][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

عبدالله عبدالرحمن · #1 03/03/2008, 07:59 PM

إقتباس

الرسالة الأصلية كتبت بواسطة PUYOL Carles


	خــلاص بلا دلع انت وياه .. وهزيمه .. خير ياطير .. حتى في أفضل مواسمنا كان الأتليتيكو يشرشحنا ذهاب واياب .. هو الأتليتيكو وبس .. لا هو ألافيس .. و لا هو قاديش .. ولا هو ألكويانو .. اسم الفريق يكفي .. هذي اول خساره للفريق من متى ؟ !!! .. وكيف كان النقص اللي في الفريق قبل .. يعني على نقصنا وضعفنا في السابق ماخسرنا .. لكن انا اشوف عادي جدا نخسر بعد مباريات كبيره متتاليه .. وامام فريق مثل اتليتيكو .. ترى هذي رابع خساره بس هالموسم .. اوكي كان بالامكان افضل مما كان لكن وش نسوي يعني .. اوكيه فيه ناس في الفريق لهم سلبياتهم والله يعيننا عليهم .. لكن خلونا واقعيين .. في فريق في اوروبا ماخسر ؟ سواء الا يدرب هالفريق أفلاطون والا واحد من الشارع الكل معرض للخساره .. ادري طعمها مر .. لان نبغا نفوز بالليقا وماالى ذلك .. لكن ارد اقول مستحيل نضل على ثلاث بطولات بدكة الاحتياط اللي عندنا وبنفس القوه .. لازم فيه مباريات اهم من مباريات .. الحين غيروا توجهكم الى الكامب نو يوم الثلاثاء .. انسوا الفيثينتي .. السيلتيك ماخلص حسابه معانا .. عنده 90 دقيقه يلعبها في برشلونه .. مليئه بالركض والضرب .. نتمنى نتأهل .. مافي احد في هالبطوله سهل .. كل الأنديه في نظري عندها فرص متساويه اذا فكرت بخبث .. وبالتالي السيلتيك مازال عقبه .. اهم شئ مافي احد يتعور .. ماركيز فقدناه اسبوعين والسبب مباراة السيلتيك .. الحين ان شاء الله الفريق يفكر بشكل أفضل .. بويول ماراح يلعب ضد فياريال .. فـ ماادري هل راح يلعب ضد السيلتيك ويرتاح ميليتو علشان مباراة فياريال .. او من الحين بيريح .. بويول صار تفكيره مشوش .. ماادري من كثر مالعب في الظهير والا كيف ماادري .. بس صار مايعطي 90 دقيقه بتركيز عالي مثل ماكان يعطي قبل .. الحين .. يجي دور تورام .. لازم نستفيد منه قبل لايخلص هالخال الورده .. او بعودة ماركيز يكون بجانب ميليتو .. على اللي شفته هالموسم افضل قلبين لعبوا جميع .. ميليتو وماركيز .. وبعد ميليتو وتورام .. وبويول مازال في مرحلة جمع الشتات بعد الاصابات .. لكن بويول يظل القائد والروح .. ويغار على الفريق بشكل خيالي .. حاله حال تشافي .. مباراه سيئه .. فتره سيئه يمر بها مثلا .. لكن يظل كبير .. وارقامه لن تهمش .. ياما صحح اغلاط اللي حوله .. واللي صار ببساطه .. انه كانت اسوأ مباراه له .. لكن سيظل الكابتن .. ومنتظرين رجعة بويول الرائع .. تشافي مارجع على طول بعد اصابة الركبه .. يعني لو اقارنه بين مستواه العام الماضي وهالسنه .. السنه هذي افضل بمراحل .. شئ ثاني .. ديكو .. اذا ضل يلعب مباريات ورا بعض نشوفه في مستوى جيد .. من يدخل في مبدأ المداوره .. يطلع بصوره باهته .. ماادري ايش المشكله .. هل السبب فيه .. لو بس صدف .. بس ديكو القديم نحتاجه بشكل كبير الحين .. بعودة روني كأساسي .. نحتاج لاعبين مثل ديكو .. يغطي الملعب طولا وعرضا اكثر من غيره .. ويحافظ على ديناميكية وتوازن الفريق .. ثلاثي الهجوم راح يتغير كثير في الايام القادمه .. واعتقد اللاعب الأقل تغييرا بين الرباعي .. هو ايتو .. انا اشوف افضل شئ .. نلعب بالـ rem على طول .. ويكون هنري بديل الى ايتو في معظم الأحيان .. هنري افضل شئ له راس حربه .. مع اعطاءه الحريه .. واذا شارك في الجناح .. يعني معناتها لأداء ادوار مختلفه عن اداور روني مثلا .. لكن موشرط هالمركز هو الأفضل له .. ايتو وميسي حاليا .. هم الوحيدين الا قادرين على تنويع الأدوار بشكل مثالي في مراكز الهجوم .. لكن الجماعيه صفه فتاكه اذا كانت موجوده مافي احد راح يوقفنا بسهوله .. لكن الأنانيه وحب التفنن شئ سئ .. مع اعطاء قودي ادوار اكثر اهميه .. مباريات كثيره في الفتره الماضيه احبطني فيها ريكارد في ابعاده .. هاللاعب خبيث اذا دخل كمهاجم ثاني او لاعب وسط .. لأنه لاعبي الخصم حاطين في بالهم لاعبين معينين .. وبالتالي يحصل حريه اكبر في التحرك .. عنده توقيت مثالي في التحرك بدون كره .. لكن الفرق انه مايدخل كباري .. اينييستا منخفض مستواه هالفتره .. افضل يرجع الثلاثي .. توريه وديكو وتشافي .. ويرجع اينييستا ورقه رابحه .. المفروض الفتره القادمه ومباراة السيلتيك اولا .. يدخلو اللاعبين اللي يبغوا يقاتلو بشكل خرافي فقط .. فالديز ( بينتو ماادري متى بيشارك .. دخله المباراه القادمه .. على الأقل تجي فالديز رعشه ووحي من السماء وتخليه يعرف يصد الكرات السهله ) اتوقع تشكيلة المباراه القادمه .. فالديز ابيدال ( سيلفينيو ) - ميليتو - بويول ( تورام ) - زامبروتا ديكو - توريه يايا - تشافي روني - ايتو - ميسي ابيدال موعاجبني الفتره الأخيره .. بالسابق كان يركز على الدفاع اكثر ومايطلع الا في اوقات صح للهجوم .. الحين نسى عمره الولد .. وتاه بين المهمتين .. ايضا في السابق كان يلعب قدامه اينييستا على وجه الخصوص .. وبالتالي يخف عليه الضغط .. بس الحين ماادري ايش فيه .. الحين لازم تصحيح هفوات الدفاع اللي ماادري من وين طلعت .. المباراه الأخيره زامبروتا تفوق على نفسه .. وصار تحكمه بالكره وحلوله الفرديه افضل بكثير .. وتغطيته الدفاعيه كانت ممتازه .. لكن .. احنا نبغا الرباعي يكون كله عدل .. مو يزبط واحد .. يختربو الباقي .. تفائلو بالخير .. وفي نفس الوقت .. مايحتاج تضايقو حالكم ولا شئ .. هذا شئ ومكتوب وكوره في النهايه .. لاتقطعو الرابطه بسبب هبوط حاد في النفسيه ولا شئ .. ولاعليكم من الشامتين ولا شئ .. .. خليكم باردين .. هم ينقهرو .. اوليييييي <<< متأثر بالاسبانيين

والله انك تنقط عسل

فكر وطرح وتفاعل واسلوب

اسم الله عليك يا كبير

ولا خابت ثقة من حطك بهالمنصب الثقيل

مع احترامي للجميع الا ان هالكلام اللي فوق وفر علي الرد وتفتيش المواضيع

لكن حبايبي

هذا مكانه برشلونه

يمكن ما تابعت برشلونه الا مع جيت رونالدينهو بس بصراحه ما توقعت يلعب اساسي قدم اتليتكو

خصوصا ان اتليتكو فريق قوي ومميز والله وجوده في النادي حراااااااااااام من متى ما لعب اساسي

من متى ما كان جاهز وغيرها تصريحه ابو النعاج (مو باللي في شارع المليون ) لا هذي سوداء

....

بقسه (لكمه انتقاديه على البرطم )*:

وجود روني مع هنري مع ايتو لا يخدم الفريق باي حال من الاحوال لسبب بسيط ان الثلاثه ليسوا

افضل من ميسي من ناحية التجانس والجاهزيه فكان الاجدى وجود ميسي من البدايه

خلوني افضفض شوي ولا احد يكلمني

بس خلاص