)( )( كـــــــــــــــرســـي الاعتــــــــــــــراف )()(
الإجاباتاكشخ واحد
اهتماماتك .. وهواياتك .. وتطلعاتك المستقبليه؟؟
الإهتمامات تتفرع لفروع كثيره من بينها اهتمامات دينيه ودنيويه .. وكل فرع فيها يندرج تحته عدة امور راح نقضي وقت طويل وحنا نتكلم فيها .. لكن لعل اكثر الاهتمامات الي يجب على سليمان وغير سليمان الاهتمام فيها قدر المستطاع .. هي طاعة الوالدين وإرضاؤهما .
أما بالنسبه للهوايات فـ هوايات سليمان مب اكالزود عن الي زيه .. متابعة الكوره واخبار برشلونة والمكوث على النت قدر كبير .. ولو اني بالفتره الحاليه ماصرت اجلس زي قبل .. لكن كيف كلمة المكوث ترى اوجعني حلقي وانا اقولها 
.. بالاضافه الى متابعة المسلسلات الاجنبيه بكثره ..
بالنسبه للتطلعات المستقبليه طبعا الاستقرار الوظيفي لمدة معينه بعد كذا إكمال الدراسه كـ امنية بصراحة اكمل دبلومي لـ بكالوريوس بحكم عدم تواجد اكمال الدبلوم عندنا بالسعوديه للأسف .. بعد كذا الزواج باذن الله ..
صفات عاجبتك في شخص من اعضاء الرابطه تتمنى انها تكون فيك .. ؟؟
بصراحة يكفي ان اعضاء الرابطة اخواني وكل صفاتهم اتمنى تكون فيني .. لكن ظرافة حسين اتمنى ماتكون فيني لانه بثر .. لكن اتمنى يكون عندي نص معلومات عزام (كرويف92 ) ماشاء الله عليه .. يسولف علي ذاك اليوم عن شي صار عام 90 الظاهر لبرشلونة بس ناسي وشو وبالمناسبه عزام قبل فتره كلمته ويقول انه يحظر لزواج ويقرئني السلام عليكم جميعا .. بس قبل كل شي كيف كلمة يقرئني عشان ينجح الرئيس الجديد في قيادة الرابطه لازم تعطيه بعض النصائح والتوجيهات بحكم ان صاحب تجربه .. ماهي نصائحك وتوجيهاتك لرئيس الرابطه الجديد حسين ؟؟
تساني بنصحه بشي بنصحه بيني وبينه بالمسن موب قدامكم امور اداريه شتبون 
ـهلاليـ
هــلا والله بالسلمي
ياكثرك انت واسئلتك اشوف سالم الاسبوع الي راح اقول اوالله الي اكلها سالم مادريت اني بشرب من نفس كاس سالم
السـؤال الخامس والعشرين/ كـم عمـرك الانترنتـي ؟؟
( يعني كم لك داخل في النت )
ادري ان معناته كم لي وانا ادخل نت وش قالولك اطرم >> وش دخل الاطرم بالموضوع .. عمري الانترنتي تقريبا من سن الى سبع سنوات ياطويل العمر . السـؤال الأول الواحديـن/ اسمك الكامل? طيب تسان اختصرت وقلت بطاقتك الشخصيه يادرنقه سليمان محمد سليمان الخضيري 
السـؤال الواحد والعشرون / هـل تحـب قعـدات الرصيـف؟؟
الصدز ادري ان قعدات الرصيف ماتفوّّت خصوصا بالاجواء العليله والرذاذ الي عندنا والشوارع الباريسيه بس ماقد جربت هالحظات الممتعه
السـؤال الثلاثينون / وش تفضـل .... بـرد الشـتـاء ام حــر الصيـف؟؟
الثلاثين وليس الثلاثون ادري انك توهقت وكتبته الثلاثينون طبعا برد الشتاء حتى لو الصقيع الي جانا هالسنه .. بس ولا الصلخ الي حنا عايشينن به الحين .. تطلع من بيتكم تسنه لافحك هوا كنديشن من برى بوجهك اللهم ياكافي ! كنديشن = مكيف يعني السـؤال السـادس/ قـل وجبـاتك اللي اكلتها امـس كلها .. فطور ... غداء ... عشاء ... ووين كلتها؟
هالسؤال هذا يوم الاحد كاني منب واهم .. لذلك بقول لك وجبات يوم السبت .. اخ راحت عليك وجبات يوم الاحد بحكم انه اول يوم بالخبر (فيس ابو حواجب) يله نقول لكم وجبات السبت .. الفطور دبيت لي سندويشتين شكشوكه من السنافي يالبى قلبه مع عصير ربيع بردقان .. اما الغداء فـ كنت مواصل انا عندي كذا مشوار الصبحيه ومارجعت الا على الساعه وحده تقريبا فـ قالت لي امي تبي غداك الحين ؟ قلت أي بالله حطيه لي وبجي بعد شوي بروح اغسل .. لكن لعلي غسلت بفراشي وماخلصت الا المغرب وسحبت على الغداء وتم الحقد من امي على خفيف . اما العشاء فـ واحد من الشباب مسكن من اذني ورحنا لبرقر كنق وتعشينا هناك 
السـؤال الخمسمية / تحب البزران ولا هم يحبونك؟؟ واذا كنت تحبهم وش بتسمي ولدك؟؟ واذا كانوا يحبونك وش بتسمي بنتك ؟؟
احبهم ايه .. اموت فيهم ! .. لكن يحبوني مادري اسألهم .. بس الي ابي اعرفه وش دخل الحب باسم ولدي بس يله موب مشكله .. ولدي بسميه على اسم البابا طبعا بحيل الله .. اما البنيه فـ لا اعرست بحيل الله وجان بنت بيصير وقته طلعت اسماء بنات جديده بتكون حلوه اكيد 
السـؤال الأخيـر / تحب تلعب كيرم ..وهل انت محترف ؟
آخر مره لعبت كيرم يوم طولي شبر كنت محترف بس على خفيف .. اصقع واتصعق السـؤال بعـد الأخيـر /
أ/ معك ثلاث بلكـات ...... اخـتر ثلاث اعضاء والزخهـم؟
( ترى تقـدر تلزخها كلها في راس واحـد على حسب الشهيه )
هالبلكات بلزخهن بأقرب شجره ولا نباتات علشان تطيح لي ورود واعطيهن اعضاء الرابطة كلهم 
ب/ معك 11 جبنة كيري ... وخمس صاموليات .. وسكين .. وملعقه .. !!
