ياهلا والله بابو البلااااوي << زي البلوي وخوي المشعوذ بعد

بصراحه بدايتك مع النت عاديه مب مثلي اول ماتعلمت النت في منتديات غربيه

بس حق اللطمه حلوة ;)


عوااااافي حياة نت على الاستضاافه الحلوة

وعسااااكم على القوة .

محجووووووووز ماعندي سالفه بس في سر قال لي اياه المشاغب خطير جداً وصاني ماعلم احد فيه مدري للحين هو متأكد من كلامه ولا افضحه

يؤ مابغيتوو تنزلونها

ولا من مستضيفين المشااغب فاكهة المنتدى

يااخي انت حياتك التنتر نتيه يا سلطان رهييييبه اما انا من عرفت النت وانا علطوول شاات

لاني كنت اشووف اخوي يتردد عليها ولا ادخل بنفس النك الي هو يدخل به علبالي انه مشهوور واخوياه يجووني يفكرووني انا هو

سلطان انا اشهد واشهق اني اشتقت لك وان شاءالله ترجع مثل اول

صراحه حياتك التنتر نتيه كلها موااقف ومادري شعلق عليه ووش اخلي بس احب اشكر

الاستشاارين على هالمقاابله الي من جد وسعت صدوورنا ورجعت سلطان للمنتدى بعد الانقطااع


سلطان مدري احسك تشكك بغلااتك وبمعزتك!!..

إقتباس ولكن ان تمنيت رؤية أحد من الانترنت... لتمنيت رؤية الأخ -الحاضر الغائب- هامور البورصة والأخ كلي هلالي...!!;)

وش حاضر وغايب من جد قهرتني ان كنت تقصد الي في رااسي يااخي ان كانك تقصد انك ماتسال اشلون تبيني اساال وانت ماتدخل!!.. وتوني داقن عليك قبل يومين

سلطان تراني اعزك واقدرك وانت تدري بالشي هذا واذا بقلبك شي ياليت تقووله

واكرر شكري للاخوان الاستشاارين وبانتظاار المرهف الحساس مطيع الهميمي

في البداية

اجدها فرصة ان أحيي هذا المعرف وان أقدم له كلمة شكرا من الأعماق

اما بالنسبة لحياتة المتلتلة في النت فكله كوم ويوم تطق اللطمة كوم لحاله كتمت الضحكة
بالموت <<<<في العمل

وبعدين لي وجهة نظر شخصية شفتها في كثير من اخوياي اللي يدخلون نت

تحصل شخصيتة على النت تختلف نوعا ما عن الواقع

لا اعلم هل هو بحث عن الآخر الموجود بداخلة

أم هي اظهار لصفات يخشى او يحرج أن يتصف بها في الواقع

ام طبيعة النت تفرض أن تكون ذا شخصية معينة

وفي الختام

أعود لأشكر فاكهة المجلس < المشاغب >

يعطيكم العافيه يارب

والله لقاء ممتع وجميل

,,,
,,
,








المشاغب





له من اسمه الحظ الوافر وله من انعاكسةِ الطيب النصيب الاكبر ,, مثلما له التحية في اطلالته الخفيفه والرائعه ,, لا اريد ان اتحدث عن شخصيته التي اعجبتني بـ حق فـ لا اريد ان ابدو محللا فـ لم اكن يوم كذلكـ ولكن مااعجبني في المشاغب هو احترامه لـ قناعاته الشخصيه والدفاع عنها .. فـ حينما يكون الشخص كذلكـ فـ انه يفرض احترامه على الاخرين ,,
هنالكـَ مشاكسه في شخصيته ولكنها مشاكسه ترسم الابتسامه ولا تحمل بداخلها معاني غيرَ النقاء حتى في مشاكسته ,, فـ له التحيه الصادقه على هذه الرحله التي حملنا معه فيها ومثلما ارتسم النجاح في حياة الشبكه كل الاماني ان يتوجَ ذلكـ في حياته الشخصيه وان ينالَ الابتسامة الغنيةَ بـ السعاده ..


كل الشكر والتقدير لـ الاحبه القائمين على هذه السلسله الرائعه ,, وبكل تاكيد اتوق لـ حرف الاحساس النقي الاخ العزيز/ مطيع الهميمي الى ذلكـَ الحين اتمنى للجميع دوامَ التوفيق ,,









****






كونوا بخير
...SoMe OnE...

إقتباس الواحد ما يقدر يشيل ذنوبه.. عاد كيف بذنوب الاخرين)

الله أكــبر

إقتباس وعلى طول أحط رجلي طريق السيارة وهو يلحقني ووجهه أصفر مستحي من المقلب اللي سويته فيه عاد هو طيب سامحني .. بشرط أني ما أعلم أحد باللي صار..!! والحمد لله جات سليمة

طلعت مجرمـ وبقوووووه .


