اخواني الاعضاء ...السلام عليكم....
استكمل معكم الموضوع الذي طرحته بالأمس بخصوص لاعبي الهلال والتكبر المستغرب... وسأذكر لكم قصة حصلت لي مع الفتى الذهبي:نواف التمياط........
فأنا بحكم تواجدي في مدينة الرياض ودراستي في جامعة الملك سعود (كلية الطب) في السنة الأولى وادعوا لي بالتوفيق......
في أحد المرات كان الوقت ظهر يعني الساعة حول 1.15رحت و شريت جريدة الرياضية ورحت لشقتي اللي حول جامعة الامام في حي الوادي وكان زميلي اللي معي يقرأ جريدة الرياض وبينما أنا أقرا الرياضية قريت خبر أن نواف سيقيم ظهر اليوم مؤتمر صحفي في فندق هوليدي إن (فرع العليا) وسيقوم باطلاق لعبة فيفا2002 حقت سوني2. ولكن الرياضية ما كتبوا الوقت بالضبط فقلت في نفسي أكيد أن المؤتمر خلص..سألت زميلي وقلت له قريت خبر نواف قال:إيه قريته...قلت له:متى المؤتمر؟؟؟...قال لي: مكتوب عندي إنه الساعة 1.30 ظهراً...ماصدقت نفسي يوم شفت الساعة والقاها 1.25 تقريباً...قلت لزميلي:قم قم بسرعة قال: ليش؟؟ قلت:مشينا نشوف نواف ونسلم عليه...قال زميلي:بس بس...المهم سحبته ورحنا أنا وياه...
وبعد عناء طويل لقينا الفندق ودخلنا وكانت الساعة 1.45 ..يوم دخلنا لقينا صورة كبيرة لغلاف الشريط وعليه صورة نواف...جينا بندخل مع الباب اللي يودي للصالة اللي فيها المؤتمر...
ولقينا في الباب مصري((دب))..قال لنا: رايحين فين؟؟ قلنا:بنحضر المؤتمر... قال:مافيش دخول..المؤتمر للصحفيين والمسؤولين فقط..قلنا:طيب بنشوف نواف ونطلع قال: بسرعة...دخلنا المصري يوم لمحنا نواف مسكنا وقال:خلاص انتهينا مع السلامة..وما قعدنا أكثر من 5ثواني... أنا قلت شايف نواف يعني شايفه...قعدنا نحتري المصري علشان((يذلف)) لكن الرجال متنحس لنا لأن أشكالنا (بصراحة)ما تساعد
...المهم انتظرنا ربع ساعة لعل وعسى.....
إلى أن جاء الفرج.... بعد ما انتهى نواف من المؤتمر واطلق اللعبة...قامت الشركة بتوزيع مطويات وأكياس عن نواف راح المصري يوزع وغفل عني أنا وخويي... ما صدقنا يوم حانت الفرصة وأدخل ويلحقني خويي....يوم التفتنا يمين ونشوف نواف يوقع (اوتوجرافات)للمعجبين ويسولف مع الصغار والكبار....أنا قلت لازم يوقع لي نواف دورت في مخباي ورقة لكن ما لقيت
وسألت خويي قال ما معي
....
وأخذت أدور في الصالة عن ورقة.... وشفت ماصة فوقها ورقة صفراء قلت لاوم آخذها... أخذتها - طبعاً ميب لي
- يوم قلبت الورقة وألقاها أستيكر للعبة وعليها صورة نواف
ما صدقت من الفرحة...المهم نقزت لنواف... وقلت:السلام عليكم،،،كيف حالك كابتن نواف؟؟؟؟؟؟
رد علي نواف ((بلباقة)):وعليكم السلام...أنا الحمد لله بخير....
قلت لو سمحت كابتن نواف وقع لي على الاستيكر...
قال: أبشر أخذ الستيكر ووقع عليه....
وهو يوقع :قلت له متى الرجعة؟؟؟ قال:قريباً إن شاء الله ولا تنسى تدعي لي!!!!!!!!!
أخذت الستيكر ورقعدت أشوف نواف وهو يسلم على الصغار وينكت مع الكبار ولا شفت أي دليل على تكبره بل كان مثالاً للأدب الجم والأخلاق الرفيعة....
يوم قعدت ربع ساعة قال لي خويي مشينا قلت له أصبر شوي ما بعد شفت نواف زين.... المهم بعد نصف ساعه طلعت من الفندق ورحت للشقة لكن كان ذاك اليوم كله فرحة بالنسبة لي لأني أول مرة أشوف نواف قريب مني وعلى الطبيعة واستانست على أدبه وتواضعه اللي عهدناه عن كل هلالي......
كما لا ننسى زيارات نواف للمعاقين وآخر شيء زيارته لمركز الأورام (للأطفال) ومواساته لهم والتخفيف عنهم.,.....
فجزاه الله (بإسم كافة الرياضيين) كل الخير ... ونطلب من لجميع أن يحذوا حذوه.....
والسلام عليكم.......شاكراً ومقدراً......
خيّال..........
نواف 
الوضع العادي
