اول شي السلام عليكم ورحمة الله وبركاته ..

انا عضو جديد وهذي اول مشاركه لي واتمنى انك تقبلوني صد يق لكم وانشا الله اكون دايم مشارك معكم وعند حسن ظنكم .

كلنا يعلم عن تعاقد الهلال مع المدرب الكبير آرثر جورج .. مدرب النصر العام الماضي .. والتعاقد هذا سوا ضجه اعلاميه كبيره .. ومحاولات النصراويين لإفشال التعاقد .. ( الله يهديهم دايم حاقدين على الهلال والهلاليين ).. الهلاليين فرحوا بهالخبر وكلنا توقعنا ان آرثر جورج يكون قد المقام والمسؤوليه .. وانا شخصيا قلت الهلال ماراح يضيع ولا بطوله انشا الله مع آرثر .. لكن اللي حصل شي ثاني .

آرثر مدرب ما فيه واحد يشهد عليه انه فاشل .. بالعكس مدرب قدير وجدير بالثقه لكن الي شفناه شي ثاني .. آرثر قدم للنصر مالم يقدمه اي مدرب ثاني .. مع ان الفريق بصراحه مهوب مليان بالنجوم لكنه جاهد وقاوم وقدر يوصل النصر لـنهائي 5 بطولات لكن الحظ وقف ضده .. وكان من افضل المدربين العام الماضي .. والى الحين هو من افضل المدربين إلي دربو بالسعوديه .. وراح يبتل من افضلهم .

آرثر كان مع النصر يعرف قبل كل مبارات نقطة الظعف والقوه للفريق المنافس .. وكان من خبرته يلعب باكثر من خطه في لحظه واحده .. وكانت تغييراته سليمه وصحيحه مئه بالمئه .. لكن ما الله وفقه بالفريق الزين .. لكن بعد ما تعاقد الهلال معه .. طلع آرثر جديد !!!

اين آرثر صاحب التغييرات .. وصاحب العقـل المليء بالخطط المميزه .. آرثرالآن يلعب بلاعبين مكانهم ليس الملعب .. صحيح ان آرثر ما خسر مع الهلال ولا مبارات لكن هذا ليس سبب في انه لم يخطىء لكن الفوز كان من الله ثم من لاعبين الهلال .. وجهدهم .

لكن أطالب ادارة نادي الهلال باتخاذ القرار وتشوف حل لهذي المصيبه الكبرى .

واشكركم على قراءة الموضوع .. وتحياتي ..

بصراحة صعب الحكم على جورج ارثر لأنه الى الأن الفريق الهلالي لم يخسر

ولله الحمد وان شاء الله يسير الى الأمام دائما فصعب الحكم عليه وهذا

يدل على انه افضل المدربين في الدوري

أخوي/ساهر الليل.....السلام عليكم......

مرحباً بك في المنتدى..

وبالنسبة لـ(آرثر جورج) أنا أتوقع أنه لقى الجو المناسب في الهلال وهذا الكلام المدرب نفسه هو اللي قاله بعد توقيعه للعقد مع الهلال...

وهو على فكرة مدرب قدير وتغييراته أغلبها في محلها وخططه ممتازة...

وأنا صراحة لا أرى (( مصيبة كبرى )) على كلامك....كل الأمور تمــــــــــــام;)

خيّال.......

مشكلة ارثر حاجة وحدة وهي انه يعتقد الى الحين انه مع فريقه السابق أطلع مهزوم بهدف ولا أطلع بأربعة
أفوز بهدف أحسن من الخسارة.!!

هو بس لو يحط في باله ان الزعيم ما يرضى الى بالفوز بالثنين والثلاثة كان احنا بخير

المشكله الوحيده في آرثر التغيير فقط.

هي وحده من ثنتين:
اما انه يغير غلط.
او انه مايغير ابد اويغير تغيير واحد بس والمباريات السابقه تشهد.





وشكرا.

سلااااااااام

والله لايمكن الحكم على أرثر جورج

هناك اختلاف كبير
الهلاااااااااال كاالتالي

1- اعضاء شرف كثار والاراء منهم بارك الله فيهم اكثرمو مثل اول رائ رائيس وبس
2- المنتخب ياخذ اكثر من ثمانيه يعني تحلم تثبت على تشكيله.غير نفسية
الاعبين يعني تحلم ترتاح
3- الاصابات
4- البطولات الكثير مو مثل اول بس ثلاث داخليه
5- الاداره اللى ساكنه بجده والنادي باالعريجاء ( الله لا يخلينا منها)

ومع هذا كله الرجال ما انهزم وش تبون اكثر
عطوه فريق ثابت وانا مثل غيري مقتنع انه يبي يسوي الهوايل حتى بدون لاعبين المنتخب ولا ادارة جده

عطوا سداح فرصه عدله

اشكركم على هذا الرد .. وانا معكم ان آرثر مدرب زييييييييييييييييين

لكن لو تقرون الموضوع زين وبخاصه العنوان تلاحظون اني اقول اين آرثر النصر .. آرثر الحين غير آرثر العام .. والا هو ما قصر بالعكس ما خسر ولا مبارات .. لكن ما يقارن بآرثر العام ..

وشكرا