تشرفنا بقرأة بدايتك يالمشـــاغب

سعدنا بقراية حياتك يا سلطان

والله لا يطيحنا في مقالبك

لووووووووووووووووووووووووووووووول

اثاريك ملعون من يوم ما انتت صغير


اجل راعي مقالب وحوسه وقله حيا

والله و دي اكب عقشك هنيا بس ما لها دا عي


المشاغب ضيف مميز واستمتعنا بقرائه ما كتبت

وكل الشكر للاستشاريين


تشـــــــــاو

ما شاء الله ..وش هالزين وش هالملح ..

المشاغب هنا .. يا الله حيووووه ..

ما شاء الله حياة نتية جميلة .. وأعجبتني البدايات والتي لا بد أن تكون مضحكة ..

وتطورت وصرت هكر الله لا يبلانا ..

وراعي مقالب بعد .. ما يكفي مقلب أبو الشباب ..

شخصيا اسمتعت بالقراءة كثيرا وتمنيت إنها أطول لاستمتع أكثر ..

ألف شكر لك يالغالي على مشاركتك القيمة والممتعة ..

والشكر موصول لماستنا الزرقاء على هالفكرة والإعداد ..


تحياتي للجميع ،،،

كشخه المشاغب التكروني
بس كانت بداايتك مدري وش تبي يعني على طوول على المقهى ماعندك لعب

اما خوييك والمقللب خطييير سحبته على خشته

أفا يا ماساميسو

ليه تنزلين الموضوع بدون ما ترسلين لي نسخة قبل النشر؟

كان الموضوع قبل شهرين .. وصار في هالشهرين أشياء كثيرة تغيرت.. وتغيرت معها القناعات

والله ما عرفت عن الموضوع إلا من ماجد مقبل اليوم..!!

أختي الماسة راجعي الرسالة الخاصة حتى تتم إضافة جزء مهم من مسيرتي الحافلة بالانجازات


ودي أعلق على جزء مهم جداً من الموضوع :

إقتباس الرسالة الأصلية كتبت بواسطة المنتدى الاستشاري ما أحب أتعرف على أشخاص من الانترنت..!! أحب تكون العلاقة بيننا في حدود الانترنت بس... وما أذكر أحد تعرفت عليه عن طريق الانترنت إلا شخص واحد بس.. وهو شخص مشهور بخدمة الزعيم. . طلبت إضافته بالماسنجر.. ووافق.. وفي الماسنجر من أول مرة طلب رقم جوالي.. وانحرجت منه وعطيته.. واتصل وسلم... ثم بعدها طلب مقابلتي << يالييييييييل وقابلته بعد المماطلة مرتين حتى الآن... وهو بصراحة شخص طيب ومحترم... لكن المشكلة اني ما أحب أتعرف على أحد من النت وخصوصاً المشاهير ولكن ان تمنيت رؤية أحد من الانترنت... لتمنيت رؤية الأخ -الحاضر الغائب- هامور البورصة والأخ كلي هلالي...!!;)

هذا الكلام كان سابقاً ... أما الآن تغيرت القناعات

أتمنى أن ما يظن أحد أن هذا الكلام أتى من كبر والعياذ بالله.. لا ورب البيت..!!

لكني كنت (سابقاً) متردد في مسألة الصداقة الأنترنتية..!!

طبعاً الموضوع كتب قبل شهرين قبل أن أتعرف على أصدقاء أغليهم وأحبهم ..!!

أما الآن بعد أن اكتسبت صداقات جديدة أعتز وأتشرف (والله) بها.. تبدلت قناعاتي.. وأصبحت أحب هذا النوع

من الصداقة والأخوة التي أسأل الله أن تكون أخوة صادقة..!!

تعرفت بعد كتابة الموضوع على كثير من الأصدقاء عبر الماسنجر والجوال .. وقابلت أربعة أعضاء متميزين من المجلس

العام

راجعوا التعديل في الموضوع حتى تتعرفون على هؤلاء الأربعة أعضاء ;) <<< بأكب عشاهم

--------------------------

الماسة الزرقاء: ألف شكر لك على الاستضافة والتميز ... بانتظر استضافة المبدع الرومانسي مطيع الهميمي..!!

بقية الأعضاء: أشكركم على مشاعركم وردودكم الغالية على قلبي.. وكم كنت أتمنى أن أرد على كل شخص منكم بما

يستحق.. ولكني للأسف لا أملك الوقت الكافي.. لا حرمنا الله من هالوجيه الطيبة ..!!

بصراحةأعجبتني البدايات والتي لا بد أن تكون مضحكة ومنها

إقتباس قلت: يا استاذ أصلاً الانترنت حرام..

إقتباس واللطمة مكانها ما تغيرت موب واضح منها غير عيوني

حلوه

اما المقلب لو انا منه ارده لك بمقلب اكبرمنه

تشرفت بقرائة سيرت وحيات ضيفنا في العالم الافتراضي , عالم الشبكة العنكبوتية وعالمه في شبكة الزعيم .

يعطيكم العافية على هذا اللقاء الجميل مع فاكهة المجلس


وأخص بالشكر ماستنا الزرقاء