|
السعلوة بسم الله الرحمن الرحيم السلام عليكم ورحمة الله وبركاته مساكم_صبحكم الله بالخير جميع:D يالهوي منذ مبطي ماكتبتش موضوع فيذا كيفكم وكيف الاجازة معكم ياطلاب<<<سؤال يحوم تسبود الموظفين:D بعض الشباب يشكون من الحر والصيف ويقولون وش ذا الشموس عاد اللي يشوفهم يقول يطلعون بالشمس الواحد منهم مب يقوم الا المغرب:D الزبدة هذا مو موضوعنا موضوعنا اليوم عن السعلوة:mad: ماهي السعلوة وهل هي مخلوق حقيقي وهل هي انسية ام جنية ام قادمة من الفضاء بس ما اتوقع انها من الفضاء لو انها من الفضاء كان اشار اليها الاخ canada's gallant في موضوعه عن المخلوقات الفضائية:D فبعد بحث دقيق عن هذه الشخصية العجيبة والغريبة والمخيفة من عدة مصادر اولهم عجز عائلتنا اكتشفت انهم كلهم مايدرون وشي ومين مخترعها:D كل وحدة تقول ان امي كانت تخوفنا منها اذا جلسنا نحوس لكن ماعمرنا شفناه:D ويوم كبرنا عرفنا انها كذب ماصرنا نتهتم وصرنا نقول لعيالنا اذا حاسوا ترا بتجيكم السعلوة:upset: عاد الاهل عندي الله يجزاهم خير ماقصروا معي وانا صغير بهذلوني فيها:cry: صرت اتعقد من شي اسمه سعلوة:cry: لاتطلع للشارع ترا بتجيك السعلوة رح نم ترا بتجيك السعلوة لاتطق اخوك ترا بناديلك السعلوة وصارت عقدتي في الحياة السعلوة:cry: اللي ابي اوصله بعد كل هالهرج ابي رايكم بالاسلوب هذا من التخويف لدى الاهالي لاطفالهم احيانا نجد الاهالي بدل زرع الثقة والشجاعة في نفس الطفل نجدهم يزرعون الخوف في نفسه فينشأ الطفل معقد وخواف ورخمه:D زي الخنفشاري ماجد مقبل يوم يصفق اخوياه في المسجد اكيد اهله زارعين فيه الشجاعة ولا عمرهم اطروا له السعلوة:D فياليت الاهالي يقتدون بعائلة ماجد ويزرعون الثقة في نفوس ابنائهم:yes: يعني هناك اساليب ردع للاطفال غير هذي الاساليب ولا تؤثر على الطفل ونفسيته يعني مالقوا الا ذا السعلوة:upset: طبعا هناك مصطلحات اخرى غير السعلوة مثل حمارة القايلة لكن الاشهر السعلوة:D وفي الختام ياليت تستعرضون مواقفكم انتم اعزائي عن السعلوة وتأثيرها عليكم:D اتمنى ان الموضع نال استحسانكم ورضاكم<<<مايعرف يسوي مخرج للموضوع:D ولكم خالص تحياتي:D |
انا الوالده لو ما كانت تخوفني بابو عبايه ( السعلوه ) كان ما لقيتني عايش خاصه وانت صغير 24 ساعه بالشارع يعني انواع الحوادث والخطف والمضارب وانا اشوف ان الوالده لو ما خوفتني عشان ادخل للبيت كان مادخلت ابد وانا اشجع الاهل لتخويف عيالهم ومشكوووووووووووووووور على الموضوع |
كيفكم وكيف الاجازة معكم ياطلاب<<<سؤال يحوم تسبود الموظفين:d شكلك موظف وحاقد على الطلاب :D :D يعني هناك اساليب ردع للاطفال غير هذي الاساليب ولا تؤثر على الطفل ونفسيته يعني مالقوا الا ذا السعلوة:upset: طب اعصابك <<شكلك مره متعقد :D :D بس اهالي زمان ماكانوا متعلمين ومايعرفون اذا ياثر ولالا وماكان في دراسات زي دحين وفي الختام ياليت تستعرضون مواقفكم انتم اعزائي عن السعلوة وتأثيرها عليكم:d ولاشي وانا صغيره رجيت اهلي ابغى اشوف السعلوه <<يعني بتورينا انك شجاعه ;) ;) ;) ;) |
