][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

S U L A I M A N · #1 04/07/2008, 08:34 PM

والأسود هذا ورى مايفكنا ويوخر شوي

يابن الحلال موب لحالك تبينا كل الاعبين يتمنون برشلونة بس الكلام على الي يبونهم برشلونة .. يعني انت كويس وجبت مادري كم هدف بالبريمير ونافست على الهدافين كم جولة بداية الدوري .. واو .. يله الي بعده ! .. قسم بالله ما ادفع عليه 15 مليون ذا ! معين 40 !!! حتى الـ 15 قهر والله أصلا مانبيه والله انه نقص ..

بصراحة إذا كانت الاخبار صحيحه الي تقول ان النادي بيعرض عليه هالمبلغ الضخم .. غير انه بيكون اغلى صفقه بتاريخ برشلونة تقريبا .. الا انه بيكون اسوأ صفقه للأسف .. يابو الشباب هالمبلغ أجيب فيه على الأقل لاعبين اثنين كل الانديه يبونهم ! فيا وموتينهو !! .. للأسف يعني غباء الإداره في بعض الاحيان يحطها بموقف بايخ .. يعني يا إداره ياحكيمه حطيتوا ميزانه قدرها كذا وكذا للإنتقالات .. يعني للاستقطابات .. طيب المبيعات تبع الاعبين .. الاعبين الي يطلعون من النادي مافكرتوا بأسعارهم وانه راح تفيدكم !! .. زامبروتا راح بصفقه أذكر انه 10 ملايين كان ماخانتني الذاكره .. مبلغ يستاهل وحلو .. ديكو ليش يالإداره الحكيمه يروح لـ 10 ملايين !! يعني يادبشه النادي الي بتعوا عليه ديكو .. شاري شون رايت فيليبس بـ 23 مليون باون بالوقت الي كان أرسنال عارض عليه 7 ملايين !! هالنادي هو الي شرى دروقبا بـ 35 مليون باوند بالوقت الي كان سعره يسوى 10 - 15 بالكثير وجته عروض عده من بينها عرض من البرسا على ما أذكر بـ 13 مليون ! .. كارفالهو أغلى مدافع بالعالم 30 مليون ومايستاهل نص هالمبلغ .. بعد كل هالأرقام وانتم تدرون ان مالك هالنادي شخص مهبول فلوس ماعنده مشكله يحرك مليار ريال ولا درى عنهن .. تبيع عليه ديكو بهالمبلغ التافه !! ديكو راح يعطيك 4 سنوات قدام سلام سلام وبعدها راح يكون لاعب من أفضل الاعبين وانا ارشحه خلال هالفتره انه ياخذ أفضل لاعب بالعالم .. عمره الحين 30 سنه بالكثير يعني عمر النضج الكروي ! ..

بعد هالكلام انا أقول انه لو البارسا فكروا شوي ببيع الاعبين والي راح يجنونه منه .. راح يصير عندنا ميزانيه كبيره جدا وممكن من خلالها نجيب كل الاعبين الي فيه أخبار تقول انهم احتمال يجون .. من بينهم فيا وموتينهو ولو نبي هليب جبنا راسه ..