اكتب معادله لتوزيع الجبن على الخبز بالتساوي .. ولمن تهديهااااا ؟؟
جـ/ ماهو السبب؟؟؟؟؟
(سؤال مفتوح )
علشان أختصر عليك سؤال الجبن وماتفكر فيه واجد .. انا ما آكل جبن أبد فـ ليش أشتريه لو اني شاري شاري كان شريت مربى ولا أي شي غير الجبن
د/ ماهي افضـل فتره ( ساعات ) تقضيها في كـل يوووم؟
يعني الصبح ولا العصر ولا في الليـل..........؟ ولماذا؟
طيب سلوم ماحددت ساعات نت ولا ساعات مع اهلي ولا ساعات مع الشباب ولا مع نفسي ولا وش .. بس بجاوب بشكل عام .. افضل الساعات صراحة العصر اذا كنت مرقو وقايم من فتره خصوصا اذا ماكان عندي شغل او شي .. وبالخصوص الخصوص اذا كنت مسافر للشرقيه وانت جالس تكتب رد برابطة برشلونة
م/ كم في مخباتك الحين ؟ نبي الصدق وخل عنك الفقش
معي الحين ميه وميه وخمسه وخمسه وعشره وعشره
ن/ اذا صرت مزكوم تستخدم المناديل والا شماغك؟؟
وين يبو سادس ابتدائي انا زكمتي شنيعه صراحة فـ ما اتوقع ان الشماغ بيزبن فـ مناديل الروله تفي بالغرض اوقات الزنقات
الاجابه بـ قلم الرصاص عشـان ماتملي لي الورقه شخاميط
يووووه وراك توك تتكلم
هلالي وأحب برشلونة 9
السؤال الأول \ بطاقتك الشخصية ؟؟
شف الناس الفاهمه سلوم سليمان محمد الخضيري 23 سنه القصيم – البكيريه .. من سكان الرياض اعزب .. للأسف
السؤال الثاني \ وش معك سيارة ؟؟
نفس سالم بس 04
السؤال الثالث \ تدخن ولا لا ؟؟
لأ ولله الحمد والله يعافي الي ابتلاهم ربي فيه ولا يبلانا ..
السؤال الرابع \ أذكر أعضاء فيهم هـ الشيء ( طبعاً في عهد رابطتك - تذكر عضو واحد فقط ): 1- شمعة الرابطة ؟؟ معشوق البارشا ورده 2- عضو حبوب ؟؟ فهد عاشق البرسا ورده 3- عضو مفيد ؟؟ الجميع بلا استثناء ورده 4- عضو تتمنى رؤيته ؟؟ الجميع ورده 5- عضو يسولف واجد بـ الرابطة ؟؟قصدك بثر مافي عادي كل واحد يدلي بدلوه : 6- عضو ودك يكون موجود دائماً في الرابطة ولا ينقطع عن المشاركة فيها؟؟
واللهي الجميع بلا استثناء مع عودة الغيابات 
السؤال الخامس \ تدري اني تعلمت الترجمة من موضوعك ؟؟
مدري بس كنه مب سؤال ذا .. والله يابندر صراحة لي الشرف انك ولا غيرك يكونون تعلموا شيء ولو يسير من موضوعي الي سويته قبل سنتين في منتدى الروابط .. صراحة كلفني ذاك الموضوع جهد كبير حتى احصل جميع المعلومات الي فيه واقل شي مفروض أُُكافئ فيه اني اشوف فيه فائده من هالموضوع وفعلا ولله الحمد هذا الي صار ..
السؤال السادس \ وش ميولك في الدوري الإيطالي و الأنكليزي ؟؟
انتراوي ليفربولي .. لكن موب ذاك الزود لهم كلهم .. يعني بأي لحظه عادي أقلب عليهم
F.C.Blugrana
سـ1 / وش تحب أكثر .. ماكـ .. ولا كنتاكي ؟؟
طبعا ماك ! .. ماك من أفضل مطاعم وجبات سريعه بالمملكه ومن ناحيتي افضلها تقريبا انها الافضل من نوعها على مستوى المملكه .
