|
مالي أرى نفسي ودها تصيح قهراً !! السلام عليكم ورحمة الله وبركاته،، صبحكم/مساكم الله بالخير:) مقدمة (لا تحرصون على قراءتها) كتب عدد من الشعراء كلماتٍ غنّى بها عدد من السملّـق الجحلّط : ساكن قلبي ساكن عقلي ...ساكن روح الروح... واسكن القلب وآمر ما به إلا حلالك .. وأبغيك تحمي الحب تحميني وتسكن رموشي ومنزلك عيني.. ومنزلك مابين الحنايا والأهداب.. وأبكي على من طعن قلبي بسكينه >>> هذي ماله دخل:D Stop بذا ، جائزه 500 ريال مقدمه من محلات الهاوي لطيور الزينة والمكيفات ، لمن يعرف ماذا سيحتسي عنه هذا الموضوع؟؟ من خلال قراءة المقدمة الداجة;) .. خلاص ولا واحد منكم عرف:D ، إذاً تقدم الجائزة لجمعية " حرااام كفاية نبي مسكن " :yes: السالفة طالعتنا جريدة الرياض في عدد الصادر يوم الخميس الفايت 13/6/1428هـ بلقاءٍ لاهد ، ولاهد كلمة مشتقه من اللهده وتعني قمة القهر و الغبنه ، وسبق لمشرفنا الغالي البارق أن شرفني في أحد المواضيع التي تطرقت فيها لموقف عشت فيه معنى هذه الكلمة، والبارق حينها عرّف اللهده بشدة القهر مع قلة الحيله ( على ما أذكر) وهو تعريف شامل ووافي.. أعود إلى ذلك اللقاء الذي كان مع خبير ٍ عقاري وكان عنوانه البارز : " السعودية أقل دولة خليجية لديها نسبة تملك مساكن " .. وورد فيه أنه نسبة تملك مواطني المملكة للمساكن تبلغ 22% فقط !! في حين بلغت هذه النسبة 91% في دولة الإمارات، و86% في دولة الكويت :rolleyes: .. اللقاء على هذا الرابط: http://www.alriyadh.com/2007/06/28/article260339.html مالي أرى نفسي ودها تصيح عندما قرأت ماسبق؟؟:cry: مالي أرى نفسي حذفت قرابة 40 سطراً كتبتها هنا ؟!:rolleyes: مالي أرى نفسي واثقة تمام الثقة بأن هناك من يغني ( مالي ومال الناس لما حبيتك ماشفت رأي الناس .. لا قالوا لا عادوا لا نقصوا وزادوا... مــــــــــــــــــــــــــــالي ومال الناس.. ) .. مالي والصومال وجيبوتي ، واللبيب بالإشارة يفهم.. استبشرنا خيرأ بقرض المساكن الذي سوّقت له مصلحة المعاشات والتقاعد، كان ذلك قبل أن نرى نسبة الفائدة ، وقبل أن نسمع من يقول جزاهم الله خير الجزاء فمدة السداد قد تمتد الى 30 سنة.. مالي أرى ولدي حمود الذي ما زال نطفةً يصرخ " يا أبتااااه يركدون ، ما يحتاج مسكن أصلاً أنا ما ودي أطلع على هالدنيا فريّح واسترح " ... خاتمة حمود تقوله صااادز ، أعشقك يا ولدي ..:) حبيبتي ومرتي اللي مابعد جت، معليش ياعسل اطلعي من حياتي:mad: خلينا نصلي ونصوم ونذكر الله ، لعلنا ننال برحمته جنة النعيم والحور العين:yes: فماااان الكريم،، |
مالي ومال الاردن انا لم كتبتها ما اخذت راي الناس ...!!! لي عوده بعد الصلاااااة بررررررب ----------------------------------------------------------- باك هلابك يالهاوي :D عزفت على وتر حساس يمكن انك سمعت قصة الشيخ زايد الله يغفر له اللي احتفل باخر اماراتي يفتك من الايجار ..!! سؤال بريئ الاردن تابعه للسعوديه؟؟؟ والله يا في جيزان عوايل ساكنه في (( والله ما ادري وش اسميها )) مالي ومال الاردن ..!! |