ALQannas Mesh3al · #2 04/07/2008, 08:58 PM

إقتباس

الرسالة الأصلية كتبت بواسطة S U L A I M A N


	والأسود هذا ورى مايفكنا ويوخر شوي يابن الحلال موب لحالك تبينا كل الاعبين يتمنون برشلونة بس الكلام على الي يبونهم برشلونة .. يعني انت كويس وجبت مادري كم هدف بالبريمير ونافست على الهدافين كم جولة بداية الدوري .. واو .. يله الي بعده ! .. قسم بالله ما ادفع عليه 15 مليون ذا ! معين 40 !!! حتى الـ 15 قهر والله أصلا مانبيه والله انه نقص .. بصراحة إذا كانت الاخبار صحيحه الي تقول ان النادي بيعرض عليه هالمبلغ الضخم .. غير انه بيكون اغلى صفقه بتاريخ برشلونة تقريبا .. الا انه بيكون اسوأ صفقه للأسف .. يابو الشباب هالمبلغ أجيب فيه على الأقل لاعبين اثنين كل الانديه يبونهم ! فيا وموتينهو !! .. للأسف يعني غباء الإداره في بعض الاحيان يحطها بموقف بايخ .. يعني يا إداره ياحكيمه حطيتوا ميزانه قدرها كذا وكذا للإنتقالات .. يعني للاستقطابات .. طيب المبيعات تبع الاعبين .. الاعبين الي يطلعون من النادي مافكرتوا بأسعارهم وانه راح تفيدكم !! .. زامبروتا راح بصفقه أذكر انه 10 ملايين كان ماخانتني الذاكره .. مبلغ يستاهل وحلو .. ديكو ليش يالإداره الحكيمه يروح لـ 10 ملايين !! يعني يادبشه النادي الي بتعوا عليه ديكو .. شاري شون رايت فيليبس بـ 23 مليون باون بالوقت الي كان أرسنال عارض عليه 7 ملايين !! هالنادي هو الي شرى دروقبا بـ 35 مليون باوند بالوقت الي كان سعره يسوى 10 - 15 بالكثير وجته عروض عده من بينها عرض من البرسا على ما أذكر بـ 13 مليون ! .. كارفالهو أغلى مدافع بالعالم 30 مليون ومايستاهل نص هالمبلغ .. بعد كل هالأرقام وانتم تدرون ان مالك هالنادي شخص مهبول فلوس ماعنده مشكله يحرك مليار ريال ولا درى عنهن .. تبيع عليه ديكو بهالمبلغ التافه !! ديكو راح يعطيك 4 سنوات قدام سلام سلام وبعدها راح يكون لاعب من أفضل الاعبين وانا ارشحه خلال هالفتره انه ياخذ أفضل لاعب بالعالم .. عمره الحين 30 سنه بالكثير يعني عمر النضج الكروي ! .. بعد هالكلام انا أقول انه لو البارسا فكروا شوي ببيع الاعبين والي راح يجنونه منه .. راح يصير عندنا ميزانيه كبيره جدا وممكن من خلالها نجيب كل الاعبين الي فيه أخبار تقول انهم احتمال يجون .. من بينهم فيا وموتينهو ولو نبي هليب جبنا راسه ..

والله يا سليمان كلامك سليم .. بس المهاجم الوحيد الي بإمكان انتقاله من ناديه للـ برسا هو اديبايور ما فيه غيره ..

بس مهما كان ما يستاهل الـ 40 مليون

واديبايور مزاجي اساسا .. مباراه بيدع ومباراتين مستواه نازل

ع العموم اشوف هالمبلغ نجيب فيه مهاجم من امريكا الجنوبية وهداف من الدرجة الاولى

مع كل الاخبار الاخيرة بكل صراحة اتمنى اقالة لابورتا

PUYOL Carles · #3 04/07/2008, 09:33 PM

معليش سليمان انت داخل من جيبك شئ والا طالع من جيبك شئ

..

ديكو .. كم كان باقي له على العقد .. اظن سنه .. ووش مستواه في الموسمين الماضيين .. وكم وصل عمره ..

ديكو .. اكثر من مره صرح انه راح يطلع ..

ديكو .. وهو في اليورو .. قال انا راح اطلع للفريق اللي ابغاه ..

وفوق كل هذا .. في بند ممكن يستخدمه اللاعب اذا باقي على عقده مده معينه يطيح سعره في الأرض ..

الزبده .. مع انه بيب صرح وخلص انه ماراح يعتمد عليه .. لكن ديكو وايتو هم اول اثنين بدأو اللعبه هذي .. وخلوا مافي اي امكانيه للنادي انه يستفيدو منهم بمردود مادي محترم ..

