][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

.::.DREAM TEAM.::. · #1 12/02/2008, 01:26 AM

إقتباس

الرسالة الأصلية كتبت بواسطة اكشخ واحد

إقتباس


	روني & ريكارد الى متى

انا بخالفك في مسئلة روني

بصراحه اللاعب كل ماحاول يرجع لمستواه يحصل معه شي جديد

واخر الاشياء هو ريكارد ... رونالدينهو ماعاد يعرف وين يلعب ... مره على الطرف الايسر

ومره راس حربه ... واليوم يلعب وسط ؟؟

يعني ياريكارد لو روني في مستواه راح يخدمك واكثر ... بس اللاعب محطم نفسياً وبدنياً تقوم تجرب فيه

اليوم ريكارد كان عنده اكثر من حل ... حتى التدريبات اللي كانت على 4 4 2 ... ليه يغيرها في اخر لحظه ويحوس التشكيله ... لاعب يتدرب يومين على نهج معين تقوم تغير النهج وتدخله في مباره صبعه ؟؟

هذا يوضح انه فاشل تكتيكاً

------------------

وانا اشوف انه لو استمر ريكارد راح يدمر بويان و ميسي في طريقه ... لان بصراحه يلخبط في مواقعهم

اللاعب ماعاد يعرف يركز من كثر المراكز اللي لعب فيها ؟؟

------------------

عندي استفسار بسيط ... تشلسي للحين يبون جيوفاني ولا لا ... لان اللاعب هذا اقل من عادي وما اقول الا حرام هذا يبقى ومارك كروساس يروح

هلا والله اخوي اكشخ واحد ورده

بالنسبة لكلامك اسمح لي انا اخالفك بالنسبة لروني ومسألة رجوعه..
سالفة انه مايعرف يلعب كل مره بمركز اولاً ريكارد لولا الاصابات ماسوى كل هذا من غربلة للفريق وثانياً هالمركز مو غريب عليه كنا متعودين منه يتبادل المراكز مع ميسي وايتو يعني متعود لاندور له اعذار و ريكي ماجرب ولا شي هالمراكز كلها عارف وكان يلعب بها سابقا وبالعكس كان يأدي افضل كلنا شفنا انيستا مابقى مركز ماجربه ريكارد فيه ومع هذا قمة بالاداء وهنا يبان الفريق بين لاعب وده يطلع بشي ويأدي ويخدم الشعار اللي على صدره ولاعب يعد راتبه الأعلى على مستوى الفريق والعالم ورغم هذا مستوى عادي جداً ان لم يكن سيئ..
ومافيه شي اسمه متحطم نفسياً ليه متحطم راتبه ماشي على داير مليم ورغم مستوياته الهزيله الجماهير مع كل مباراة تحييه و تهتف له وش بقى اما متحطم بدنيأ اعتقد حتى الان ماينافس اكوزيرو وجوركيرا في الجلوس على الدكة هذا الموسم الا روني بكل اسف ومن وين يجيه التحطم ؟؟
ما ودي صراحة اني اكون قاسي على روني واعرف وش قدم للبرسا من جاء و والله اتمنى رجعته اليوم قبل بكرة بس لايكون على حساب فريقي وحب البرسا اكبر من حب روني النادي مو ضمان اجتماعي وهو مو جالس بطالي النادي يخسر عليه مبالغ نجيب بدالهم اكبر لعيبة العالم وانا مثل اي عاشق للبرسا اقول كل مباراة هذي مباراتك ياروني بس كل مره يخذلنا وما اعتقد الكلاسيكو اللي راح بعيد..

واستغرب منك عزيزي تحاملك الكبير على جيوفاني رغم سنه و رغم انه وده يسوي شي لكن يمكن تكون الخبره ماتسعفه بعكس روني اللي مالقيت لنفسي عذر يخليني اعذره بالعربي روني استنفذ كل الاعذار ومابقى شي بكل اسف..

يمكن النقطة الوحيدة اخوي اللي اتفق معاك فيها هي مسالة المدرب وفقره فنياً ما اقول فقير بمعنى الكلمة يمكن اقول استنفذ كل افكاره ومابقى عنده اللي يقدمه للبرسا ويمكن لو يجي مدرب ثاني للبرسا يتغير حال ورني والفريق بشكل عام اقول يمكن...

ياليت تسمح لي اخوي وانا اقدرك واحترمك ومثل ماقالو الاختلاف بالراي لايفسد للود قضيه ورده

تحيتي،،

رائد