والله اخوي الهاوي شي يقهر ايه والله .. والي يقهرك زود اذا سمعت ان المملكة متبرعة بــ حي سكني للاردن ..!! ومدينة تعليمية كاملة ومجهزة لــ لبنان .. من زين مدارسنا الحيين يوم انكم تتبرعون لــ لبنان .. حسب الي قريته في احد الصحف قبل كم يوم ان 60 % من المدارس في المملكة اغلبها مستاجرة ..!! يعني شي طبيعي تلقى طلاب يدرسون في المطبخ بعذر ان المدرسة مستاجرة ..!! ويطلعون لك من بكرة ويقولون ليه طلابنا ما يصيرون علماء ..!! وهذا اخر خبر سمعناه الي هو حي سكني لــ الاردن .. ما نقول لا تتبرعون .. لكن سدوا حاجات الضعوف الي عدنا الي ما لقوا لهم بيوت .. والي يغبنك زود ان 22% من سكان الممكلة هم الي يملكون مساكن خاصة .. و الــ 78 % الباقية من سكان المملكة على هــ الايجار .. بالله شباب احد قد سمع ان فيه شخص قدم على برنامج مساكن و يوم قراء الشروط انبسط ..!! كل من قراء شروطهم شوي ويبكي من القهر .. |
ياسلااام عليك يالهاااوي والله موضوع مهم ياخي من جد والله اغنى دوله نفط بالعالم والشعب مطفرين 22 بالميه بس اللي ساكنين بيوت ملك والباقي الله يعينهم . لا والقروض اذا قدمت عليها يبيلك 20 سنه والا ثلاثين وانت تنتظر لين مايجيك القرض وافلقني ان كان جاء بعد . ان شاء الله انه يتغير الوضع في قاادم الايام بإذن الله ونشوف المواطنين يسكنون بيوت ملك خاص عوااااااااااافي يالهاااااوي |
عليكم السلام ورحمة الله وبركاته مسيك بالنوور والله يالهااوي اني ودي انزل موضوع عن هالموضوع بس خاايف:D لاني اذا تكلمت بنفجر قسم بالله شي يقهر شعبنا مطفر وكلهم مستاجرين شقق ونروح نتبرع للاردن سبع مية الف وحده سكنيه :upset: قسم بالله شي يقهررر وكان مافي السعووديه فقراء مهوب لاقين يااكلوون وقبلها 11 مليار دولار للبنان ولا وزد عليها مية مليون دولار بعد ولا قبلها متبرعين للسعوديه بمية مليون ريال للفقراء ولا شفناهم عطوهم شي انا مانقول لا تتبرعون بالعكس الله يجزاهم خير لكن لما يكوون شعبك مطفر وتروحون تتبرعون للهاشاامين والله هذا الي يقهررر الهااوي والله اني مثلك مغير اكتب وامسح بقولك قصة تو سمعتها :cry: كنت مسير على خالي وقالولي هالسالفه الي من جد تسد النفس وودك تصيح من القهر هذا يا طويل العمر جاارهم كان حالته المااديه كويسه ومتوسطه وكان مبسووط ومرتااح دخل بفلوسه في الاسهم وعلطوول طاحت وخسر كل شي وجته حاله نفسيه انفصل من شغله صارت حالتهم لا تسر لا عدو ولا صاحب قسم بالله صارو على الحديده:cry: لدرجة ان عيالهم الصغاار يجون عند بيت خالي يقلوون عندكم شي نااكله انا لنا فتره ماكلنا شي ومره خالي قال للولده رح لبيتهم وافتح ثلاجتهم يبي يشووف فيها شي لانهم من فتره ماجو يطلبون لما رااح ولده الصغير وفتح الثلاجه لقاء فيها سطل موويه بس :cry: ورجع وقال لبووه لقيت فيها سطل مويه بس بالله مهوب هذول اولى من هالشامين مرت جاارهم عندها فسااتين وتيورات على قولتهم كانت تشتريهن بالف وبالفين و.....