~®§§][][ عزوبيه + طلعت بر = احلى انبراشات ][][§§®~ - نادي الهلال السعودي - شبكة الزعيم

جرح يشكي · #1 02/07/2007, 09:39 AM

السلاااااااام عليكم ورحمة الله

(( صباااااااااح/ مسااااااء )) الخير والنور والسروووووووور <<< ما عاد تقدرون تردون علي

المهم بما ان التهور موضه في المجلس والكل تهور عاد انا عضو استثنائي ماني متهور الا بنبرش مثل المنتشري ويا ويل اللي يقلدني

تراي اذا عصبت ... ما ارحم

<<< الحقوق لـ زعيمو

المهم موضوعي عباره عن 2 في 1 يعني تراي ريحتكم من الزحمة اللي صايره في المجلس

حشا مو مجلس ذا ما لقيت لي مكان ليو ميسي ازحف لي ابي اجلس

تدرون عاد كم لي عن كتابة المواضيع يووووووووووه من زمان ما نزلت موضوع

حتى اني وانا اكتب ادور حرف (( ذ )) يالله يالله حصلته بعد رسم كروكي له

(( 1-2 ))

العزووووووووووووووبيه :p

ما ادري من حسن او سوء حظي ان عايش عزوبي

من نهاية الاختبارات وانا عزوبي عاد تعالوا شوفوا الطاوله عندي بس ما احد يضحك

17 علبة بيبسي 5 علب مويه مدري كم كيس لوزين (( لوزين افيد لك

)) و شي ثاني مستحي اقوله

بس شوفوه (( بسكوت مالح ))

عاد والله لا احد يلومني عزوبي ما علي شرهه

عاد جالس بالبيت لحالي دق علي خالي قال ابي اجيك قلت له اوكي <<< قال ايش بيونسني بدال الوحده اللي عايشها <<< الوحده والا العين

جاني العصر وطق الباب ما فتحت له كنت نايم وقعد يطق الين المغرب قمت وفتحت له

اخذني بالاحضان ولا تخاف وما ادري ايش وانت ما عليك اهلك 250 كيلو بس فيه غيرك اهلهم 1000 كيلو ومن ذا الكلام ما درى اني فاااااااااالها وبقوه بعد
جلس معي الين الساعه 1 الليل ورقد وانا على النت وصحى الساعه 11 الظهر وانا في مكاني ما تحركت عطاني محاظره

طوووويله عريضه اخر شي قلت له تصبح على خير واسحبها نوووومه الين صلاة العصر صحيت وصليت ورجعت الين العشاء والمسكين جالس لحاله قمت وخليته يروح يجيب لنا عشا

تعشيت ودخلت النت وهو جنبي كل شوي وانا بموقع يسولف معي وانا معطيه اشكل

طفش جلست الين الفجر ونمت وصحيت العصر واحصل ورقه مكتوب فيها

(( يا ولد ....

جيت ابي اسولف معك بدال الوحده اللي انت فيها واخر شي صرت منت كفوووووووو اذا طفشت تدل البيت اخر شي كاتب خالك تخلخلت عظامك

))

بالله خالي

اخاف ان اللي كاتبها هندي المسجد بس .

وباقي الايام اذا جات الساعه 10 دايركت المطعم يدق الباب متعودين

وبعد الفجر كبده من محل في الشفا اقسم بالله اني اروح لها مع ان المسافه اللي بيننا حدود الـ 25 كيلو

بس الدووب طول عمره دووب .

وعلى ذا المنوال لحد اليوم ، نت نوم ... نت نوم

لا وقالب البيت شقه للشباب لا بارك الله فيهم واحد منهم من قو الميانه يقول لي خل باب الحوش فاتح

بغيت ازبد له بس استحيت والحين اهم مقلقيني كل شوي جايني واحد بالاب توب حقه ، والثاني سمع ان عندي دي سي ال موقف جنب الجدار وداخل النت

.

بيني وبينكم عاد الشباب ما ينعطون وجهه وسبب كتابتي للموضوع ان اي واحد منهم يدخل الزعيم ويقرا الموضوع ويفهمونها

(( 2/2 ))

اطلع برا الرياض ... ايه افلقني يا شيخ

امس صحيت واحصل في الجوال 8 مكالمات الشباب يدقون علي دقيت عليهم وقالوا انهم كانوا بيمروني وبيطلعون لمزرعة واحد من العيال عاد استحيت منهم قالوا بنجي ناخذك

قلت لا وين المسافه حدود الـ 60 كيلو وقلت لهم انا بجيكم

كلمت ولد عمي قلت له تخاويني قال قدااااام .. قدام ... قدام ...<<<<< ابو مقبل تتذكرها

بس وانا في نص الطريق تذكرت ان طريق المزرعه ما تدخله اللومينا ... وش اسوي يا ولد وصعبه يعزموني وادق عليهم واقول تعالوا خذوني

وصملني اللي معي قلت خلاص بندخل والباقي على الله

ما امداني ادخل 300 متر الا والسياره متعلقه

وانزل ادف ما فيه فايده خلااص ما فيه امل اطلع الا بسحب

عاد المنطقه اللي انا فيها كلها بياعين

والساعه 12 بعد يعني كملت السالفه

نزلت من السياره انا واللي معي ونسولف على امل ان احد يمر ويجي ينقذنا لكن ما احد وقف لنا <<< لومينا وفي بر كملت قالوا بياع

عاد خويي اللي معاي يدري اني اموت ولا احد يسولف لي عن الجن

جاني وقال محمد (( رجليك رجلي حماااار

)) اقسم بالله شوي ويوقف قلبي .

واقعد اقرا اية الكرسي والمعوذات والولد مشغلني محمد شوف اللي وراك ... محمد شوف اللي يكبس ... محمد ومحمد انا خلاااااااااص ودعت

شوي الا وتمر سياره جيب شاص اخر موديل قلت بس هذا اللي بينقذنا ..

واكبس له بالنور الين جانا

والله ثم والله يا عليه شنباااااااااات

شكله اذا جاء ياكل يرفعها بيده واذا راح للحلاق يحددها يجيبون له زراديه يمكن تفيد ويمكن تنكسر بعد .

قربت منه وهو نزل اول شي طالعت فيه رجليه قلت لا تكون رجلي حمار بعد

سلمت عليه واشم الريحه الا وابو الشباب فووووووووق فووووووووق السماء

قلت انا احد داعي علي ولا ايش... قعد يسولف ويستجوبني وش اسمك ومن وين وليش جاي ووو ... قال خويي له وش يقرب لك المحقق كونان انا فطست ضحك ما قدرت اسكت

الا والرجال قالها وبكل بجاحه وبكل وساخه تشترون اطلعكم ما تشترون سلام عليكم ...

قلت وش نشتري يا بو الشباب قال هذا ورجع للسياره وطلع (( كنق رويال )) انا والله ما اعرفه مسكته منه قريت اللي مكتوب عليه الا هو مكتوب صنع وفق تجارب احسن خبراء المزاج صنع في اسكتندا

انا بغيت افقــ ...

من الريحه بس قلت لا يابو احنا ما نشرب قال مافيه تشترون ولا سلام

قال خويي وعليكم السلام انقلع خلاص والرجال يركب سيارته ويروح شوي عننا ويوقف وينزل وفتح صندوق السياره وجلس يطالع فينا

قلت ما فيها خلاص واخذ الجوال وادق على الشباب قلت تحضروووون كلكم ولا جيت وتوطيت ببطنكم وما قصروا الشباب جو وطلعنا السياره ومشينا وراعي الشاص يمشي ورانا انا رحت ووقفت السياره في المزرعه والشباب يحاولون يضيعون به

بس ما فيه فايده رجعوا للمزرعه وهو وراهم

والسواق عمل حركه لولبيه وسد الخط عليه ووقف ونزلنا وانواع الضرب والقسمه في وجهه ما فيه حركه ما سويناها حتى اني بغيت اطبق عليه حركة الانترتيكر

وبعد ما خليناه سايح في دمه فتحنا السياره الا وفيها 3 كراتين وانواع التكسير اللي جاها وقام وهو يتهدد والله لسوي ووالله لسوي

..

<<<< تراه كذاب يطالع فيهم من بعيد

وراح جعله ما يرجع .

ما يستفاد من القصه لا توقف احد هالايام

اجل تشتري والا ماني مساعدك يا شيخ انا اشم الدخان على طول على جنبي كيف لو ...

اخيراً

تراي مواصل وفي البيت لحالي واخاف احد يطلع لي ورجليه رجلي حمار

<<<< عين على الكيبورد وعين على الباب الله يستر

ما اظن اني بنام اليوم بعد اللي صار

اخيراً 2

الموضوع احس ان مافيه شي يستفاد منه العذر والسموحه ترا الجوع ضارب فيوزاته والله

بس وش رايكم في التنسيق ولا تنسيق الهنوووف يا شيخ

وادعوا ان ما يصير لكم مثل ما صار لي

مع اطيب الاماني جرح يشكي