" ياحظكم " عندكم اختبارات .. !! - نادي الهلال السعودي - شبكة الزعيم

الهلالي دائماً · #30 20/06/2007, 08:09 AM

هلا وغلا بالحبايب

ومعليش ع التاخير بس ترى السبب ابو طلال الله يصلحه هو وموضوعه المنسدح

الـمـشـاغـب

هلا وغلا سلطانوه ..

ومن جد انت فضيحة الا فضيحة شوي عليك وصدق نمر15 يوم قال انتبه منه تراه فضيحة
يبي يشب الشر بينهم خخخخخخخخخخ

المهم تراني رجعت النعال بعد الاختبار مومثل بعض اناس ما في امل يرجعون خخخخخخ

وبعدين انت ووجهك احس ان موقفك نصبة خخخخخخخ;)

وش اللي قمت بعد بداية الاختبار بربع ساعة ورحت دورت ولد عمك والين مالقيته وصحيته
وراح افطر بيض وشكشوكة ..
كل هذي الشغالات يبيلها يومين
لا تقول لي بعد كذا لحقتوا الاختبار خخخخخخخخخ

واما حركات المصارية والله ما ادانيها بس على نياتكم ترزقون ..
بس تقدر تقول حركات شامية خخخخخخخ

مشكور سلطانوه على تواجدك المتكتك ومشاركتك المأنتكه يالداج
والله يوفقك في اختباراتك وتجيب الاول ..

دمت بحفظ الله ورعايته ,,,

عفره

الله يحيك اخوي عفره ..
والله يعينك على لبس الشباشب ..

بس احرص انهم يكونون لون واحد ..

مشكور اخوي على تواجدك الجميل ..
والله يرزقك 100 من 100 يالغالي

ولو تستاهل ..
والله يعطيك العافية ,,,

فيغو 10

هلا وغلا اخوي فيغو ..
ومبروك توقيعك مع الانتر ..

رغم انك زعلت البلوي خخخخخخخ .. ;)
الله يعينك يالغالي على اختبارتكم
وان شاء الله تتوفق بنشبة منتازة ..

دمت بخير وعافية ,,,

عسيريه

هلا وغلا عسيرية مصرقعة خخخخخخخخ

الله يوفقك اختي بختباراتك وان شاء الله تجيبين نسبة عالية
وصدقيني والله انكم في وناسة ما تحسون فيها الا بعد التخرج

واما موقف الثانوي الله يسامحني على اللي سويته خخخخخخخ ;)
بس ترى الواحد في ذيك المواقف ما يفكر الا بالاختبار ههههههه

مشكورة اختي المبدعة عسيرية على تواجدك الجميل ..

والله يعطيك العافية ,,,

تغريد

هلا وغلا بالمبدعة تغريد ..

والحمد لله ان سالفة الشبشب ما صارت لك ايام الاختبارات
عاد من جد مشكلة خاصة لو كان البيت بعيد ;)
والمساجد ما فيها جزمات نسائيه خخخخخخخ

اما اني كيف دبرتها فاعتقد اني انفضحت ومو لازم اكعها كاش

واما الفطور والله سوا لي حوسة في حياتي بس الحمد لله عدت على خير ..

والله يوفقك وتجيبين A+ بس مثل ذاك الدكتور ما حصلش .. ;)
مشكورة اختي تغريد على تواجدك الجميل والمميز ..
ودمت بحفظ الله ورعايته ,,,

&عاشق التمياط &

هلا وغلا اخوي عاشق التمياط ..
والله يعطيك العافية على المشاركة والتواجد

ومشكور على كلماتك الحلوة ..
وان شاء الله تخلص الاختبارات وتنجح وتفلها ..

ودمت بخير وعافية ,,,

الهنوووف

هلا وغلا بـ المبدعة الهنوووف ..

وتره صدق حديقتي وان شاء الله بصورها لكم ..

اما المدير تراني امون عليه >>> كل يوم جايه في مشكلة خخخخخخخ ;)
والحمد لله المطاقة ما كان فيها ضحايا كانت مطاقة سلمية ..

