03/05/2008, 01:00 PM
|
 | زعيــم مميــز | | تاريخ التسجيل: 20/10/2006 المكان: الرياض
مشاركات: 3,066
| |
السلام عليكم ورحمة الله وبركاته مساء الخير يالربع هارد لكم هالموسم كله بس بصراحة كنت مأمل في التعويض بالتشامبيونز لكم بعد لقاء الديبور (على ماأظن) والخسارة الغريبة بثنائية المهم قريت بعض الردود لكم وشفت بعض التحامل على روني بالمقام الأول ثم يجي بعده زامبروتا ثم تيري ولايهون ريكارد اللي على ماأظن ماضيعه إلا مجاملة رونالدينهو المهم بأقول في أسوأ مباراة للبرسا في التشامبيونز في إياب الاولترافود سمعت إن البرسا من سنوات ماصام هجومه عن التسجيل مثل هالمدة في الاولترافود كل شيء واضح دفاع ومحور الأفضل والأقدر وزامبروتا بغض النظر عن السابق كان في أفضل حالاته باقي شيئين التسجيل وهو الأهم وحماية المرمى على الأقل في أول اللقاء أما التسجيل فمع الاحترام لرايكارد على الكامب نو ماسجلت بالحلوين اللي لعبتهم تبي تسجل بهم في الاولترافود هذا خطأ رايكارد والأهم لما دخلت بذات التشكيلة خالع المساحات الضيقة ((خالع = أحسن واحد يلعب فيها)) نييستا كان له كم لمسه لميسي كفيلة بالمحافظة عليه لنهاية المباراة ويبقى خيار الخروج بين اكزافي الأصعب وديكو الأسهل صاحب البطاقة والراجع مؤخرا من إصابة واللي بالمقارنة بالساحرين الأسبانيين الأقل عطاء والأقل حضورا ولياقة تطلع لي نييستا ياظالم والأهم تيري ماأدري ركنه في الاحتياط وش الغرض منه مع إنه الأفضل لياقيا بجوار ميسي ونييستا واكزافي وتوريه اللي باقوله خطة رايكارد لاهي دفاعية ولاهي هجومية مثمرة والدليل الكامب نو باقي مسألة اللي ماأدري أهم أسباب تراجع البرسا ولاشفتكم أعطيتوه حقه من النقد ياناس فيكتور فالديز هذا حارس تسديدة سكولز لاهي مباغته ولاهي بالسرعة المميزة خلو كاسياس على جنب بوفون تخش عليه وإلا تشيك مع إنه خشة عليه أخف منها بس تشيك هالموسم مدري وش يحس به وإلا رينا بصراحة حتى خوليو سيزار ماتخش عليه >> إلا الانتر عشان كذا اتوقع لعودة التنافس شوفوا لكم حارس بالله مو اقعد أشجعكم وفي الأخير تطلعون بهدف سكولز الشايب اعقلوا وادفعوا >> يحسبكم أعضاء شرف يالله هذي لكم بالتوفيق للبرسا واظن ريكارد ماضره أحد كثر مجاملته لروني وآآآآآآآآآآه ياروني فتكم بعافية يالربع وآسف على الإطالة وتمسون على خير |
![][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][](iconimages/t422023_rtl.gif)
الوضع الشجري