الخ تجي عند مرت خالي تقولها تشترينها بخمسين ريال ترى والله شاريتها بالفين :cry: شوفو القهرر وشوفو وش وصلت له حالتهم وهذي القصه نقطه في بحر لو الحدعش مليار دولار توزعت على فقراء السعووديه مهوب افضل ومن الاحق فيها لو السبع مية الف وحده سكنيه بنيت للي ساكنين بشقق مهوب افضل ومهوب هم احق بها !!.. والحين مسلسل لبنان رجع مره ثاانيه لكن بمكان ثااني بدال ماكان بالجنووب هم الحين قعدين يدمرون الشمال لانهم خلااص قالو جنووب لبنان بيصير تحفه من هالي تبرعو لان كلن تبرع لهم قالو اجل الحين انا نروح وندفن شمال لبنان عشان بعد يتبرعون مره ثاانيه ويصير شمال لبنان مثل جنووبه !!.. صراحه شي يقهر ودك تصيح من القهر وكل ملك رااح يسال عن شعبه ماراح يساله الله عن الشعووب الثاانيه وانا بكلامي الي فووق مانقول شي في ملكنا لا السعوديه انتظروها في الفين وثنعش السعووديه رااح تكون مدينه اقتصااديه وهذا رااح يرفع الدخل المتوسط للشعب السعوودي لكن انا نقول انا احق بالفلووس الي رااحت للبنان وللاردن وللمغرب والله يخلي لنا ملكنا ويعز حكومتنا والله يعطيك العاافيه يالهااوي وتشكرااتي لك s13s |
هلا و الله بالهاوي :) <O:p بالرغم من إننا من أكبر الدول المصدرة للنفط إلا إننا متأخرين عن دول العالم في ناحيتين مهمتين في البنية التحتية : هما الصحة و الإسكان <O:p يكفيك النظر إلى أسعار الأراضي في منطقة الرياض لتعرف سبب وجود مثل هذه النسبة المحزنة ,,<O:p <O:p مع أننا لو نظرنا إلى جيراننا من دول الخليج لوجدنا ان المواطن يحصل على أرض منحة و قرض لبناءها !! <O:p هناك من يقول إننا يجب ألا نقارن أنفسنا بدول الخليج لإن عدد سكانها أقل من عدد سكان المملكة لكن في المقابل مساحة المملكة تفوق مساحة أكبر دولة من دول الخليج خمس مرات !! و ميزانية المملكة لا تُقارن بميزانية هذه الدول ! <O:p أنا أوافق الأخوان الذين سبقوني بالرد في إننا أكثر دول الخليج تبرعاً للدول الأخرى و في نفس الوقت لدينا نسبة فقر تفوق هذه الدول ..<O:p <O:p لكن الهاوي هذا ليس مبرراً أن تحرم حمودي و أمه من أن يكونوا جزءاً من حياتك والله يرزقكم و أياهم <<<< باب ما جاء في أن عدم توفر المسكن لا يمنع الزواج و الخلفة :D يعطيك العافية الهاوي و سامحنا على السرقة الأدبية :) |
المقارنة غير صحيحة و غير عادلة مع دول الخليج و المفترض أن نقارن أنفسنا بما نحن قادرون عليه إلا النتيجة تكاد تكون واحدة في الحالتين. من المسؤول عن تدني هذه النسبة عن ما يفترض أن تكون عليه ؟ كنا فيما سبق نتندر بمصر و ما تعانيه من بطالةٍ و ندرة - بل استحالة - وجود مسكنٍ لائقٍ بالبشر و تعثر الزواج لغلاء المعيشة. اصبحنا الآن في المملكة نحث الخطا في هذ االطريق لنسبق مصر لكن إلى القاع. الله المستعان |
