يالله حية .. بعد غيبه طويله عن ظغطه زر ( اضافه موضوع )

هذاني اعود اليكم انا وخشتي الجميلة ..

في موضوع مشكل مثل مجلتي زحفونيات بس انها مصغره مايكرو شوي >> شعنده الفلسفجي :p

اول فقرة موضوعنا المشكل الخفيف ان شاء الله هي الافلام والسينمات ;) . من قلب لبنان ! ،،
ثاني فقرة عن مطعم فرايديز .. من قلب لبنان ! ،،
ثالث فقرة لفته شعرية .. من وسط الدفاتر ! ،،
رابع فقرة لفتة فوتغرافيه ،، من دبي ! ، ،
ـــــــــــــــــــــــــــــــــــــــــــــــــــــــــــــــــــــــــــ

افلام وصالات السينما ! ..

في وسط بيروت فيه خيارين لأفضل صالات عرض افلام..

* صالة افلام ABC

في منطقة الأشرفية ..

اللي فيها 7 صالات سينما ..
طبعا كل يوم خميس ينزل فلم جديد ..
طبعا ً عروض الساعه الاولى تكون 4$ ..
والبقية ب 6$ ..



اول يوم جيت كان في فلم موجود واليوم الثاني لا ..

عاد قلت مابدهاش نصور لكم الثتنين ..





برضوا التصوير ممنوع بس عاد انا فليتها <<< حس انه ارهابي من كثر مايصور :p ..

اول فلم كان ..

Spider Man 3




مدة الفلم ساعتين وعشرين دقيقة ..

بصراحه الفلم مثل باقي الاجزاء روعه وحلو وموب شين ابد >> مابقى شي وقلته هههههه ..

ثاني فلم شفتة .. في نفس الصاله طبعا ايام مختلفه بس ابحطهم سوا .. طعبا ً قصة الفلم معروفة ومايبي لها زياده حكي ..

ملف تورنت للفلم ..


Shooter



نوع اكشن ودراما
هذا الفلم الخيال .. صدق روعة روعة ..
فلم عن قناص كان في الجيش يحارب وتصير له احداث وتقلبات رائعه في الفلم ..
مابي اخرب الفلم كقصه بس ينمدح من جد ويستاهل الواحد يشوفة ..
مدة الفلم ساعتين و آربع دقايق ..

ملف التورنت للفلم ..

Blades Of Glory



نوعه كوميدي ..
قصته غريبه جدا ً .. اثنين كانوا يتنافسون في اولمبيات التزحلق ع الجليد ..
بعدين تصير احداث وينمنعون من المسابقه للآبد بس يستغلون نظام في الاولمبيات ونظام من قرار المنع ويصيرون يتنافسون مع الفرق الثنائية ..
الفلم هبال صراحه ويضحك انصح فيه ..
مدة الفلم ساعه وثلاث وثلاثين دقيقة ..

ملف تورنت للفلم ..

Disturbia




نوعه : مثير ههههه فيه رعب حبتين ..
قصه الفلم ان ولد يكفخ مدرسه ويعاقب من الشرطه ويفرض عليه ان مايطلع من بيته شهر ..
عاد تصير احداث من الزهق يقعد يراقب الناس ويشوف ويكتشف اشياء عجيبه في حيهم ..
فلم بصراحه روعه والممثل من جد فاجأني لانه كان يمثل كوميدي وبصراحه اجاد الدور ..
الفلم مدتة ساعه واربع واربعين دقيقة ..

ملف تورنت للفلم ..

طبعا ً هذه الافلام اللي شاهدتها .. في صالات Abc ..



* صالات الكونكورد

واللي تصير في شارع فردان..
طبعا فيه 8 صالات عرض ..




تقريبا ً نفس اسعار الاى بي سي ..

اظغط هنا تشوف صوره بانوراميه كبيره


.. وشفنا فيه فلم



دخلنا الصالة وصورتها ..



عاد حبينا نشوف فلم ..

Taxi 4




فلم فرنسي بس مدبلج ..
الفلم مجموعه من سلسله افلام وبصراحه كلها حلوة وخفيفه ..
فكره الفلم ان واحد راعي تكسي مظبط سيارته يوصل الناس باسرع وقت ..
ويعرف واحد يشتغل في الشرطه ويساعدهم احيانا ً .. في حل قضاياهم ..
مدة الفلم ساعه وواحد وثلاثين دقيقة .. نوعه كوميدي ..


ملف التورنت للفلم ..

Fridays

مطعمي المفضل ،،
يقع في وسط العاصمه اللبنانيه
بيروت - السولدير ،،















طبعا ً صوره الشخص هذا معروف ،،
للي يجي لبنان ع الاقل مره ،،
يصارخ ويخوف الناس ويقول ،،

بيروووووت ،، بصوت عالي ،، وبسرعه ،،
يبيع صور للبنان ،،
طبعا ً لقطته وهو جالس وصورته قلت ماتتفوت ! ،،

عموما ً تابعنا المسير وطلعنا لم البوابة الرئيسيه للسولدير،،

هناك يصير عاد مطعمي المفضل ،،

هنا الصوره اللي هي الطريق المؤدي الى المطعم اللي تقريبا ً ،،



يصير اخر الشارع ،، هذا ،، ع اليسار ،،







وهنا اذا مشينا شوي وخلينا المطعم في ظهرنا ،،




وعقب المشي الخفيف والاستمتاع بالجو الحلو والهادي ،،

وااااه اخيرا ً وصلنا ! ،،

طبعا احنا رحناله الليل قبل وقالوا لنا مسكر خلاص ..
صراحه تحطمت وقلت لازم اروح بدري واسوي تقرير بعد ،،
لانه من المطاعم المفضلة عندي وبقوه بعد ! ،،

بس الحين لا المطعم مفتوح
طبعا ً دخلوا الشباب الي معي وانا صورت واجهه المحل ،،




ودخلت انا وسلمت على مدير المطعم !
طبعا ً من كثر ماسنتر هناك ،، اعرفهم كلهم >> طيب درينا انك اوكيه الحين
واللي زف لي خبر فتح مطعم فرايديز في الخبر ! ..
طبعا ً مايدري وين بس يبي لنا ان رحنا الخبر نحبرش عليه !..

بعد السواليف والتصوير والاستئذان ،،
المنيو ! ،،




خل نبدا في المشروبات الحين عشان نسترسل ع الاكل ! ،،

كالعاده كل مااجي فرايديز اطلب

Electric Lemonade - non alcoholic




طبعا مكون من ليمون وشي ثاني بلون ازرق ،،
طبعا روعه طعمه وتقريبا ً حامض بس بشكل معقول ،،
وخويي خذا مثل طلبي لاقتناعه به مسبقا ً ..
>>> ماخليت احد يدخل فرايديز الا ويجربه

المشروب الثاني ،،
المفضل لأخوي ،،

Pine Apple Sun Shine ..




مكون بشكل اساسي من الاناناس ،،
والباقي مااعرف لنسيان اخوي باقي الخلطه ،،

طبعا ً للمقبلات كالعاده يجي الخيار الأفضل اللي يصير Sharing ! ..

Three 4 All ! ,,




واللي مكون من التشكن وينقز و اصابع الموزيرلا ..
و البطاطس المشويه وعليها الجبنه والحركات ،،

والخيار الافضل مكرر لي بعد ..

Boneless Buffalo Wings ! ,,





دجاج بدون عظم >> باللهي ،،
وعليه صووووص هي كل الحكايه في الصوص حقه ،،
داهيه ،، !
الطبق هذا ينصح به اللي يحبون الاكل الحار ! ،،

صوره للجلسه بشكل بانورامي ،،






بعد المقبلات و المشروبات ! ،،،

يجي الأختيار لل Main Course

Chicken Mushroom & Mushroom ..







هذا الطبق ينفع للي يحبون الدجاج والفطر ،،
طبعا هي مكونه قطعه صدر دجاجيه .. ومغطاه بالجبنه و الفطر المقطع ،،
و قطع فطر كامله ،، وحسب اختيارك فرنش فرايز او ماش بتيتو ،،



طبعا انا واخوي طلبنا الطلب هذا نفسه ،،

و الطلب اللي طلبه خوينا ،،

New York Steak ..





