صبحكم الله بالخير ياشباب

بالبدايه ابارك لكل مدريدي الحفاظ على الصدارة
والي جت بولادة قيصيريه مستعجله
بس الحمد لله انها جت



وهاردلك لعشاق البارسا التعثر رغم ان المباراة بارضهم وبين جماهيرهم


هنا ماني متكلم عن الريال
ومباراته امس

ابتكلم عن السيناريو الكبيررررررررررر
الي مشت عليه احداث المباراه

مو معقول الكلام الي صار امس

جنون واي جنون رايت امس
مباراتنا مهمتان بدوري واحد فيه يتحدد المتوج باللقب بشكل كبير

المباراتين بوقت واحد

شخصيا
عين هنا
وعين هناك

عين على نستلروي
وعين على ميسي

وااااااااااااااه ياميسي ( اعجبني باستخدام ايده ... استخدام العقل احيانا يميز الاعب ) بغض النظر عن موضوع شاهدها حكم الرايه او ماشاهدها

صمت رهيب
قلوب ماتخفق الا ترقع او تطبل في تلك الفتره

البارسا تقدم
الريال تاخر

عشاق البارسا فالينها ضحك الحين ورسايل

بعدها

تعادل الريال
وتعادل البارسا

خل حقين الريال يتنفسون شوي وشباب البارسا يهدون السوالف شوي

رجعنا ياطير يالي

تقدم البارسا
وتاخر الريال

وجع يوجع العدو
مافيه وقت للريال ولا لاسبانيول

عشاق البارسا الحين يكملون بيالة الشاهي
ويعدلون الجلسه عقب الشد

عشاق الريال يحسبون سنوات االحرمان
وخسارة الدوري بعد الحماس

ان حق لي ان اشبه الوضع هنا

فاني ارى ان اثنين من الاشخاص
وغارقين في بحر ومامعهم الا خرطوش ( لي ) اوكسجين واحد

يبدا الاول بالتنفس ويدعي ان الثاني يموت علشان ياخذه له ويستطيع الصعود الى سطح البحر
والثاني يحاول جاهدا افتكاكه من الاول وينجح في ذلك ويتكرر المشهد باختلاف الادوار

اشبيليه كنت اتابعها على النت
ووالله اني تمنيت انه يفوز
لو ينهزم الريال مع تعادل البارسا
مثلكم خابرين حبنا للبارسا


جت اللحظات الاخيره
لحظات الهبال
الجنون
المستحيل
لحظات اقدر اسميها 18+ في عالم كرة القدم

لحظات
سنسمع بها في قصص الف ليله وليله من حيث حدوث كل شي عندما كان لاشي

الريال تعادل
اشوى
تبون الصدق كنت انظر الى التعادل كنقطه ايجابيه حتى لو فاز البارسا
باعتبار ان جمانيستك يكفيه التعادل ( انتم فاهمينها ليش اشرحها )

وانا احسبها وماهي الا ثواني
طلع شريط تحت
مكتوب عليه
برشلونه * اسبانيول 2*2

انا
اناظرها مره ثانيه
2*2

هنا ينقطع البث عن النقل في مجلس خوينا
مشاهد ممنوعه بثها
للعلم بيينا برشلونين و رياليين ومحايدين

على طول
اقلب القناه
لا لا ارجع
انقلع اقلب القناه بسرعه
واصر انا على متابعة البارسا

هنا كل عشاق الريال يصارخون للحكم
صفر ياحكم
صفر وجع صفر


وثواني كانت زي الساعات
كانت زي الي شارب كلوركس حق الغسيل ويتلوى وجع




ارجع بص بصه خفيف على الريال
انتهت
ارجع هنا ( للبارسا )
ثواني

3
2
1

انتهت
تعادل اشوى

شباب عطونا نتيجه اشبيليه بسرعه من النت

( قاعدين بسوق اسهم مهوب بمجلس خوينا )

ايضا تعادل

اااااااااااااااااااااااااااااااااااااااااااااااااااااااااااااااااااااااااااااااااه يالريال

البطوله استحت ان تتركك هذه السنه ياريال

بكل امانه

اثارة وجنون وتوقيت وروعه كرويه
شاهدتها ليله امس من الفريقين

كل الي عندهم ضغط والسكر والحوامل ( من الصبايا الاسبانيه العاشقات للفرقتين )
كان خطر عليهم مشاهدة مباريات امس

حمد لله
جت على مانتمنى

الله يعين طلاب البارسا ويوفقهم باختباراتهم اليوم

هنا وهنا فقط

اعلم انك تتذوق اثارة كرة القدم بكل نكهاتها

سوالي للاعضاء ....كنت تشاهد المباراه ... علمنا وشلون شفتها والشد الي صار معك ولحظات الجنون الي مرت عليك ؟

نفوتكم بعافيه


لسعه داب

تم هنا التطرق الى روعه الاحداث وكيفيه تورادها و ماصابنا اثنائها مبتعدين كل البعد عن يد ميسي او يد نستلروي او بلنتي ظالم و و و وذلك للابتعاد عن الشد بين الاعضاء .. امل عدم الخروج عن محور الموضوع ونسعد بقراءة ردودكم

الداب
الثعبان الازرق

اشكرك اخوي الثعبان على الموضوع الحلو

بنسبه لي كنت جالس رغم الخساره وفوز البرشا في تفائل الى النهايه

واخوي يقول لي بيجيب الريال التعادل واسبانيول التعادل اخر الدقايق

مع انه اخوي محايد لنه ميلاني بس يحب اللي يلعب احلى وهالسنه كان مع اشبيليه

من الخوف كنت جالس وواقف في نفس الوقت

يوم جاب الريال التعادل فجائه طلع الكلام اسبانيول التعادل نقزت نقزه مدري يمكن ضربة السقف ضحكت ضحكت منتصر


نعم اختارت الريال بأذن الله

اشكرك

فهد

هههههههههههههههههههههههااااااااااااااااي


انا ملكي طبعا

يوم سرقسطه جابو الهدف الثاني

كنت حاط المخده على صدري اشوفها تتحرك

مع قلبي وربي

قلت حرام بعد كل هذا التعب يضيع

في اخر الايام

انا من بدايه المباره كنت خايف من ثنين وهم

هلغيرا و يوسف سيف هلغيرا معروف السبب

وامس ما قصر هليغرا بلنتي ومع انه شوي مشكوك

و يوسف سيف اذا علق على مباريات الريال

دائما هو نحس وعلي محمد علي وش حلاته

من صار هو يعلق والريال بخير

على العموم مبروك مدريد وحظ اوفر يا اشبيليه << فريق عنيد بس الريال اعند


وحظ اوفر يا البرسا هذا الريال وايام انتهت بعد الليغتين الاخيرتين

لكن شيفرة الـ 30 اخيرا حلها كابيلو

وان شاء الله يحل شيفرة الـ 10 الموسم الجاي

هلا فهد

وصف واحد للاحداث فقط , بغض النظر عما حدث , مثلا اللي يتكلم على التحكيم يجد ان الفرق الاربعه اللي لعبت امس المباراتين المجنونتين تظلمت من التحكيم او ظُلمت بالاصح وذلك حسب كلام محلل الجزيره الرياضيه

الا اننا نرجع ونقول اكثر من كذا اثاره مافيه , وفعلا مع الدوري الاسباني المتعه مالها حدود , وفي نهاية الامر يجب على الجميع ان يقول للبطل مبروك بغض النظر عن اسمه .

هناك جانب ايجابي وهناك جانب سلبي

الايجايبي ان الدوري الاسباني لحاله هالايام وتقدر تشوفه على راحتك , السلبي ان اكثر الطلاب البارح ماذاكر ولانام الا متاخر

بالنسبه لي تابعتها وانا اقضم <<< فصفص طبعا

السؤال هنا ::

ماذا لو كانت المباريات في اوقات متفرقه ؟

مشكور يالثعبان بالفعل امس كانت ليله من نسج الخيال.....
لو اقولك الشعور الي صار امس ماتصدق بالنسبه لي يوم شفت الريال 2/1 ونستلروي تعب وبيكهام ايضا قلت الامل في اسبانيول حطيت المباراه وقعدت انتظر بس المشكله قلبي مع الريال وقلت خلني احط حطيت وماهي الا لحظات والا فان نستلروي زاحف على وجهه....ولكن قلت جبنا التعادل لكن باقي برشلونه حطيت على برشلونه ولقيت الكوره في وسط المرمى والله قمت اضرب على راسي واحاول اصحي نفسي هل انا في حلم لان هل من المعقول ان يحدث هالشي؟؟ولكن بالاخير ومن كثر الضرب تبين لي اني في علم ا ...
بغيت اقول مشكور يالثعبان على الموضوع...
ليله من نسج الخيال وما اروعك ياكرت القدم صحيح تقسى على ناس لكن تحن على ناس والحمد الله انها حنت لنا..
00تحيتي00
مره ثانيه مشكور الثعبان...

هاردلك للفريقين

والجولة ستحسم بالجولة القادمة

إقتباس ماذا لو كانت المباريات في اوقات متفرقه ؟

سينظلم فريق على حساب الاخر ..

اشكرك اخوي الثعبان على الموضوع الحلو


[

بصراحه اخوانا ماقصر..وانت قلت لامرضى السكر او الضغط..

الحمدالله ولاواحد منهم..

مدري كيف اوصف مباراة الامس..بوصفها لكم مثل ماحصل في المجلس عندي..

طبعا انا خارج السعوديه..ونقلو مباراة مدريد فقط..

كنت انا (برشاوي) وصاحبي(مدريدي)..

جاء هدف التقدم لاسبانيووول..صاحبي فرح..جا هدف التقدم لسرقسطه..اانا فرحت..

مباريات اعصاااااب..جاء هدف التقدم للبرشا...قمت رقصت على انغااام الفرح وان الليقا قربت..

لكن هذه الليقا الاسبانيه لمن لا يعرفها..

صاحبي قاعد يبارك لنا الدوري..وانا اقووول له شووف..

مدريد السنتين الماضيه كان يفوز اخر الدقايق بهدف..يعني يلعب خمس دقايق ويفوز ..مع

انه مافي مستوى في المباراة..بس هذه السنه غير..يقلبون النتيجه بمستوى..

وقلتله لامستحيل في عالم الكرة..البرشا تقدم في بداية الليقا..ومدريد ظهر في اخر الليقا..

واللي يستاهله حياخذه..قلي لا البطولة للبرشا..قلتله مافي مستحيل..الكرة تعطي الي يعطيها..

والهدف يجي في ثانيه..ماتدري..

وصدقت المقولة..تجري الرياح بما لاتشتهي السفن..في اخر الثووواني..ينتزع مدريد التعادل..بطعم الفوز..

ويحرز اسبانيوول التعادل بطعم الفووز هدية على طبق من ذهب لمدريد..

والتي ربما كان عرض مدريد لاسبانيول..اقوى من عرض البرشا لسرقسطه.. وجهة نظر..

عموما لانتخيل على ماذا ستصبح عليه الجولة الاخير..نار ياحبيبي نااار..

دمتم بود..

مشكور على الروعه

وانا صرحه كان على اختبار انجليزي

بس طوفت الاختبار وتابعت المباراه انا ملكي

ولله روعه وقيم اوفر للبارسا

نسيت ملاحظه بسيطه..

الي فيه حيل..يفتح كورة على مباريات اليوم او الامس..

ويشوف نتيجة مدريد وسرقسطه..والبرشا واسبانيول..ويشوف الي جابو الاهداف..

حيلاحظ حاجه رائعه..يمكن تستغرب شووي..

دمتم بود..:-)

ايييييييييه
ليلة امس وما ادراك ماليلة امس
ليلة عذاب وربي عذاب
كنت كل دقيقة اردد الثبات الثبات
بس الله يخلف
جابو اسبانيول التعادل
بس ماهزني لأن الوقت خلص والريال مهزوم
الين ما جابت الجزيرة شي كسر الظهر ودمر الأعصاب واشعل الدموع
الريال تعادل
صفر الحكم وابكا الملايين

.: هـ ا ذ ا حـ ا لـ ا لـ كـ و ر ة :.

مشكور على الطرح الحلو
والبعيد عن التجريح الي ماله داعي

تحياتي...

الليغا الافضل هذا الموسم بغض النظر عن البطل

إقتباس الرسالة الأصلية كتبت بواسطة الثعبان الازرق سوالي للاعضاء ....كنت تشاهد المباراه ... علمنا وشلون شفتها والشد الي صار معك ولحظات الجنون الي مرت عليك ؟

السلام عليكم

سلمت يداك يا الداب {فهد}

نرجع لسؤالك

اول شي يوم الريال ضد اسبانيول ..

انا كنت معصب على الاخر

في ملعبنا يا زلايب ومهزومين في الشوط الاول 3 ..



قلت خل اروح اروق مع ام بي سي اكشن

نهدي اعضابنا شوي ..

المهم رحت اشوف لوست خلص البرنامج ..


ارجع 3-2 اسبانيول

كفوو مدريد..

هذا المستوى

واللحين ما معي الا قوط بيبسي

وفشار غودي ذاك ..

اوكيه راؤول يجب هدف .. عاد اللحين تنقيز ..:p

عاد بعد هدف هيغوين ..

صراحة..شي

تقدر تقول طرت ..

تقدر تقول صرت مجنون ..

نروح لم ريكرياتيفو ..

الريال كان متقدم

ويلعب لعب ما عليه

وبعد الدقيقه 80 طلع فيه تساهل في الفريق

وانا بس ماسك(ن) راسي

وكل هجمه لهم مغمض

طيب يجيك واحد تقول لو انه بيليه

بكعب يسحب جاجو وراموس مع بعض ..

ويكسرونه

وبلنتي ..

الله يستر..

جووول لهم

طيب ما عليه متقدمين

يجيك العبد مره ثايه هدف في الدقيقه 89

عاد هنا انجنيت وطقيت نفسي .. :p

يجيك كارلوس في اخر هجمه هدف ..

هنا عاد ما قدر اقول الا انها كانت اسعد لحظة في حياتي ..

نروح للمباراة ضد سرقسطه

مستوى مقنع ..

ما عليه

اصابة بيكهام يمكن غير مستوى الفريق

ودخول هلغيرا المنحوس

يلمسها بيده

بعد ترقيص من ايمار ..

وبلنتي لهم


جوول

*** هلغيرا يا ****

بس احسن شي اسبانيول متقدم

برشا يجيب التعادل ..

نستلروي التعادل يا كبير ..

عاد احتفال وذب الكتاب ..

هدف باليد على الطريقه الماردونيه ميسي ..

لا تعليق !!

طيب خلاص نكمل

مل المباراة وجهي كذا ..

حرام هالهجمات ذي تضيع

نيستلروي يا كبير ..

الثاني

يعني ما عليه صار وجهي كذا ..

18 ثانيه فقط

جعلت الريال المتصدر

يا حبي لك يا تامادو ..

اووف عاد مادري سكران مادري مجنون مادري خبل


قاعد ارقص ومعي شال مدريد

ولا شوي يدخل ابوي ..

آووه آووه ..

عاد انا جلست واصرف ..:p

قال ما شوف هالفرحة في الهلال

قلت وش عرفك رح الملعب معي بس ... ;)

قال اقول قم ذاكر بس ..

سمعاً وطاعة

ولا شوي الحكم يصفر انواع الطرب عاد

انقز موقع كورة اشوف كم كم انتهت اشبيليه ولا تعادل

خلاص عاد ما اغني الا والصدارة ترى ملك المدريدي ..

وبكذا انتهت القصة

اسف عاد طولت عليكم ..:p

مدخل ريكرياتيفو واسبانيول في الموضوع ..

تحياتي..

لو فيه اغلاط املائيه سلكو..