كنا نظن أن منصور البلوي بداء تحركاته لضم نجوم المملكه لفريقه الاتحاد لتعزيزه ولكن اتضح أن نواياه بعيده عن ذلك وأن المخطط الذي رسمه رئيس نادي التصاريح بداء البلوي بتنفيذه وذلك للاطاحه بالزعيم ليخلو لهم الطريق.

ما قام به اللاعبون (أحمد الدوخي, عمر الغامدي, عبدالله الجمعان) بزيارة نادي الاتحاد أيام العيد وبدعوه من البلوي يدل على هذا فهؤلاء اللاعبون عقودهم ساريه وأعمارهم أقل من 28 اذا لا يستطيع مفاوضتهم.

البلوي يريد زعزعت الفريق عن طريق لاعبيه وذلك باغرائهم بفريقه حتى يشوش على اللاعب وبذلك يتولد لديه التفكير بالانتقال بكل وقت.

لا بد من ايقافه حتى ولو بالطرق الغير مشروعه ماذا استفدنا من حسن النيه والطيبه . الآن لابد من اتباع طريق الجار فهو وحده الطريق المضمون.

محمد الخليوي سهل مهمة الاتحاد للتفاوض مع خميس, وكل هذا دار في معسكر المنتخب. الى متى والمنتخب مرتع للأنديه وكأنه حراج سيارات.

كلامك صحيح المنتخب صاير مثل الحراج كل لاعب يفاوض الاعب الثاني

وبعدين لبلوي ذا مو شايف له حد يوقفه عند حده

ALRZEEN/

البلوي سواق التاكسي حاط دوبه دوبنا ، لكنه بس تنفخ فيه نفخه بسيطه ينحاش ، والمصيبه أنه حاط ابو ثمامه هو مستشاره القانوني ، عاش والله النصب في الزمن المنتفش

المشكله أن عندهم اللاعب ابراهيم ماطر يحرج على نفسه ومنذ مده طويله ولكنه ولخوفه من ابو ثمامه لم يتجرأ أن يتفاهم معه ، لاعب آخر الخوجلي وفريقه بأمس الحاجه له ايضا لم يتجرأ عليه ، وثق أن كان اللاعب المقصود يوم الخميس هو أبراهيم ماطر فمعنى ذلك أنها صفقه مرتبه مع عبدالرحمن بن سعود وسيحص النصر على بديل وتعويض مادي محترم ، فكما قلت لن يتجرأ على ابو ثمامه.

وياخوفي يكون اللاعب المقصود الواكد أو ابو اثنين فالواكد أفضل لاعبي الوسط بالمملكه ورحيله للأتحاد تقوية كبيره له ، أما أبو اثنين فذهابه للأتحاد مفيد له في رحيل لاعبي المنتخب.

اذا ماترك البلوي الهلال وحاله راح يعطيه الامير/ بندر بن محمد درس جديد يخليه يعرف حجمه الطبيعي .

البلوي هالدب

المشكله مايعرف يضم مين ويختار مين

الدب البلوي

في باله الحين شيء واحد وهو تخريب نادي الهلال ضم اي لاعب لان دراهمه واجده ماشاء الله ==> هلاليين مناب ننظل .

ومع ذلك يبقى الزعيم زعيما رغم انفى من لايشاء

وما زال الأمل كبيراً في أعضاء شرف الهلال

اتق الحليم اذا غضب

يقول المثل
من كان دليله البوم وداه الخراب
هذا المثل ينطبق على البلوي وابو ثمامه

يوردانيسكو,
البلوي جرب مع خميس وشاف الهلاليين ساكتين قال فرصه, والله يستر من اللي جاي.

AbuNawaf,
كلامك صحيح بس من اللي ينفخ النفخه البسيطه ربعك كل واحد متكل على الثاني.
هي ما يبيلها اللا رفعة سماعه ويقولونله أعقل, وأنتهت السالفه.

assir,
الله يسمع منك.