مكون من قطعه لحم ،، وبس ،، >> امحق شرح ،،
طبعا لك الاختيار في درجه استوائها ! وسط شوي ممتاز ..
كانك ماتحب تشوف دم جوا اللحم يفضل well done ,,
الا كانك شرس وتتحمس وتحس نفسك داركولا اطلب Medium Well ,,
..

بعد ماخلصنا الاكل من هالاطباق الشهيه ..
والله اعلم شلون طبق خوينا ..
قلت ابد والله ان نحلي وغصب بعد ،،

مب كل يوم احصل فرايديز انا ههههههه ،،

Desert ! ..

طلبنا الطلب اللي احبه انا كالعاده >> وانت ماخليت شي ماتحبه يكفي ،،

طاح اختيارنا على ،،

Oreo Madness ..



Single ,, لان طبعا يجي دبل !! بس بطونا مهب صوامع غلال عاد ! ،،




هذا هو شكله من جد يسطل وانا اكتب الحين اشتهيته ! ،،
مكون من بسكوت اوريو فوق وتحت ووسطه ايس كريم فانيلا اظن ،،
ومغطي بالكراميل ،، ووووووه بس ،،

عاد هذا شكل الصحن عقب ماقضينا عليه وفرمناه فرم ،،






بعدها طلبنا الحساب ! ،،،

طبعا ً وانا اصور الحساب نسيت الفوكس من الاستعجال ،،






بس عمو فوتشوب ساعدني شوي ،،

وسامحونا عاد على عدم وضوح الصوره ..

طلعت عليها كل هالحوسه ،،،

بمبلغ 137.000 ليرة لبناني ،،
مايعادل 91,33 $ ..

اللي على عملتنا تصير 342.5 ريال ،،

طبعا بعد الحساب نزلوا لنا حبوب نكهه حقت الفم ومناديل معطرة ،،



وان شاء الله اكون وفقت في تغطيه مطعمي الافضل
،
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ

لفتة شعرية ..

على كثر القصيد


على كثر القصــيد.. وكثر ماجـــاب الخـيال أفـكار
........................... تعبت ومالقيت الا ثمان أشياء تشبه لك
نور الشمس.. لون الغيم.. طهر الما.. وصمت النار
........................... لين الورد فجر العيدملك وانسان ياسهلك
واذا صار العـنا رحـله.. با ســمـيك آخـر المشــوار
........................ واذا صارالبخل عمرالجزايل فاسمك المهلك
تجـين أحلى من البشـرى تغـيـبـيـن وتـشـيـن الدار
......................... هديه للزمن جيتي من الله عن طريق أهلك
صـحيـح المـدح لويقـدر يـقـوم بـنفـســه ويخـتــار
...................... غـدا عـبّـاد شمس ٍ لا لمـح زولـك تـوجّـه لـك
غيـوض وما يغيـض الـنرجـس الا ضـحـكة النــوار
......................... "نعم" والجود لو يفنا فنا من زود حبهلك
ضيـا تسعـين شمس وألـف بدر ونجـمتـين كبـــــار
.......................... آخـاف اقـول ظلك و أظـلمك والعز كله لك
ورثتي مجـد ابـوك وجـاك "منهو" زبنة المنـجار
..................... أبـو خـيريـن.. دماح الخـطا.. والعمـر مده لـك
وأنا وش عاد أقول ان صرت في وصف الغلى محتار
.................. شعـور ٍ ماقـدر ياصـل سـمـاك.. وقـلت أزمّه لـك
وعلى كـثر القصـيد وكـثر ماقـلـنا من الأ شــعــــار
...................... تعـبت ومـا لقــيت إلا ســموّك بـس يشـبهـلـك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــ

في الختام عاد ان شاء الله نكون رجعنا لو شوي من ذاك الزمان ،،

زمان المجلس العام المتحرك الي كانه اسهم السعودية من كثر حركتة :p ..

فمان الله وصوتوا لمرشحكم واحد زاحف ،، :p ..

اورفوار