سـ2 / كم طولك ووزنك ؟؟
لا اله الا الله : أي ياعمنا عايز ايه :
الطول 175 تقريبا والوزن 79 تقريبا برضو ..
سـ3 / بعد 3 سنوات ،، وش تشوف نفسك ( متزوج - عندك عيال - متوظف ... الخ ) ؟؟
بإذن الله متوظف ومتزوج .. لكن ممكن بدون عيال .. وممكن بعيال ! وممكن اكون برى اكمل دراستي برضو
سـ4 / نسبتك في الثانوية العامة ؟؟
86 % شرعي
سـ5 / مريت بتجربة حب ولا لا ؟؟
مالحب الا للحبيب الاولي شعنده هيثم مدري وش الي مع نور .. لا صراحة ماسبق مريت بتجارب حب .. الا تسات تقصد الجنس الخشن فـ كل الي اعرفهم احبهم ويحبوني ان شاء الله كيف الرومنسيه : سـ6 / الزواج .. تفكر فيه ولا لا ؟؟
مافيه احد مايفكر بهالشي طبعا عزوز .. والله يكتب الي فيه الخير عموما .. الحين خلنا بالوظيفه ونستقر بعدين نفكر بشكل جدي بالزواج
آسفين ع الاحراج يالسلمي .. لكن لازم نشرشحك قبل لا تنكرش ..
ولا احراج ولا شي بس لاتتعوده
Bojan Krkic
س1 وشرايك في اختبارالقدرات و التحصيلي قد اختبرتهم وكم جبت ؟
القدرات اتوقع انه هو القياس !؟ .. ايه القياس كان اول سنه لهم على وقتي وصراحة صحيح انه كرف لكن يطلع لك الانسان الفاهم من الدبشه .. يعني واحد نسبته 99% بالثانوي .. يجيك بالقياس ماخذ 20 من 100 وش معناته ! ان مدرسينه لاعبين بدرجاته لعب .. قهر يدخل كلية بدال واحد جايب 90 بالقدرات ! س2 وشرايك في المسلسل اللي ازعجونا فيه العالم سنوات الضياع ؟
والله صراحة المسلسل روعه .. صحيح ماتابعته من بدايته وتابعته من نصه بشوف وش انت يا سنوات الضياع الي ابلشونا فيه العالم .. صراحة شي هالمسلسل .. خصوصا يوم لميس قالت لتيم مابيك ترى يابو الشباب حل عني بأه تلاحظون اني فاك مع هاللقطه خخخخخ س3 رابح صقر، خالد عبدالرحمن ، راشد الماجد من تفضل بينهم ؟
طبعا راشد !
MaJeD
س/ ماودك اعزمك في (مطعم البرجر النعيمي <== مدري وش اسمه) لأنه من ذيك الايام وانا ودي اجربه ولا عرفت محله لين الحين تصدق .
الوها يالبى قلبه ذاك المطعم ويالبى قلب الي دلني عليه :$ . بالنسبه للمحل أبد دق علي وخذني بديت ومالك الا الي يسرك اوصلك لين عتبة الباب
س/ مارأيك ببقاء لابورتا؟ هل أقول لك مبروك أم هارد لك؟ (يعني مع أو ضد)
قل لي ألف ألف ألف مبروك ! أقول لك الله يبارك فيك وعقبال بقاء روني باذن الله .. بس فيه اخبار تقول انه بيستقبل يوم الخميس
س/ متى نشوفك؟
تعرف رقمي مجود دق علي واختر الوقت الي يناسبك والمكان ومالك الا تشوف سكسوكة سليمان
Lionel Messi
ســ1 / بكل صراحه لو سئلت من هو العضو ليونيل ميسي وش بتقول ؟؟ بالعربي من هو انا ؟؟
شخص اعاد لنا فكرة الكرسي بعد ما اندثرت مع الرابطة القديمه
ســـ 2 / ماهو وجه الشبه بينك وبين صدام حسين ؟؟؟
الحنكه والدهاء والمكر
ســـ 3 / ماهو السبب الرئيسي بصراحه عن تخليك عن منصبك كرئيس للرابطة ؟؟
فيه عدة أسباب يايوسف .. أهمها وأولها هو التغيير طبعا وايجاد اعضاء يكونون رؤساء ماسبق صاروا رؤساء .. بالاضافه الى انه تكريم للعضو بعد جهوده الموسم الماضي طبعا ..
ســـ 4 /شبكة الزعيم .. طايحه والا مرتفعه برأيك ؟؟
طبعا شبكة الزعيم مايختلف عليها اثنين .. مرتفعه فوق فوووق رغم المحاولات للتصيد فيها لكن الاداره الحكيمه هي الي تجعل من الشيء مميز طبعا .. وهالشي متمثل في صاحب السمو الملكي الامير بندر بن ثامر وحنكته في تطوير الموقع من مميز الى اميز على الدوام ..
ســـ 5 / اعضاء واحد وراء الثاني نشوفهم يغيبون عن الشبكه ؟؟؟ برأيك ماهو السبب ؟؟
كل شخص وله اسبابه .. ممكن اسباب حياتيه وامور شخصيه وممكن امور اخرى يايوسف ..