والله اني مثلك احب اقوم بدري ايام الاختبارات بس ماهو حرص على الاختبار
الا ودي اتمشى وافطر وتحلى في ذاك الوقت الدجة خخخخخخخ

عاد مرة خربناها في الابتدائي وتواعدنا بعد صلاة الفجر مباشرة
ويجيني الوالد المدرسة وياخذني ويرجعني للبيت
>>> الامر لم يخلو من التصفيق خخخخخخخخ

اما عقب سالفة الشبشب اخاف يسموني حرامي المجلس العام
والله يكفيني شر الكناري خخخخخخخ

:p

وحلوه انك تدعي للدكتور بس بعضهم ما فيه رحمة لو تدي الى بكرة ..
عاد انا اكتب لهم ابيات شعرية خخخخخخخ>>> نصاب ;)

واما سالفة الحلاو والله يحق للبنات يحقدون عليك ..
والمفروض انهم يخذون الحلاو ويعطوك منه عشان تسكتين
وياكلون الباقي خخخخخخخ

مشكورة الهنوووف علىتواجدك وردك الجميل والمميز ..
والله يوفقك وتجيبين درجات سنعه ..

دمت بحفظ الله ,,,

...SoMe OnE...

هلا وغلا اخوي الغالي رماد الحرف ..
والله يعطيك العافية على تواجدك الجميل ومرورك الرائع ..

حقيقة اسعدتني كلماتك التي احطتني بها واتمنى ان اكون عند حسن ظنك ان شاء الله ..

وماشاء الله عليك أثرك راعي تفحيط خخخخخخخخخخخخ

حقيقة حتى الان مشكلة زيادة التفحيط قائمة في ايام الاختبارات
وكم من الشباب والاصدقاء راح ضحية هذه الهواية المميتة ..

اعتقد ان الفرق بينا الايام الماضية والايام الحالية
هي ان المفحطين كانوا قلة اما الان فصار كل من هب ودب يفحط

والله يستر من ذلك الامر ...!!

بس بصراحة سواق خويك شكله طارة خخخخخخ

أجل حكومه خخخخخخخخخخخخ

شكراُ لك اخي الحبيب رماد الحرف ..
ودمت بحفظ الله ورعايته ,,,

سالون

هلا وغلا اخي سالون ..
ومشكو لتواجدك ودوم ها الضحكة ..

والله يعطيك العافية على المرور ,,

بنت عز ماتنهز

اهلين اختي بنت عز ماتنهز ..

والله يضحك سنك بعد اختاه ..

ودوم هالضحكة والابتسامة

مشكورة على ردك وتواجدك الجميل ..

ودمت بحفظ الله ورعايته ,,,

leader-imf

هلا وغلا اخوي الغالي عبد الله ..

وحياك الله اخوي الغالي ونورت الموضوع ...
وما عن سالفة التاخير فكل تاخيره فيها خيرة خخخخخخخ

بس حلوه التصريفة هههههههههههه

ومثل ماقلت الله يعين الطلاب على اختباراتهم ..
وفي نفس الوقت يحظهم على الاوقات الحلوة اللي يقضونها في الاختبارات ...

مشكور يالغالي على كلماتك الجميلة ومرورك الرائع ..

ودمت بحفظ الله ورعايته ,,,

انت حبي 20

هلا وغلا اخوي الغالي انت حبي20

وتسلم على مشاركتك وتواجدك

والله يعينك على الاختبارات وان شاء الله تنجح وتصير الاول

بس بشرنا يالغالي ولا تنسى حفلة النجاح ..

دمت بحفظ الله ورعايته ,,,

ابو عابد 2004

هلا وغلا اخوي ابو عابد ...

وتسلم على مشاركتك وتواجد الجميل ..
ومن ناحية السوابق تراني سوابقي كلها حليلة على قد حالي خخخخخخخ ;)
واهم شي اني اللحين عاقل هههههههه

مشكور اخوي الغالي

والله يعطيك العافية ,,,

أول العنقود

هلا وغلا اخوي الغالي اول العنقود ..
والله يحيك يالغالي ومنورنا ياباشا مهندس ..

والله يعينك اخوي على الاختبارات بس وش اسوي المواضيع تحلو في ذي الايام .. ;)
عاد حتى وانا طالب اذكر اني ما اتحمس لكتابة المواضيع الا في ايام الاختبارات

واما موقفك من جد صعب والحمد لله ما قد صار لي مثلك والا كان جبت العيد
ومدرسكم وش حليله جزاه الله خير انه تعاون معك ..

وماشاء الله عليك وش بقيت للدوافير اجل 28 وانت ما ذاكرت الا نص ساعة
يعني لو مذاكر ساعة كنت حطمت الرقم القياسي ودخلت موسوعة غينتس ..

تسلم اخوي الغالي اول العنقود على مشاركتك الجميلة ..

وفقك الله الى كل خير ونجاح ,,,

ابو طـــــلال

هلا وغلا بك اخوي أبو طلال وتسلم على ها الطلة الحلوة ..

