12/06/2007, 08:18 AM
|
 | مشرف منتدى الجمهور الهلالي | | تاريخ التسجيل: 20/01/2002 المكان: وسط المعمعه
مشاركات: 12,893
| |
بسم الله الرحمن الرحيم
" ياحظكم " عندكم اختبارات .. !!
3/3
أولا أحب أشكر كل اللي مروا وتكرموا علي بتعليقاتهم وذباتهم خاصة الكناري 
واهديهم الحلقة الأخيرة من المواقف (( والتي تثبت أنني غير داج ))
ولي عودة إلى جميع الردود ان شاء الله ;)
وأما الآن فسنبحر سوياً إلى قصتي العجيبة في المرحلة الجامعية .. 
فإلى هناكــ ,,,
,
’
بداية ودي أقول إني في الجامعة تغيرت وعقلت إلى درجة كبيرة 
مع وجود بعض الحالات الشاذة من نفحات الماضي .. ;)
المهم كانت علاقتي بالجميع من دكاترة وطلاب منتازة ..
وبحكم أن طلاب دفعتي في الكلية داجين
صرت أنا ولله الحمد اعتبر دافور ومثال للطالب المجتهد ..
وكان في دكتور يقدرني بزيادة لان ما في احد يتفاعل معه ويشارك إلا أنا ..
وماعنده الا ماجد وين ماجد تعال ياماجد والنعم بماجد
إلى درجة ان بعض الطلاب حقدوا وبدو يغيرون مني اما انا فأنواع الإحراج !!
وفي نهاية الفصل حدد لي الدكتور المطلوب من المادة في الاختبار
وقال للطلاب اللي عنده استفسار يكلم ماجد هو عارف كل شي ..
ويوم الاختبار النهائي لمادته مرضت وكانت حالتي حاله 
إلى درجة ما قدرت أرد على الجوال اللي حولته على واحد من الشباب
وعطيته المطلوب في الاختبار يوصله للزملاء وأنا حطيت راسي .. 
وما قمت إلا الفجر وما ذاكرت أبد .. وروح لبيت صديقي وأنقنق معه شوية مذاكرة
بعدها رحنا للجامعة سوا ..
دخلت الاختبار وحليت ولله الحمد بس كان حلي مش ولا بد وكان واضح إني فاهم بس مش مذاكر
وبعد الاختبار رجعت البيت وحطيت راسي إلى الظهر
ويوم قمت لصلاة الظهر فتحت الجوال لقيت رسالة من رقم غريب مكتوب فيها:
" اتصلت عليك ولم ترد المرسل : أخوك / فلان الفلاني (دكتور المادة ) " 
وبعدها رسالة ثانية من نفس الرقم مكتوب فيها:
"عطيناك اقل من حقك100من 100 ألف مبروك وعقبال الدكتوراه "
أنا انلحست وتوقعت انه مقلب من واحد من العيال لأن الدكتور ما يعرف رقمي ولا عمري عطيته اياه !!
فتصلت على واحد من الشباب مشهور بانه ينشب للدكاترة
وقلت له عندك رقم الدكتور فلان قال ايه وعطاني نفس الرقم ..
وكلمت واحد ثاني وعطاني نفس الرقم ..
عاد انا قسم بالله أنواع الإحراج وبالتأكيد مافي حل إلا إني اتصل عليه
واشكره .. وبعد صلاة العصر من نفس اليوم دقيت على الدكتور ولا رد
وبعد ساعة دق علي ورديت عليه على استحياء ... 
طبعاً في البداية اعتذرت له عن سوء الحل بسب مرضي فقالي : صحيح إجاباتك ما كانت نصاً
لكن كلها صحيحة وأنت تستاهل 100 واكثر ...
وفي نهاية المكالمة قالي في احد من اصدقائك تبي اعطيك درجته ..
قلت لا ابد والله ماودي اكلف عليك .. لكنه لزم علي وهو يدري ان في واحد
من الطلاب أنا وياه أكثر من أخوان (قلب).. فعطيته اسمه ( عبد الله ) ..
فقالي الدكتور اللحين بصحح ورقته وأرسلك الدرجة .. 
بعد نص ساعة تقريباً وصلتني رسالة من الدكتور تقول عبد الله 95 درجة ..
طبعاً ابو عابد ماقد اخذ 95 وانا ماعمري اخذت 100
وعلى العموم كانت هذي اول مرة وآخرة مرة اجيب فيها هيك درجة .:p :p
وفي ختام هذه الحلقات اعتذر للطلاب والطالبات ألي يختبرون وغثيتهم
بها الموضوع في هذا الوقت .. بس قسم بالله في هالايام كلش له طعم خاص
حتى النشرة الجوية في القناة الأولى 
سواء عند الطلاب أو غيرهم .. ولا تسألوني ليه ..
وفق الله جميع أعزائنا الطلاب والطالبات في اختباراتهم
وأسأله عز وجل أن يرزق الجميع النجاح والتوفيق في حياتهم العلمية والعملية ,,,
ودمتم في حفظ الله ورعايته ,,, |
الوضع المتطور
