22/06/2007, 07:41 PM
|
 | استشاري سابق بمنتدى الرياضة العالمية والعربية | | تاريخ التسجيل: 31/03/2006 المكان: الـ..ـريـ..ـاض
مشاركات: 4,925
| |
السلام عليكم .. فيه نقطه بتكلم عنها بعد إذن الشباب كلهم ..  الرابطه نايمه نوم غير طبيعي .. كنا نتعلل ونقول الاختبارات سبب هالخمول .. ونحاول نلمِّح لبعض الاعضاء الله يهديهم انهم يلتزمون قوانين الروابط عشان ترجع الرابطه مثل ماكانت وأفضل . الهدف الرئيسي من تجمعنا هنا بالرابطه هو معرفة اخبار واوضاع المان ومناقشتها حسب شروط روابط الانديه العالميه ( إضغط هنا ) . لكن تحوَّل هالهدف .. أو بمعنى أصح أُلغي .. وصارت الرابطه شات 100% .. اللي يقول ياشباب انا بطلع بتطاق مع واحد !! واللي يقول حتوحشني !! واللي بيلعب سوني !!.. و ..و إلخ .. بطبيعة الحال حنَّا مانقول الوضع يكون رسمي .. وجدي 100% .. والكتابه باللغه العربيه الفصحى .. وشروط تعجيزيه .. فقط نبي الواحد منكم يتقَيِّد بشروط الروابط .. إلين يعرف الوضع هنا وبعدها يعرف كيف يخرج عن الشروط في فترات معيِّنه بدون ما يسيء للرابطه . مانبي نخسر الاعضاء اللي انظموا لنا .. لكن في نفس الوقت مانبي نكسبهم ونخسر اعضاء الرابطه الكبار .. وبعدها نخسر الرابطه .. مافيه احد ما يخطيء .. ومن اللي حواليه يتعلم الصواب .. انا استفدت كثير من كل اعضاء الرابطه ومازلت اتعلم منهم الكثير .. فأتمنى بعد من الجميع يستفيد من الرابطه واعضائها بالشكل الصحيح . واللي يشوف ان شروط الروابط تعجيزيه فأتمنى انه ما يهدم هالرابطه الكبيره اللي بنوها الاعضاء و اللي هي امتداد لكم رابطه افتتوحها الشباب وصارت من افضل الروابط قبل ما اعرف انا وش الروابط ووش النت . مافيها شيء الواحد اذا كان اخطأ يعتذر .. ويكمِّل على حسب الشروط .. فالرابطه للجميع بوفق الشروط .. ماودنا نشغل المشرفين في مشكله مثل هالمشكله هذي اللي بإذن الله بتنحل بشكل ودي .. للمره الثانيه اقول .. ماتكلمت إلا عشان مصلحة الرابطه .. واتمنى يعذروني الشباب .. ^ ^ هالكلام ذا طالع من القلب و كاتبه وانا مستعجل فـ أكيد بيصير فيه اخطاء اعذروني عليها .. فمان الله .. |
أقول أنت لو تاكل كبر راسك وتسكت أصرف لك 
الوضع العادي