ســـ 6 / ليه الموز لونه اصفر والتفاح احمر واخضر واصفر ؟؟
لا السؤال الاهم هو ليش الكمثرى بني ولا هين الموز والتفاح
ســـ 7 / حول سؤال ماجد .. متى بتعشيني بمطعمك ذاك الوها مدري مايوها ؟؟
مايوها هاه وخر مناك بس مجودي وبس
ســـ 8 / فكر شوي وارجع معي بالذاكرة ... 10 اسماء تتمنى رجوعهم للرابطة ؟؟؟
الرابطة قائمة بأعضائها وكل جيل له هيبته طبعا .. بطبيعة الحال نتمنى رجوع الاعضاء المميزين للرابطة لترتقي بشكل أكبر لكن هالشي مايعني عدم تميز الاعضاء الحاليين .. 10Ronaldinho10 سنفور هلالي الجامح كرويف 92 ..... الخ الخ الخ .. بعض من افضل الاعضاء الي مروا على العالميه بشكل عام مب الرابطة ..
PUYOL Carles
1) فيه حادثه انا ماتمكنت من رؤيتها للأسف على الرغم من متابعتي للبارسا في تلك الأيام .. وليومك احاول احصلها .. يقول لك ايام السنوات العجاف .. وقبل لايطلع قوارديولا من الفريق .. قبل بداية المباراه .. دخل قوارديولا بصفته كابتن الفريق .. واعتذر نيابة عن باقي الفريق للحكم .. وقال له ماراح نلعب المباراه .. تعرف هالسالفه والا لأ ؟
الله لايعيد هذيك الايام بس .. فعلا اللقطه ياحسين شفتها بوقتها انا .. التاريخ صراحة ناسيه لكن اعتقد انه كان عام 2001 اعتقد .. ابو سلطان ممكن يفيد اكثر بالتاريخ .. أذكر المباراة نفسها ماقدرت اشوفها نسيت ليش .. قبل المباراة كان فيه كلام ان برشلونة ممكن يعتذرون وكذا .. بس كنت اقول ايه اخبار وكلام جرايد .. جتني اخبار بعد المباراة ان برشلونة مالعبوا وانهم انسحبوا ! ارتزيت عند الاخبار انتظر الاخبار الرياضيه ابشوف وش سوى قوارديولا ! والله ويدخل لحاله ومعه ورقه ويعطيها الحكم وارجع ياقوارديولا لغرفة الاعبين .. الاسباب ناسيها بالضبط ليش لكن اعتقد انه فيه اصابات كبيره بالفريق .. ناسي بصراحة .. ابو سلطان ممكن يفيد بهالنقطه أيضا كانه يذكرها زين .. 2) بيب لاعب ارتكاز على مستوى عالي .. وكسب ود كرويف بشكل غير عادي .. وريكارد لاعب ارتكاز على مستوى عالي لكن كانت بينه وبين كرويف مهاترات .. ولكنه لاحقا كسب ود كابيلو .. وبيب ايضا كان يعتمد عليه كابيلو لوقت بسيط في روما قبل مرحلة الاصابات .. برأيك من الأحسن ؟
شعر كرويف افضلهم صراحة 3) طيب .. شهر العسل مع مرتك .. ومرتك تشجع ريال مدريد .. تفضل تروح برشلونه وتزور الكامب نو .. او تروح مدريد وتزور البرنابيو ؟
أروح للبرنابو والي جاب البرنابو ياشيخ .. لا بس كل شي يجي بالتفاهم تبين البرنابو نروح للنوكامب اول ماتبين النوكامب مافيه برنابو اجل كيف السيطره من اول شهر 4) طيب .. بتساعدني في مقدمة الرابطه الجديده ؟
تسمع به .. بلهجة اخرى يعني دور أحد 5) نوعية اللاعب الا تفضله ؟
نوعية الاعبين الي بطينة ديكو .. يعني عنده مهارات لكن مايطلعها الا بوقت الحاجه وممكن يفيدك بتمريرات ساحره بوقت الحاجه ايضا .. وممكن تلعبه باكثر من مركز ويعطيك كانه فعلا ربى بهالمركز ..
6) لوحسيت الدنيا مضايقتك .. وناس كثير قريبين منك خذلوك .. ويش تسوي .. تحشرهم في زاويه وتلعن والديهم .. لو تسكت وتفتح صفحه جديده مع نفسك وتنتحر ؟
بابن انك مكتئب حسوني :$ روح البحر وبث همومك بس الي بسويه بفتح صفحه جديده بدون ما انتحر .. لانه هذا الي أسويه دايم ..
....هلالي....