وترى موضوعك اسسسدح صورتك هو سبب تأخر في الرد ..
يا انت هبلت في العالم الله يصلح قلبك ...

بعدين الله يهديك ابو طلال ما بقيت صفة زينه الا وحطيتها فيني خخخخخخخ ;)
صراحة كذا بتحرجني وتخجل تواضعي .. :p

إقتباس


	هههههههههههههه يقالك بالتونه .. ضارب بالقرش ومخربها ( مفطح على غفله (

عاد ليته من حسابي الا قرش الوالد الله يحفظه ..

إقتباس


	هههههههههههههه تذكرت اول البزارين اذا تطاقوا .. يقعدون لهم ساعه وهم ( المس والمس ) .. طيب ( المس انت وانا المس ) عاد الجزوم منهم يقول هه . . ويحط اصبعه على كتف الثاني .. يجي الثاني ويخرب امها ويسوي نفس الحركه .. ويذن العصر وعلى المس لاتلمس ..

اقول ابو طلال لاتكون انت فلان ..!! خخخخخخخخ

قسم بالله نفس الحركات اللي صارت بحوش المسجد بس الظاهر انا كنت جزوم
يوم استدرجتهم داخل المسجد واستعرت عصا الخطيب ..

إقتباس


	ماشالله على ابوك .. حريص ... ابوي مره قلت له ترى المدرسه يبونك بكرا.. يوم شفته الظهر وهو يقول وين مدرستك ياثور!!! .. قلت له المتوسطه ال ... ( ..).. قالي هاه !!! متى طلعت من الابتدائيه ؟؟

ههههههههههههههههههههههههههه
خخخخخخخخخخخخخخخخخخخخخ
كككككككككككككككككككككككك

الله يرج ابليسك ابو طلال عاد تصدق صار لي مثل ها الموقف بس مع اخوي الصغير
رحت له الابتدائية ادوره وأثر ابو الشباب بالمتوسطة .. ;)

إقتباس


	ليتك قايل للمدير .. لا انا السبب ياحضره المدير .. ويصير فلم مصري .. كنك تضحي علشانه اتوقع اول تصرف من الوالد .. كوع .. هذي في التو واللحظه .. عاد ماعن الكفوف بس بالبيت

الا بعترف لك بشي بس لاتعلم احد !!!
بيني وبينك ترى الفلم الهندي صار بالطريق واحنا في السيارة انا والوالد
اللي صار ملاكم كل شوي جايتني لكمة خطافية ههههههههههههه

والمدير ما دخلني الا يوم شاف وجهي مفقع خخخخخخخخخخخخخخ :p :p

تسلم والله اخوي ابو طلال على تواجدك الجميل ورد المميز وذباتك الحلوة ..

والله يعطيك العافية ,,,

جراح الهلالي

هلا وغلا اخوي الحبيب جراح الهلال ..
والله يحيك يالغالي نورت الموضع ماي فرند العزيز ..

وترى الحلقة الثانية في الصفحة 2والثالثة في صفحة 3 تلقاه بين الردود ..

واما المدير لاتلومه بصراحة كنت مسوي له قلق فخله يبرد قلب ههههههههه:p
وبعدين والله هو ماقصر سوا لنا عزيمة بمناسبة التخرج في هرفي
بس خويانا مسكت معهم على الفول والشكشوكة

الله يوفقك اخوي جراح الهلال وان شاء الله نفرح بخبر نجاحك بتفوق

ودمت بحفظ الله ورعايته ,,,

FreakouT

هلا بك اخوي الغالي FreakouT ومنورنا ياباشا

وترى علوم الرجال ماتجي الا اذا فيه جريات خخخخخخخخخخخ

ومن ناحية عنوان الموضوع لازم تتقبله بروح رياضية خخخخخخخخخ:p
وسالس سانوي من جد هم وغثا والله يعينك عليها وان شاء الله ما تجيب العيد ابد

وبعدين الله يصلحك ارفق على النت ولا تحط كل حرتك فيه وش مسوي لك المسكين ;)

تسلم اخوي على تواجدك الجميل ..
والله يعطيك العافية ,,,

العنا

هلا وغلا بالعنا وياباشا نورتنا

ويحظك معهم يالعنا

وبعدين اختبارات بدون حظ يعني بتجيب العيد

والله يستر من بردايمك احس انه رايح فيها خخخخخخخخخ

مشكور العنا تواجدك والله يعطيك العافية ,,,

^^^^^^^^^^^^^^^^^^^^^^^

شكرالكم احبتي جميعاً والله يعطيكم العافية ,,,