بسم الله الرحمن الرحيم

يا شباب وش موضوع تفاريس ؟؟ هل الخبر اللي قرأته قبل شوي صح ولا لا

انا قاطعت كل شي بعد الهزيمه الاي ار تي ما اشتغلت بعد الهدف الثاني في مرمى الهلال

القناة الرياضيه السعوديه حذفتها
الجرائد قاطعتها

اليوم اللي فقت من االصدمه ودخلت المنتدى وتفاجئت بالخبر اللي نزل علي كالصاعقة
الخبر اكيد ولا لا
طيب ليش
اذا الاداره ما تبيه حنا نبيه
افتحوا المجال لنا كمحبين واحنا نشتري بطاقته الدوليه بس تكفون لا يروح
خسرنا السنة هذي خسائر كثيره معاد فينا نتحمل خسائر اكثر
خمس بطولات خسرناها وكلها فدا راس الامير المحبوب محمد بن فيصل وتفاريس
سمعت ان محمد بن فيصل بيستقيل ؟؟
والحين قرأت ان تفاريس خلاص الهلال استغنى عنه والله هذا الخبر هو القشه التي قصمت ظهر البعير تكفون لا يرحل
معاد فينا نستحمل صدمات
نفوق من صدمه ونتفاجئ بصدمه ثانيه

اللي ابي اعرفه الخبر هذا صح ولا لا
واذا الخبر صحيح هل بالامكان اننا كجمهور الهلال نساهم في تجديد العقد

افيدونا افادكم الله

للرفع

بس ابي احد يأكد لي الموضوع صح ولا لا يعني تفاريس الموسم المقبل هلالي ولا لا

لاني معاد انا فاهم اي شي اعضاء يقولون رايح واعضاء يقولون جالس وش الموضوع ؟؟؟

لا ان شاء الله ماراح يروح ..


قدم له عضو شرف بارز مبلغ 800 الف دولار ..


وان شاء الله بيبقى بالزعيم ..




لك التحيه

ان شا الله بيقود دفاعنا فالاسيوية

الله يبشركم بالخير والله تو الواحد ارتاح
لاني بصراحه معاد انا ناقص صدمات اكثر وخاصه بعد صدمة استقالة الامير محمد بن فيصل

الله يستر

شف ياخوي جابوا معه مقابله في الام بي سي وكان يبكي ويقول هذي اخر مباراة
لي مع الزعيم.....
اقسم بالله يوم سمعته ضاعت علومي والله مادري ابكي ولا وش اسوي
صاعقه هالخبر ....


يعني خسارة الدوري كوم وانه بيروح كوم ثاني......
لكن الحمدلله سمعنا ان فيه امل كبير انو يجدد والله اذا جدد لااعزمك في احسن مطعم
في المملكه......


روح ياجنرال والقلب داعيلك....

لا إن شاء الله ما يروح وأقل شي التجديد 6 شهوووور

إقتباس الرسالة الأصلية كتبت بواسطة زعيم plus شف ياخوي جابوا معه مقابله في الام بي سي وكان يبكي ويقول هذي اخر مباراة لي مع الزعيم..... اقسم بالله يوم سمعته ضاعت علومي والله مادري ابكي ولا وش اسوي صاعقه هالخبر .... يعني خسارة الدوري كوم وانه بيروح كوم ثاني...... لكن الحمدلله سمعنا ان فيه امل كبير انو يجدد والله اذا جدد لااعزمك في احسن مطعم في المملكه...... روح ياجنرال والقلب داعيلك....

اخوي زعيم plus
والله والله والله ان الرجل هذا مخلص لشعار الهلال اكثر من بعض ابناء النادي لدرجة اني صرت اشك انه برازيلي والله المتابع له يتوقع انه تدرج في نادي الهلال حتى وصل للفريق الاول

وكلنا نتذكر اللافته الطيبه الموسم الماضي بعد ما احرز الهلال البطوله كتب على فلينته لا تنسوا سعد الدوسري

والله كل ما اشوف الشخص هذا يلعب اتذكر ايام الزمن الهلالي الجميل يوم كان اللاعبين يلعبون من اجل الشعار
آآآآآآآآه يا صالح وينك يا غشيان راحت ايامك يا ابو يعقوب ولا يهون خالد التيماوي والقائمه تطول

اما بالنسبه للعشا صرت معاد ابي تفاريس يجدد علشان الاسيويه
ابيه يجدد عشان العشا ;) وحلفت ما تردني

--------------------

وليد القحطاني نورت الموضوع وفعلاً الله يستر والله الدفاع من غيره بتفتح الانديه فيه مخططات وليس شوارع

-------------------

هلال برشلونه والله نتمنى الشي هذا يالغالي لان الوضع يخوف

الخبر اللي وصلني بيجلس ستة اشهر عشان الاسيوويه وبعدين بيمشي على حسب كلام المصدرر