س1 : متى تكره البارسا او ما هي الاوقات الي تكرهك بالبارسا ؟
صراحة ماعمري كرهت البارسا .. لكن ممكن نقول .. مادري بصراحة اعتقد اسميه حقد بعض الشيء او بالاحرى حنق .. الجولات الأخيره من الموسم قبل الي راح .. و الموسم الي راح ككل للأسف .. يعني الي يصير شي يرفع ام الضغط ! توصل للمتصدر ومابينك وبينه الا شوي وفجأه يتحول كل شي زي ماكان ! واحد من الشباب يقول ان لابورتا يدخل بقمار على نتائج الفريق هو وريكارد والعالم يتوقعون فوز برشلونة ويجدعون من هالفلوس .. وذولا يتوقعون العكس وينهزمون علشان ياخذون دراهم ماتاكلها النار من القمار منطقه غبي بعض الشيء لكنه يدعو للتساؤل بصراحة .. س2 : وش الدوله الي تحلم تروح لها ؟ ( وأن شاء الله يتحقق الحلم )
كلمة حلم يعني انه مستحيل يتحقق الشيء او انه بيتحقق لكن بعديييين قوه قوه .. ما أسميه حلم لكن تطلع ممكن نقول .. يعني اتطلع لزيارة احد مدن البرازيل بصراحة .. ولو يحصل شي بعيد عن الزقرت البرازيليه علشان ماله داعي ارجع ومعي كومة ماريوانا ولا شي الله يستر س3 : وين ترتاح نفسياً اكثر .. بمكه المكرمه أو بالمدينه المنوره .. وليش ؟
مكه المكرمه .. لان المدينه آخر مره رحت له هي أول مره قبل 15 سنه او اكثر بعد
.::.DREAM TEAM.::.
الاول : تذكر اول عضو وقفته وليه و اول موضوع قفلته بعد مامسكت الاشراف بالعالمية
والله اني ناسي صراحة رائد من اول عضو وقفته او متى .. اصلا من كثر ما اوقف عاد الثاني : هل يوزرك الاخضر هذا صلحياته تتعدى العالمية ولا بس هنا حدك هنا تستقوي علينا
لا استقوي عليكم
الثالث : وش رايك فيني بمجامله و بدون مجامله
احسن واحد بس لو تستمر بالرابطة وتترك عنك الخمبدزه
الرابع : متى ترد على الخاص
رديت بوقته بسم الله 
كعادتي الكريمه
الخامس: هل امدا حسين يتنها برئاسة الرابطة تتوقع عشان نقلب عليه ولا نعطي الحر فرصة لا انا اقول علشاني خلوه يتنها لين الله يفرجها عاد A B D U L A Z I Z
تحبنــي ..
والله ياعزيز الحب أمر فطري في بعض الاحيان والاحيان الاخرى الطرف الآخر ممكن يقولك احبك وهو ستذب عليك .. لكن ماعليك منب تساذبن عليك واقول لك احبك ولانب قايلك اكرهك .. حزر فزر .. كل الناس احبهم عزيز * أبيك توصف لي كابتــن الكواكب أوليقير والهنــدي ( ريكــارد ) بكلمه وحــده ..
والله ياعزيز شوف .. بالنسبه لألقوير ما اتوقف بوصفه لك .. لكن كرهي لهالآدمي تعدى الحدود صراحة .. اذكر كتبت موضوع قبل اربع سنوات اعتقد يوم برشلونة ياخذون الدوري المره الاولى قبل سنه من فوزهم بالابطال .. كتبت موضوع عنوانه اعتقد شكرا ألقوير او من هالكلام .. وداخل الموضوع طحت سب فيه لين اذنت لانه بآخر مباراة جاب أم العيد وخلا فورلان ياخذ الهداف بدال ايتو يوم يجيب دييقو هاتريك بذيك المباراة أما بالنسبه لريكارد فـ صراحة الآدمي هذا ياكثر ما كارهته وتمنيت له الموت .. لكن بصراحة ريكارد مهب لحاله الي ينلام .. ريكارد ينلام 100% في حال ان قوارديولا قال ابي كل الاعبين ومابي احد يطلع .. بهالحاله ريكارد بيصير ماعنده سالفه وان لاعبينه كويسين بس ماعرف يصرفهم .. لكن السبب الحقيقي ان الاعبين هم السبب .. ونفس الوقت هم السبب في احراز البطولات اكثر من ريكارد ..
قضية ريكارد قضيه يطوووول الكلام فيها لذلك نخليها وقت ثاني عزيز احسن وارتب ورده
* من أفضل فان دير فارت اللي بيوقعون معه الريال وإلا هليــب ..
فان دير فارت مركزه يختلف عن مركز هليب يا عزيز .. لكن دامك سألت بقول لك فان دير فارت أفضل بالنسبه لي بصراحة .. لكن زي ماقلت لك لاتغفل قضية المراكز ..
* عطني أسماء تفضلها تكون بـ البرسا :
مدرب – قوس هيدنك أو رانييري
حارس – بوفون
ظهير ايسر – مايحظرني حاليا لكن أبيدال الأميز في الوقت الحالي
صانع ألعاب – ديكو
راس حربه – فيا
كابتن للفريق – كارليس بويول
* بأي فريق تلعب بالسوني وتتوقع إنك تفوز علــي ..
فريقي برشلونة طبعا لكن اذا كنا نلعب رباعية مع الشباب غالبا ناخذ الانتر .. اما بالنسبه للفوز عليك فـ أبد خذ برشلونة ولا الارجنتين (لانك تحبهم ولا تسان قلت البرازيل وعطني السعوديه ومالك الا الي يسرك >>> كيف الهيط * من تفضل يكون مهاجـم ثاني مع ياســر ..
الي معاه مالك مايخسر يا عزيز .. يقالهم ماقد انلقموا أمزح سعسوعتي مالك معاذ طبعا * ختاماً سمعت إنك رومنسي وتحب جلسة البحر في النفوذ هل هذا صحيــح ..
كلام سليم وصحيح وخالي من الشوائب :$ .. لكن النفود لا مب صحيح احب جلسة البحر والتكيه هناك بدون نفود ووجع راس الهايلوكسات Blaugrana Magic
- ما اللحظة اللي خلتك تزعل علي فيها ؟ اللحظة اللي فرحتك فيها ؟ وما الصفة اللي تعجبك فيني والعكس ؟
اللحظه الي خلتني ازعل مافهمت سؤالك لكن اتوقع تقصد ازعل عليك فيها .. ماقد زعلت عليك يا حديم الله يسلمك :$ .. اللحظه الي تفرحني فيها متى ماشفت اسمك مرتز بالرابطة ولا برساله بجوالي :$ .. الصفه الي تعجبني فيك كل شي فيك حلو دحيم :$ .. ومافيه شي مايعجبني فيك صراحة .. يمكن لأني ما اعرفك زين وماهي الصورة التي وضعتها عني عند أول لقاء ؟
انسان ظخم المنكعين حبيب وكريم .. خصوصا العطر ذاك الي للحين عندي دايم يذكرني فيك لاتفله واجد دحيم
- متى بتروح لبرشلونة ؟ ومن تتمنى يكون معك ؟
والله حاليا مافيش تفكير يادحيم لكن نتمنى نروح هناك .. والي اتمناه يروح معي حريمتي وبس - أحلى 5 مطاعم تحبها ؟ أكرهـ 5 مطاعم ؟
صراحة المطاعم الي احبها كثيره .. صعبه احصرها بخمس مطاعم لكن ممكن نقول الـ توب فايف .. ستيك هاوس – تشيليز - ستيك دينر – فرايدايز بوفية السنافي اكره خمس مطاعم ياكثرها يارجال بيتزا هت بيتزا ان على برقر كنق على هرفي ... الخ الخ الخ - وش تتوقع في برزن بريك السيزن الرابع ؟
كل شي جايز ومتوقع مع أبو ظهر ممكن تلخص لي بداياتك في شبكة الزعيم ومن هو أول عضو تعرفت عليه ؟ ومن ساندك ؟ ومن مثلك الأعلى ؟ وماذا استفدت في حياتك من خلال شبكة الزعيم ؟
أول شخص قابلته كان سليمان ريفا (هلالي ابتسامات) لكن اول شخص تعرفت عليه بصراحة ناسي لكن كثير من شباب الرابطة منهم محمد 10/Ronaldinho 10 هلال الزعامه (xavi) وغيرهم .. وبصراحة الي ساندوني في بداياتي في الشبكة ناس قليله جدا وممكن ينعدمون .. لأنه في بداياتي ماكانت الشبكة زي وضعها الحين مترابطة بين أعضائها وكذا .. كان فيه تباعد بين الاعضاء بعض الشيء بالاضافة الى انهم ماكانوا بهالكثره وغالبيتهم من نوعية الي يرد رد كل اسبوع .. لكني بديت كأي عضو عادي اشارك بشكل مكثف في الرابطة وانزل مواضيع في المنتدى غالبا تكون هادفه لأني بطبيعة الحال وكأي عضو وده يكون له شأن او يكون مشهور بخبرته الكرويه او مشهور بتحليله والاعضاء يبحثون عنها .. وكنت ومازلت ابعد دائما عن المواضيع الي تسبب حزازيات بين الأعضاء او من شانها انها تسوي مشاكل وبالعكس ماكنت أجي حولها بالعكس احاول اهدي الامور .. ومازلت أما مثالي الاعلى في الشبكة فـ كثار من الأشخاص اتخذتهم في يوم من الايام امثلتي العليا ومازالوا .. نذكر منهم سنفور هلالي الله يذكره بالخير .. والجامح وغيرهم من الي مايحظرني اسمه .. س2: علل لما يلي :
- واجهة شبكة الزعيم لاتحتوي على الأخبار المهمة للنادي .!!! يعني ليه لازم ندخل على المنتديات ليه مافيه تلخيص للأخبار مثل موقع كورة وغيرها .صراحة مادري يادحيم لكن الإداره تفكر بشكل جدي بهالأمر .. لكن حاليا فيه في بوابة الشبكة بعض الاخبار وكذا لكن طبعا مهب الي يفي بالغرض او الي يبيه العضو لأن الاعضاء دائما يبحثون عن الافظل وهذا الي عودنا عليه في الاداره ..
- غلاء الأسعار ...!!!
مشكلة غلاء الاسعار أكثر من كونها مشكله يادحيم .. مشكلة غلاء الاسعار مرتبطه بأشياء كثيره وكثيره جدا لدرجة ان الواحد مايحاول يدخل نفسه بهالأمور .. منها مشكلة ارتباط الريال بالدولار طبعا .. لك باذن الله راح تنحل هالمشكله لاني وجميع المواطنين متعشمين خير بابو متعب .. خصوصا بعد ماقال انهم راح يحلون مشكلة غلاء الاسعار ..
- تسلط النساء على الرجال ...!!!
