل وكلام فاضي وللاسف كنترول القناه معاهم كلها مراهقين ومبزره |
إقتباس:
وفي الحقيقة أعجبتني جميع مداخلات الأعضاء أنها تستنكر هذه القناة الفاشلة فلمن تبقى ؟ أتبقى للصايعين والغزلنجية والشواذ وهالمسكينات البنات اللي يدفع ثمن ما يفعلن فيما بعد ! تكفون من المستفيد من هذه القناة ؟ وهل تخدم الزعيم أم الدشير ؟ |
القناه فاشله والله ملينا من كثر الكلام |
يارجال ماتدري لو اعضاء مجلس الادارة عندنا يشبكون فيها :D هههههه قسم بالله قمة المصخرة |
والله صدقتوا ياجماعة تبي مغازل خذ وغيره مافيه بس باقي يحطون فيديو كلب لنانسي والزبالة الباقية |
قوشي العزيو انا اول من كتب عن الموضوع قبل فتره وكتبت اكثر من اسم ثلاثين بنت من اسماء الشات وقلت والله عيب وعار على قناة تحمل اسم الهلال يكون فيها الغزل والتعارف وقلة الحيا والله ثم والله ان هذه القناه صارت عار على كل هلالي لدرجة انهم مسمينها قناة البنات عزيزي نقوشي انا اضم صوتي لصوتك واللي يقول اهم شي الفلوس اجابوبه انا اولا ترى الهلال ماياخذ غير الملاليم والباقي لشركة الاتصالات ثانيا ترى الكرامه والسمعه الطيبه افضل واشرف من الفلوس واشكرك يا اخ نقوشي |
معاك حق بالي تقوله ماصارت قناة رياضيه صارت قناة لتعارف اول مافتحت القناة اي واحد عشق الزعيم 24 ساعه عند القناة والحين اغلب الجماهير تحصلهم لهم اسبوع مافتح على القناة لانها صارت قناة..........!!! |
قناه للاسف لاحسيب ولارقيب عليها ياليت يعدلون من وضعها ويشلون الشااات |
صدقت يانقوشي جزاك الله خير اً |
اعتقد ان هناك بعض المستفيدين مادياً من هذه القناة ( اعضاء في ادارة النادي ) !! و هم طبعاً لا يهمهم الا زيادة رصيدهم في البنوك حتى لو كان على حساب اسم و سمعة الهلال و هي بالطبع آخر ما يفكرون فيه !! و اعتقد ان الخطأ الاكبر يقع على رئيس النادي لأنه يعلم بكل ما يحدث و لكنه ملتزم الصمت بل و يدافع عن من يشوهون سمعة الهلال !! امور خفية تدور في الهلال هذه الايام و ستظهر الحقائق بعد رحيل ادارة محمد بن فيصل , ان غداً لناظره قريب .. |
المفروض تصك القناه لانها تسيء لكيان شامخ s60s s60s |
إقتباس:
وبقوووووووووووووووووووووووووووووووووووووووووووووووووة |
عادي يا حبي |
شباااااااااااااااب عندي اقتراح جميل راح يجبر القائمين على القناة بتغير اسلوبها لا أحد يشغل القناة ابدا وبكذا راح يقل عدد المتابعين لها وراح تفشل القناة ( أكثر من ماهي عليه من فشل) لإنه هناك احصائيات تتم على عدد مشاهدي كل قناة عن طريق مركز البث ( قمر النايل سات ) على فكرة الهلال كياااااااااااااااااااااااان شامخ رغم القناة الفاشلة ولا يتحمل الزعيم القذارة الحاصلة في القناة لإنها ان دلت فهي تدل على أخلاق القائمين على هذه القناة ومن هم يراسلونها وشكرااااا لكاتب الموضوع ولكم أحبتي دمتم بخير |
والله أنا معاكم ما أتابع القناه خير شر وأتمنى منهم أن تسلم لشبكه الART أو يقفلونها |
انا اللي قاهرني الكنترول المنحط اللي جالس يسولف مع العالم |
مفروض تتطور الوصورة باهته فيها بالمره |
