|
فضيحة جديدة بعد فضيحة احمد خليل .. تنسيق بدر الخراشي وياالياس والله العظيم انا ما ادري باي عقليه تفكر ادارة نادي الهلال ؟؟؟ والله اعجزت القا تفسير للي يصير في النادي هالايام. حميع الانديه صفقات وتعاقدات وحنا ولا صفقه ولا لاعب ؟؟؟ ادارات الانديه اجتماعات وقرارات وحنا كل واحد من اعضاء الادارة في ديره يتمشى ويوسع صدره ؟؟؟ قرار التنازل عن المبدع جداً احمد خليل قرار غريب عجيب محير مريب ؟؟؟ لصالح من قرار التنازل ؟؟ لصالح من اضعاف الهلال ؟؟؟ الهلال كان لايوجد فيه الا اربعه سناتره فقط ( المنتقل احمد خليل ـ الاعب المحبوب مالك قلوب الرؤساء افضل قلب دفاع في العالم حسب وصف الرئيس فهد المفرج ــ الاعب المسكين المظلوم المهضوم ماجد المرشدي ـ أثقل مدافع وقلب دفاع في تاريخ كرة القدم عبدالعزيز الهليل) وبعد ذهاب احمد خليل ماراح يبقى في الدفاع الا ثلاثة لاعبين يلعبون قلب دفاع ؟؟ يعني اذا اصيب واحد منهم او انطرد الثاني يعني انشاء الله بنشوف ياسر القحطاني سنتر؟؟ عقليه غريبه تفكير عحيب ؟؟؟ الخبر الفضيحه طالعتنا به جريدة الاقتصاديه لهذا اليوم مفاده : ان نادي الهلال سيقوم بتنسيق كلا من بدر الخراشي ثاني هدافين الفريق بعد ياسر القحطاني ومن خلال جمع اهداف المباريات الوديه التي يشارك فيه ولا يشارك في الرسميه ياسر الياس وغيرهم ؟؟؟ اذا فعلاً هذا الخبر صحيح والله ماتقوم به هذه الاداره اقل مايوصف انه عيب عليهم بقائهم واستمرارهم يعبثون بنادي الهلال فالهلال والله في غنى عن اصحاب هذه العقول . سوال واحد للعقل الفلته صاحب قرار التنازل عن احمد خليل وتنسيق بدر الخراشي وياسر الياس لصالح من أضعاف الهلال ؟؟؟ سوال ثاني : الايوجد بداخلك ذره حيا ؟؟؟ كيف يتم تنسيق المبدعين امثال : احمد خليل ــ بدر الخراشي ــ ياسر الياس) والابقاء على المنتهين الصلاحيه المضحكين في لعبهم المنبوذين من كافة جماهير الهلال الا عقولكم وقلوبكم امثال ( فهد المفرج ــ وعبدالعزي الهليل ـ خالد العنقري)) انا ماراح ازيد عن ماقاله الكاتب الكبير : احمد الرشيد اليوم : ان الهلال بوضعه الحالي مسكين ويكسر الخاطر |
كيف الحال؟ |
جهة نظر ولكن اتركوا الأدارة تعمل وثقوا أنها تعمل لصالح الفريق |
قرار الإستغناء عن الخراشي و فهد الشمري أتوقع إنه إشاعة لكن لو ثبت إن الخبر صحيح بتكون مصيبة لأن الخراشي لاعب موهوب وله مستقبل والشمري لاعب ممتاز أما إلياس لاعب عادي ممكن يتعوض وفيه أيضاَ لاعبين غيره يستحقون التنسيق تحياتي |
يا اخوي ترى الي ذكرتهم في إختلاف عليهم من الجمهور عندك مثال ياسر إلياس أنا مع ترك الفرصة لياسر إلياس بالإنتقال في المقابل هناك مع إلياس نفس الشيئ مع العنقري الكثير من الأعضاء والجمهور مع العنقري لهذا إرضاء الناس غاية لا تدرك وترى أعضاء شرف الهلال وإدارته هم لهم الفضل بعد الله عز وجل في ظان الهلال بقي زعيم وسيظل زعيم |
أهم شي ان المفرج باقي |
اهم شي الياس ينسقونه او يعيرونه ونستفيد منه لانه صك ال30 سنه |
الخراشي لو جلس مراح يلعب حرام عطوه فرصه لو اعاره اما انتقال لا |
اما الشمري يجي بصفقه مبلغ وقدره من نادي الطائي وينسق وش هالخربطه حارس ممتاز والخراشي مهاجم مظلوم لم يأخذ فرصته كامله كما اخذها انصاف اللاعبين والياس مدافع ايمن مقاتل وروحه الرياضيه عاليه كيف يتم الإستغناء عنه اذا صدق هذا الحديث فقل على الإداره والنادي السلام وحظ من بينتقلون له تحياتي للجميع |
اذا كان جد الله يعين على الموسم الجاي :confused: |
