وش فيكم انتم خوافين ومتشائمين ؟
وربي انكم تعطون هالدب القطبي اكبر من حجمه ... لونه ماهوب ناقص حجم مشالله
اللي مايبي الهلال الهلال مايبيه وحنا مانبيه . الهلال غني بشبابه ومواهبه .
واللي يبي الفلوس مع الف مليون سلامه . الله لا يرده .
كان بالهلال النعيمه والبيشي والهذلول والمصيبيح والدايل وعبدالله الدعيع وعمالقه كثير ... ماتخيلنا الهلال بدونهم ... لكن الحمدلله جا بعدهم عمالقه زي الثنيان والتيماوي والتمياط والجابر والدعيع واستمر الهلال يحصد البطولة ورا الثانية ... ويبون يروحون ويجي جيل جديد .. جيل الصالح والعامودي والعنزي ومحمد القحطاني والمطرف والعويفي وغيرهم ..
يعني الهلال باقي
وخلوا هالقطبي يشتري بكيفه ... ماهو رايح يشتري الا واحد تعدى الـ28 سنه يعني سنتين والا ثلاث سنين ويقول سلام ياصاحبي .. خذيت الدراهم وابي اعتزل .
واللي تحت الـ28 صدقوني ماينجح عندهم ..... شوفوا سالفه مرزوق العتيبي وعلي المطرود ونزار عباس والحديثي والمشعل وعلي هادي وثلاثي الأحساء وغيرهم كثير واحكموا .
حتى الحسن اليامي ماكانوا مقتنعين فيه ... وحمزه طاقينه بالأحتياط !
وربي نادي يضحك خخخخخخخخخخخ .
وبعدين هذا اللي هو يبيه ... اثاره .. ولعب بالأعصاب .. وكل جمهور نادي يثور على اداره ناديه .. يعني هدفه زي وجهه . والا كان جاب اللاعب اللي يبغى وهو ساكت .. وبظلام الليل زي ماسوى وسرق العويران الله لا يرده .
واليوم شفتله لقاء تلفزيوني بالصدفه يقول عن الاعب انه ماهو لاعب وسط ... لكنه يلعب جهه اليمين يعني يا ظهير يا جناح ... والله العالم انه ظهير ايمن . لأنهم يشتكون من خانه الظهير الأيمن من زمان .
يعني ريحوا بالكم وتطمنوا وخلوكم من سوالفه . وخلونا بنادينا .
تحياتي لكم كل ابوكم