السلآم عليكم و رحمة الله و بركاته

وشلونكم ... طيبين ... وشلون اختباراتكم

سلمكم الله .. اثناء فترة الاختبارات و انا ما شاء الله علي منهمك بالمذاكرة ;)

مر علي شريط الذكريات ... و يجي ببالي موضوع أخونا المشاغب (( خلاص معاد لي صاحب ... )

و يجي ببالي قصة اللي غيرت مجرى حياتي 180 درجه

هذه القصة لها سنتين تقريبا

كنا أصدقاء على الحلوة و المرة كنا مجموعة من الأصدقاء ... مرت علينا ايام حلوة و ايام شقيه

بس ماحد كان شايل على الثاني

في صباح يوم الأثنين (( متذكر الى اليوم هذاك اليوم الأسود ) ... شغلت سيارتي و رحت للجامعة و انتهى دوامي الساعة 12 ظهرا :p ... و اتصلت على احد الأصدقاء (( أحد أفراد تلك المجموعة )) قلت له وش رايك نتغدا مع بعض . وافق ... و بعدها تقابلنا و قال ابي احط سيارتي بمكان آمن و اركب معك قلت تعال وراي انا اعرف مكان

جاء وراي و انا ادخل في حارتنا و بيني و بينكم كنت مسرع

و مع ثاني تقاطع و يخش الشارع هذاك الغشيم و انا اشيييييييييييييييييييييييييييييييله

و تروح سيارتي تشليح .... و اللي رفع سبع و طمن مثلها اني اخر شئ اتذكره يوم ادعس فرررامل و شوي الا الـ air bag بوجهي و ما قمت الا خويي اللي وراي يقومني يقول فيك شئ

عاد انا ماحس وش سويت بس خويي هو اللي يقول اللي سويته ... يقول اني مسكت الغشيم و اصكه مع خشته هذاك الكف >>> اخس يا النمر المقنع :p

و انا اتصل على الوالد و ابلغه و هو بدوره علم الوالده

جاء ابوي لموقع الحادث و قال التأمين اللي معك وينه طلع منتهي التأمين له يومين بس

قال الوالد انا تأميني ساري

جاؤوا المرور و كتبوا تقرير ... يوم سأل االلي صدمني (( جنسيته فلسطيني )) قال منهو اللي صدمك قال الابن ما هو الاب قال ابوي ياخوي ماهي فارقه انا اللي بتحمل تكاليف الخسائر بس خلها انا على اساس استفيد من التأمين ;) ... رفض الفلسطيني و قال الابن هو اللي سوى الحادث >>> منقهر من الكف اللي صكيته

قال العسكري (( يسأل الشهود _ طبعا الحادث قريب من المنزل على شان كذا عيال الحارة كلهم موجودين . و من ضمنهم صديقي اللي جاء معي _) سألهم العسكري قال من اللي كان يسوق السيارة و يقولون هم بصوت واحد ألاب ههههههههههههههههههه كلهم كارهين الفلسطيني

كتب التقرير ان عليه 75% من الخطأ و انا 25% .... طلب الاستمارات ... و حدث شئ ما حسبنا حسابه

سيارته باسم (( فلان بن فلان آل فلان ;) ) لأن الفلسطيني كان يشتغل عند طويل العمر ....و العسكري قام تنافض

و هو يقلب علي انا قال لا كلكم الى المخفر >>>> شفتوا وشلون


رحنا للمخفر و صار القرار النهائي 50% اثنينا ...............

انتشر الخبر سريعا (( لو هو زين مانتشر )) و اتصلوا اصدقائي ...

جلست أسبوعين ماحد يتصل علي من أصدقائي و لا أملك سيارة و لاشئ و ما يتصل علي إلا اثنين بس ( اخوان بعد هم )

و اتصل على الاصدقاء و قلت وش فيكم ما تتصلون قالو لي بالحرف الواحد (( من متى نتصل عليك ))

يعني يوم فقدت سيارتي خلاص ما مني فايده ماهو قهر (( للمعلومية ما يمتلك سيارة في الشلة الا انا و الأخوان اللي سبق ذكرهم :p ))

الحمد لله و الشكر شرى لي الوالد الله يطول بعمره بعد الحادث بـ 27 يوما سيارة

و طنشت الأصدقاء اللي انكروا صداقتي بمجرد فقداني شئ هم كانوا يستغلونه

و انا الآن مرتاح و لله الحمد

و الله يجزا الجميع على قدر نياتهم


و اعذروني على الإطالة


و شكرا