نصيحة لكل مشتركي جوال الهلال
 

لا ابدن مو بخل ولا شي

بس شي يقهر مشترك بجوال النادي ولا تلاقي منه اي شي ..

المفروض هو المصدر الرئيسي من بعد شبكة الزعيم

مو تجيني الاخبار من هنا ومن هنا وجوال الزعيم ماجانا منه شي .. :(

يا اخوان

خلوكم اعضاء شرف في جوال الهلال

مهما كان لا بد فيه اشوي سلبيات علي جوال الهلال بس مومهم

المهم انك تدعم ناديك حتي لو نه يسير بخطي لك عليها

اخوي محمد بن فيصل سافر من لندن لامريكا وش المهم في الموضوع

طارق التائب لازال موضوعه معلق يعني ما وقع إلى الأن

وش تبي جوااااااااااااااااال الهلال يسوي يبث اشاعات

فعلاً شي يقهر

ترا بنشترك بجوال النصر والاتحاد

اخوي طارق التائب في ليبيا .. وكل ما في الامر انه اكد للمسؤلين الهلاليين انه راح يوقع اول ما يرجع وعطاهم كلمة ..

لو ان جوال الزعيم مرسل هــ الخبر يمكن بكرة او بعده يصير ظرف او تتغير مسار الصفقة ثم تتهمون جوال الزعيم بــ بث الاشاعات ..

انا عن نفسي لي ثلاث ايام ما يوصلني شي من جوال الزعيم ..

لكن مو خسارة في الزعيم اني ادخل فيهم 40 هللة ..

يالغالي طارق التائب وقع مع الهلال والموضوع مثبت اقراء وفتح عيونك صح شكلك تدخل بس كذا لاتستعجل بالرد والا الهدف من الرد زيادة المشاركات

s60s :thumbup: s60s

يابعدي كل وجهيده وجوال الهلال لابد يمر بفترة تقصير منه ولكن اطلب منهم الانتباه لجوال الهلال ومحاولة تطويره بكافة الوسائل

وانا بصراحه من 3 شهووور ماجاني ولاخبر عن اخبار الهلال من الجوال
مدري وش سالفتهم ....؟؟؟!!!

بس من حقي اعرف اخبار الزعيم اول باول

ياموهوب

بس ثلاثة ايام والجوال صامت

من بعدالخسارة والجوال صابته عين

والله انا الرسايل تجين متأخره بعد

صح النوم :D :D :D

s60s

يارجال اسم انك تدعم وخلاص

وحتى قناة الزعيم كلها اشاعات جاء مسفر القحطاني/انتقال الياس+الصويلح
ما أدري وش صار في النادي الله يستر من الجايات

حقيقه جوال الهلال لايليق بنادى كالهلال..

ولا بجمهور محب كاجمهور الهلال..

حتى لو لم يرسل ولا خبر لن ننهى اشتراكنا وهذا اقل شى نقدمه للزعيم...

لكن والله عيب الاخبار فى الشبكه بالكوم والجوال مطنش..

صدقت

بس وش رايك شي مايقهر

اقل شي عبرونا ياساده

انا صارلي فترة ما جتني رساله من الزعيم

والله مشترك ومبسوووط
كل الاخبار تجيني بس متاخره ما ادري ليششش

نبي اخبار الزعيم حتى لو يكتب متى تفتح ابواب النادي ومتى تقفل
خخخخخخخخخخخخخخخخخخخخخخخخخخخخ

والله انا الرسايل تجين متأخره بعد .............


مشكور

كلامك صحيح
والله من بعد المباره النهايئة ماجاني شي ابد
وابي اوقف الخدمة واعمل الغاء ولايوقف هههههههههههه

بكل امانه جوال الزعيم نااااااااااااااااااااااااااااااااايم

والله نااااااااااايم

من حقنا نقول هالكلام

المفروض كل صغيره وكبيره توصلنا

لكن حسوفه ماوصلنا منه اي شي

مادري وين الخلل

من النادي اللي مايوصل الاخبار

والا من العاملين على جوال الهلال

اعطونا الاخبار حتى لو ماتمت رسميه عشان نعرف تحركات نادينا

لكن نتمنى انهم يتحركون ويربطون بين النادي والجوال عشان يكون للجوال مكانه عندنا

تحياتي اخوي

والله إنك صادق يا خوي كل الاخبار آخذها من النت سواءً موقع الزعيم أو غيره , أو من أخبار الرياضة على قنوات التلفزيون .
وأنا أفكر جدياً بإلغاء الاشتراك ؛ لأنه دفع فلوس مقابل خدمة سيئة للغاية :confused: من جد حاجه ترفع الضغط :upset:

كلامك صحيح

انا الاولى بجديد الهلال

جوال الهلال في اجازه
 

بسم الله الرحمن الرحيم
ياناس انا مشترك في جوال الهلال من اول ما طلع بس في الايام الاخيره جوال الهلال في اجازه تم التجديد لطارق التايب البارح والى اليوم ما جاء خبر التجديد وانا مشترك في اخبار الهلال في الصحف والى الحين ما جاني اخبار الهلال في الصحف وش السبب الرجاء الرد من اداره المنتدي او من المسؤولين في جوال الهلال

والله جوال الهلال عليه ملاحظاااااات كثيرة جدآ ..

ناهيك عن تأخر الرسائل دائمآ ..

الله يعين

ما فيه احد يرد

يا رجال والله انى مخلى الا شتراك علشان الهلال وابو سلطان

هذا مشروع تجاري فقط


لكن فدى للزعيم

دايم الصحف هي الي تقول أخبار الهلال وجوال الهلال يتأخر ويقولون حصري؟؟؟؟؟؟؟؟؟؟؟؟؟؟؟؟؟؟؟؟؟؟

نباح الكـــلاب ماياصل للسحــاب

صدقت فيما كتبت .

والله جوال الهلال الأيام هذي مدري وش فيه

المباراة النهائية ماجتني التشكيلة إلا بعد نص ساعه من الشوط الأول

خبر التجديد للبرنس ماوصلني على الجوال

ماذا تقصد

والله ما ادري وش السبب

انا مشتركه واخر رساله جاتني قبل اسبوع تقريبا :(

حدد كلامك لمين بالضبط

انا انتظر عناوين الصحف حقت اليوم ولسا ماوصلت ..

شكل الشباب مسافرين

ان جاني امس رسالة حقت التائب وديم تجي اول باول

كيف جاتك الرساله امس يعني انت تدفع فلوس وانا لا شوفو لنا حل بعض المشتركين تجيهم والبعض الاخر لا

انا من زمان ماجتني رساله ولا حتى اخبار سريعه وش القصه مادري ؟

والإدارة ماأصدرت بيان بهالشيء او يمكن ماتدري باللي حاصل

خبر تعاقد التائب مثبت هنا بشبة الزعيم

ولكن جوال الهلال الى الآن لم يرسل شي

من حقنا كمشتركين ان يرسلوا لنا

تحياتي

انا اعتبره دعم للهلال مهما كان

أنا من اسبوع

ما جتني ولا رسالة

مع ان الجوال مو مفصول

وكل شيء عندي تمام

وتجيني رسائل أخرى

ما عدا جوال الهلال

ما جتني منه ولا رسالة

تشرفت بمرورك

قراءه في اوضاع بعض لاعبي الهلال والمركز الاعلامي وجوال الهلال
 

بسم الله الرحمن الرحيم
الكل يعلم ان هناك اسماء في الهلال تحتاج الى تنسيق واسماء تحتاج الى اعاره واسماء تحتاج الى المحافظه عليها وانا هنا اقترح ان يتم تشكيل للجنه لكي تقوم بهذه الاعمال وتكون اللجنه مكونه بكل من
1_صالح النعيمه رئيس
2_عبداللطيف الحسيني عضو
3_عادل البطي عضو
4_عبدالعزيز الخالد عضو
المركزالاعلامي لماذا تم انشاء هذا المركز وماهي نتائج هذا المركز هل هو تقليد الغير بدون ان يعلم احد عن هذا المركز ؟؟؟؟؟؟؟؟؟
جوال الهلال كان جوال الهلال اكثر عدد من المشتركين ولكن نشاط هذا الجوال اصابه شلل هذا الاسبوع فلم تصل من هذا الجوال اي رساله حتى انه تم التجديد لطارق التايب والى الان ماجات اي رساله اليوم تخيلو انا مشترك في اخبار الهلال في الصحف والى الان لم تتي رساله اخبار الصحف مع ان الساعه الان الثامنه مساء
نريد حل لمشاكل الهلال

قاصمه ظهرك الاسهم

في هاذي صدقت يا الغالي انا مشترك ولا تجيني اي شئ بخصوص الزعيم ابد ابد

اما جوال الهلال ماحولك احد مافيه اخبار عن النادي

اشوى احسبه لحالي

انا ماجاني شي عن التجديد للتايب لـــــــــــــــيـــــــــــــــــه

والله فعلاً يا جماعه انا من فترة ما وصلتني ولا رساله من جوال الهلال

مدري وش الخلل بالضبط


نتمنى الإفادة

s60s s60s

بالله هل سفر رئيس النادي مهم لهذي الدرجة

والله شر البلية ما يضحك

ما يهمني يسافر او يجلس انا انتظر الاخبار المهمه

مثل صفقات او تجديد وتعاقدات ومشاريع

بس فلان سافر وفلان رجع ما تهمني وبتصير

سواليف حريم

طيب تستخسرون 12 ريال في الزعيم


وبعدين يوميا تجيكم رسايل من جوال الزعيم


وشبكة الزعيم ماتقصر

قهر انا مشترك في جوال الهلال وما جابو الاخبار هاذي

اعجبني ردك

بعقل وهدوء