سلخير جميعا مره اخرى
![Biggrin](images/smilies/biggrin.gif)
.. طيب بالصبح وش مفروض اكتب , صلخير مثلا ؟
اول شي اشكركم على الاشاده والي اعتبرها وسام على صدري , الي كتبته في ردي السابق ماهو الا شغله في صدري حبيت انقلها لكم او بالاحرى رأيي المتواضع والي شاركوني فيه البعض والبعض الآخر عارضوني فيه مثل ماكان متوقع بطبيعة الحال . اسمحولي اخواني الاعزاء في مناقشة هذا الامر مع اصحاب الشأن < والمعنيين هنا المعارضين لكلامي طبعا او بالاحرى المخالفين لي في وجهة نظري .
,,,,,
الاخ Y A S E R انا شخصيا عارف انه من اشد المعارضين لكلامي حتى وانا اكتب الرد لاني زي ماذكرت في وقت سابق اني متابع للرابطه وعارف كل شي فيها ,,
![](images/misc/quotes/quot-top-left.gif) | إقتباس | ![](images/misc/quotes/quot-top-right.gif) | | | | | | | |
لو سمحت ممكن تنسخ ردود للأعضاء تبيّن فيه التمجيد اللي تتكلم عنه !
اذا قمت بذلك
سـ يكون لي تعليق على كلامك بإذن الله | | ![](images/misc/quotes/quot-bot-left.gif) | | ![](images/misc/quotes/quot-bot-right.gif) | |
اسمحلي اخوي , لكن هذا مهب اسلوب نقاش
![Smile](images/smilies/smile.gif)
, يعني بغض النظر عن ان كلامي هل هو صحيح ولا لا , كان من المفترض تناقشني على الجزئيه الي انت غير متفق معي فيها , كلامي كان صريح وكتبت كل الي بخاطري وبشكل موسع ايضا والشباب جميعهم اتفقوا على الي قلته في ردي السابق , ردك الي في الاقتباس الي فوق فهمت منه انه مافيه تمجيد لشوستر , طيب يالغالي انا ماراح اتكلم عن الاعضاء الثانين , انا راح اتكلم عنك بعد اذنك ورده , الي اشوفك كاتبه عن شوستر ما اذكر انك كتبته عن كابيللو ! ردودك عن شوستر ومقارنة بعض الامور بينه وبين كابيللو اعتقد انك تبي توضح للبعض انه افضل من كابيللو !! مادري يالغالي لكن انت قريت ردي السابق ولا شفته انه معارض لرأيك وجيت تقول هات الردود اليت قول عليها !؟
![Smile](images/smilies/smile.gif)
, في ردي السابق انا قلت ان الانديه هالموسم غير عن الموسم الماضي بشكل كبير وكبير جدا , برشلونة مشاكله دبل مشاكل الموسم الماضي اصابات ومادري ايش اشبيليه ايضا مهب بمستواهم المعروف الفيلا ايضا الاتلتكو وووو الخ , ياحبيبي كابيللو الموسم الي راح اخذ فريق منتهي الصلاحيه ! فريق مايندرى وجهه من مقفاه !! اخذهم وسوى غربله للفريق وجاب وطلع ووو , بالاخير اخذ الدوري بغض النظر عن مستويات الفرق الاخرى وكون برشلونة سيئين جدا نهاية الموسم وكانوا بياخذون الصداره باكثر من مباراه منها بيتيس حتى نهاية الدوري ايضا , بعد كذا الاعبين اخذوا على بعض سواء التشكيله او العناصر , وبالتالي صاروا متفاهمين ومايحتاجون للداهيه شوستر اانه يوجههم , في النهايه وبعد اصابة الكثر من اللاعبين شفنا شوستر فقير تكتيكيا وماقدر يوفق بين الاعبين وبين مراكزهم , اصيب نستلروي واكلناها اصيب روبينهو اول ثلاث مباريات واكلناها هزايم كلها , ابيك تجيب لي حسنه وحده لشوستر هالموسم وتكفى لاتقولي جوتي وانه قد صار احسن صانع العاب لاني وقتها بزعل عليك : D , لاني وقتها برد عليك وبقول لك انه صلح اربع اهداف على بلد الوليد من اصل سبع ! ,
