مـاطر الحربي * نـافل التمياط نجـوم زرقاء قادمه انتظروهم - نادي الهلال السعودي - شبكة الزعيم

الحــوت&الازرق · #1 04/06/2007, 08:10 AM

صــباحكم خير و زعآآآآآمـه

وهارلدكمـ على الخسآرهـ ..

والهلال ياما فرحنـا واسعدنا ورفع روسنا للسمـآ

ولا نسيتوا يازعمآء ...!!

وخسارة بطوله مو نهاية المطاف ...

"

"

خلونا في المهم وندخل في الزبدهـ

ياشباب في مواهب في الرياض والله غريبه محد يتابعهم

مواهب بمعنى الكلمه ...

نـافل التمياط و مـاطر الحربي ابرز مواهب مدينة الرياض

واللي يبي يشوفهم

يدرسون في ثانوية الامام الجويني في البديعه ...

ولاتنسون ان ثانوية الجويني تخرج منها محمد الشلهوب

وانا مهتم بالاثنين هذول كثير .. لأسباب

1 - بحكم معرفتي فيهم من زمان

2 - ميولهم هلاليه ويعشقون الهلال لحد النخاع

والله انهم مواهب وفلتـه ماشاءالله عليهم

واللي تابع دوري الحواري في رمضان هذا العام

اكيد سمع عنهم ..

ماطر الحربي يلعب في قلب الدفاع ويملكـ رجل يسرا متميزهـ

ولاعب قيادي وحماسي وحصـل على جائزة الهداف في احدى دورات

مدارس منطقة الرياض برصيد 6 اهداف رغم انه مدافع 4 اهداف سجلها من كرات ثابته

ونافل يلعب وسطـ متحركـ وماشاءالله وربي هالولد يذركني بنواف يوم كان بعزهـ

شعلة نشاط لاتنطفئ ومستحيل تقطع كورهـ منه مهاري بمعنى الكلمه

وصاحب تمريرات قـآتله وباصات ملعوبه وزملائه في المدرسه والحارهـ

يلقبونه بــ ( كاكا ) ونـافل وماطـر اعمدهـ اساسيه في منتخب ثانوية الجويني

اتمنى من الادارهـ الهلالية انهم يهتمون بالاثنين هذول

لأني تأكدت بنفسي ان في ناس من نادي النصر متابعين لهم وبشدهـ

وفي امكانية انهم يسلجون في نادي النصر اذا ما احد تحركـ من نادي الهــلآل

واقابلهم بشكل يومي في الحارهـ وقالولي ان في ناس من النصر فاوضوهم ...

تكفــون ياشباب اللي له معرفه في ادارة الهلال

يعطي الادارهـ خبر .. وانا اقنعت الحربي و نافل انهم يروحون الهلال

لكـن اتنمى يتساهلون معهم في عملية التسجيل ومايعقدونها ..

تكفــون لايروحون على الهــلآل وربي خسااارهـ خساااارهـ ..

عبدالعزيز بن لؤي · #2 04/06/2007, 08:45 AM

الله يكتب اللي فيه الخير
وياليت يوصل كلامك للمسؤولين

E S S A · #3 04/06/2007, 08:51 AM

عندي واحد بس اصبرله

الــقـ الأزرق ـلم · #4 04/06/2007, 10:54 AM

طيب يروحون للنادي مو ظروري النادي يجيهم ... يروحون ويسألون عن فتره التسجيل والطريقه و ... و..... .

والله يوفق ......

الحــوت&الازرق · #5 04/06/2007, 05:39 PM

عــبدالعزيز

مشكوور على المرور

ومثل ماقلت الله يكتب اللي فيه خير

وان شاءالله يكونون من نجوم الهلال في المستقبل

مـع الفريدي والكلثم وغيرهم

الحــوت&الازرق · #6 04/06/2007, 05:41 PM

عــيسى

اذا تعرف احد تكفـى وانا اخووكـ كلمهـ

ومشكوور على المرور

الحــوت&الازرق · #7 04/06/2007, 05:42 PM

القـلم الازرق

انا كلمتهم انهم يروحون للنادي بنفسهم

بسـ لازم تكون فيه متابعه للمواهب وخصوصاً

انهم صغار في السن نـااافل ومـاطر اعمارهم 17 سنه

والله يوفقهم يارب ونشوفهم نجوم في الكرة السعودية

وانا متأكد وا أراهن عليهم وتذكرو كلامي

انسان عادي · #8 04/06/2007, 05:49 PM

يالت الي يعرف احد في الادارة يفيد الرجال

تفاريس 5 · #9 04/06/2007, 06:05 PM

في اي ملعب حواري يلعبون اللاعبين

R@K@N9 · #10 04/06/2007, 06:29 PM

طيب يروح النادي