في مخلوقات كثيرة مرعبة , العواني والنمنم وغزيل , عاد هذا الاخير هو الي يسقينا ماء وحنا نايمين :D |
من جد قسم بالله جبتها على الجرح يوم كنت صغنطووطي امي بس اسكت ترى بنادي لك حماار القاايله ولا ابو خيشه ماتقوولي السعلووه ذي بس حماار القاايله وابو خيشه عااد انا اتخيلهم انهم ثنين اصدقااء وابو خيشه هذا يجمع الورعاان بالخيشه ويسرقهم:D وانوااع الرعب قبل ماناام انواااع التفكير فيهم لدرجة اني صاارت اشك وصاارت قبل ماناام لازم افتح درووج الدولاب:D احسهم انهم منخشين وراها عااد تدري من ماكلها الوالده الله يحفظها كل ابو يووم تغسل ملابسي بعد مااقووم من كثر الخووف صاارت اسوويها وانا ناايم:p من كثر مايغيرون الفرش صاار المستودع كله فررش:D نعنبوو من لايمنا انا وخوااني كل ماسوينا شي قالو حمار القاايله حماار القاايله هذا عشان مانطلع الظهريه في الحر وابو خيشه هذا وقته بعد صلاة العشاء انه يمشي في الشاارع ويلقط ورعاان:D وانوااع الرعب كل مامر وااحد بعد صلاة العشاء معااد اقدر اتحرك من الخووف احسه ابو خيشه جاء يالله الحين تدري وش يخوفوونهم به:D بنااديلك الشرطي انطم واسكت تلااقيه يسكت ويخااف:D لان الاشياء هذي ماصاارت تااثر فيهم انا على اياامنا افلام كرتون الي كنا نشووفها كلها الكابتن مااجد وطقته هايدي ليدي وسلاح الننجا والنمر المقنع لكن الحين كلهم اسماء من الفضاء وحرووب وخلااص وراعينا تمرسو ماصاارو يخافون من حمار القاايله وابو خيشه والسعلوه:D صارو يخافون من الشررطه الله يعطيك العاافيه يا عاشق مدريد وتشكرااتي لك |
هلا وغلا صديقي المدريدي :thumbup: :thumbup: وينك يارجل جالس ادور عليك من اسبوعين في الرابطة ابي ابارك لك البطولة :D وحياك الله منورنا اخوي عاشق مدريد ... اما السعلوة وما ادراك مالسعلوة :D انه كائن كبير بس ما اعرفه ;) اما حمار القايلة وما ادرام ماحمار القايلة خخخخخخخخخخخخخخخخخخخخخ:p :p >>> يبي يتصفق ;) لا من جد حمار القايلة هذا كا ن عندنا منه اثنين في البيت واحد لي واحد لاخوي :D >>> نصاب ما عليه شره :D بس انا اذكر ان اهلي كانوا يخوفوني دايم بالبعبع :eek: ويقولون لا تطلع ترى البعبع بياكلك :eek: عاد انا كنت اقول عادي هو الخسران خخخخخخخخخ:D :thumbup: نصاب كبير ;) على فكرة اخواني ما كان عندهم وقت فكانوا يقولون لي في جني عند الباب لاتطلع :laugh: >>> جني مرتن وحدة ;) بس ما اذكر اني قابلته ابد ;) اخوي عاشق شف لي مخرج الله يرحم والديك احس اني توهقت :D يعطيك العافيةاخوي على الموضوع الجميل والذكريات الحلوه s60s ودمت بخير ,,, |
يالله كلكم خواااافين يالبى قلبي بس يومني ضغينووط مااخاف من شيء<< اي هين |