أتمنى من القائميم على القناة مراجعة جساباتهم والعمل على تطوير القناة وبث ما يفيد :) |
كلامك عين الصواب قناة فاشلة ولا عمري حطيتها عشان هذا السبب صرنا زي روتانا وبنصير أخس بالله هذه قناة رياضية |
يعطيك العافيه . صدق والله يجب أغلاق القناة هــــــــلالـــــي مــــــــــوت |
ياليتهم يسكرونها أو يطورونها. |
صحيح |
من يوم تم فتح هذه القناة ,, الهلال ما شاف خير ,, الله لا يبلانا الكنترول اللي عليها فعلاً مريض ,,,, كل الرسائل غزل وخرابيط ,,, والرسائل اللي تنفع للنادي ما يطلعها ولا في امل ,إلا من بعض الناس ,, فعلاً قنـــاة فشــلتنــا |
قناة اثبت فشلها...........!!! نطالب بااغلاق القناة ...........او تطويرهاs60s |
ياعااااااااااااااااااااااااااااااااااااااااااااااااالم ياهوووووووووووووووه انتم في زمن المادة ولازم تكثر من مداخيل النادي الاستثمارية ولا وشلون تبي المزانية عالية وتحظر اللاعب المناسب للزعيم فبالله عليكم القناة قنااااااااااة استثمارية وليست كما هو جوال الهلال والي موعاجبتة لايطالعها وبعدين الي بعد الساعة اثنعش كلة لدعم النادي اخوي نقوشي انا من اشد المعجبين باطروحاتك ولاكن استغرب انك لم تفهم ماتصبو الية القناااااااااااااة وشكرا لك لغيرتك على الزعيم وانت احد ابنائه |
كلام سليم يجب تطوير القناة من جميع الجوانب او اغلاقها |
ياليت تتم إعادة لهيكلة القناة كامله بكل طواقمها لان الوضع الحالي لايرضي الله ولا خلقه غزل عيني عينك بمساعدة الكنترول الفلاني والعلاني أرجو النظر بجديه في موضوع القناة لان الوضع يسئ و يهم كل هلالي |
معاك في كل كلمة قلتها |
دااااااام كل اللي بالمنتدى ماهم راضييين عنها من اللي يراسلهم ؟؟؟ مافيه الا البنااااااات و الجمهور اللي جونا بعد انتقال الياس |
و لا ننسى الأغاني الي يبثونها الله لا يعاقبنا بس |
هذا المفروووض |
الحل الوحيد هو اغلاقها |
المشكلة ماينقلون مباريات والمباريات الي يعرضونها كلها قديمة ومباريات مش مهمة مثل الهلال والخليج عادوها مئة مرة والهلال والطائي . أما بخصوص الشات فلا تعليق |
القناة الصح اللي بيطلعها البلوي في الـ art وراح تكون مشفره والنص بالنص بينه وبينهم ودخل هائل ... ليش الهلال مايسوي كذا .... والدليل ان هالقناة حرام هو انها من أول سنة طلعت غابت شمس البطولات من الزعيم على غير العادة ..:mad: :mad: :mad: :mad: :mad: :mad: |
بصراحه ماهيب قد الطمـــوح وياليت يهتمون فيها اكثر وبلاش كلام اخر الليل |
صدقت ياخوي بس وش نسوي الاداره نااااااااااايمه |
ماسح القناة من عندي قناة فاشله من اعتمدت على الشات وصبرنا على انها تتطور ... بس مواريها مافيه تتطور فاشله للاسف اسم الزعيم كبير عليها :( |
الناري 9 لا بارك الله في الأستثمار إذا كان يعتمد على الغزل و الكلام الغير لائق . طرق الأستثمار كثيرة و لكن ليس بهذه الطريقة البشعة . |
| الوقت المعتمد في المنتدى بتوقيت جرينتش +3.
الوقت الان » 11:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd