#1  
قديم 15/06/2007, 09:13 PM
زعيــم نشيــط
تاريخ التسجيل: 27/10/2006
مشاركات: 721
خطأ كبير قد يكلف الزعيم الكثير !!!!

بسم الله الرحمن الرحيم

ياشباب الخطأ الي بقول عنه هو مسألة المدرب
الى الان والاداره واعضاء الشرف لم يتفقوا
عن نوع المدرب هل يريدون مدرب يعرف الفريق والمنطقه
ام مدرب جديد يعد الفريق من جديد وهو لايعلم شي عن الفريق
والخطأ هو ان الهلاليون لم يحددوا نوع المدرب فاوضوا يوردانيسكوا
وهو يعرف الزعيم وفاوضوا مدربين لايعرفون الزعيم
فعلى الاداره واعضاء الشرف ان يدرسوا المرحله المقبله هل هناك وقت
كافي لجلب مدرب جديد ام ان الوقت لايساعد اتمنى ان تكون هناك دراسه
للمدرب القادم .

انا من وجهة نظري اتمنى ان يكون مدرب لم يدرب الهلال لكن يعرف
سبق ان درب سواء في المملكه او في الخليج ويكون ذو شخصيه قويه
ويجب على الاداره ان تعرف عن المدرب كل شي ولا يحصل مثل ماحصل مع سيريزو
بعد ان تعاقدنا معه اتضح انه يرهق الاعبين في التمرين .

يجب ان تعرف الاداره كل شي عن المدرب ويوفروا له كل شي اذا كنا نريد
العالميه .

يمكن يقول البعض الوقت قصير يجب احضار مدرب سبق ان درب الهلال
لكن انا بصراحه صرت متشائم جدا جدا من ان يدرب الهلال وهو سبق وان درب الهلال
والامثله كثيره مثل كاندينيو وباكيتا واوسكار وبلاتشي كلهم حققوا نجاحات كبيره
مع الهلال ولما عادوا فشلوا وانا تمنيت عدم حضور يوردانيسكوا رغم انه مدرب كبير
وحقق نجاحات كثير مع الزعيم .
وايضا يوردانيسكوا درب العين بعد الهلال ونجح ثم درب الاتحاد ونجح ثم عاد للعين وفشل واقالوه والمرحله المقبله لا تتحمل اقالات ويجب ان يكون المدرب القادم قوب شخصيه و جهاز فني كامل واداري جيد لنه وبختصار النجاح مشترك .

هذه وجهة نظري الخاصه واتمنى في ظرف اسبوع ان ينتهي امر المدرب والاداره .


نقاط سريعه صراحه انا من زمان مانزلت اي موضوع وفي راس اكثر من موضوع بختصره بنقاط :

* اتمنى في يوم يفاوض فيه الهلال لاعبين او مدربين بسريه تامه
بل في كل صحيفه وفي كل منتدى اتمنى من ادارة الاخبار ومن الاعضاء ان
لا يكشفوا عن عن الصفقات الهلاليه الا بعد الانتهاء منه مثل ماحدث مع التايب
السريه مطلوبه في مثل هذه المواضيع لانه فيه ناس اذا سمعوا ان الهلال فاضوا
لاعب تدخلوا ورفعوا السعر وهم ماهم في حاجة الاعب حتى لو كان الاعب سيلاني !!

* جوال الهلال اليومين هذي خارج التغطيه !

* كامل الموسى وجوده مهم في الزعيم لكن الياس بقائه مهم ايضا !

* رساله لبعض الجمهور الي من نوع نبي الاعب الفلاني والعلاني
يانس كلنا نريد كامل والقحطاني والعمري وهوساوي ومعاذ
لكن اسألوا انفسكم هل الانديه الثانيه ستتنازل عنهم واذا تنازلو عنهم
لكن بكم سيتنازلون سيطلبون ملايين ومع احترامي للاعبين مافيه احد منهم
يستاهل ان يدفع فيه الهلال اكثر من سته مليون . ( هذا رايي )

* اعتزل يالمفرج وارتح وريحنا والله ماقصرت ونحترمك لكن !!

* الامير عبدالله بن مساعد حين قال في الاخباريه ان انجازات سامي اكثر من انجازات
الاهلي النصراوين والاتحاديين اهتموا في الموضوع اكثر من الاهلاويين
الذين يعلم ان هذا الكلام صحيح وان التاريخ الايكذب وسامي الرجال مسافر وفي اجازه
ومتعبهم ياابو عبدالله ارحمهم شوي !!

* قناة الزعيم نلمس فيها التطور وهي بحاجه للوقت والاخوان مايقصرون
بس ياليت يشوفون حل لوضوح القناة واتمنى ان يخاطبو الاي ار تي
ويطلبون اشرطه المباريات احسن من التسجيل !

* بعض الجماهير تطلب من ياسر المستحيل ويعتقدون ان ياسر ساحر
ويريدونه ان يستلم الكره من الدعيع ويسحب ويجب قول تراه بشر
ويمر بمرحله ينخفض فيها مستواه ويرتفع وتذكر كلامي اذا ابدع ياسر مع المنتخب
راح نسوي شي في كأس اسيا واذا لازمه النحس بيطلع المنتخب من الدور الاول .

* العنقري- خليل - ت.الصويلح - المفرج -العتيبي - الخراشي -وغيرهم
يمكن يبدعون في غير الهلال !!


* جمهور الهلال دائما الايحترم الخصم ولنا الحق في لاذالك من مثل الزعيم
بس اتمنى ان نحترم جميع الفرق الي في البطوله الاسيويه .


* الوحده الاماراتي فريق جيد ونحترمه بس مقارنته بالهلال صعبه جدا
وشو جاب ال...... الى .......
ومقارنة اسماعيل مطر مع ياسر تذكرني بمقارنه الحارثي مع ياسر !!
وش جاب ال.... الى ....


اسف على الاطاله تحياتي .
اضافة رد مع اقتباس
  #2  
قديم 15/06/2007, 09:28 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
كلامك عين العقل أخــوي بس من اللي يسمع !!!
اتمنى تستمر بكتاابتك النيره والمفيده موب مثل بعض الاعضاء يكتب سواليف !!!!
اضافة رد مع اقتباس
  #3  
قديم 16/06/2007, 01:17 AM
زعيــم نشيــط
تاريخ التسجيل: 27/10/2006
مشاركات: 721
إقتباس
كلامك عين العقل أخــوي بس من اللي يسمع !!!
اتمنى تستمر بكتاابتك النيره والمفيده موب مثل بعض الاعضاء يكتب سواليف !!!!

مشكور اخوي على مرورك الجميل
اضافة رد مع اقتباس
  #4  
قديم 16/06/2007, 02:08 AM
زعيــم مميــز
تاريخ التسجيل: 12/02/2007
المكان: فحل في كل محل !
مشاركات: 1,539
إقتباس
* رساله لبعض الجمهور الي من نوع نبي الاعب الفلاني والعلاني
يانس كلنا نريد كامل والقحطاني والعمري وهوساوي ومعاذ
لكن اسألوا انفسكم هل الانديه الثانيه ستتنازل عنهم واذا تنازلو عنهم
لكن بكم سيتنازلون سيطلبون ملايين ومع احترامي للاعبين مافيه احد منهم
يستاهل ان يدفع فيه الهلال اكثر من سته مليون . ( هذا رايي )


ليت يسمعون الجماهير

وومشكوور وماقصرت سعود
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:06 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube