08/07/2007, 07:55 AM
|
| زعيــم جديــد | | تاريخ التسجيل: 16/08/2005
مشاركات: 36
| |
|
ورطة حلوة .... وفي البر ... شارك واتحداك تطلع منها
السلام عليكم ورحمة الله وبركاته
وعدنا مجددا
اولاً احب اصبح على الجميع بالخير واقول اني افقتدت الجميع ومانصبر عنكم ولذلك كانت العودة اسرع
ومن عادتي اني احب اشارك اخواني في المنتدى بما في جعبتي من مواضيع-لان لي مدة عن الموقع واشوف الاعضاء الجدد اللي كاثرين هاليومين- اتمنى انها تكون طريفة ونزيهه وتبرد من الحر شوي -ما فيه امل-
وانا والله رجال ما قد تعديت بقالة ابو سعد اللي جنب المسجد ومالي في السياسة ولا حلب الماعز ولا اقدر اتكلم عن النباتات البرية او مرتفعات جزيرة هوكايدو مثلاً ...........
لان خبرتي في كتابة مواضيع معقدة وعلميةمثل خبرة جدتي بتخصيب اليورانيوم .............
وش اكتب؟؟ وش اسوي؟؟ قلت يا رجال مالي الا اني اعطيهم ذيك الورطة اللي ماحد يقدر يطلع منها ....... ولو يحك خشمه ........
وبعد هذه المقدمة الطريفة اليكم الموقف الذي لايحتاج منك سوى التعليق المبسط ولا يمنع ان يكون يفطس من الضحك شوي في اطار المعقول:
................................................
بينما كنت انت وابو عبدالله (س) من الناس ومعكم ابو صالح (ص) من الناس متجهزين لرحلة برية وين تروحون؟؟وين تخيمون؟؟ قال ابوصالح: ما عليكم انا عندي مكان حول النعيرية يريح البال ويشرح النفس
وانت وابو عابد في سيارة وابو صالح في سيارة من نوع باترول وماسكين الخط ومالكم من الشيطان طاري........
قربتوا من محطة وتوقفون انتم ويكمل خويكم .....احتجتوا مويه ومناديل وفحم ومن هالقبيل 5 دقايق وانتم ماسكين الخط وتستعجلون شوي الين لحقتوا ابوصالح.........
من 3 الى 3 ساعات ونصف وانتم وراه الين طلع من الطريق ومسك طريق بري.... بعد 45 دقيقة تشوف من بعيد مخيم وعليه لمبات وخيام وسيارات وانت وخويك مستغربين ... هو مواعد احد معنا ؟؟ .... وتدخلون وراه للمخيم والا والله
ناس ما تعرفونهم ويوقف هو وتوقف جنبه بالسيارة وتساله وين انت مودينا ؟؟ وتتفاجأ  انكم ملاحقين واحد ثاني........ وش تسوي؟؟؟؟؟ ...............................................
شروط التعليق:
1- اكتب اسمك ورقم جلوسك.
2- اي نظره ولو بسيطه يلغى الامتحان
3- كلمة ورد غطاها " لا يطلع لي واحد يتميلح يقول ليش ما انتبهوا على اللوحة"
سؤال يساعدك على الوصول للحل :
( اذا كان الكلام من فضة فالسكوت من ذهب ) اذا كان الكلام من ذهب ؟؟؟؟؟؟ ملاحظة يمكن يقولك الرجال اللي انت لاحقه : وش تحس فيه بالضبط؟؟؟؟ |
الوضع الشجري
