تعطـل الهاردسـك لـدي وأريـد الحلـول - نادي الهلال السعودي - شبكة الزعيم

الهلالي دائماً · #1 05/06/2007, 08:02 AM

بسم الله الرحمن الرحيم

السلام عليكم ورحمة الله وبركاته

يالربع الأجاويد ..

من أين أبدأ قصتي وحكايتي ..
>> اقول اخلص تراك في منتدى الكمبيوتر

يا اخواني .. قدر الله علي قبل يومين إن الكهرباء تنقطع وأنا جالس على جهازي >>> من خفك الحين تجلس على الجهاز :p

أقصد اني جالس ( أشتغل ) بجهاز الكمبيوتر ;)
ويطفي الجهاز ويوم جيت ابي أشغله بعد مارجعت الكهرباء
ما اشتغل !!!

عرضته على كبير مهندسي الحارة ( مهندس عمران )

وقال لي : ان الويندوز مال أنا خربان .. وهاردسكي راح في خبر كان ..

قلتله : تكفى ياعمران .. قل لي انك غلطان ..

قال : انت في يروح بيل غيتس هو في كلام سمسم ..

>>> أخص يالثقة .. ;)

في هذه اللحظة صرخت بأعلى صوتي .. وااا نكبتاااه ..!!

ذكرياتي الجميلة ذهبت أدراج الرياح

قصائدي الذهبية دفنت في مهدها .. :p
صوري في أدغال أفريقيا وجبال أوروبا وشواطئ أمريكا وصحاري آسيا اختفت ;)
مقاطع ابو يعقوب ولقطات زيدان وقصائد ابو علوش ذهبت
البرامج والالعاب التي حملتها منذ زمن مسحت

تصاميمي المميزة انقشعت >>> هذي فقشة كبيرة

في تلك اللحظة قلت لعمران وش الحل ؟؟
قال جيب هاردسك جديد ..!!

وركبت الهاردسك الجديد وفتحت الجهاز وصدمت يوم شفت سطح المكتب فاضي

[IMG]

[/IMG]

وطابت نفسي من الكمبيوتر والنت والدنيا كلها ومن القهر جلست ألعب سولتير
>>> يا قدمك

[IMG]

[/IMG]

باختصار أحبتي ها أنا اقف أمامكم بهاردسكي القديم
طالباً منكم أن تمدوا لي حبل الأمل .. وتلبسوني طوق النجاة ..
حتى نبحر سوياً في عالم الحب ..

علماً بأني أستقبل تبرعاتكم العينية والمعنوية ..

والله يرعاكم ,,,

alhawey · #2 05/06/2007, 09:13 AM

هلا وغلا بابومقبل

لا حول ولا قوة الا بالله ، بديت أرحمك

بس ما عليك ولا يمهك

ابكتب لك قصايد بدال اللي راحن وأكزهن لك

ومن ناحية صور أوربا ما عندك مشكله ، أروح انا واياك عقب صلاة الظهر لحقدية جبل ابومخروق بالملز ونصور ألبوم كامل

بس جب معك شنطة ملابس علشان كل شوي نلبس تكميله غير

قدم شكوى على شركة الكهرب ترى يعوضونك ، أنا مره صار لي مثل أنت وعوضوني بـ400 ألف دولار بس اني سلفتهن واحد

ودي أخدمك بس خبرك حدي تشلسي بالبلايستيشن

فماااان الكريم ،،

المستشار · #3 05/06/2007, 09:43 AM

هلا والله بأديب وخنفشاري المجلس

بصراحه غريبه بعد مايطفي الكهرباء يخرب معك الهارديسك

لأنه اذا كان فيه خراب راح يكون في الباور سبلاي

لانه هو الي يوصل الكهرباء للقطع الي داخل الجهاز

واذا كانت فيه كهرباء زايده تصير الضربة براسه

على العموم افظل حل حالياً : انك تجرب الهارديسك عند محل ثاني

أو فيه طريقة اخرى وهي تشبك الهارديسك مكان السيدي روم

وتشغل الجهاز وتشوف يشتغل ولا لا

واذا مااشتغل معك ممكن بعض البرامج تستعيد الملفات منه

لكن تعتمد على مدى العطل في الهارديسك

وان شاء الله ماتحتاج البرامج لأني بصراحه مااتوقع الهارديسك فيه عطل

إنســـــــــان هلالي · #4 05/06/2007, 10:13 AM

الله يعـوضـك إن شاء الله .. بس أنا أعرف كل كمبيوتر فـيـه فيـوز تحميـه مـن الحـوادث

اللي زي هـذي .. وبعـدين إذا بيصير شيء المفروض المذبورد مـو الهادريسك ؟!

الله يعـوضك .. تحيـاتي ..

عاشق ســ6ــام · #5 05/06/2007, 05:09 PM

اهم شي العنوااااااااااااااااااااان

الله يعينك ام شي القصاايد وانا اخوك حقتك الي قطعت قلوب العذاء

راحو سكر زبادي معها

شلون تكتب قصايد وانت تحطمت يالله خساره للساحة التفحيط قصدي الشعر

على العموم يتربا في عزك الهاردسك الجديد ومنك المعلومات و منه الحفظ

<<< بيتمحط

F I N A L · #6 05/06/2007, 05:23 PM

هلا وغلا بالغالي ماجد

حسب خبرتي في مجال الصيانه :

ركب هارد ثاني في الجهاز وخله - ماستر - أي الأساسي
والهارد القديم خله - سليف - أي ثانوي

وإن شاء الله يشتغل معاك وإذا ما اشتغل
اسمع نصيحه الغالي ( alhawey )

M O U R I N H O · #7 06/06/2007, 05:11 AM

:: عنـوان الموضـوع ::

1. يمنـع منعـاً باتـاً وضـع عنـوان غيـر مفهـوم مثـل[ طلب بسيط ، ساعدوني ، الفـزعة ... الخ ] . وانما احـرص على وضـع عنـوان يُبيـن محتـوى الموضـوع .

مثـل هـذه العناويـن قد لا تجعـل العضـو يدخـل الموضوع للمسـاعدة ، كذلك ستشـوه منظـر المنتدى بشكـل كبيـر جـداً

وبنــاءً على هـذا تم تغييـر عنـوان الموضـوع .. وعليــه أرجـو الانتبـاه لهـذه النقـطة في المـرات القـادمة

قوانين وأحكام منتدى الكمبيوتر والإنترنت

الهلالي دائماً · #8 06/06/2007, 08:56 AM

هلا وغلا اخو قلبي

وتسلم ياالهاوي على فزعتك ..

وانا بنتظار قصايدك .. ;)

اما روحة جبل ابو مخروق في الظهر خاصة يوم الجمعه

تعوض عن صور العالم كله ههههههههههههههههه

وتسلم لي على مشاعرك الجياشة واحاسيسك الفياضة

وكن بخير ,,,

^^^^^^^^^^^^^

هلا بخوي الغالي المستشار ..

والله يحي تقنينا الرائع والغالي ..

ومن ناحية السالفة والله اني مستغرب واشك في عمران

بس المشكلة انه صار صديقي ومقدر اصفقه هههههههه

عاد انا اخذت الهاردسك القديم وبوديه محل ثاني

ويارب انه يقدرون يصلحونه ...

ومشكور اخوي المستشار على دعمك المعنوي والعيني ..

^^^^^^^^^^^^^^^^

هلا بك اخوي الغالي إنســـــــــان هلالي

والله يعطيك العافية على ردك ..

وما اعتقد جهازي فيه شي يحميه لكن مازال الامل موجود

الله يعوضنا خير ومشكور تواجدك وردك

دمت بخير ,,,

^^^^^^^^^^^^^^

هلا وغلا اخوي عاشق ســ6ــام

روح ياشيخ جبرت بخاطري الله يجبر بخاطرك

وعلى طاري الزبادي بالسكر جرب جبن كيري بسكر وبتدعيلي ;) ;)

الله يرزقنا وايام الذرية الصالحة والبرامج الزينة

ودمت بخير ,,,

^^^^^^^^^^^^^
هلا وغلا اخوي الغالي ن و س 7 7 0

أثرك خبير في الصيانة

ليش ما قلتلي من زمان ;)

بس المشكلة ان الهاردسك القديم ما اشتغل أبداً

ومالهل الا اقتراح الهاوي

تسلم يالغالي

^^^^^^^^^^^^

مشرفنا العزيز والغالي رونالد10ينو

مشكور يالغالي على التنبيه وتصدق اني قريت القوانين قبل ما انزل الموضوع

خفت أجيب العيد مثل اللي جابوه في منتدى العالمية

بس ما اتبهت الى ها الفقرة ...

وحقيقة اشكرك واعتذر عن العنوان الغير مناسب ولا تشرهون علي ترى اول مرة اجي هنا

دمت بخير والله يرعاك ,,,