راوؤل الهلالي,
البلوي عارفين نواياه من بعد أجتماعه مع رئيس التصاريح, وستبدي لك الايام ماكنت جاهل.

شيروكي,
حلوه سالفة الخرابه, بس خايف حنا اللي نروح للخرابه..
وترى ربعك أبرد من مذيع لندن في الصبح ما أضنهم يتحركون.

تقبلوا تحياتي

اهلا اخوي العزيز ALRZEEN ..

ان شاء الله تكون تصريحات البلوي الاخيره نقمه عليه ،، وان شاء الله نشاهد من اعضاء شرف الهـلال التحرك والسعـي لخدمة الهلال ..

واتمنى يكون الرد بخطف البرازيلي سيرجيو ..

تحياتي

الغالي كايدهم,

لو فعلها الهلال وخطف سيرجيو فهذه هي الضربه القاضيه.

تقبل تحياتي

اخوي ALRZEEN والله كلامك صحيح

بس مادري هل يوجد أعضاء شرف في الهلال . آنا نسيت

البلوي . . . . . . واااااه من ذا ا لبلوي

المشكلة يالغالي ان البلوي ( صراف متنقل ) . . . . (( والفلوس تغير النفوس ))

تصدقون أحسن مافي موضوع انتقال خميس هو برود الادارة الهلالية وكأنه ماصار شئ بصراحة هذا رفع ضغط بطل الاعلام مستر بلوي
وهو مو داري انه يتحدى بحر بدري عليه
اما بالنسبة للانتقال البوب مفتوح للجميع والكل يعرف مصلحته وانتم تعرفون مين الهلال ورجاله وشوفوا خميس بعد سنه او سنتين هههه

قالها الاستاذ الصحفي الكبير عثمان العمير
ابتعدوا عن التعصب وشجعوا الزعيم

مرحبا ياشباب انشاء انكم بخير وعافيه
ياجماعه الخير لا تكبرون الموضوع تروا الدعوه ماهي فوضه .... ولا بلوي ولا طابور مثله يقدر يسوى شي ... وسالفه العويران ماهي مثال ولا حتى تصريحات منصور .
العويران منتقل منتقل اصلا من قبل مايقول للاداره انه يبي بيت على شارعين ولا في خلال يومين يعطونه ( والله لو ان النادي مكتب عقارت ماقدرنا نلبي هذا الشرط )
اما كلام منصور , فمعذور الرجال له اكثر من خمس سنوات ماطلع حتى على اعلان واحد فاقد رخصه , وتبونه الحين يسكت ومايترزز في كل جريده او قناه الايرتي علشان يصلط الاضواء عليه اكثر .
وبعدين اذا وصل الموضوع للى خايفين منه يعنى الاعضاء بتسكت او حتى الجمهور الهلالى بيسكت ...... لا والف لا ...... فالزعيم غنى برجاله وبجماهيره الوفيه

ودمتم
اخوكــــــــــــم ابو فيصل

انا اضم صوتي الى صوت اخي العزيز مشرف المنتدى الرياضي كايدهم في ان يكون الردبخطف البرزيلي سيرجيو ...

أخي الأكبر مجتهد,
والله انك صادق الطاسه ضايعه وأعضاء الشرف يدورونها.

الأخ بوهلالي,
هذي ميزة عضو الشرف.

الأخ الحب الكبير,
والله أسوء مافي الموضوع برود الاداره وبعدين اذا قلت اللي يبي ينتقل الباب مفتوح راح يجي يوم ولاتلقى اللي يلعب ولو تكملة عدد.

الأخ قلم عاقل رزين,
حنا ما كبرنا الموضوع, لكن فسرلي سبب تواجد اللاعبين في الاتحاد أيام العيد.

الأخ الهلالي المرجوج,
نتمنى ذلك.

تقبلوا تحياتي