هلا اخوي عاشق مدريد موضوع تشكر عليه. ولا كان عندهم كلمات غريبه كانوا يخوفونا (بستر الله) كان كل شي ولا سترالله ولما كبرت سالت عنه قالوا لي هذا ستر الله اللي يدوم. بس اطفال الزمن هذا ما شاء الله عليهم ما يخوفهم شي الله يحفظهم يخوفنك ما يخافون واسلم طريقه يتم التعامل مع الأطفال الحرمان بصراحة نتيجة فتكه عن تجربه... صعبه نتعامل مهم بالضرب لأنه راح يهز شخصيتهم<<<<< تتفلسف ونست نفسها. تقبل مروري. |
هــلا فيك اخوي السعلو الكبير ... :D عـــاش من شافك .. نورت المجلس .. بطلتك .. من ناحية الشمس والله احنا انكرفنا في الدراسه وتكفينا .. عاد الحين خلنا ننام لحد الظهر .. مو للمغرب وين بومه :eek: .. المهم هالسعلوه كلنا نخاف منها لما كنا صغار . . ومثل اي عائلة سعوديه كانوا الاهل يخوفونا باشي شي حتى يبعدونا عن شي سلبي .. لكن طريقتهم هذي تقليديه وسلبيه .. وهي تضر الطفل اكثر من ماتنفعه ومثل ماذكرت اخوي .. في اساليب اخرى تمنع الطفل .. مثل شاطر حبيبي ابعد عن الشي الفلاني لانه يضرك او مثل كذا . مو بالسعلوه وام بريقع :D انا الوالد كان يقول كل الاسماء .. السعلوه .. حمارة القايله .. وما اخف .. ;) بس لما يقول امبريقع .. مدري منين جايبها الوالد .. واذكر قلت لهارسمها مره .. ورسمها راسم واحد كانه نعمان اللي في افتح ياسمسم ابوابك :D .. ياحبنل له .. الله يطول بعمره .. عموما طولت عليك .. آسف ع الاطاله .. بس ترى ماجد خواف :p امحق شجاعه .. بيني وبينك تراه مترفس بس يملح السالفه :D تقبل ارق التحايا .. ننتظر جديدك .. دمت بخير .. |
اذكر امي كانت تخوف اخوي تقول لما يعيي ينام يالسعلووو الكببييير وعلى طول يقول لا لا وينام ويخمد والمصيبة انه في خامس |
هلا عاشق مدريد موضوع حلو وجاء في وقته لأن أغلب الاطفال يعا نون من الرهاب الاجتماعي وكله من تخويف اهلهم وهم زغنطوطين واساليب التخويف التي يستخدمونها الاهل كثيره منها السعلوه ومصبغ اذانيه بالدم اما السعلوه هاذي مخوفتني بالمره ماانام لين اربط يدي في يد اختي يقولون تاخذ الشخص الي ينام جوعان مايتعشى ووين تاخذه توقعون:D ترميه بالبحر :rolleyes: احد يصدق هالخرابيط الي يقولونها الاهل اعتقد انه اسلوب خاطيء لابد من زرع الثقه في النفس والشجاعه عند الاطفال مشكور عاشق مدريد على الموضوع المميز |
خالد×خالد إقتباس:
اول مرة اسمع فيه صراحة :D شكلك وانت صغير شيطوووووووووووووون:D انا بصراحة ما اتفق مع ان الاهالي يخوفون عيالهم يعني في اساليب اخرى انسب من التخويف الف شكر لك على المرور اخوي ======================== لورين إقتباس:
إقتباس:
يوجد ناس الحين حاصلين على اعلى الشهادت لكن يفتقرون الاسلوب المناسب للتعامل مع ابنائهم إقتباس:
انتي من جدك تبين تشوفين السعلوة:D والله ماضنيت:D عالعموم الف شكر لك اختي عالمرور =========================== ابو ماكس هلا والله بالمدريديين كلهم إقتباس:
يسلمو اخوي على المرور ====================== هامور البروصة:D هلا بالزاحف:D إقتباس:
