][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

اكشخ واحد · #1 21/02/2008, 01:21 PM

بسم الله الرحمن الرحيم

في البدايه مبروك الفوز والمستوى الرائع اللي ظهر فيه الفريق ... ومبروك عودة روح البلوقرانا ... مبروك عودة نجم البرشا رونالدينهو وان شالله ماهي الا بداية المشوار ياروني.

راح ابداء كلامي عن الفريق عامه اقيم الفريق بـ 8 من 10 ... الفريق اخذ وقت مادخل في المباراه ... لكن مع مرور الوقت قدر الفريق يتغلب على نفسه وامتلك الملعب.

خط الدفاع

نبداء بفالديز ... مستواه العام جيدجداً ... ومن الظلم ان نجحد المستوى اللي قدمه عشان غلطة الهدف ... بس يقولون غلط الشاطر بعشره ياحامي العرين .. من وجهة نظري فالديز مايتحمل الهدف 100 % ... بداية الخطاء كان من بويول وميسي لانهم سمحو للعب ان يخذ وقته للتفكير والتمرير .. ثم لاعبين خط الارتكاز يايا توريه وانيستا سمحوا للعب بالانطلاق من الخلف من دون مراقبه ... ثم قابي مليتو لم تغطيته بالناجحه ... وفي الاخير فالديز كان متقدم ... ايضاً الحظ اللي ساند الاستلندي ولا الكوره كانت متاخره عليها وضربها بأذنه وصارت بالهاشكل.

العمق الدفاعي كان جيدجداً ولكن للامانه ماوقع تحت اختبار كبير ... الاطراف اشوف ان ابيدال قدم مستوى كبير وكان مساند في الهجوم بشكل فعال ويرجع للتغطيه الدفاعيه بسرعه ... بويول كان جيدجداً لكن قد يكون للاصابه ومركز الظهير تأثير على ادائه.

خط الوسط
ممتاز مع مرتبة الشرف ... امتلاك للمعلب بالكامل ... تكتيك عالي ... جمل فينه من طراز رفيع ... تنويع اللعب وتبادل المراكز ... شي خرافي.

الهجوم
ابداع وامتاع من الثلاثي الرهيب ... فتح اللعب على الاطراف ... وتشكيل الخطوره ايضاً من العمق ... بكل امانه لولا براعة حارس الاسكتلنديين كان النتيجه على اقل تقدير خمسه.

------------------------------------------

الحين ابي اتكلم عن لاعبين على انفراد

بالنسبه لفالديز ... ياشباب ابي اذكركم في مباراة سرقسطه ترا ماصار لها اسبوع ولا نسيتوا اللي سواه في هذيك المباراه ... ايضاً المستوى اللي ظهر فيه في مباريات اشبيليه في الكأس والدوري.

فالديز هو الوحيد من بداية الموسم صاحب المستوى الثابت .. حرام وظلم انكم تجحدون اللي سواه من بداية الموسم عشان غلطه وحده؟؟

بويول ... بكل صراحه اتمنى استمراره في مركز الظهير ... لانه افضل من زمابورتا من حيث الجرائه في المراوغات وعمل الاختراقات ... زامبو مااذكر اني شفته يحاول يتخطى لاعب او يراوغ ... وصدقوني لو يستمر بويول على مركز الظهير مبارتين او ثلاث راح يتأقلم وينسيكم زامبو.

روني ... ايها الملك عوداً حميداً لعالم السحر والامتاع والابداع ... من بداية الموسم اول مره اشوف روني يبدع خارج الديار ... وبعيداً عن الكامب نو ... اذا هو قادم لا محاله ... فقط انتظروه ... وان غداً لناظره لقريب.

ابو تيا ... هدف يرد على كل من قال انك انتهيت وان البرسا اكل مقلب فيك ... حي الانتهاء اللي بيجيب لي اهداف من ذا النوع.

وفي الختام تقبلوا تحياتي ياعشاق البلوقرانا ... اخوكم / مشعل