اخيرا .. ديكو بعشره ملايين .. ماراح يضرنا شئ احنا كمشجعين لكن المهم انه يتم تعويضه بلاعب وفقط ..

===

اديبايور .. مطلب خاص من بيب .. فيه لاعبين ركزت عليهم السبورت في تقارير عن حساب سريه .. بانه الفيس واديبايور وكاسيريس كانوا اهم مطالب بيب .. وبيب هو اللي موراضي يتنازل عن اديبايور ..

بيب يرى في اديبايور صفات مشابهه لكلايفرت .. وهو راغب فيه بقوه اكثر من اي مهاجم ..

فـ الأفضل للاداره تنصف حق بيب .. وتلبي طلباته .. وبعدها نشوف من الغلطان ..

الموسم الماضي قلنا كلام وشبعنا عن ميليتو .. في النهايه كان افضل مدافع بمحصلة الموسم النهائيه ..

الليقا تختلف عن البريمير اكيد .. لكن اعتقد اديبايور عنده موهبه اثبتها .. ومسألة تضييع الفرص .. مااعتقد راح يختلف عن ايتو بالكثير ..

ايتو كان اكثر شئ يميزه سرعته الكبيره .. واديبايور مايملك سرعة ايتو لكنه خال

.. ويملك طول فارع ..

عموما ترى مافي شئ رسمي .. لكن ان أتى .. بلاش من الأسماء التجاريه والأمثله كثيره .. وممكن يكون افضل من اي مهاجم نحلم به ..

ومسألة المبالغ .. لاطلع من جيبنا شئ ولا دخل في جيبنا شئ .. الاداره عندها فلوس تغرق بيوتكم

..

===

متى يبدأ هالموسم بس .. زهقت

اكشخ واحد · #4 04/07/2008, 09:49 PM

^ ^ ^ ^ ^ ^

كلامك عين العقل حسون <<< يتلزق مع الرئيس الجديد

انا بصراحه صفقة اديبايور ودي تتم .. بس مو بالمبلغ هذا ... اشوف ان 20 مليون مناسبه.

بس اللي مخوفني من قدوم اديبايور ... استمرار لعب هنري على الجناح ... انا اشوف ان هنري يفقد 50 % من خطورته اذا لعب على الاطراف.

ومسئلة الطول ترا هنري موب قصير .. يوصل للـ 185 .. وهذا ممتاز.

----------------------------

الصفقه اللي ابيها تتم في اسرع وقت ... هي صفقة صانع اللعب ... ارشفين او موتنيهو او رفيقنا اللي معاد له حس .. خليفة كاكا.

وايضاً مركز الظهير الايسر .. ولا نستوا ان مافيه بديل لابيدال ؟؟

PUYOL Carles · #5 04/07/2008, 10:39 PM

^^

مكان ابيدال راح يكون فيه سيلفينيو وكاسيريس ..

===

ارشافين اتوقع انه قريب جدا .. وهيرنانيس وضعه مجهول حتى هذه اللحظه ..

مبدع الوسط · #6 04/07/2008, 11:15 PM

هلا أخوي حسين
تقول وش عليك من الفلوس
وإذا جت الإدراة وقالت دفعنا المبلغ المذكور للاعب هاذي الميزانية
بالنسبة لـ ( أديبايور ) أشوف المبلغ 40 مليون خرافي عليه
يعني ممكن ينهبل قبل مايجي
خل نشوف جيت أديبايور وش راح تسوي
ممكن يغير شيء في الفريق كخطة (( وهذا شي أنا أستبعده))
هنري راح يبقى على الطرف وهاذي مشكلة حتى لو قرينا تصاريح قوارديولا
أنه راح يعتمد على بويان وهنري كرؤوس حربه وهذا يجعل مصير التوقولي
غريب نوعاً ما
لو جا بالمبلغ الخرافي ذا الكل راح يطمع في البرسا

أتمنى ما طولت

PUYOL Carles · #7 05/07/2008, 12:46 AM

^^^

هلا بالغالي

اديبايور .. مختلف عن بويان وهنري .. اديبايور خبل .. بس عنده قدرات بدنيه كبيره .. وهالشي متعب لأي قلبين دفاع .. خصوصا وانه يمتلك طول كبير .. فـ بالتالي هي نوعيه مكمله لهنري او بويان .. لأن هنري يظهر اكثر في المساحات ..