تخيلت ابو خيشه وهو يقشك وانت صغير من المزرعة اللي انت مصور فيها:D عاد انت مايحتاج خيشه وانت صغير وش حليلك نتفه يشيلك بكيس :D إقتباس:
ابو خيشة يبي ينخش في الدرج اجل:D واذا صرت تسويها وانت نايم هذا دليل اخر على الاثار السلبيه لهذي العادة من الاهل:cry: إقتباس:
الناس صارت تخوف عيالهم بعد بالشرطة بدل ماتحببهم فيه وهذا ايضا غلط الف شكر لك هامورنا على المرور ======================== ماجد مقبل هلا والله وغلا بحبيب البي الله يبارك فييييييك على البطولة :thumbup: ياخوي زعلن عليك انا الحين فتحنا رابطة جدية ولا فكرت تسير الله يهديك يبيلك تسير وتعطينا ارائك ياحلو إقتباس:
إقتباس:
إقتباس:
إقتباس:
عاد تصدق امس بنت اختي تسألني تقول صدق فيه جني بالصالة!:confused: ولد اختي الثاني الله يصلحه مروعها:mad: الف شكر لك مجودي على المرور :D لي عودة ان شاء الله مع باقي الردود:D |
يالله من زمان ماسمعت بالسعلوه اخر ماسمعتها 1409 حد علمي فيها اما ارقد لا يجيك النمنم فهاذي قووووووووووويه. كبرنا وللحين ماندري هل هي حيوانات حقيقه ام لتخويف الاطفال؟؟ |
هلا واللهـ وغلا بـ عاشق مدريد :D ولد ديرتي ;) وشخباركـ ؟؟ وشعلومكـ ؟؟ وين الدنيا عنكـ ,, صراحهـ غبت غيييبهـ طويييلهـ مادري يمكن ماكنت تدخل المجلس العام:yes::rolleyes: بس لا عاد تعودها ,, ترا وجودكـ بالمجلس مهم لازم يصير لي أحد يفزع لي :p :p :p ههههههههههههههههههههههههههههههههههههههههههههههه نعود للموضوع:D هالسعلوهـ واللهـ ياهي هبلت فيني يوم كنت صغيرهـ مادري وش قصتها :p بس السعلوهـ تهوووون عند " العووي " :D ههههههههههههههههههههههههههههههههههههههههههههه والله يا ذا العووي ياكان يسبب لي خوف مهب طبيعي كنت أخاف منهـ خووووووف وودي أدري هو إنسان ولا جني ولا حيوان ولا وشوووو:confused: :D بس صراحهـ الآسلوب هذا غلط في غلط :rolleyes: مادري ليش اهلنا مايعودون عيالهم على التفاهم من يوم هم صغااااار ,, يعني مايعرفون يتعاملوون إلا بالتخووويف ..!! يعني واللهـ البزران لو تاخذ وتعطي معهـ كان تسمع اشياااااااااااء ماتتوقعها:rolleyes: لكن هذا من الاساليب القديمه والتي لاتزال موجودهـ للاسف ..!! يعطيكـ العافيهـ على المووضوووع عاااشق برشلوونه:D وواللهـ بصراحهـ جبتهااا على الجررررح :p يسلموووووو :) |
مراااحب بصراحه موضوع جميل وشيق ومرح بنفس الوقت انا أأيد هلاليه@ميلانيه يوم قالت هالسعلوهـ واللهـ ياهي هبلت فيني يوم كنت صغيرهـ مادري وش قصتها بس السعلوهـ تهوووون عند " العووي " ههههههههههههههههههههههههههههههههههههههههههههه:D :D <<<<<ميت ضحك والله يا ذا العووي ياكان يسبب لي خوف مهب طبيعي كنت أخاف منهـ خووووووف لا تحرمنا من جديدك :D :D .<<<<<:D :D |
| الوقت المعتمد في المنتدى بتوقيت جرينتش +3.
الوقت الان » 11:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd