][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

PUYOL Carles · #1 05/05/2008, 11:37 PM

ميليتو سته شهور وفي الركبه

..

هذا الا يقول لك الحظ الكبيييير

..

كل شئ ينعكس علينا مع الوقت ..

المشكله حتى في حياتي الواقعيه يصير لي كذا

.. مادري هو شي مكتوب والا صدف ..

الحمدلله عموما ..

===

اذا قوارديولا جا .. مااشوف فيها كارثه الى هذه الدرجه ..

من هو مورينيو قبل ان يمسك بورتو .. no one .. حده تجارب خفيفه ومساعد ومادري ايش ..

مسك بورتو وكان الـريزومي حقه عادي .. وارتفعت اسهمه .. والآن الكل يقارنه بأباطرة التدريب ..

على قوة الشخصيه .. هي نوعان نوع ايجابي ونوع سلبي .. يا اما انك تطفش اللاعب ويطلع .. زي فان خال وريفالدو .. ويا اما قوة شخصيه بثقه في العلاقه بين اللاعب والمدرب .. مثل لاعبي تشيلسي ومورينيو ..

في النهايه الحالتين تعتمد على عقلية اللاعب ونفسيته مع المدرب ..

مثال اخر .. قاتوزو سوا حركتين غريبتين .. مع ليبي وانشيلوتي .. الأول يقولون عنه من افضل المدربين في العالم .. والثاني جزء كبير ينهش في تاريخه يوميا .. والمدربين اثنينهم كانت لهم نفس ردة الفعل .. تقبلوا من قاتوزو الشئ برحابة صدر ..

جو العمل لازم يكون فيه محبه وطيبه .. وأي شئ ثاني سلبي .. برأي من عقلية اللاعب نفسه والمدرب أيضا ..

الحين المدرب اذا صار صارم معي باحبه اكثر من لما ياخدني بالحضن مثلا .. او انه بيكون احترامي له اكثر فقط لمجرد صرامه زايده .. كل اللاعبين كبار ولازم يتعلمو احترام المسؤولين عن الفريق ..

ولونلاحظ .. اللاعبين الا متخرجين من اكاديميات كرويه على مستوى .. مثل اللاعبين الا متخرجين من مدرسة برشلونه .. نحصل عندهم احترام كبير للشعار ويتحملو اي شي ويقدمو مصلحة الفريق على اي شي .. لأنه هذا الشئ يتعلموه من صغرهم .. ويتعلمو دراسة الخطط والأفكار من الصغر ..

مادمر برشلونه هي الأفكار السوداء التي يتغذا بها اللاعبون يوميا .. من اشاعات حول السوء تكتيكي ومن سوء مستوى في اللاعبين ووو .. في الوقت الا كانت فيه الاداره سرحانه في بدايات هالصدمات المستمره ..

الخطأ خطأ الجميع .. وليس خطا ريكارد وعاطفيته .. في نظري الكل يشيل نفسه .. وهذا هو التيم وورك ..

وحتى لو كان ريكارد اقل من غيره في اشياء .. لكنه خلال خمس سنوات .. لم نرى منه ولم ترى منه اوروبا أي شئ .. حتى في اشد الأيام كان يتحمل كل شي ولايرد الا بالكلمه الطيبه .. وبرأي هذا بحد ذاته شئ يدعو للاحترام والافتخار ..

العاشق الكتالوني · #2 06/05/2008, 12:25 AM

بشكل كبير جواردويلا مدربا للبرشا الموسم القادم
هذا ما أعلنته جريدة السبورت في موقعها الخاص ،، وقد وقع الإختيار على جواردويلا للأسباب التالية:

1- أرخص..
2-ولدنا ،، ولا يمديه يهايط علينا ،، يعني إذا قلنا فالديس يبتل حارس قل تم ،، إذا قلنا يكفونك هالمبزرة بويان وجيوفاني
وما نحتاج نجيب مهاجمين وندفع فلوس ،، قل أبشرو،، وإذا قال أبي مدري مدافع ولا مهاجم ، قلنا له فريقك B أمس مخليه وتعرف من فيه ،، نقز لك واحد منهم..

3- هذا المدرب أثبت إنه من طراز آخر ،، خصوصا بعد إبداعاته في الليقا الدرجة الثانية ،، والجميع يعلم قوة الفرق التي تلعب في هذه الدرجة ،، مما يجعله قادرا على خوض غمار دوري الأبطال والليقا بكل جدارة ..

4- علشان هالسلق ( الجماهير ) يحسبون ألف حساب لما يفكرون يغزون مناديلهم قدام طويل العمر ( لابورتا )..

الله ياخذ أرواحهم واحد واحد هالإدارة المتسيبة ،، وان شاء الله يجي الدور عليها وتتشوت قريب ..

خالد العـــــودة · #3 06/05/2008, 02:22 PM

إقتباس

الرسالة الأصلية كتبت بواسطة العاشق الكتالوني


	بشكل كبير جواردويلا مدربا للبرشا الموسم القادم هذا ما أعلنته جريدة السبورت في موقعها الخاص ،، وقد وقع الإختيار على جواردويلا للأسباب التالية: 1- أرخص.. 2-ولدنا ،، ولا يمديه يهايط علينا ،، يعني إذا قلنا فالديس يبتل حارس قل تم ،، إذا قلنا يكفونك هالمبزرة بويان وجيوفاني وما نحتاج نجيب مهاجمين وندفع فلوس ،، قل أبشرو،، وإذا قال أبي مدري مدافع ولا مهاجم ، قلنا له فريقك B أمس مخليه وتعرف من فيه ،، نقز لك واحد منهم.. 3- هذا المدرب أثبت إنه من طراز آخر ،، خصوصا بعد إبداعاته في الليقا الدرجة الثانية ،، والجميع يعلم قوة الفرق التي تلعب في هذه الدرجة ،، مما يجعله قادرا على خوض غمار دوري الأبطال والليقا بكل جدارة .. 4- علشان هالسلق ( الجماهير ) يحسبون ألف حساب لما يفكرون يغزون مناديلهم قدام طويل العمر ( لابورتا ).. الله ياخذ أرواحهم واحد واحد هالإدارة المتسيبة ،، وان شاء الله يجي الدور عليها وتتشوت قريب ..

ربي يسعدك ...

كلامك فيه من الصحة الشيء الكثير ...

و رغم أني مدريدي .. من رأسي حتى قدمي .. إلا أنني كنت قلباً و قالباً مع البرسا أمام المان !! لأني كنت أمني نفسي أن يتقابل البرسا مع الردز في النهائي ؛ لكن الاثنين ( أوت ) للأسف !!

و الحمد لله ...

قدر الله و ما شاء فعل

محب الذئب9 · #4 06/05/2008, 12:34 AM

ميليـتو 6 آشهـر ..

بمــآ آن آلريــآل فــآزو آمـس آعتقـد آن آلكـلآسيكـو مــآرآح يكـون فيـه آللـ ع ـب آلحمــآسي آلمتـوقع ..

لـو آلريــآل تــآركيـن آوسـآسونــآ فــآيزيـن كــآن يكـون فيـه حمـآس ..

بـس آلريــآل آلحـين يبـون آلفـوز علينــآ كـ آحتفــآليـه بـ آللقـب .. و آحنـآ نبـي آلمـركـز آلثــآني و فـوز معنـوي لنــآ آيضــآ ..

.....

وبـ ـآلنسبـة للآعبيـن رآح نفقـد مجـموعـة كبيـرة منهـم بتـآكيـد لهـم آثـر كبيـر .. !

....

آلكــآسـر .. آلله يبــآرك فيـك ..

PUYOL Carles · #5 06/05/2008, 12:53 AM

بس قبل قوارديولا أرسل مذكره للاداره .. وفيها منهجيته وافكاره في قيادته للفريق اللي طالب بتوفيرها له بما معناه يعني .. هالكلام من حوالي شهر او اكثر بشوي ..

وركز على النقاط التاليه في الخطاب ..

- راح يكون التدريب البدني أفضل .. من استعداد قبل الموسم .. وحتى خلال الموسم .. حيث انه بيزيد ساعات التدريب البدنيه .. وفي هذي النقطه اذكر شبه بـ منهجية الميلان في الاعداد البدني خلال الموسم ..
- قال انه بيجدد الطاقم الطبي كاملا .. وراح يعين اظن اذا ماخانتي الذاكره الدكتور كوجات رئيسا على الفريق البدني والطبي .. وفي نقطه ذكرها بحيث انه ماراح فيه اطباء مختصين بحاله معينه مثلا من الاصابات .. لأن ممكن في هالحاله الاستعانه بناس من خارج النادي ..
- راح يجدد عقلية الفريق الاحترافيه بشكل عام .. وراح يرجع لهم الروح والحماس .. وراح يغير طريقة العمل مع الحفاظ على جو الفريق ..
- قال انه بيستمر بفلسفة النادي من كره ممتعه وهجوميه .. لكن ماراح يكون ثابت على خطه معينه مثلا دائما بـ 4 3 3 .. وقال انه لكل مباراه حسابات خاصه ..
- راح يوازن في الفريق .. بين اللاعبين المهاريين .. واللاعبين اللي يمتلكو قوه بدنيه كبيره .

سواء هالكلام راح يتم تطبيقه بشكل فعلي .. او بشكل مؤقت .. باين انه قوارديولا لديه رؤيه لابأس بها عن نوعية المشاكل الموجوده بالفريق . وواضح انه بأفكاره هذي عارف من أين تأتي الحلول وأين بالضبط يجب تطبيق العلاج ..

بشرط .. أن يتم اعطاءه الراحه والحريه في كل شئ .. وأن لايكون هناك أي تدخلات اداريه .. يعني يعطو الخبز لخبازه .. واذا فيه خير راح يبين ..

قوارديولا ممكن حاليا مايكون مرحب به بشكل كبير .. خصوصا وان الفريق يحتاج الى لاعبين ومدربين ناضجين علشان يرجع الفريق بسرعه للمسار الصحيح .. ولامجال للتجهيز والصبر ..

لكن مافي شئ نهائي .. كل السالفه في النهايه .. خبر صحفي .. وياكثر الأخبار الصحفيه الا مالها اي وجه من الصحه عن برشلونه يعني ..

ان أتى قوارديولا .. راح نضمن في الأساس .. يكون فيه اعتماد اكبر على بعض لاعبي الفريق B .. وبعض هاللاعبين يستاهلو تمثيل الفريق الأول على الأقل من باب التجربيه .. مثل مارك كروساس .. ومارك فالينتي .. وديماس .. وغيرهم وغيرهم ..

برشلونه لديها مجموعه كبيره من المواهب الكرويه .. وماله داعي ننتظر السير اليكس .. او فينجر .. علشان يوثقو في موهبه من مواهب النادي ويطلعوها للعالم واحنا نتحسر عليها ..

عى الأقل ممكن يكونو لاعبي الفريق B .. افضل من ادمي وازكويرو وكم لاعب من الا تعبنا واحنا ننتظر منهم شئ ايجابي بحق النادي ..

نصيحتي .. انتظرو لنهاية الموسم .. بعدها كل شي يبين