بسم الله الرحمن الرحيم
السلام عليكم يا شباب و بنات
كيف حالكم؟؟؟؟؟؟
ان شاء الله
a
اليوم عندنا فقرة ( سواليف) من باب التجديد
و بصراحة بعد ما كتبت حقائق عن المخلوقات الفضائية ايلينز -- الجزء الثاني -- مسحته كله و قلت خلني أسولف مع حبايبي أحسن
خصوصا أنه اخر موضوع لي في القسم و من بعدها برجع اخذ كورسات و دعواتكم بالتوفيق لأخوكم عبد الله
طبعا هذا الموضوع تقدرون تسمونه ( شخبطة ) من واحد فاضي
بس ان شاء ما ينحذف لأني ما راح أكتب بعدها موضوعات في هذا القسم .. يمكن اكتفي بالردود
اممممممم خلوني أعلمكم وش سويت اليوم ...
طبعا قمت الساعة خمس و نص صباحا شبعان نوم و ميت جوع
من الساعة 6 و نص طلعت أمشي <<<< مب العادة أمشي بس عشاني عارف ان باكتب موضوع عن اليوم كله
وفي طريقي و انا ماشي .. دخلت محل ( ايسكريم ) و قعدت اتفلسف على اللي بيعطيني العسكريم
و المهم قلت للعجوز اللي تشتغل وش عندك أنواع فله ... قالت لي اسماء كثيرة .. و في اسم عجبني و خقيت معه
قلت أبي ( اسمه ) و طبعا ما عرفت اطنقه زي لأني ما أدري وشو
فهمت قصدي و جابتها لي و كأنها حاسه أنه مقلب .. و أول ما ذقته .. عرفت أنه بطعم الزنجيل
.. قسم بالله هذا اللي صار ..:p
المهم .. رجعت مشي اكمل و كلت الايسكريم كله و وصلت للشقة .. و شوف التلفون .. الا واحد اسمه مؤيد .. دق علي و ترك لي رسالة
و خلوني اعلمكم منهو مؤيد ... هذا الله يطول عمركم واحد يقربي لي من بعيد و ما عنده إخوان .. و عنده 5 إخوات الله يحفظهم و قد فزعت له في زواجه .. و اذكر أنه كان مختبص المسكين
حتى أنه ما كل شي في اخر 3 أيام
و حتى اذا جيت اضحكه .. ما يضحك :p
المهم و اكلمه و يقول لي ان جاه بنت .. و مسوين تصويت هو و حرمته على الاسم
العنود و لا شذى ..العنود و لا شذى .. العنود و لا شذى .. العنود و لا شذى ..و عاد نصحته بالعنود على اسم وحده من أقاربه <<<<<< أكيد مب أمه :p
و شي و خلصت المكالمة و قلت خلني أخذ الباص و اطلع للمدينة بدل من القرية اللي أن فيها و خصوصا أن اليوم هو اليوم الوطني لكندا .. و أنا جاي أطلع .. أضافني انسان عزيز على قلبي من الشبكة و اخذتنا السوالف الين ما تأخرت على الباص و علمته أني متأخر ولازم أطلع
و أنا طالع و أسمع صوت عربي يقولي ( السلام عليكم ) عند موقف الباص و التفت و اثاريه خوي لنا مكسيكي ( نشبة ) علمناه كلمات كثيرة في العربي زي السلام عليكم .. كيف حالك .. طيب .. يالله .. بسرعة .. كيفك .. مع السلامة .. أحبك .. لا .. ايواه .. ضف وجهك .. انقلع
و ما علمنا في الاسبانية الا ( أولا= هلا ) .. ( استلا بستا = مع السلامة ) ..(كمبوميريسو = معليش) .. ( بورفاذور= تكفى ) .. (سنيوريتا = الانسة ).. امممم .. و فيه أشياء ثانية بعد ..
المهم و قعدنا نسولف و قال ما فيها باصات لأن عندهم إجازة و هو بيطلع المسكيك بكرة و مدينته كانكون بس بيطلع على مدينة اسمها بيوبل وزعلان لأنه بيفارق العرب أصحاب الفله و بيروح لمكان جديد .. و رحنا أنا واياه على شقة واحد سعودي و قومته من النوم على بالي أن الساعة 1 و لا 2 و اثاريها 10 و نص .. و المهم الرجال حقد و قمت أصرف قلت له خوينا المكسيكي ( روخيل ) يبي يسلم عليك قبل ما يروح
و طبعا روخيل قعد يصيح و يضمه .. يا حليله هالانسان على كثر ما يشرب بس انه عاطفي
و المشكلة انه هاي تماما
و من بعدها خلينا خوينا يينام و طلعنا ناكل في كنتاكي .. و قسم بالله أنه رفع ضغط النادل :p .. الرجال ما يعرف وش اسماء الأكلات .. لا و يسألني من زين الطبايع
قلت له .. اسمع روخيل .. اذا بتجي لكلمات الأكل الخربوطية فو الله ما أدري وش السالفة .. بس أدري أن عندهم أسئلة مالها داعي في الحياة :p
و بعد ما أكلنا .. الرجال مضيع بيت صديقه و يبي يروح يسلم عليه غصب طيب .. و اخذنا ناكسي و السواق طبعا كندي .. و الكنديين معروفين بالحبابة الزايدة
روخيل كل شوي يقول من هذي اللفه .. لا لا .. من اللفه الثانية .. و الكندي الشايب مبتسم و يضحك أحيانا :p
و اذكر أن روخيل تكلم كثير في هذي الرحلة .. طلع فضايحه كلها في ديرته .. تكلم عن الحب و الخيانة و الصداقة ..و السربته .. و الفقر .. و العذاب و الاخوة و الحبابة الكندية الزايدة
عموما سواليفي ما راح تخلص.. و أبي أشوف سواليفكم في هالصيف بعد و ياليت تطلع اللي في قلبكم ترى الحياة فله
و زي ما قلت هذا اخر موضوع في هالقسم فياليت نشوف تفاعل و اللي يبي التواصل .. بيلقى ايميلي في التوقيع بعد شوي
فتكم بعافية
تحياتي
Canada's gallant
( سواليف ) كلكم لازم تشاركون 
يعني ايام الاختبارات
ههههههههههههههههه يا حليلك يا روخيل 
_ عليكم بالدعاء له _)
الوضع العادي