بصراحه قهر , بس خلونا نشوف أكيد الاداره عندها شي احنا مو دارين عنه |
بصراحه قهر , بس خلونا نشوف أكيد الاداره عندها شي احنا مو دارين عنه ننتظر |
تنسيق هاللاعبين هو اول خطوات التصحيح احمد خليل افضل قلب دفاع قبل كم سنة مو الحين طال عمرك والخراشي تذكر مرة لعب مبارتين ورى بعض ؟ والياس اسوأهم كلهم هدي نفسك يا خوي التنسيق عين العقل اذا كنا نبي هلال قوييييي لك تقديري |
خلهم الحين قاعدين يتمشون في أوربا ولين جاء وقت الجد قالوا الرقم الصعب ماراح نجي يكفي فشلتونا اخر نهائيين وانا لا الوم اللاعبيين ولا الجماهير انا الوم الإدارة مسويين فيها أخلاق وطيبة والأندية كلها تاخذ منا لاعبيين ببلاش واذا طلبناهم قاموا يساومون من حقهم يساومون إذا في إدارة مثل إدارة الهلال النايمه صح النوم يارئيس مخلي ناديك ورايح لأمريكا صح النوم ياإدارة الهلال على أعتاب 6 بطولات |
نواف وينك كلام منطقي لكن على فكره إذا كان عن طريق الإعارة فهذا ممتاز فيه فايده للاعب وللنادي أما إذا كان إنتقال نهائي فهذي مصيبه وهناك شي يدار من خلف الكواليس |
اخوي لاتصق كلام الجرايد لان الخراشي لاعب كبير ومميز وله مستقبل كبير مستحيل تفرط فيه الاداره الهلاليه |
شكلك تمزح |
والله اشوف ان اللي بينسقونهم يستحقون التنسيق الخراشي ماشفنا منه شي الا نفخ اعلامي مالعب الا مباراه الطائي وحطيتوه سامي الجابر والله مايستحق يطقها في الهلال معطينه اكبر من حجمه واما تبي خليل الهلال مايبيه لاعب كبير في السن وماله مكان شفناه في دور قبل النهائي في كاس ولي العهد جالس يتفرج على الكوره ومالك يسجل بالعكس قرار صائب اشوفه لكل واحد وجهة نظر ... اتمنى محد يزعل وفي الاخير الادارة ابخص |
الادارة تتخبط من زمان ولا احد يقدر ينتقد او يعترض وسلملي على الصفعات وليس الصفقات كل يوم الاخبار تنقل لنا انتقال لاعب او اكثر للاندية الاخرى ونادينا يفاوض المشعل و السويد اللهم لا شماته |
أكيد إشاعه هذا مؤكد |
شكرا اصبر الصبر زين وانا اخوك |
أقوووووووووووووووووووووول كيف الحال مثل مقال خوووي وش فيكم تتطلعون الاشاعات الادراة انا معارض لها بس خلها تشتغل وبنشووف نهاية الموسم بتركهم وبعدها بتتكلم على شغلها |
المشكله ان الوحده طلبو الياس والعصفور طيب ليه مايعرضونهم تنسيق على طول |
احمد خليل باللع عليك كم عمره ؟؟؟ يا رجال انتهى عمره الافتراضي يار الياس جاب لي اليأس من جد انا معك في المفرج يبي له خطاب شكر بس هل فيه احد من شباب النادي ينفع ؟؟ الشمري حرا م ينسقونه فوضى هي يشترونه بخمسة ملايين وينسقونه !!! اعتقد اشاعه من المندسين |
إقتباس:
|
لا تعليق |
والله من يوم انك تقول الياس لاعب ..وانا غاسل يدي.. |
حرام ينسقون الشمري وبدر الدوسري اما الباقين ميخالف |
الخراشي بطل وحرام ينسقونه والله انه بطل والاصابه حرمته البدايه القويه مع الهلال |
بلاش تشتيت الأذهان ياشباب كل الكلام فيه موافق وفيه معترض على شان كذا (خلو الإداره تشوف مصلحة النادي بدون تشويش) وجه نظـــــــــــــــــــــــــــــــــر.... |
احمد خليل <<<<<<<< شايب ونستفيد منه ففلوووس اليااس مدري وش قصتهم معااه اعملي يا ادااااره الزعيم على المصلحه العامه ... تحيااتي |
الله يرحم والديك ياخوي وين الناس وين احمد خليل هذاك اول تقولي خليل اما الحين وش بيعطيك تراه 39 عمره وبعدين الاداره تخطيطها افضل اعطوه الطائي مقابل فلوس الشمري الباقيه وبدر الخراشي انا ما اتصور بيفرطون فيه ولكن يمكن اعاره افضل هدي شوي على نفسك ... الاداره نفلسها طويل شوي ومرتبه الامور بهدوء |