غير صحيح .. النساء هم امهاتنا واخواتنا وبناتنا .. وزوجاتنا .. كيف يتسلطون علينا !؟ .. ممكن يكون لهم طلبات كثيره ولا امور ثانيه .. لكن تبقى زي ماقلت امهاتنا وزوجاتنا واخواتنا وبناتنا .. لكن كلمة تسلط غير صحيحه أشوفها .. هذا غير ان الحريّّم يتسائلون يقولون ليش الرجال متسلطين كل واحد يلوم الثاني س3 : أختر الإجابة الصحيحة فيما يلي :
- [ رونالدينهو / ريفالدو / رونالدو / مارادونا ] هو اللاعب الذي سيبقى نحت اسمه في ذاكرتك .
ريفالدو ماراح يتكرر يادحيم لا ببرشلونة ولا بالعالم كله ..
- في الوقت الحالي هناك أولويات لبيب أهمها [ إعادة روني زمان / التخلي عن روني وجلب سيلفا / تغيير تكتيك الفريق إلى 4-5-1 / البحث عن النتائج بغض النظر عن المستوى / شيء أخر ... مساحة لك].
الكلام حول هالشي يطول يادحيم نخلي هالسؤال وقت ثاني أفضل :$ ..
س4 : عندك خمس كرات كل كرة عبارة عن هدية تذكارية عليها توقيعك الشخصي وكلمة منك
فلمن ستهدي تلك الكرات وماذا تكتب عليها " خاص بأعضاء الرابطة " ؟
ماراح اهديها لأحد .. لأني مابي أهديها لأحد وفيه ثانين يستاهلونها زي هذولا .. لان الي يستاهلون واجدين يادحيم بصراحة ومستحيل أقصرهم على خمس أعضاء أو عشره او خمسين ..
ALQannas Mesh3al
1_ نبذه مختصره عن سـليمان . هوياياته . سليمان شاب سعودي طموح بالغ عاقل ذكر مقيم شاب وسيم يلبس نظارات وله سكسوكه كلن يتمناها .. هواياتي ذكرتها برد سابق .. مشاهدة المباريات والمسلسلات .. والسفر أيضا ويمكن اكون نسيت الاخيره في ردي السابق ..
1_ أبيك تقيم لي الاعضاء الي بذكرهم ::
1)هلالي عسل
2) بيول كارلوس
3) هلالي واحب برشلونة 9
4) محب الذئب 9
5)ـهـلاليــ
6) معشوق البرسا
7) Lionel Messi
8) اكشخ واحد
9)A B D U L A Z I Z
10) شمردوخ
والله كلهم على العين والراس ومهب سليمان الي يقيمهم .. سواء هم او الاعضاء الي ماجاء ذكرهم ..
F.C. Barcelona
1/ما سبب النحس الذي جمع بين تسلمك لرئاسة الرابطة وفشل برشلونه في تحقيق الألقاب؟ والله مادري ونا أخوك .. بس ترى يوم ناخذ الدوري والابطال كانت الرابطة باسمي لكن بعد ما اتوقف الغالي سنفور هلالي انتقلت الرابطة لي .. فـ شكل البدايه هي الي تحدد الوضعيه .. لكن ان شاء الله نشوف البطولات مره ثانيه مع حسونه 2/لو قدر لك وألتقيت بمجموعه من لاعبين البرسا قولي ايش راح تسوي في كل واحد منهم؟ مــــــــــــــــــــيــــــــــسي رونالــــــــــــــــدينهـــــــو أوليــــــــقــــــــــــــــــــــر فـــــــــــــالــــديــــــــــــــز بــــــــــويـــــــــــــــــــــول بـــــــــــــــويـــــــــــــــــان هــــــــــــــــنــــــــــــــــري دانـــــيــــــل ألفــــــيـــــــس. بصور معهم كلهم ماعدا ألقوير 3/ما وجه الشبه بينك وبين مدرب برشلونه السابق فرانك ريكارد؟ والله مادري يالغالي .. وش وجه الشبه ؟
مسي الخبر
1-هل انت من متابيعي مسلسل برزون بريك وعطني رأيك فيه؟؟
اووووه انا من اوائل متابعينه ! .. صراحة هالمسلسل جدا ممتاز لكن يعيبه التمطيط الي فيه .. تدري ان كاتب الفلم يقول ان الموسم الثاني كله خرابيط وانه ماكتب هالي صار او انهم طلبوا منه يكتب زياده من ضمن شروط العقد او شي ! طبعا من قناة فوكس نفسها على ما أعتقد .. يعني فيه شغلات كثييييره في المسلسل باين انها أي كلام وتكملة عدد خصوصا خصوصا الي بين الي صارلهم بعد سجنهم الاول وسجنهم الثاني ما أشوف ان لها أي داعي .. أما رايي فيه فـ يبقى انه مسلسل جدا رائع ولو اني فضلت لوست عليه ..
2- من افضل لاعب في برشلونه بالعام الماضي
اينيستا اعتقد انه الافضل بجانب زافي وتوريه .. اعتقد انهم كانوا الابرز في الموسم الماضي .. او خلونا نقول افضل السيئين ..
