كاس اسيا : الو نادي الهلال ؟


الموظف : نعم ياخوي مين ؟


كاس اسيا : ممكن اكلم محمد بن فيصل رئيس النادي ؟


الموظف : مين اقوله ياخوي ؟؟


كاس اسيا : قول له صديق قديم لناديكم !!


الموظف : لحظه احولك عليه


كاس اسيا : اوكي


محمد بن فيصل : الو


كاس اسيا : السلام عليكم


محمد بن فيصل : عليكم السلام


كاس اسيا : كيف حالك يابو سلطان


محمد بن فيصل : الحمد لله بخير بس مين معي ؟


كاس اسيا : انا صديق لكم بس ماعمرك شفتني


محمد بن فيصل : حياك الله واتمنى اشوفك بس انت مين


كاس اسيا : انا كاس اسيا ماتعرفني ؟


محمد بن فيصل : كاس اسيا الا اعرفك زين بس في ايام ماكنت فيها رئيس كنت اشوفك


كاس اسيا : على فكره انا داق بقولك شي واحد وبعدها بقفل


محمد بن فيصل : تفضل


كاس اسيا : والله اشتقت لكم ولفرحة جمهوركم فيني


محمد بن فيصل : حتى احنا اشتقنا لك


كاس اسيا : اشتقتوا لي وللحين ماعندكم مدرب ولامحترف اجنبي ؟


محمد بن فيصل : لا بس00


كاس اسيا : لاتكمل لو سمحت بس بقولك شي اسمعني للاخير


ترى من يبيني ويبي يرفعني فوق مايطرد ورى لاعبين كانوا منسقين


من نفس النادي واللي يبيني مايتمشى في لندن ويخلي الفريق


بدون مدرب وبدون اجنبي محترف بمعنى الكلمه وانا بطوله


بفضل الله ثم بفضلي راح تتأهلون لكاس العالم 000


محمد بن فيصل : ان شاء الله 000



كاس اسيا : اسمع يابو سلطان مليت من كثر مايرفعوني


لاعبين غير لاعبين الهلال وين ايام الهلال اللي كل سنه يشيلني فوق


ويطوف بي على جمهوره انا بقولك كلمة السر اللي تخليكم ترفعوني


فوق بإذن الله


محمد بن فيصل : قول ياخوي


كاس اسيا : لاتقول ياخوي انا كاس قول ياكاس


محمد بن فيصل : طيب قول


كاس اسيا : بدون مدرب عالمي ومحترف ثالث عالمي


ولاعبين محليين مميزين لاتحلم فيني واذا انت بعيد عن النادي


لاتحلم فيني وعلى فكره ترى جمهور الهلال ماترضيني


الحاله اللي هم فيها اذا انتم يالاداره مو مقدرينهم ترى انا مشتاق لهم


ومقدر حالتهم اللي يعيشونها بين تصديق خبر وتكذيب خبر


وانتم يالاداره لاحس ولاخبر


اتوقع فهمت يارئيس النادي


محمد بن فيصل : ان شاء الله مايصير الا الخير



كاس اسيا : تامر شي يابو سلطان


محمد بن فيصل : ايه


كاس اسيا : امر


محمد بن فيصل : ابيك للهلال


كاس اسيا : اللي يبيني يتعب مو يتعّب جمهور ناديه بالتعاقدات اللي تنتهي بلاعبين اي كلام


واعارة نجوم فريقه وجلب لاعبين منتهين الصلاحيه


محمد بن فيصل :خلاص ياخوي مانبيك


كاس اسيا : بس جمهور نصف الارض يبوني


محمد بن فيصل : وانا مارجعت عن الاستقاله الا تقدير لهم



كاس اسيا : اذا تقدرهم لازم تجيبني لهم


محمد بن فيصل : ان شاء الله


كاس اسيا : يالله انا بقفل معزوم على العشا عند كاس افريقيا


محمد بن فيصل : الله معاك


كاس اسيا : فمان الله


محمد بن فيصل : فمان الله