خلك مع جريدتك ... |
يعطيك العافيه |
الله يعين |
قهر ياخي والله قهر --- ادخل الرابط اللي في توقيعي |
مــصــيــبــة لو صــار هالشيئ |
والله من جدك احمد خليل مستواه مقنعك خليل اصبح كبير في السن ويلعب بخبرته فقط اما الخراشي فهي مصيبه لو نسقوه رغم اني اتمنى انه يعار لنه راح ياخذ الفرصه كامله مع الفريق الي يعار له اما الياس فاعتقد انه بل اجزم انه افضل ظهير حالين في الهلال فهي مجرد اجتهادات صحفيه فقط وشكرا |
للمعلومية فقط احمد خليل عمره 38 سنة فقط |
احمد خليل عمره فوق الخامسه والثلاثين سنه يعني خلاص راحت عليه وعندك الياس مستواااه ما يأهله يلعب بفريق مثل الهلال وبدر الخراشي مو ذاك الزود كمستوى ويعوود طبعا لكثرة الاصابات اللي تجيه يعني انا مع تنسيقهم للانديه الاخرى لعل وعسى انهم يبدعون مع كامل التوفيق لهم . |
إقتباس:
|
هذه الاداره اقل مايوصف انه عيب عليهم بقائهم واستمرارهم يعبثون بنادي الهلال فالهلال والله في غنى عن اصحاب هذه العقول . **************************** وش فضيحته0ياولد عيب هالكلام ويجب احترام الهلال وكل من يخدمه وشكرا |
لا نستبق الأحداث ننتظر و نشــــggg ف |
اللله يستر .......... |
كيف الحـــال |
بالعكس هذا المفروض يصير من زمان ..... الخراشي مابقى فى العمر كثر اللي مضى وفيه الصويلح والعنبر والسعود والكلثم خليل انتهى وفيه حسن خيرات والبيشي ....الخ وياليت يلحقونهم العتيبي والجمعان والمفرج والهليل و العنقري ......... على اساس اتاحه الفرصه للشباب ..... الشمري مستحيل ينسقونه تحياتي لك |
إذا كان الخبر صحيح وأسفاه على إدارة الهلال هذا هو التخيط بعينة ربما سيكون لنا نصيب مما حصل للنصر بالصيام عن البطولات وأنشاء الله لايحصل هذا الشي |
أجل أحمد خليل لاعب كبير ومميز حيااااااااااااااااك الله ... الله يرحم هاك الأيام !!!!!!!!!!!!!!!!!!!!!!!! |
السيد (مدير الكرة) عاوز كذا ربما لكي تفضي الخانة للاعب الخلوق |
والادارة اصبحت في عقلها |
هذي مشكلة الصيف !!!! بدت الاجازة وكثروا الطلاب !!!!!!!!!!!! |
إقتباس:
|
والله الادراة لو بتاخذ وتمشي على راي الجماهير عز الله ما اشتغلوا خلوا الادارة هم الادري و الهلال لابد من تجديدهـ والتجديد لازم يشمل لاعبين ماراح يضيفون شي للهلال وانا مع تنسيقهم وكفاية مجاملات |
لاتعليق؟؟؟؟؟ |
الحين من صدقهم بينسقون الخراشي ولله حرام على الاقل خلوها اعاره بس :upset: |
لاصاار شي دقوا علي |
المفرج افضل لاعب في وجهة نظري وانت تقول منتهي الصلاحية |
تحياتي لك اخي العزيزوجهة نظرك اقدرها واحترمها رغم مافيها من عنف واضح في طريقة الطرحاحب ان اقول ان التنسيق راح يكون مدروس في هذا الموسم لان المسؤول عن التنسيق اعضاء فنيين وليس كالسابق اداريينعموما احمد خليل في 37 عام من العمر بما معناه انه تعدى سن الاعتزال غير انه لايلعب اساسيولك في الشريدة خير مثال 37 عام واساسي الى اخر موسم ثم انتقل للخليج واعتزل بدون ان يلعبثانيا الادارة مخططها للخراشي والشمري والياس للاعارة بحيث تستفيد من اسماء قوية في الاندية الاخرى وتعرض عليهم هؤلاء اللاعبين المميزين بنظام الاعارةوهي السياسة الممتازةاشكرك اخي واتمنى منك تخفيف حدة الطرح في القادم من الايام |
اول شي يا لطيب تاكد من هالاخبار ثم انتقد الاداره |
يا خي انت قلتها كلام جرايد |
| الوقت المعتمد في المنتدى بتوقيت جرينتش +3.
الوقت الان » 11:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd