.. مشاهد سلبيه من حياتنا اليوميه ..
.. مشاهد سلبيه من حياتنا اليوميه ..
مشاهد من حياتنا السلبيه قد تزعزع بيت كان يعيش بالحب والموده
ولانها اخطأنا في حياتنا لابد لنا أن نعدلها او نستفيد منها على الأقل ..
((
كل المشاهد حقيقه وحدثت مع اشخاص اعرفهم جيداً
ولكنني كتبتها بشكل مغاير نوعاً ما لـ إحترام رأي اصحابها ))
المشهــــد الاول الابن خارج المنزل....والاب والام في انتظاره
تجاوزت الساعه الواحده ثم الثانيه ثم الثالثه... ولم يعد بعد ...
وعندما ارتفع اذان الفجر ليقوم الناس من نومهم متوجهين
للمسجد لأقامه الصلاه عاد الشاب الى المنزل وكانه لم يفعل شي
دخل المنزل ومن دون ان يسلم ولا يلتفت على والدايه اللذان كانا قلقان عليه
فدار بينهما هذا الحوار....
الاب : وين كنت لهالحزه
الابن : يالله يابوي وين بكون يعني بالاستراحه مع الشباب
الام : ياولدي ما تدري إنا نحاتيك من يوم طلعت
الابن : خلاص عاد كاني جيت
الاب : جيت بعد ما ايش بعد ما تقطعت قلوبنا وحنا نحتريك
ولا ندري مين نسال عنك والجوال ما ترد عليه
الابن ببرود : المهم اني جيت وبصحه وهذاني قدامكم والجوال كان على الصامت عشان كذا ما سمعته
الاب : لو كانت هذي اول مره كان مشيتها لك بس انت كل ليله تروح وتسهر مع الشباب
وما ترجع الا الفجر ما كن لك اهل يحاتونك
الابن بصوت مرتفع : اووووه يبه وبعدين يعني ما صارت لا انا اول واحد يسهر
ولا اخر واحد مكبرين السالفه مدري على ايش
الاب : انت لوكنت صالح كان امداك بالمسجد اتصلى الفجر مو داخل ترقد لا صلاه ولا شي
الابن : خلاص انا طالع ولا عاد برجع يمكن ترتاح مني انت وامي وارتاح من هالموال اللي كل ليله
الام : لا يا وليدي لا تطلع وابوك ان شاء الله بيهدى والكلام اللي يقوله بحزه غضب بس انت رح ارتاح
الاب بعصبيه : منو قالك حزه غضب ( وعطى اولده اطراق ) انا مليت من اولدك مو عاجبه البيت خل يطلع لا بارك الله فيه
الابن : آهـ يا يبه انت تمد ايدك علي وتطردني من البيت طيب راح اطلع ولا عاد تسال عني وانساني وكأنك ما جبت ولد
الام : لا والله ما تطلع صدقني ابوك معصب بيهدى بعد كم ساعه وبيسامحك
الاب : اقول اسكتي واذا تبين اولدك روحي معه وهو ما ابيه يرد البيت لين ايتعدل رح الله لا يوفقك.... ...انتهى المشهد...
\
/
\
رغم خطأ الشاب في تاخيره عن المنزل وعدم اتصاله بوالديه ليطمنهم عليه
هل يحق للاب ان يضرب ابنه لهذا السبب ولماذا؟؟
هل تخلي الاب عن ابنه بطرده من المنزل حتى تتعدل احواله حل لنفس مشكلته ؟؟
من الممكن ان يسبب (الكف) الذي اخذه الشاب في المشهد انحرافات متعدده كالسرقه او المخدرات
وغيرها فهل تتفق معي بان والده هو السبب في انحرافه اذا انحرف ؟؟
المشهد الثاني في الوقت الذي كانت تنتظر الام ضيوفها طلبت من ابنتها صنع بعض من القهوه الام : يا بنيتي ولمي الاقهوه ما عاد باقي وقت الضيوف بيجون الابنه : امري يمه ثواني واجهزها ولا يكون خاطرك الا طيب الام : طيب انشوف قهوتك الله يستر بس اتوا الضيوف وجلسوا في المجلس وطلبت الام من ابنتها ان تاتي بالقهوه
وتسكب لهم منها وبعد ما شربوا منها .. تفأجات الابنه من امها حينما صرخت عليها وامام ضيوفها فقالت... الام : الله يفشلك وش هالقهوه الابنه : يمه وش فيك كلش زين بالقهوه
الام : اقول مالت عليك لا قهوه زينه ولا صب مثل الناس
الشره موب عليك على اللي يعتمد عليك ... انتهى المشهد ..
\
/
\
سكوت الفتاه على الاهانات المستمره ومن اعز انسانه وهي امها
وامام الضيوف باعتقادك هل ستسبب لها عقده نفسيه مع مرور الوقت ؟؟
كثره الاهانات من قبل الام وتعويد الفتاه عليها هل ستسبب كره في قلب الفتاه على امها ام لا؟؟
مشهد اخر الفتاه مع والدها... الفتاه تتحدث بالهاتف مع صديقتها وتضحك بالصوت العالي في نفس هذه اللحظه قدم والدها باتجاه الصاله الاب : مين اتكلمين انتي الفتاه : يبه اكلم صديقتي الاب : صديقتك اتكلمينها وتضحكين معها الفتاه : يبه الله يهداك تبيني يعني اكلمها من غير نفس
واذا منت مصدقني هذا رقمها خذه ودق عليها وتأكد بنفسك الاب : انا ما بأخذ الرقم وبس انا بقطع التلفون كله واربيك من جديد الظاهر اني ما ربيتك عدل الفتاه : يبه حرام عليك والله هذي صديقتي ليش تشك فيني منت واثق من تربيتك الاب : حرمت عليك عشتك قولي امين ... اقول اسكتي لا اصك اطراق على وجهك
\
/
\
عدم ثقة الاب في ابنته هل ستخل بعلاقتهما مع بعضهما؟؟
قد يكون عقاب الاب في قطع الهاتف حل لشكه ولكن هل هو حل لابنته فلربما تتحدث في الهاتف
ومن اي مكان وهو لايدري ولاي شخص تجد عنده ما فقدته وما تبحث عنه؟؟
اخيراً ليست الاولى اول مشكله وليست الثانيه اخر مشكله
ولكنني اخترت هذه المشاهد من بحر من المشاهد السلبيه في حياتنا
وتتجدد الايام... وتزداد المشاكل والالام
وهذه ليست مشكله انسان... في نفس الوقت والزمان
بل مشكله افراد كثر في مجتمعاتنا
اتمنى ان نحسن التعامل مع مشكلاتنا
حتى ننعم بالحب والسعاده في حياتنا
خالص التحيه والاحترام لكمـ .. دمتم بخير وسعاده ..
) فـ ستكون اجابتها اوفى وابلغ مني مهما كتبت ومهما نزف قلمي ,,
الوضع العادي
