قصيده بعنوان : خذ قلبي معك.
بسم الله الرحمن الرحيم
___________________________________________________
طالبك خذ قلبـي معك لاتخــليه === خذه ترا ماعـاد لـي فيه حاجه
لاصرت عني مبعد ويش ابي فيه === خــله معك ما دام صعب نـتـواجه
اول خفوقي صوتك العذب يحييه === واليوم ماحصلت غير انزعاجه
نوره طفى من عقب ماكنت مضويه === عقبك خفوقي بات مطفي سراجه
مالي مزاج ارسل لغيرك واحاكيه === حتى لــو اني كنت داخــل مزاجه
غـلاك مهما كـــان مانيب ناسـيه === منساه لو غيرك يضحك لي حجاجه
طيفك بحياتي وين مارحت الاقيه === القاه في حزن العمر وابتهاجه
امــوت في جـرحك واحبه واداريه === وخايف مع الايام القا علاجه
كــن النـظر من يوم غبت معميه === احرجت قلبي وانت سبة احراجه
كمل جمـيلك طالبك لاتخلـيه === خـذه ترا ماعــاد لـي فـيه حاجه
ــــــــــــــــــــــــــــــــــــــــــــــــــــــــــــــــــــــــــــــــ
للامانه الشعريه منقول من ديوان احد الزملاء..
الوضع الشجري
