السعلوة - نادي الهلال السعودي - شبكة الزعيم

عاشق مدريد · #1 30/06/2007, 05:47 PM

بسم الله الرحمن الرحيم

السلام عليكم ورحمة الله وبركاته

مساكم_صبحكم الله بالخير جميع

يالهوي منذ مبطي ماكتبتش موضوع فيذا

كيفكم وكيف الاجازة معكم ياطلاب<<<سؤال يحوم تسبود الموظفين

بعض الشباب يشكون من الحر والصيف ويقولون وش ذا الشموس عاد اللي يشوفهم يقول يطلعون بالشمس

الواحد منهم مب يقوم الا المغرب

الزبدة هذا مو موضوعنا

موضوعنا اليوم عن السعلوة

ماهي السعلوة وهل هي مخلوق حقيقي وهل هي انسية ام جنية ام قادمة من الفضاء

بس ما اتوقع انها من الفضاء لو انها من الفضاء كان اشار اليها الاخ canada's gallant في موضوعه عن المخلوقات الفضائية

فبعد بحث دقيق عن هذه الشخصية العجيبة والغريبة والمخيفة من عدة مصادر اولهم عجز عائلتنا

اكتشفت انهم كلهم مايدرون وشي ومين مخترعها

كل وحدة تقول ان امي كانت تخوفنا منها اذا جلسنا نحوس لكن ماعمرنا شفناه

ويوم كبرنا عرفنا انها كذب ماصرنا نتهتم وصرنا نقول لعيالنا اذا حاسوا ترا بتجيكم السعلوة

عاد الاهل عندي الله يجزاهم خير ماقصروا معي وانا صغير بهذلوني فيها

صرت اتعقد من شي اسمه سعلوة

لاتطلع للشارع ترا بتجيك السعلوة

رح نم ترا بتجيك السعلوة

لاتطق اخوك ترا بناديلك السعلوة

وصارت عقدتي في الحياة السعلوة

اللي ابي اوصله بعد كل هالهرج

ابي رايكم بالاسلوب هذا من التخويف لدى الاهالي لاطفالهم

احيانا نجد الاهالي بدل زرع الثقة والشجاعة في نفس الطفل نجدهم يزرعون الخوف في نفسه

فينشأ الطفل معقد وخواف ورخمه

زي الخنفشاري ماجد مقبل يوم يصفق اخوياه في المسجد اكيد اهله زارعين فيه الشجاعة ولا عمرهم اطروا له السعلوة

فياليت الاهالي يقتدون بعائلة ماجد ويزرعون الثقة في نفوس ابنائهم

يعني هناك اساليب ردع للاطفال غير هذي الاساليب ولا تؤثر على الطفل ونفسيته يعني مالقوا الا ذا السعلوة

طبعا هناك مصطلحات اخرى غير السعلوة مثل حمارة القايلة لكن الاشهر السعلوة

وفي الختام ياليت تستعرضون مواقفكم انتم اعزائي عن السعلوة وتأثيرها عليكم

اتمنى ان الموضع نال استحسانكم ورضاكم<<<مايعرف يسوي مخرج للموضوع

ولكم خالص تحياتي