فـ بالتالي احنا نتكلم عن موسم طويل .. مباريات مختلفه .. فيه مباريات لها حسبه خاصه مثل خروج المغلوب .. وفيه مباريات دوري .. فـ انت محتاج لزاد بشري ممتاز علشان تطلع بشئ ..

وايضا .. بيب .. يستخدم احيانا خطة 4 4 2 .. فـ بالتالي ممكن يستخدم هنري واديبايور كثنائي هجوم ..

تفاءلو بالخير .. واتركو سوالف الفلوس على جنب

.. يعني الحين بتقنعوني اصلا فيه بني آدم في هالحياه يستاهل 10 مليون يورو

.. فرضا شريته اليوم بهالمبلغ .. وبكره تسكر السوق .. بعدها باسبوع صابه حاث وانشل .. بالله وش استفدت انا

..

السوق كل ماجا له يغلى .. ومافي اي لاعب يستاهل هالمبالغ الخرافيه .. يعني رونالدو يستاهل 80 مليون .. يلعن امه مارسيلاقو مو بني آدم .. حتى داني الفيس .. على اي اساس بـ 35 مليون .. بيبي على اي اساس بـ 30 .. فيرديناند ليش ادفع فيه هالمبلغ .. ستام .. وغيرهم من اللاعبين ..

يفرق لما يكون النادي زي فياريال او ليون او اشبيليه .. تعتبر انديه مموله للمواهب .. وماتقدر تعيش بين الكبار الا بهالطريقه الماديه .. ويفرق لما تكون انت ضمن اكبر اندية اوروبا وتمتلك خزينه كبيره .. ومايضرك لو جددت سنويا فريقك بمبلغ وقدره .. لأنه انت تطلع دبلهم .. من حقوق نقل .. من اعلانات لللاعبين .. من اعضاء للنادي .. من ومن ومن ..

الريال يدخل في صفقه ومايهمه وش يدفع .. لأنه لو دفع في رونالدو 80 .. وحقق له بطوله او بطولتين .. الجماهير راح تستمتع وتفرح وتنسى ابو الفلوس .. ومن الجهه الأخرى .. النادي راح يدخل ضعف هالثمانين من ارباح وشغلات ..

نفس الشئ البارسا .. ولما قال سوريانو احنا نادي شراء .. هذا شئ واقعي .. برشلونه يفكر في القيمه الرياضيه مو الماديه .. ولو يهمها القيمه الماديه .. ماراح تشتري اي لاعب .. واعتمدت فقط على مدرستها .. لكن النادي يفكر في اشياء اكبر من مجرد منافسه على مراكز شرفيه .. علشان تحقق شئ .. لازم تدفع .. وعلشان تدفع لازم تختار لاعبين بعنايه .. انا ممكن اختار فيا .. وليد يقول هنتلار .. سليمان يقول حمزه ادريس

.. لكن بيب اختار هاللاعب .. وهو ابخص منا احنا في الكوره والخطط .. وبالتالي راح احترم قراره .. وراح اتمنى الخير للفريق

..

وشطحه بعيده

لابورتا راح يضل في الرئاسه غصبا على روسيل وابو طوايف روسيل

.. شفتوه اليوم جت له الصيحه بس حاول يغاور

.. ياناس هالبني آدم في وقت من الأوقات مول صفقات النادي من جيبه .. يقومو يعاملوه كذا .. والله مايستاهل هالحلو