شباب .. ريكارد اليوم ماكان سبب كبير في التعادل .. الاعبين وهو سووا الي عليهم لكن ماكان مقدر ومكتوب .. صحيح عليه مأخذ في التشكيله دامه لعب بالاعبين الي مفروض يلعب فيهم .. يعني سوى الشيء الصحيح انه لعب فيهم وريحهم في الشوط الثاني .. لكن دامه لعب فيهم كان مفروض يلعبهم بمراكزهم .. لكن هالمره ريكارد مانلومه بشكل كبير .. الحظ العاثر وقف ضدنا اليوم .. لو البلنتي محسوب كان فيها كلام ثاني !! بس آآآآآخ يالقهر


قفله للجميع


عزام .. كرويف 92 .. يسلم عليكم ..

إقتباس الرسالة الأصلية كتبت بواسطة S U L A I M A N قفله للجميع عزام .. كرويف 92 .. يسلم عليكم ..

والله النوم زين .. والقعده من الصبح زينه بعد خخخخ .. انا عرفت الوضع موزابط من عارضة ايتو الأولى ..

قلتو مناديل بيضا .. وثلاث عارضات .. لاحول ايا هالحظ ..

يالله .. رجعنا للمركز الثاني على الأقل ..

عموما .. احلى شي ان عزام حي يرزق .. ممكن هالسلام احلى من الفريق لو فاز ..

تشاو ياسحالف ..

barca 10

وضع بويان ماصار كذا الا من الاصابات .. والا هو المفروض حده هالموسم مباريات كاس وبديل .. علشان نحافظ عليه ..

وبويان اللي اشوفه نوعا ما مرهق .. توه 17 سنه .. ويلعب في مستوى لاعبين كبار .. تحتاج قوه بدنيه كبيره .. وهو مازال في طور النمو .. صعب عليه يلعب هالمباريات الكثيره وهو بهالسن .. لكن على الأقل نتطمن ان عنده موهبه .. واللاعبين قاعدين يساعدوه ..

وانت شايف كيف الصحافه .. الا يبغوا يرفعوه يرفعوه .. واذا نووا على احد يلعنوا شكله ..

والانتقالات الشتويه من الاداره اساسا .. هي لو تبغا تجيب جابت .. لان هالموسم اسوأ شي في الفريق خط الوسط .. ومع ذلك بدل لايسوو تدعيم .. طيروا لاعب كان ممكن يكون افضل من غيره لو اعطي بعض الثقه ..

الثقه اللي عطوها الى جيوفاني اشوف كروساس اولى بها .. لكن لعلها خيره لمستقبل اللاعب .. انا شفت له بعض الدقائق مع ليون .. وليون تملك مدرسه جميله .. والولد لابأس به .. وشكله بيطلع من نوعية هارقريز وماسكيرانو .. النوعيه اللاصقه .. وهالنوع جميل في الكره الحديثه ..

علشان اثبت فقط كيف خط الوسط سئ ومايسوي الشغل الا من المفترض يسويه .. شوف الكيلومترات الا يقطعوها اللاعبين .. تحصل في اكثر من مره .. اكثر اللاعبين جريا لاعبين هجوم .. بينما من المفترض الوسط يكون دائما متصدر هالأرقام ..

تأثير غياب ديكو كبييير .. حتى وهو بمستوى سئ .. غيابه مؤثر ..

hilali 3asal

فاهم حبيبي وضع خبر روني .. بس اللي اقصده على غلاف الصحيفه .. صوره وش قدها على عرض روني .. بينما من المفترض .. خصوصا في يوم مباراه مهمه .. تحط واجهة الغلاف شئ يحفز .. شئ يبعث بالأمل في المشجعين ..

الموندو صحيح حاطه جزئيه لابأس بها في صورة الغلاف .. لكن على الاقل حاطه شئ كبير يتحدث عن لقاء الليقا المهم ..

من المفترض يكون الاعلام أداة مهمه في جعل الصعب والمستحيل ممكن .. بس التحطيم وخلق المشاكل شئ سئ ..

انا ضربت مثال بصحف المانيا قبل مباراتنا مع شالكه كيف كانت تحفز وتحمس في مشجعي الفريق الألماني .. في الوقت الا كانوا فيه صحافة كاتالونيا تدور بديل الى ريكارد وتدور زله على روني .. فاهم عليي الا اقصده يالغالي ..

مثال آخر .. الانتورنو .. قاعده تدعم النادي .. حتى خبر نفي اقالة ريكارد اللي تم وضعه في الموقع الرسمي .. مباشرة وضعته الانتورنو .. بينما كانت السبورت تدور شئ جديد تلعب به ..

بالنسبه الى وضع التشكيله ياسليمان ..

اينييستا الموسم الماضي لعب في مرات عديده في مركز ميسي على الطرف الأيمن .. ولعب هالموسم في الكلاسيكو .. يسوي شغل مو مايسوي .. لكن فرق كبير عن أداءه في باقي المراكز ..

خط الوسط تعبان ومافيه عنصر بناء الهجمه السلسه والسريعه .. يعني لو وضعنا اينييستا على الطرف الأيمن مااشوفه راح يسوي شئ .. وبيطلع سئ مثل ماطلع في الكلاسيكو .. لأن الوسط تعبان جدا ..

خط الوسط يبكي على فراق ديكو .. ووجود اينييستا فيه يخفف هالأحزان .. لكن لو نشيل اينييستا من الوسط راح يكون اسوأ ..

وضع ثلاثي الهجوم قابل يتغير في مرات عديده .. مره هذا يغير ومره هذا يبدل وهكذا .. ايتو ممكن يكون راس حربه افضل .. لكن هو حل مؤقت لحين عودة ميسي .. وبويان اشوف بدأ الارهاق ياخد منه .. ولهذا وضعه في مركز يكون فيه الشغل اقل عليه ممكن افضل .. خصوصا لخشونة الفريق المنافس ..

لكن شي جيد اننا ماستقبلنا أي هدف .. يعني في جانب ايجابي .. وشي جيد خلقنا فرص تسجيل والدليل ثلاث عارضات .. وصدة ابوندنزييري لكرة قابي ميليتو اللي من الركنيه ..

لكن احيانا .. كرة القدم كذا .. وهذا قضاء وقدر .. مومكتوب لك تفوز .. ولامكتوب الكره تدخل هدف .. مولازم تكون سئ الى هذه الدرجه بسبب تعادل ..

كان ودي يكونو جماهير الكامب نو اكثر واقعيه .. كانت فيه مباريات قبل تستاهل المناديل البيضاء .. مثل مباراة فياريال ..

لكن وش نقول .. الشي اذا زاد عن حده انقلب ضده .. صار لنا كم مافرحنا .. مانستاهل احنا كل هذا .. وممكن هالشي الا يحرك احاسيسهم ..

غلاف السبورت ليوم الاثنين

الـمـنـاديـل

تقييم اللاعبين من صحيفة السبورت

حصل الفريق على متوسط عام للأداء في المباراة ( 5.2 ) واختير الحارس فالديز كأفضل لاعب في المباراة برصيد سبع نقاط .

جميع اللاعبين حصلوا على ( 5 ) نقاط ماعدا هنري وماركيز هم الأقل برصيد ( 4 ) نقاط .

السبورت