3-وشرايك بتعاقدات برشلونه الحاليه؟؟وايش اللي ينقصهم؟؟؟
تعاقداتهم جدا ممتازه .. لكن ينقصنا مدافع صلب وله خبرة مباريات كبيره وكثيره أيضا .. كاسيريس ينخاف منه بصراحة ومهب من نوعية المدافعين الي ازهلها دامه موجود .. ممكن مع الوقت يكون كويس او نكتشف انه كويس زي ميليتو .. لكن الفرق بينهم ان ميليتو كويس قبل برشلونة لكن صار اكوس ببرشلونة برضو 4- من هو افضل المنتقلين الى البرشا حتى الان؟؟؟
اعتقد ان الجميع يتفق ان دانيل ألفيس الأفضل ..
ذهـــب ازرق
س1: من هو الجند المجهول بالرابطة ؟
معشوق البارسا + هلالي عسل
س2: أعضاء تتنماء رجعوهم للرابطة ؟ عدد لي بعض الاسماء ؟
والله ياكثرهم يالغالي .. منهم كرويف 92 عزام ومنهم 10Ronaldinho 10 واكزافي وسليمان ريفا والجامح وووو وكثار ماتحظرني أسماؤهم
س3: مارأيك بالتعصب ,, الذي نشاهدهـ في العالمية ونظام فريقي أطلق فريق ؟؟
والله بصراحة هالمشكله نعاني منها أشد المعاناة .. القضية صارت ان فلان اذا قال ان فريقي ممتاز .. الطرف الآخر يعتبرها اهانة لفريقه وان معناته ان فريقه مهب زين .. وهذا ينطبق على الاعبين وكل شي للأسف .. لكن باذن الله راح نحل هالمشكله لكن مستحيل ندفنها طبعا .. وهالشي ماراح يصير الا بتكاتف الاعضاء طبعا أولا وأخيرا ..
س4: وش وظيفتك .. طالب - موظف ؟
خريج .. وعلى وجه وظيفه بإذن الله تعالى .. بس نبي دعواتكم
س5 : كم عمرك لاني تصدق مادري كم عمرك ؟ طيب ماقلت لي من الي بتخطبها لي .. 23 سنه قلها .. بس لاتنسى تقول اني مملوح وشعري قصير بس موب خشن الفهد
السلمي .. قلي العشر الاف حقت مسابقة رمضان وش سويت بكل قرش والله مادري الله يستر عليها السؤال الثاني هل الوانكم الخضراء انت واللي معك بالفريق ساعدتكم بالفوز بمسابقة رمضان!؟!! انا ومتعب كنا خضر واسير كان ازرقاني ترى .. بس لأ مالها دخل بالفوز .. أبدا مالها دخل .. ولله الحمد نمتلك مخزون لابأس به من المعلومات السؤال الثالث هل انت متحسف على ريكارد ..!!
انا أؤمن بقضية التجديد بصراحة .. وبصراحة أيضا لأ ماتحسفت على ريكارد .. لاننا غيرنا بالاعبين والجهاز الطبي وكل شي وحال الفريق على وضعه .. تغير المدرب ونشوف وش بيصير ..
السؤال الرابع لو رونالدينيو انباع للميلان هل هو خسارة ..!!
لو انباع على مين ماكان .. راح يكون اكبر خساره بصراحة .. حتى لو راح بـ 50 مليون ! .. والله روني مايتعوض يابشر .. أبدا مايتعوض ..
السؤال الخامس .. لماذا تتبع الاستايل الرسمي دايمن في لبسك ياخي وش أسوي اذا كنت وسيم وأي لبس علي يطلّّعني رسمي السؤال السادس .. بعد المسابقة الرمضانية حبيت فيمتو أكثر ..!!؟؟ يلعن بليسهم عشقته حتى الثماله دام فيها 10 آلاف ياشيخ لا أعشق الجبن لو تبي السؤال السابع .. وش رايك فينييييييي أحسن أحد معشوق البرسا
س 1 / وش طـمـوحـك .؟؟
الوظيفه باذن الله في الوقت الحالي وبعدين نشوف وش يصير عاد .. افكر بإكمال الدراسه بالخارج بصراحة .. بعدها العرس بعد توفيق الله لكن ممكن كل شي يتبدل ويكون العرس قبل او بعد .. الله يكتب الي فيه الخير عموما ..
س2 / هـل انـت مـتـفـائـل بـ Pep .؟؟
انا متفائل بصفقات بيب اكثر من بيب نفسه .. لكن هذا مايلغي تفاؤلي فيه بصراحة .. وان شاء الله ترجع لنا البطولات بعهده ..
س 3 / أفـضـل لاعـب مـر عـلـيـك بالـبـرسـا ؟؟
الي مروا علي معناتها عاصرتهم .. ماتوقع فيه أفضل من ريفالدو ورونالدو .. ورونالدينهو طبعا
شكراً لك سليمان على اجاباتك الكافيه والوافيه وعلى رحابة صدركورده
ورده ... عذراً على التأخير لكن فيه واحد الله يهديه نسى بعض الاسئلة وحرف البي بالاضافة الى اعضاء سئلوا بعد فوات الاوان لكن طيبة سلميان المخلوع كالعادة مايحب يخيب ظن احد 
![][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][](iconimages/t422023_rtl.gif)
؟؟
الوضع العادي