في نهاية ردي على هالاقتباس اخوي , ماكان ودي اشوف منك هالرد خصوصا انك انسان اعتقد انك عارف امور الريال الحاليه , بالاضافه الى انك اكثر عضو تمجيدا لشوستر
![Smile](images/smilies/smile.gif)
. والتمجيد هنا معناته وضعه الافضل وعزاء الفوز لدهائه وتكتيكاته وعزاء الخساره او التعادل لتخاذل الاعبين او الحظ او الحكم او او ... الخ
![](images/misc/quotes/quot-top-left.gif) | إقتباس | ![](images/misc/quotes/quot-top-right.gif) | | | | | | | |
على فكرة الفريق فاز على بلد الوليد واشبيلية في غياب روبينهو
وفاز على بلد الوليد واسبانيول وريكرياتيفو واشبيلية في غياب الرود
ياليت تتأكد من المعلومات قبل طرحها لـ يستفيد منها الجميع | | ![](images/misc/quotes/quot-bot-left.gif) | | ![](images/misc/quotes/quot-bot-right.gif) | |
معليش يالغالي .. لكن اول ثلاث مباريات اصيب فيها روبينهو تقدر تقول لي نتائج الفريق ؟
![Smile](images/smilies/smile.gif)
, بعدها رجع ولعب مباراة ووووو الخ وكلنا عارفين الي يصير له .
الرود من اصيب حتى الان تقدر تجيب لي احصائيات الفريق في عدد الفوز والخساره ؟ واكون لك من الشاكرين حقيقه
![Smile](images/smilies/smile.gif)
, مشكلتنا الحاليه هي بالضبط نفسها الي مروا فيها برشلونه الموسم الماضي لما اصيب ايتو واكلوها . ياحبيبي من اصيب نستلروي والفريق من جرف لدحديره ! وين دور المدرب طيب , المدرب شغلته الاساسيه اذا اصيب لاعب انه يدور بديل له , بابتيستا وراؤول وسافيولا . رولا كلهم بدلاء للمصابين بالاضافه الى انه ممكن يبدل ويخترع ويدخل روبين جناح مهاجم زي مكان رونالدينهو في البرشا ,, ابدع سو شي طيب .. لاتخلي كل شي على القدر . بعدين الاعبين !! وش مهمتك انت طيب !
بالنسبه لنقاشك حول مستوى الليقا ,, فـ ماراح أدخل نفسي في متاهات وأرقام ما أشوف لها داعي
![Smile](images/smilies/smile.gif)
يعني وش جاب لجاب الله يرضالي عليك , كلامك هذا يدل على ان مستوى الريال جدا عادي ومافيه مشاكل تواجهنا وعادي يعني هذا هو مستوانا اننا نتعادل مع مايوركا وننهزم قدام العامريه والخمبقه الي صايره للفريق !!!!! مادري بس راجع نفسك يالغالي
![Smile](images/smilies/smile.gif)
, لأن هالشي غير صحيح الا كانك تشوف شي ثاني عاد هذا موضوع غير مالنا دخل فيه
![Smile](images/smilies/smile.gif)
.
,,,,,,
بالنسبه لألفيس وراموس .. فـ الي أشوفه من مستويات وخلافه , ألفيس يقول لراموس ريّّّح ياكويس !! مهب على الكروت وكذا , بس بصراحه اذا احد سألني عن الافضل بينهم بقول انزح وراك ياشيخ
![Biggrin](images/smilies/biggrin.gif)
.
ورده لكم كل ابوكم من روسكم حتى اخمص اقدامكم
ترى اليوزر بوادي وانا من وادي ثاني
, يعني بالعربي منب عتيبي , قصيمي
.. جست ان كيس يعني