موضوع مهم وحساس .... مساكن برنامج جميل كفكره .. لكن تنفيذه للأسف صدمنا بالفائده والشروط !! مايفرق عن القروض البنكيه شي .. سمعت والعهده على الراوي ان وضع برنامج مساكن راح يتعدل .. خصوصا انه برنامج جديد علينا .. وهو تحت التجربه الفعليه .. بعدها سوف يتم التعديل في كثير من العيوب والثغرات اللى فيه ... مشكلت السعوديين مايقولون لا .. وماعندهم موقف واحد .. اول ماسمحو بالتقديم على هالشروط الصعبه تلقى العالم تقدم عليه وهي مقهوره .. استنو شوي واتركوا الاعلام والناس تعبر .. وتشتكي وتعترض شوي .. يمكن يكون فيه نتيجه |
و الله يـا أخوووي وش نسوي ,, هذا الوضع الي حنا فيه قسم بالله [ قمه ] الـقـهـر ,, فوس و ملاين تروح لدول ثانيه , وحنا ربعنا مالهم شي لو اني محتاج , وابي الحكومه تدعمني كان صرت اردني ولا لبناني :p عـز الله اني بغطي على الوليد :d سلاميشـو ... :) |
والله يا شباب كلامكم جزء منه صحيح اما الباقي فأنا لا اتفق معكم خصوصا الاخ هامور انا اللي اشوفه ان الموضوع بالعكس تعال طالع في العالم كلهم مديونين للبنوك في قروض اقلهم على مية ومية وخمسين الف ريال على ايش ؟؟؟؟ سيارات (للفشخرة لا اكثر ) , رحلات سياحية وغيرها من الامور التافهة قليل اللي تحصلهم ما خذينها على فايدة تعال للموضوع من جهة ثانية القروض اللي تعطيها الدولة للناس اللي يبنون والعالم تبني وتسدد سنة سنتين وبعدين تسحب عليهم على بالهم انهم ذيابة يوم نصبوا على الدولة ما يدرون انها فلوس في ذممهم لو هذولي انتظموا في التسديد كان مشت الشغلة حلاوة .. انا والله مستعجل بس اذا حصلت تفاعل او نقاش لوجهة نظري راح اكمل |
إقتباس:
احنا اعتقد 22 مليون او اكثر غير الاعانات الي تقدم عندهم في السكن... برضو مو مبرر.. مو احسن مننا هما:rolleyes: لكن الله يعين كل محتاج..! ويرزق الجميع دنيا واخره :) |
صح ياولدي فلعل صياحك ان يوقض من هم في سبات عميق :D اخي الهاوي ... موضوع المساكن نراه يدحدر امام اعيننا .. والمشكلة تتفاقم والنسبة (22 ) :eek: تجعل الانسان ينفطر قهرا .. حقيقة الامر يحتاج الى وقفة علاج جادة من الدولة ... حتى تحل هذه المشكلة .. فلقد اصبح بناء بيت حلماً صعباً لدى الكثيرين بل وصل الامر الى ان استئجار الشقة أمراً صعباً .. الله يستر علينا في الامر خطير .. وهذا ما جعل حمود يزهد في هذه الدنيا ;) شكرا لك اخو قلبي الهاويهذا الطرح s13s والله يعطيك العافية ,,, |
انا لله وانا اليه راجعون !! هذا الي حاصل اخوي خيرنا لغيرنا لا حول ولاقوة الا بالله . الحين انا بحل ( متوهق ) بالاجار شقه وراعي الشقق رافع الاجار قلنا حقه ميخالف .. بس يوم قريت خبر المساكن الي بالاردن ومن خيرات بلدنا الي مااستفدنا منها واخذها غيرنا (( اللبناني _ المغربي _ الاردني _ المصري )) وقريبآ التونسي والسوداني واليماني ... وحنا جالسين نتفرج على خيرتنا وهي تروح وحنا آآآآآآكلين تبــ ..... !!! وسرقة العالم بالقروض حقت المساكن !! ياخي طلباتهم تعجيزيه ومخلينها للي راتبه فوق الـ 5000 طيب الي راتبه اقل من 3000 هذا وش يزين يبني له صندقه ببراحه ويسكن به ولا وش يزين . على العموم بقلبي اشياء واجد ودي اقوله بس اكتفي بهذا القدر ويعطيك العافيه اخوي . |
:: :: يافشيلتاه اقل نسبه تملك:confused: شي يفشل والله:yes: بس وش نقول والله الاراضي عندنا نار نار كنت ابي اشتري لي ارض وابنيها للزمن يعني :rolleyes: >>>:D خنفشاريه مهيب اخت ماجد ابد:p والله الاراضي نار والفلل نار والشقق نار والايجار نار وكل شي نار والرياض نار وحر والناس صارو نار مايبون احد يحاتسيهم:D والاسهم صارت دمار:cry: (خبرك كل حلالي في الاسهم:D ) صحيح اننا دولتنا كبيرة وعدد السكان مايقارن بالدول الثانيه وطبيعي بيكون فرق بس الي يقهر لما فلوسنا (حلوة فلوسنا:D )تروح للدول الثانيه وفي ناس عندنا محتاجه الواحد يفكر بعد كم سنه كيف بيتزوجون الشباب وين بيسكنون:confused: :D الشقق كم اجارها الحين:confused: اتوقع العزوبيه والعنوووسه بتكثر الله يستر والي الحين بشقق كيف بيستقلون في بيووت بعدين عيالهم كثروو ويبون فلـة تضفهم وين يجيبون منه الراتب مايتجاوز 6 الاف:confused: ماتوقع اوضاع الفقراء تخفى على احد يعني حنـا نعرف حال الفقراء معقولة المسؤلين مايعرفون;) :) (ترى مو انا الي كاتبه الكلام :rolleyes: الي فوق :rolleyes::D ) بدل هالمبالغ الي تصرف على لبنان ليه مانعطيها للي عندنا الاقربون اولى بالمعروف:) حنا مو ضد تقديم يد المساعده للدول المحتاجه بس حنا احوج فيهاا ماشاء الله السعوديه فيها بركه وش كثر سكانها واكيد الدول بتعذرنا:D وش نبدي وش نخلي ماشاء الله اللهم زد وبارك s13s الهـاوي جلست ساعه اكتب وامسح ابي اقول ان قلمكـ يعجبني سواء المواضيع او الردود ماعرفت اعبر:D ماجامل تراني حتى لو بعد الفين سنه راي هو رايي:D بس مدري وش فيني هالايام بدت بعض الاقلام تشدني :) s60s حضــووورك متميز s60s s60s ربي يحفظكـ ويرزقكـ من حيث لاتحتسب تطيح على كنـز:D يعيشك انت ومرتك(بالسوري اقولها ترى ) وحمودي ابنكـ ربي يحفظه ود يليق بقلمكs13s الهنوووف كانت هنا ورحلت |
حجز إلى أن أنتهي من الموكا البارد :D ----------------------- انتهينا من الموكا :) <<< أدمن عليه يا ريكي من بعدك :D هلا وغلا أخو قلبي :) والله يالغلا مدري وش أقول أنت ووجهك؟ أخاف أتكلم بصراحة وأجيب العيد .. ومعاد تنفعني أنت وموضوعك :( لكن بأكتفي بكلام الأعضاء اللي قبلي.. عز الله أنهم ما قصروا.. قالوا أغلب اللي بقلبي ..!! عوافي يا الهاوي أبو ألفين عام على الموضوع الهام .. وأسلوبك المميز ..!! قفلة: رح شف رد كلي هلالي بموضوع حياة @ نت .. تراه ذكرك فيه :D الله يديم المحبة بينكم يا رب :D قفلة القفلة: تصدق؟ والله أني حبيت حمود ولدك.؟؟ أحس أنه بيطلع بثر وخروف كبير :D تبي نصيحتي؟ خله مكانه بصلبك ولا تطلعه :D ما بزينا أبو حمود عشان نبزا حمود وأبوه :D تحياتي لكـ ولحمود صديقي :) |
| الوقت المعتمد في المنتدى بتوقيت جرينتش +3.
الوقت الان » 08:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd